Республикӹштӹшӹ изобразительный искусство музей
| Республикӹштӹшӹ изобразительный искусство музей | |
|---|---|
| Республикӹштӹшӹ изобразительный искусство музей | |
 | |
 | |
| Негӹцӹм пиштӹмӹ | 1981 и 17 август |
| Негӹцӹм пиштӹшӹ | Яков Александров[1] |
| Адрес |
 Россий: Йошкар-Ола, ул. Гоголь ӧлицӓ, 15 |
| Иштӹ анжаш толшывлӓ | 61,5 тӹж.[1] |
| Директор | Бурнашева, Елена Эдуардовна |
| Сайт | rmii.ru |
 |
|
Республикӹштӹшӹ изобразительный искусство музей (ГБУК РМЭ «РМИИ») — Мары Эл Республикӹн культурын кугижӓншӹ бюджетный учрежденижӹ, Йошкар-Ола халашты вӓрлӓнӹшӹ музей. 1981 ин 17 августын республикӹштӹшӹ выставка зал семӹнь пачмы.
Истори
1981 ин 17 августын Республикӹштӹшӹ выставка зал семӹнь пачылтын. Выставка пӓшӓ 1981 ин 13 ноябрьын «Театр дон кинон художниквлӓ» (Москва) выставка гӹц тӹнгӓлӹн. Тӹдӹ паштек шукы выставка проект эртӓрӓлтӹн. Нӹнӹ лошты — лӹмлӹ руш авторвлӓн персональный выставкывлӓштӹ: Иван Глазуновын, Николай Рерихӹн, Сергей Андриякан дӓ молывлӓнӓт. Российӹн кого музейвлӓжӹ доно кӹлӹм кычымы гишӓн «Эрмитажын пайдажы», «XVII-XVIII курымвлӓн Голландин дӓ Фландрин искусствышты», «XVII-XIX курымвлӓштӹшӹ руш художниквлӓн гравюрывлӓштӹшӹ Петербург», «XVIII-XX курымвлӓн руш живописьӹн произведенивлӓ», «XI-XX курымвлӓштӹшӹ вадывел-европыштышы прикладной искусство». Музей Эстони, Финлянди, Венгри гӹц финн-угр художниквлӓн творчествышты доно пӓлӹмӹм ӹштӓ, РСФСР-ыштышы пашкуды республикӹвлӓ доно кӹлӹм кыча. 1980-шы ивлӓ мычаш гӹц халыквлӓ лоштышы кӹлӹм цаткыдемдӹмӹ шотышты лӹмӹн выставка пӓшӓ виӓнгӹн, вес национальный республикӹвлӓ гӹц художниквлӓн пӓшӓвлӓштӹ анжыкталтыныт.
1990 ин 1 январьын Республикӹштӹ выставка зал Республикӹштӹшӹ изобразительный искусство музей лин.
2007 ин 4 ноябрьын халашты Халык художественный галерей пычылтын, тӹдӹ Республикӹштӹшӹ изобразительный искусство музейӹн структурный подразделенижӹ ылеш.
Кӹзӹт
Кӹзӹт музейӹн выставка шотышты пӓшӓжӹ «Мары сӹн» («Марийский колорит») со пӓшӓм ӹштӹшӹ экспозици дӓ икманяр веремӓэш ӹштӹмӹ выставкывлӓ негӹцеш ӹштӓлтеш. Музейӹн выставка пӓшӓжӹн сек тӹнг направленижӹ — тидӹ мары художниквлӓн творчествыштым пропагандируйымаш. Традици семӹнь музейӹн залвлӓжӹ Российӹштӹшӹ художниквлӓн Союзын Мары региональный отделенижӹн «Мары кымдем» отчётный выставкышты республикӹштӹшӹ художниквлӓм погат. «У лӹмвлӓ доно пӓлӹмӹ лимӓш» проектӹн рамкышты тӹнгӓлшӹ живописец, тетявлӓ дӓ ясы эдемвлӓлӓн залвлӓм пуат.
Здани
4 этажан зданим Йошкар-Ола халан ӹрдӹштӹ Гоголь ӧлицӓштӹ 1980 ин В. И. Бабенкон индивидуальный проектшӹ доно чангымы. Проект лӹмӹн музей пӓшӓлӓн ӹштӓлтӹн. Ӹшке статян тӹнг фасадым ӹштӹмӹ, тӹдӹм ӧлицӓлӓн 45 ᵒ лыкан кым вертикальный блокеш шелмӹ, тидӹжӹ сотын мадмым ӹштӓ. Экспозици-выставкын кымдыкшы — 1500 м2 утларак[1].
Фондвлӓ
Фондыш Константин Кузнецовын 1920-1930-шы ивлӓшӹ графика пӓшӓвлӓжӹм, Павел Кожинӹн, Софья Тугаринован 1930-1970-шы ивлӓшӹ фарфор пластикыштым, XIX курым гӹц тӹнгӓлӹн кӹзӹтшӹ кечӹвлӓ яктешӹ руш дӓ совет графика пӓшӓвлӓм погымы. Пасна лини семӹнь мары изобразительный искусствышты у направленим — художник-этнофутурист дӓ этносимволиствлӓн пӓшӓвлӓштӹм — анжыктымы.
Примечани
- ↑ 1 2 3 4 Музей изобразительных искусств Республики Марий Эл (руш.). Музеи России. Тергӹмӹ кечӹ: 21 июльын 2025. Архивируйымы 12 февральын 2022 года.
Литература
- Музей изобразительных искусств // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 557. — 872 с. — 3505 экз. — ISBN 978-5-94950-049-1.
Ссылкывлӓ
- Республиканский музей изобразительных искусств | (руш.). rmii.ru. Тергӹмӹ кечӹ: 1 августын 2025.
