Башня (культурный мероприятивлӓм дӓ выставкывлӓм эртӓрӹмӹ центр)
| «Башня» культурный мероприятивлӓм дӓ выставкывлӓм эртӓрӹмӹ центр (Йошкар-Ола) | |
|---|---|
.jpg) | |
| Негӹцӹм пиштӹмӹ | 2018 ин 12 июньын |
| Адрес |
 Россий: Йошкар-Ола, Республикӹн дӓ Пиш Святой Ӹдӹр Мария лӹмӓн площадь, 1 |
| Директор | Ирина Геннадьевна Якаева |
| Сайт | fumus.ru |
 |
|
 Медиафайлы на РУВИКИ.Медиа | |
«Башня» культурный мероприятивлӓм дӓ выставкывлӓм эртӓрӹмӹ центр (Йошкар-Ола) (руш. Культурно-выставочный центр «Башня» (Йошкар-Ола)) — тидӹ Мары Эл Республикӹн тӹнг халаштыжы, Йошка-Олашты, тагачшы жепӓш тӹвӹлӹн вӓрлӓнӹшӹ музейжӹ. Мары Эл Республикӹн Т. Евсеев лӹмӓн халык музейӹн ик лаштыкышы ылеш.
Истори
2018-шӹ ин 12 июньын Россий сӓндӓлӹкӹн айо кечӹн пачмы. Центр ӹшке пӓшӓжӹм «Мары Элӹштӹ ӹлӹшӹвлӓ» интерактив выставкым анжыктымы доно тӹнгӓлӹн. Проектӹм Мары Эл Республикӹн Т. Евсеев лӹмӓн халык музей йӓмдӹлен. Томан пӹтӓришӹ лӹмжӹ — «Благовещенский башня», тӹштӹ сакой овуца доно кӹлдӓлтшӹ выставкывлӓ вӓрлӓненӹт[1][2].
2021-шӹ ин 30 апрельӹн реэкспозици гӹц вара лӹмжӹм «Башня»-ш вашталтымы лин, овуца доно кӹлдӓлтшӹ выставкывлӓм анжыктымы вӓрлӓн шотлалташ тӹнгӓлӹн. Уэмдӹмӹ вӓрӹм пачмашты Мары Эл Республикӹн тӹвӹл овуца, печать дӓ халыквлӓ лоштышы кӹлвлӓ шотышты министр К. А. Иванов келесен:
«Тидӹ республикӹштӹшӹ тагачшы жепӓш дӓ халыквлӓ лоштышы ик ышын шанен да келшен ӹлӹмӹ вӓр, ӹшке семӹньжӹ вашталт толшы виӓнгшӹ кымдык»[3].
2023-шы ин ноябрь тӹлзӹн экспозицим уэмдӹмӹ, у кымдыкым чангымы дӓ «Яратымаш дӓ вашталтшы курымвлӓ» фотовыставкым пачмы[4][5].
Вӓрлӓнӹмӹ вӓржӹ
Республикӹн дӓ Пиш Святой Ӹдӹр Мария лӹмӓн площадьышты Благовещени башньын 3 этажышты вӓрлӓнен — Йошкар-Олан Какшан сирӹштӹшӹ комплексӹн тӹнг башньыжы, тӹдӹм 2007-шӹ ин чангымы, кукшӹцшӹ — 55 метр[6][7].
Центрӹштӹ кок выставкан зал улы, тӹштӹ овуца тӹвӹл дӓ сакой мастарлык доно кӹлдӓлтшӹ сӓмӹрӹквлӓн шукы йиш выставкышты да вӓшлимӓшвлӓ эртӓрӓлтӹт. Фотовыставкылан тенгеок ташкалтыш кымдыкым мыштен кычылтыт.
Пӓшӓ
Центрӹм Мары Эл Республикӹн шке шотан кымдыкшы манаш лиэш, тӹдӹ тагачшы сӓмӹрӹквлӓн овуца тӹвӹлӹштӹм (репрезентаци) анжыкта дӓ республикӹштӹ ӹлӹшӹ халыквлӓн овуцаштым да тӹвӹлӹштӹм у семӹнь, у анжалтышым кычылтын (креатив) пачын пуаш цаца[1][2].
Центрӹм ӹштӹмӓштӹ самӹрӹк фотографвлӓ, художниквлӓ, скулььпторвлӓ, музыкантвлӓ, режиссёрвлӓ, дизайнервлӓ шытырланенӹт, нӹнӹ ӹшке кердмӹштӹм, мыштымыштым Йошкар-Олаштышы халыквлӓлӓн, халан хынавлӓлӓн анжыкташ шаненӹт. Центрӹн пӓшӓжӹ овуцашкы пырышы кымдык, стандарт, эчежӹ чек гӹц лӓктӹн: «Башня»-шты СНГ сӓндӓлӹквлӓ гӹцӓт художниквлӓн пӓшӓвлӓштӹ улы![1][2]
2020–2021-шӹ ивлӓн ӓштӓш кодшы проектлӓн «Шукы овуцаан Мары Эл» проектӹм шотлыман, тӹдӹ республикӹштӹшӹ цилӓ монгырыштышы (район) музейвлӓн ӹшке эртӹмӹ жепӹштӹм дӓ овуцаштым анжыкташ манын шанен ӹштӹмӹ. 2021-шӹ ин апрель тӹлзӹн уэмдӹмӹ выставкым пачмашты хынавлӓлӓн картинвлӓн, фотографивлӓн, халык выргемвлӓн сакой выставкывлӓм йӓмдӹлӹмӹ лин, тенгеок «Халан цӹрежӹ» ӧлицӓштӹшӹ проект анжактылтын[3].
2023-шы ин 2 майын тӹвӹл овуца центрӹштӹ «Жеп уке» выставка пачылтын. Ӹшке шачмы годшен вӹзӹмшӹ айоэшӹжӹ «Башня» цилӓм кымылан ылшым жепӹн философижӹ гишӓн хытырымашкы ушнаш ӱжӹн. Тӹштӹ пӹтӓртӹш ивлӓштӹшӹ пӓлӹмӹ авторвлӓн пӓшӓвлӓштӹ, тенгеок проектлӓн лӹмӹн йӓмдӹлӹмӹ пӓшӓвлӓ анжыкталтыныт: фотографивлӓ, живопись, графика дизайн дон инсталляцивлӓ, нӹнӹ жеп ядмашым экзистенциализм йогышты пачын анжыктенӹт[2][8].
Центрӹштӹ и пачелӓ картинвлӓм сирӹмӹ мастарлык гӹц тӹнгӓлӹн фотовлӓм ӹштӹмӹ мастарлык якте шукы йиш сакой выставка пӓшӓм ӹштӓ[9]. Тенгеок тӹштӹ мастар шӱлӹшӓн цолга ӹдӹр-ӹрвезӹвлӓн шукы йиш погынымашышты эртӓ: концерт, сӹлнӹ шая вады, мастарлыкан ушемвлӓн вӓшлимӓшвлӓштӹ, слётвлӓ, кушшы тетявлӓлӓн экскурсивлӓ дон квествлӓ, семинарвлӓ дӓ тренингвлӓ дӓ молат[1].
Примечани
- ↑ 1 2 3 4 Культурно-выставочный центр «Башня» — Йошкар-Ола, пл. Республики Пресвятой Девы Марии, д 1. Подробная информация о музее: расписание, фото, адрес и т. д. на официальном сайте Культура.РФ (руш.). Культура.РФ. Тергӹмӹ кечӹ: 7 сентябрьын 2025.
- ↑ 1 2 3 4 Национальный музей Республики Марий Эл имени Тимофея Евсеева. fumus.ru. Тергӹмӹ кечӹ: 7 сентябрьын 2025.
- ↑ 1 2 В Йошкар-Оле открылся обновлённый культурно-выставочный центр — Министерство культуры, печати и по делам национальностей Республики Марий Эл(неопр.). web.archive.org (30 апрельӹн 2021). Тергӹмӹ кечӹ: 17 сентябрьын 2025.
- ↑ Культурно-выставочный центр «Башня» в Йошкар-Оле закроется на пять дней. www.marpravda.ru. Тергӹмӹ кечӹ: 7 сентябрьын 2025.
- ↑ В «Башне» Йошкар-Олы откроется фотовыставка «Любовь и эпохи перемен» - Лента новостей Марий Эл (руш.). mariel-news.net (13 ноябрьын 2023). Тергӹмӹ кечӹ: 7 сентябрьын 2025.
- ↑ Башня - Марий Эл(неопр.). Тергӹмӹ кечӹ: 7 сентябрьын 2025.
- ↑ Благовещенская башня, культурно-выставочный центр, площадь Республики и Пресвятой Девы Марии, 1, Йошкар-Ола — 2ГИС (руш.). 2gis.ru. Тергӹмӹ кечӹ: 7 сентябрьын 2025.
- ↑ Культурно-выставочный центр “Башня” приглашает поучаствовать в выставке “Времени нет” | ГАЗЕТА НАШЕГО ГОРОДА(неопр.) (24 февральын 2023). Тергӹмӹ кечӹ: 7 сентябрьын 2025.
- ↑ КВЦ «Башня» в Йошкар-Оле закрылся до 14 ноября (руш.). www.mk-mari.ru (9 ноябрьын 2023). Тергӹмӹ кечӹ: 7 сентябрьын 2025.
Литература
- Музейный мир Республики Марий Эл: иллюстрированное научно-популярное издание / ГБУК «Национальный музей Республики Марий Эл им. Т. Евсеева». — Йошкар-Ола: [Б; и], 2019. — 220 с.
- Марийская земля — очарование России. Презентационный альбом с интерактивным приложением / ГБУК «Национальный музей Республики Марий Эл им. Т. Евсеева». — Йошкар-Ола: [Б; и], 2019. — 124 с.: ил.
