Цикмӓ

Цикмӓ
	Хала
Цикмӓ
	а. м. Чыкма
Флаг	Герб
	56°20′ с. ш. 46°34′ в. д.GЯO
Мӱлӓндӹ	Россий
Регион	Мары Эл
Хала округ	Цикмӓ хала
Мэр	Михаил Сергеевич Козлов
Истори дӓ географи
Тӹнгӓлтӹшӹм пиштӹмӹ	1583
Хала	1708 и гӹц
Площадь	13,41 км²;
Ӹрдӹн кӱкшӹцшӹ	110 м
Цӓшӹн ӹштӹжӹ	UTC+3:00[d]
Халыкын чотшы
Халык	▼19 731 эдем (2021);
Шот	1471,36 эдем/км²
Халыкын составшы	рушвлӓ, кырык марынвлӓ, алык марынвлӓ
Официальный йӹлмӹ	Мары йӹлмӹ дӓ Руш йӹлмӹ
Цифровой идентификаторвлӓ
Телефонын кодшы	83632
Почтын индексшӹ	425350
ОКТМО код	88715000001
ОКАТО код ( 2014 и якте)	88415
	mari-el.gov.ru/go…(руш)
	Цикмӓ Цикмӓ
	Медиафайлы на РУВИКИ.Медиа

Кырык мары этнографи музейӹштӹ мардеж вӓкш

Цикмӓ^[4]^[5] (а. м. Чыкма, руш. Козьмодемьянск) — Мары Эл Республикӹн хала (1708 и гӹц^[6]). Цикмӓ Кырык мары районын составышкыжы ак пыры гӹнят, центржӹ ылеш. «Козьмодемьянск хала» хала округым образуя.

Этимологи

1583 ин Козьмодемьянский острог семӹнь ӹштӹмӹ ылын. Кынам укрепленим ӹштӓш вӓрӹм айыренӹт, православный церкӹштӹ Косма дӓ Дамиан (проста шая дон Кузьма дӓ Демьян) мучениквлӓн кечӹм аенӹт, седӹндон техень лӹмӹм пумы. 1781 и гӹц Цикмӓ уездный хала лин. Острогым ӹштӹмӹ якте Чикмехола — «границӓ сагашы хала» (суасламарыла чике — «границӓ», хола, хула — «хола»)^[7]. Кырык мары районын халык Цикмӓм кӹзӹтӓт шке лошты «хала»^[8], а Цикмӓштӹ ӹлӹшӹвлӓ «Кузьма» маныт.

Хала — Йылын вургымла покаштышы кӱкшӹ сирӹштӹжӹ (Чебоксарский водохранилище), Йошкар-Ола гӹц кечӹвӓл-вадывелӹн 104-шӹ киллометрӹштӹ вӓрлӓнен. Паромный переправа халам Республикӹн шалахай сиржӹ доно уша. Кырык мары халыкын сек кого культура центржӹ ылеш.

Истори

Острогым стройымы якте, кыды вӓрӹштӹ кӹзӹт Цикмӓ, пӹтӓриш ылшы поселенин датыжы пӓлӹ агыл.

1583 ин Цикмӓ крепость статян стройымы ылын. 1552 ин октябрьын Иван Грозныйын Казанский ханствым сӹнгӹмӹ дӓ Покшал Поволжьем Россий кугижӓншӹш ушымы гишӓн крепостьым ӹштӹмӹ. Тенгеок марынвлӓн мулӓндӹштӹм Россий кугижӓншӹш пыртымы. Халан лӹмжӹ шачмы гишӓн первишӹ шая: 1552 ин 1 ноябрьын Казаньым сӹнгӹмӹ паштек Иван Грозный Йыл мычкы кӱшкӹлӓ кузымыжы годым кӹзӹтшӹ Цикмӓн вӓреш амалаш шагалын. Тӹ кечӹн святой Кузьма дӓ Демьянын кечӹштӹ эртӓрӓлтӹн дӓ вӓржӓт Грозныйлан пиш келшен, седӹндон крепостьым нӹнӹн лӹмеш лӹмден. Пӹтӓри стрелец дон однодворецвлӓ, а вара у крестьӹмӹ эдемвлӓ ӹлӓш тӹнгӓлӹнӹт. Варарак Свияжск дӓ Нижегородский губерня гӹц халык ӹлӓш ванжаш тӹнгӓлӹн.

Острог вургымла пока неркӓэш вӓрлӓнен. Кечӹвӓл вел пока гӹц келгӹ карем, а йыдпелвел-ирвел покашты кырык тӹр мычкы рок гӹц ӹштӹмӹ вал шыпшылтын. Пазар площадь дон Йыл покаш казначейство гӹц ров кеен, кышты 1698 ин часовньым строенӹт. Ров сага пун стенӓ лин кердӹн. Острогын вӓрӹштӹжӹ кӹзӹт Троицкий церкӹ шалга. Хала гӹц кым уштышышты рок дон ӹштӹмӹ кого насыпь шалга. Стрелецвлӓн оролымы вӓрӹштӹ ылмы гишӓн предани попа.

1609-шӹ ишӹ актвлӓштӹ Цикмӓ пӹтӓриш гӓнӓ хала семӹнь сирӹмӹ.

1648 ин Козьмодемьянск гӹц Симбирский черташ ялын каштшы стрелецвлӓ ваштымы ылыныт. Тӹштӹ нӹнӹ Стрелецкий слободам (кӹзӹт Базарный Урень) ӹштенӹт^[9].

18 декабрьын 1708 ин Российӹм кӓндӓкш губернеш пайылымы годым, Цикмӓм Казанский губерньӹш пыртымы, а 1718 ин Казанский наместничествӹн уездный халажы лин. 18 октябрьын 1781 ин Цикмӓ халалан гербӹм ӹштӹмӹ. Якшаргышкы шӧртньӹ кым пикшӓн янгыж вазын.

Пӹтӓриш томавлӓ острогышты вӓрлӓненӹт. Тишецӹн ирвел покашкыла Йыл ӓнгӹрӹн ӱл сир тӹр мычкы хала кушкаш тӹнгӓлӹн. Хала кок лаштыкеш пайылалтын. Изирӓкшӹ кӱкшӹ сиреш, а когоракшы Йыл сагашы лапатеш вӓрлӓненӹт. 1775 ин шотлымы дон Цикмӓштӹ 464 кудывичӹ лин. Хала ханга дон леведмӹ пун томавлӓ гӹц ылын. Олицӓвлӓ кыцешон ӹштӹмӹ ылыныт. 26 майын 1833 ин тылеш 418 тома ямын. 1 мартын 1835 ин кӱшнӹ утверждӓйӹмӹ план дон хала строялташ тӹнгӓлӹн.

XIX курымышты халашты вӹц тыменьмӹ вӓр шотлалтын: кым классан хала училищӹ (1792), ӹдӹрӓмӓшвлӓн училищӹ (1862), монастирӹштӹшӹ св. Гурий лӹмеш братствын черемис ӹдӹрӓмӓш школы (1885 дӓ 1888). Халан кым классан училищӹштӹ 1июльын 1886 ин метереологический станци пачмы ылын.

Тенгеок халашты общественный банк (1875) дӓ библиотека (1882) пӓшӓм ӹштенӹт.

1861 ин мары мӱлӓндӹштӹ пӹтӓришӹ стационарный ясым тӧрлӹмӹ вӓр пачмы.

1886 ин кок этажан 1867—1868 ивлӓн кӹрпӹц дон тӧрлӹмӹ вӓрлӓн стройымы томам земствы нӓлӹн. Тӹшток бактериологический лаборатори вӓрлӓнен.

XIX курымын кокшы пелӹштӹжӹ, кого шӹргӹвлӓ дӓ яжо вӹд корны гишӓн лесной промышленность пӓшӓм ӹштӓш тӹнгӓлӹн. Российӹштӹ Архангельск паштек кокшы вӓрӹштӹ ылшы шӹргӹм, лесной ярмаркышты выжаленӹт. Лесопромышлениквлӓн дӓ купецвлӓн томавлӓм олмыктарышы резьба ти жепӹн халан визитный карточкыжы лин.

1889 ин Цикмӓштӹ 5167 ӹлӹшӹ эдем шотлалтын. Ӹлӹшӹ халык выжалымы, кидмастарлык, промысловый, колым кычымы пӓшӓвлӓм ӹштенӹт. Кустарный промышленностьын пӓшӓ развиваялтде. Хала лишнӹ ик сыра дон мӱм шолтымы дӓ кок пум пилӹмӹ завод пӓшӓм ӹштенӹт.

19-шӹ курымышты халашты шӹм православный церкӹ нӹнӹ лошты Богоявленский (1734), Троицкий (1733), Тихвинский (1827), Смоленский собор (1872) ылыныт. Тенгеок старообрядецвлӓн ыдылмы вӓр ылын.

1917 ин халашты советвлӓн власть лин.

1918 ин халык тома, 1919 — художественный школ, а 1923 — «Синяя блуза» театр пачмы. Тенгеок педучилищӹ дӓ сельхозтехникум пӓшӓм ӹштенӹт. 1919 ин А. В. Григорьев лӹмеш музейӹм Смоленский собореш пачмы. Тӹштӹ Волжско-Камский передвижной художниквлӓн картинывлӓ гӹц галерейӹ вӓрлӓнен.

1936 ин ремонтно-строительный группа пӓшӓм ӹштӹш тӹнгӓлӹн. 1965 ин РСУ-ш, варарак СМУ-15-ш сӓртӹмӹ ылын. Кӹзӹт ОАО «Производственники» маналтеш.

Кого Отечественный вырсы 1942—1945 ивлӓн ылшы паштек халан кӱшӹл вӓрӹштӹжӹ вӹц этажан томавлӓ, заводвлӓ, Я. Эшпай лӹмеш культура дворец дӓ кинотеатр «Акпарс» стройымы линӹт. Халан ӱл вӓрӹштӹжӹ пун томавлӓ кодыныт.

1953 ин автотранспортный предприяти пачмы.

1983 ин халан кӱшӹл сирӹштӹжӹ Пӹлгом лӹвӓлнӹш кырык мары этнографи музей пачмы. Тагачы кечеш тӹштӹ 70 нӓрӹ строени дӓ 7,5 тӹжем кырык марынвлӓн ӹлӹмӓшӹштӹм анжыктышы хӓдӹр улы.

1991 ин пӹтӓришӹвлӓ логӹц Мары Эл респуликышты ик гимнази халашты пачылтын. ДОУ «Сказка» пӓшӓм видӓ. Школа искусствын сӓмӹрӹк тыменьшӹвлӓ республикын конкурсвлӓштӹ дипломантвлӓ лин шалгат.

2001 ин Цикмӓ «Малые города России» программышты участвуен, кышты Соросын грантшым сӹнген нӓлӹн.

19 августын 2019 ин Цикмӓм монопрофильный муниципальный образований спискӹш пыртымы. Цикмӓ «Моногород» лин^[10].

Ӹлӹзӹ шот

2020-шы ин Всероссийский халыкшотым эртӓрӹмӹ паштек, 2021-шӹ ин 1 октябреш 1118 Россий Федерацин халавлӓ лошты Цикмӓ ӹлӹшӹ шот дон 676-шы вӓрӹштӹ лин.

2010-шы ишӹ Всероссийский халыкшот семӹнь Цикмӓ халашты 27 халык ӹлӓ. Статистика семӹнь халашты 21 257 эдем ӹлӓ: 13 065 — руш, 6 561 — марын, 2103 — кырык марын.

Инфраструктура

Район лоштышы больница
Н. Игнатьев лӹмеш район центральный (межпоселенческий) библиотека
Хала библиотека
Кырык мары драма театр
Культурно-исторический музейӹн комплекс
В. И. Романов лӹмеш Пӹлгом лӹвӓлнӹш кырык мары этнографи музей. 26 июньын 1983 ин пачмы^[11].
Физкультура дон спортым развивайышы центӹр.

Тыменьмӓш

1 №-ӓн Тетя сад «Росинка»
2 №-ӓн Тетя сад «Золотая рыбка»
3 №-ӓн Тетя сад «Радуга»
4 №-ӓн Тетя сад «Теремока»
5 №-ӓн Тетя сад «Сказка»
6 №-ӓн Тетя сад «Светлячок»
10 №-ӓнТетя сад «Капелька»
Лицей
1 №-ӓн кӹдӓлӓш школ
Станислав Николаевич Сивков лӹмеш 3 №-ӓн кӹдӓлӓш школ
Школ-интернат
Школ-интернат «Дарование»
Тетявлӓн художественный школ
А. Я. Эшпай лӹмеш тетявлӓн искусствы школ. 1953 ин пачмы^[11].
Тетявлӓн творчествын тома
Самӹрӹк техниквлӓн станци
Индустри дӓ предпринимательство колледж

Экономика

Цикмӓштӹ радиоэлементвлӓм лыкшы «Потенциал» дон электрон товарвлӓм лыкшы «Копир» заводвлӓ пӓшӓлӓт. Ыргымы фабрика «Мария» улы.

Цикмӓштӹ киндӹ завод, «Кырык мары пай комбинат», «Кырык мары кӹрпӹц завод» улы. Цикмӓ порт Мары Элӹн «йогы капкаэшӹжӹ» шотлалтеш, кыдын тылвышвлӓжӹ, лӹмӹнок паромвлӓжӹ, Йыл дон Вӹтлӓ мыч пассажирвлӓм дӓ грузвлӓм шыпштат.

Транспорт

Хала гӹц районын шукы солашкыжок автобус линивлӓ улы. Цикмӓ гӹц виӓш автобус линивлӓ Шывашарыш, Йошкар-Олаш (Шывашар гач), Канашыш, Угарман|ыш дӓ Москваш каштыт. Цикмӓ, тенгеок Йыл кемӹкӹ, йогы портыш сӓрнӓлтеш, кышец Коротнякыш паром каштеш. Тенгеок кого тылвышвлӓ Цикмӓ пристинеш шагалыт. Молнам Цикмӓштӹ аэропорт ылын.

Климат

Идӓлыкыштышы кӹдӓлӓш южын температурыжы — 4,8 °C
Южын лывыргы ылмыжы — 74,0 %
Мардежӹн пуалмы пӹсӹлыкшы— 3,2 м/с

Культура

Халашты Цикмӓн музей комплексшӹ пӓшӓм видӓ. Тӹшкӹ пырат:

А. В. Григорьев лӹмеш художественно-исторический музей^[12] (Айвазовскийӹн, Кандинскийӹн, Коровинӹн, Машковын, Малявинӹн картинывлӓштӹ кечӓт)
В. И. Романов лӹмеш Пӹлгом лӹвӓлнӹш кырык мары этнографи музей^[13], тӹдӹ кырык мары халыкын культурым дӓ ӹлӹмӓшӹм анжыкта.
Остап Бендерӹн музейжӹ^[14], кышты Ильф дӓ Петровын «12 стульев» дӓ «Золотой теленок» романвлӓштӹ ылшы хӓдӹрвлӓм анжыктымы.
Купецвлӓн ӹлӹмӓшӹм анжыктымы музей^[15] (мебель, ӹлӹмӹ хӓдӹрвлӓ), купецвлӓн томавлӓ гӹц анжыкташ погымы.

Халашты Тумым морымы пӧрт улы. Цилӓ Российӹ кымдыкеш иктӹ лач тӹштӹ веле морымы тумлан экспозици пачмы^[16].

Цикмӓштӹ Кырык мары драма театр улы.

Халашты 1995 и гӹц тӹнгӓлӹн кӓнгӹж йӹде, Ильф дӓ Петровын романвлӓ гӹц Остап Бендер герой лӹмеш шутя фестиваль Бендериада эртӓрӓлтеш.

Халашты 1697 ин стройымы Стрелецкий часовньы улы.

Цикмӓштӹ 150 памятник, нӹнӹ логӹц 12 — федеральный дӓ 40 — республиканский значениян ылыт. Остатка ивлӓн Цикмӓн кӱшӹл сирӹштӹжӹ пиш шукы стройымы пӓшӓ эртӓрӓлтӹн, седӹндоно хала кок лаштыкан лин. Кӱшӹл современный, а ӱл первишӹ линӹт.

29 июльын 2010 ин Цикмӓм исторический халавлӓн список гӹц карангдымы^[17].

Социал сфера

Медецины шотышты ӹлӹшӹ халыкым ЦРБ обслуживая. Стационар 11 отделеним иквӓреш поген. Медецинский палшык 18 профиль дон эртӓрӓлтеш. 33 специальность дон амбудаторно-поликлинический прием видӓлтеш.

Цикмӓштӹ Культура дворец, спортын комплекс дӓ молы социально-культурный учрежденивлӓ пӓшӓм видӓт. Тенгеок кок бокс школ, кок ДЮСШ, бассейн «Волга», rикбоксинг клуб «kmtk12» дӓ тренажерный клуб «Атлант» пӓшӓм ӹштӓт.

Пӓлӹмӹ эдемвлӓ шачыныт

Криворотов Владимир Фёдорович (1923—1945) — Советвлӓн Союзын Герой.
Забурдаев Николай Алексеевич (1909—1999) — советвлӓн дӓ российӹн музеевед, краевед, писатель, РСФСР заслуженный культура пӓшӓзӹжӹ.
Мальгина Наталья Ивановна (1887—1974) — руш дӓ советский тымдышы, РСФСР заслуженный школышты тымдышы.
Николаев Леонид Владимирович (1894—1974) — руш дӓ советский военный деятель, государственной безопасностьын офицержӹ.
Шабарин Евлампий Алексеевич (1904—1989) — советский партийный дӓ административный деятель, Мары АССР-ын труйышы депутатвлӓн советӹн Йошкар-Ола хала исполкомын председательжӹ.

Пӓлӹмӹ ӹлӹшӹ эдемвлӓ

Быстров Александр Васильевич (1924—1993) — советский промышленностьын организаторжы. «Потенциал» заводын пӹтӓриш вуйлатышыжы — икӹмшӹ градообразующи предприятин, Цикмӓ халан Мары АССР-ын (1966—1979) ылын. Кого Отечественной вырсын участникшӹ. КПСС-ын членжӹ.
Гоффе Владимир Иванович (1907—1961) — советский военачальник. Испаништӹшӹ Гражданский вырсын (1937―1938), советско-японский вырсын (1945) дӓ Венгриштӹ востаним подавляйӹшӹ участник (1956). Прикарпатского военный округын артилерин командыйышыжы (1958―1960), артилерин генерал-лейтенант (1958). 1939 и гӹц ВКП(б)-ын членжӹ.
Смирнов Георгий Николаевич (1901—1962) — советский врач-фтизиатр. Цикмӓ хала больницӹн (1934―1952) дӓ противотуберкулёзный диспансерӹн Марийской АССР главный врачшы. (1934―1960). РСФСР-ын заслуженный врач. (1959).

Примечани

↑ Горсобрание депутатов Козьмодемьянска выбрало мэра города (неопр.)(недоступная ссылка — история). Новости регионов России (21 июньын 2017). Дата обращения: 22 июньын 2017.
↑ https://web.archive.org/web/20141208051312/http://maristat.gks.ru/wps/wcm/connect/rosstat_ts/maristat/resources/6c4399804bb63a8fb954ff0201bee476/territoria+MO_2013.htm
↑ https://rosstat.gov.ru/storage/mediabank/tab-5_VPN-2020.xlsx
↑ Перечень наименований населенных пунктов Республики Марий Эл на государственных языках Республики Марий Эл Архивный копи от 17 ноябрьын 2015 на Wayback Machine. Министерство культуры, печати и по делам национальностей Республики Марий Эл, комиссия по государственным языкам Республики Марий Эл, Марийский научно-исследовательский институт языка, литературы и истории им. В. М. Васильева.
↑ Воронцова О. П., Галкин И. С. Цикмӓ (оф. Козьмодемьянск) // Топонимика Республики Марий Эл : Историко-этимологический анализ. — Йошкар-Ола: Издательство Марийского полиграфкомбината, 2002. — С. 348. — 1000 экз. — ISBN 5-87898-208-0.
↑ 1708 г., декабря 18 Указ об учреждении губерний и о росписании к ним городов (неопр.). Дата обращения: 3 сентябрьын 2022. Архивировано 2 сентябрьын 2022 года.
↑ Поспелов, 2008, с. 235.
↑ Об утверждении Структуры администрации городского округа «Город Козьмодемьянск» (неопр.). Дата обращения: 23 январьын 2021. Архивировано 29 январьын 2021 года.
↑ / с. Базарный Урень - № 37 /. Селения Симбирского уезда. IV. Языковская волость (неопр.). archeo73.ru. Дата обращения: 24 январьын 2020. Архивировано 24 январьын 2020 года.
↑ В перечень моногородов добавлены 7 новых территорий (руш.). xn--80afd4affbbat.xn--p1ai. Дата обращения: 28 октябрьын 2019. Архивировано 22 октябрьын 2019 года.
↑ ¹ ² Юбилейные и праздничные даты 2023 года
↑ Художественно-исторический музей им. А. В. Григорьева. (неопр.) Дата обращения: 13 августын 2012. Архивировано 17 февральын 2013 года.
↑ Этнографический музей под открытым небом. (неопр.) Дата обращения: 13 августын 2012. Архивировано из оригинала 17 февральын 2013 года.
↑ Музей сатиры и юмора им. Остапа Бендера. (неопр.) Дата обращения: 13 августын 2012. Архивировано 17 февральын 2013 года.
↑ Музей купеческого быта. (неопр.) Дата обращения: 13 августын 2012. Архивировано 17 февральын 2013 года.
↑ Выставка "Сокровище реки" в Доме мореного дуба (неопр.). Архивировано 13 июньын 2017 года.
↑ Приказ Министерства культуры Российской Федерации, Министерства регионального развития Российской Федерации от 29 июля 2010 г. № 418/339 г. Москва «Об утверждении перечня исторических поселений». (неопр.) Дата обращения: 9 декабрьын 2011. Архивировано 11 октябрьын 2018 года.

Литература

Козьмодемьянск // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
Козьмодемьянск. 1583—2008 гг.. — Йошкар-Ола, 2008. — 208 с. — 2000 экз. — ISBN 978-5-94950-042-2.
Козьмодемьянск // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 433—434. — 872 с. — 3505 экз. — ISBN 978-5-94950-049-1.
Поспелов Е. М. Географические названия России. Топонимический словарь. — М.: Астрель, АСТ, 2008. — 523 с. — 1500 экз. — ISBN 978-5-17-054966-5.

Ссылкывлӓ

Козьмодемьянск (неопр.). Архивировано из оригинала 7 апрельӹн 2005 года.(Дата обращения: 17 июльын 2010)
Козьмодемьянск в энциклопедии «Мой город»(Дата обращения: 17 июльын 2010)
Храмы города (неопр.). Архивировано из оригинала 25 мартын 2007 года.(Дата обращения: 17 июльын 2010)
Этнографический музей Козьмодемьянска(Дата обращения: 13 декабрьын 2012)
Сайт козьмодемьянского культурно-исторического музейного комплекса(Дата обращения: 13 августын 2012)
Неизвестная Россия: Козьмодемьянск. Видеофильм о Козьмодемьянске.(Дата обращения: 9 январьын 2021)

Культурный наследин объект:
Марий Эл/Козьмодемьянск

[1] Горсобрание депутатов Козьмодемьянска выбрало мэра города (неопр.)(недоступная ссылка — история). Новости регионов России (21 июньын 2017). Дата обращения: 22 июньын 2017.

[_9efae305dce81307-2] ttps://web.archive.org/web/20141208051312/http://maristat.gks.ru/wps/wcm/connect/rosstat_ts/maristat/resources/6c4399804bb63a8fb954ff0201bee476/territoria+MO_2013.htm

[_15bd2465f028e4c3-3] ttps://rosstat.gov.ru/storage/mediabank/tab-5_VPN-2020.xlsx

[4] Перечень наименований населенных пунктов Республики Марий Эл на государственных языках Республики Марий Эл Архивный копи от 17 ноябрьын 2015 на Wayback Machine. Министерство культуры, печати и по делам национальностей Республики Марий Эл, комиссия по государственным языкам Республики Марий Эл, Марийский научно-исследовательский институт языка, литературы и истории им. В. М. Васильева.

[5] Воронцова О. П., Галкин И. С. Цикмӓ (оф. Козьмодемьянск) // Топонимика Республики Марий Эл : Историко-этимологический анализ. — Йошкар-Ола: Издательство Марийского полиграфкомбината, 2002. — С. 348. — 1000 экз. — ISBN 5-87898-208-0.

[6] 1708 г., декабря 18 Указ об учреждении губерний и о росписании к ним городов (неопр.). Дата обращения: 3 сентябрьын 2022. Архивировано 2 сентябрьын 2022 года.

[_7fb6de3afb77f8c9-7] Поспелов, 2008, с. 235.

[8] Об утверждении Структуры администрации городского округа «Город Козьмодемьянск» (неопр.). Дата обращения: 23 январьын 2021. Архивировано 29 январьын 2021 года.

[9] / с. Базарный Урень - № 37 /. Селения Симбирского уезда. IV. Языковская волость (неопр.). archeo73.ru. Дата обращения: 24 январьын 2020. Архивировано 24 январьын 2020 года.

[10] В перечень моногородов добавлены 7 новых территорий (руш.). xn--80afd4affbbat.xn--p1ai. Дата обращения: 28 октябрьын 2019. Архивировано 22 октябрьын 2019 года.

[МарийЭл2023-11] ¹ ² Юбилейные и праздничные даты 2023 года

[12] Художественно-исторический музей им. А. В. Григорьева. (неопр.) Дата обращения: 13 августын 2012. Архивировано 17 февральын 2013 года.

[13] Этнографический музей под открытым небом. (неопр.) Дата обращения: 13 августын 2012. Архивировано из оригинала 17 февральын 2013 года.

[14] Музей сатиры и юмора им. Остапа Бендера. (неопр.) Дата обращения: 13 августын 2012. Архивировано 17 февральын 2013 года.

[15] Музей купеческого быта. (неопр.) Дата обращения: 13 августын 2012. Архивировано 17 февральын 2013 года.

[16] Выставка "Сокровище реки" в Доме мореного дуба (неопр.). Архивировано 13 июньын 2017 года.

[17] Приказ Министерства культуры Российской Федерации, Министерства регионального развития Российской Федерации от 29 июля 2010 г. № 418/339 г. Москва «Об утверждении перечня исторических поселений». (неопр.) Дата обращения: 9 декабрьын 2011. Архивировано 11 октябрьын 2018 года.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]