Якаева, Ирина Геннадьевна
| Ирина Геннадьевна Якаева | |
|---|---|
| Ирина Якаева, Ирсан | |
 | |
| Шачмы кечӹ | 1983 и 1 февраль (43 и) |
| Шачмы вӓр | РСФСР, Мары АССР, Сернур район, Сернур хала сӹнӓн посёлкы |
| Гражданство |
 СССР Россий |
| Пӓшӓн типшӹ | радиовидӹшӹ, мырызы |
| Супруг | Андрей |
| Тетявлӓ | Анна |
| Награда дӓ премивлӓ |
|
Ирина Геннадьевна Якаева (шач. 1 февраль 1983, Сернур[d], Мары АССР[d]) — российӹштӹшӹ мары мырызы, радиовидӹшӹ, культура пӓшӓзӹ. 2025 и апрель гӹц — Мары Эл Республикӹштӹшӹ Т. Евсеев лӹмӓн халык музейӹн директоржын пӓшӓжӹм жепеш ӹштӹшӹ.
Ӹлӹмӓш корныжы
1983 ин 1 февральын Мары АССР-ын Сернур районыштышы Сернур посёлкеш шачын[1].
2005 ин Мары кугижӓншӹ университетӹм «журналистика» специальность доно тымень пӹтӓрен, 2014 ин юриспруденци доно кокшы кӱшӹл образованим нӓлӹн.
Карьерӹм «Пульс-Радио» ЗАО-шты корреспондентӹн пӓшӓжӹм ӹштӹмӹ гӹц тӹнгӓлӹн (2005-2008).
2010 и гӹц 2017 и якте «Мары Эл Радио» автономный учреждеништӹ сакой йиш должностьышты цацен: реклама дӓ коммерческий проект шотышты менеджерӹн, эфирӹм видӹшӹн, директорын коммерческий ядмашвлӓ шотышты вашталтышыжын пӓшӓвлӓм ӹштен.
2018 и гӹц 2020 и якте Мары Эл Республикӹштӹшӹ Т. Евсеев лӹмӓн халык музейӹштӹ экскурсоводын, туризм отделӹм вуйлатышын пӓшӓвлӓм ӹштен.
2020 и гӹц 2022 и якте «РОСИЗО» кугижӓншӹ музейно-выставочный центрӹштӹ общество доно кӹл шотышты службын специалистшӹ ылын.
2022-2024 ивлӓн Мары Эл Республикӹштӹшӹ Т. Евсеев лӹмӓн халык музейӹштӹ редакционно-издательский дӓ маркетинг отделвлӓм вуйлатен.
2024-2025 ивлӓн Республикӹштӹшӹ мары культурын центрӹштӹ директорын пӓшӓм ӹштен.
2025 ин 1 апрельӹн Мары Эл Республикӹштӹшӹ Т. Евсеев лӹмӓн халык музейӹштӹ директорын пӓшӓжӹм жепеш ӹштӹшеш шагалтымы[1].
Мырымаш пӓшӓ
Эстрадный мыры дон частушкывлӓм марла мыра. Тенгеок Ирсан псевдоним доно пӓлӹмӹ ылеш.
Семня
- Марыжы — Якаев Андрей Петрович
- Ӹдӹржӹ — Якаева Анна Адреевна (2004).
Наградывлӓ
- Мары Эл Республикӹн Олык Ипай лӹмеш кугижӓншӹ моложёжный премин лауреатшы (2006)
- Мары Эл Республикӹн Культура, печать дӓ халыквлӓ лоштышы пӓшӓм ӹштӹшӹ министерствын Почётан грамотыжы (2010)
- Мары Эл Республикӹн Правительствыжын Почётан грамота (2015)
Примечани
- ↑ 1 2 Кидшер. Якаева Ирина Геннадьевна, Кидшер (25 сентябрьын 2025). Дата обращения: 16 сентябрьын 2025.