Криворотов, Владимир Фёдорович
| Владимир Фёдорович Криворотов | ||||||
|---|---|---|---|---|---|---|
 | ||||||
| Шачмы кечӹ | 1923 и 27 сентябрь | |||||
| Шачмы вӓр | Цикмӓ хала, Мары Эл | |||||
| Колымы кечӹ | 1945 и 22 май (21 и) | |||||
| Колымы вӓр | Польша | |||||
| Пырымаш |
 СССР |
|||||
| Войскан йиш | артиллери | |||||
| Служымы жеп | 1941—1945 | |||||
| Звани |
 |
|||||
| Кредӓлмӓш/вырсы | Кого Отечественный вырсы | |||||
| Награда дӓ преми |
|
|||||
Владимир Фёдорович Криворотов (1923 и 23 сентябрь, Цикмӓ, Мары АССР — 22 май 1945, Польша) — Пӓшӓзӹ-хресӓньӹк Якшар армин изирӓк лейтенант, Кого Отечественный вырсын участник, Совет Союзын Геройжы (1945).
Ӹлӹмӓш корныжы
Владимир Криворотов 1923 ин 27 сентябрьын Цикмӓштӹ шачын. Школышты ӹндекш классым тымень пӹтӓрен. 1941 ин сентябрьын Криворотовым Пӓшӓзӹ-хресӓньӹк Якшар армиш служаш нӓлӹнӹт. Воздушно-десантский школым дӓ Сызраньыштышы танковый училишӹм тымень пӹтӓрен. Бойвлӓштӹ шушырген. 1945 и январеш изирӓк лейтенант Владимир Криворотов 1-шӹ Украина фронтын 5-шӹ гварди армин 8-шӹ самоходный артиллери бригадын САУ «СУ-76» доно командуен. Польшым ытарымашты айыртемӓлтӹн[1].
1945 ин 25 январьын Криворотов ӹшке бригадыжы доно иквӓреш сек анзыц Эйзенау населённый пункт лишнӹ Одер гач, Ополе гӹц 8 уштыш йыдпелвел-вадывек ванжен дӓ вадывел сирӹштӹ плацдармым нӓлмӓштӹ дӓ перегӹмӓштӹ когон кредӓлӹн, тышманын шукы массированный атакыжым мӹнгеш цӓктӓрен. Варажы Баутцен хала лишнӹ кредӓлмӓштӹ Криворотов нелӹн шушырген, тенге 1945 ин 22 майын колен. Болеславце халан Кутузовский мемориал шӹгерлӓэш тайымы[1].
СССР Кӱшӹл Советӹн Президиумын 1945 и 27 июняш Указшы семӹнь «Одер ӓнгӹрӹм форсируйымы годым лӱддӹмӓшӹм дӓ патыр ылмыжым анжыктымыжы гишӓн» изирӓк лейтенант Владимир Криворотовлан колымыкыжы Советский Союз Герой кӱшӹл званим пуэнӹт. Тенгеок Ленин орден, 1-шӹ степенян Отечественный вырсы орден, Якшар Шӹдӹр орден дӓ медальвлӓ доно награждайымы[1].
Криворотов лӹмеш Цикмӓштӹ ӧлицӓм лӹмдӹмӹ[1], дӓ тӹдӹн лӹмжӹм Цикмӓштӹшӹ 2 №-ӓн пӓшӓлӓн тымдышы кӹдӓлӓш общеобразовательный политехнический школ намалеш[2].
2019 ин октябрьын Криворотовын родняжы тӹдӹн личный дневникшӹм пецӓтлен лыктын, тӹдӹм салтак апрель-майын (1941 ин, машанат) виден. Дневникӹштӹ анзыкылашы Советский Союзын Геройын 13 апрель гӹц 3 май якте ӹлӹмӓшӹжӹ гишӓн попалтеш[3].
Примечани
- ↑ 1 2 3 4 Владимир Фёдорович Криворотов (руш.). Сайт «Герои страны».
- ↑ Постановление Совмина РСФСР от 24.05.1965 № 662 «О присвоении имён Героев Советского Союза учреждениям народного образования» (руш.). Правовая Россия (24 майын 1967). Тергӹмӹ кечӹ: 18 апрельӹн 2019. Архивировано из оригинала 17 апрельӹн 2019 года.
- ↑ Личный дневник Героя Советского Союза Владимира Криворотова (руш.) (25 октябрьын 2019). Тергӹмӹ кечӹ: 12 декабрьын 2019.
Литература
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
- Криворотов Владимир Фёдорович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 458. — 872 с. — 3505 экз. — ISBN 978-5-94950-049-1.
- Криворотов Владимир Фёдорович // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 120—122. — 374 с. — 500 экз. — ISBN 978-5-94950-070-5.
- Мочаев В. А. Криворотов Владимир Фёдорович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 226. — 606 с. — 1500 экз. — ISBN 978-5-905314-35-3.