Почтенева, Марина Георгиевна

Ирӹкӓн энциклопеди Википеди гӹц материал
Марина Георгиевна Почтенева
Pochteneva-marina-georgievna.jpg
Шачмы кечӹ 19 июль 1978(1978-07-19) (47 и)
Шачмы вӓр
Сӓндӓлӹк
Пӓшӓн типшӹ театрын актриса, киноактёр, тымдышы, радиовидӹшӹ, мырызы
Награда дӓ премивлӓ

Марина Георгиевна Почтенева (шач. 19 июль 1978, Йӓндушсола, Виловат вел солавлӓ) — Российӹн театр дӓ кино актриса, радиом видӹшӹ, тымдышы дӓ мырызы. Мары Эл Республикӹн заслуженный артисткӹжӹ.

Ӹлӹмӓш корныжы

1978 ин 19 июльын Мары АССР Кырык мары районышты Йӓндушсолашты шачын[1]. Школышты тыменьмӹжӹ годым пионерский дружинӹн советшӹн председательжӹ ылын. Изижӹ годшен гитарым шактен. Иностранный йӹлмӹ факультетӹштӹ тыменяш шанен, лач ик балл пырашыжы ситӹде. Марина Почтенева тенге ӓштен:

Институтыш нӓлделытат, иктӓ-кышкы гӹнят тыменяш пыраш шаненӓм. Колледж культурын здаништӹ Василий Александрович Пектеевӹн кырык марынвлӓн курсым погымыжы гишӓн увертӓрӹмӓш кечен. Тишкӹжок пырен кердмем гишӓн тӧрӧк шанымаш пырыш. Йӓмдӹлӓлтӓш жеп ылде, седӹндон гитарым нӓлӹмӓт кешӹм. Лыдыш вӓреш мыры шамакым лыдын пушым, тамам шакталтышым, изиш кушталтышым, а вара этюдым анжыкташ ядевӹ. Мӹнь ынгылыделам, мам мӹнь гӹцӹнем ядыт. Вара Василий Александрович, мӹньӹн сумкаэмӹм вуйта шолыштыныт дӓ мӹнь токына кен ам керд, ситуацим шаналташ яды. Тидӹм колмыкем, лӱдӹнӓм дӓ мӓгӹрӓш тӹнгӓлӹнӓм[2].

Почтеневам Мары Элӹн республиканский колледж культурын театральный отделенишкӹ нӓлӹнӹт. Студент ылмыжы годым вокальный ансамбльышты выступаен. Тымень пӹтӓрӹмӹкӹ, Кырык мары драма театрыш направленим пуэнӹт. Тӹштӹ музыкальный группа гӹц карангмыжы шодеӓт, кӹтӹк жеп веле пӓшӓлен. Икманярышты М. Шкетан лӹмӓн мары халык драма театрыш ванжен[3][2].

У вӓрӹштӹ сӓмӹрӹк актрисӹлӓн кок тӹнг рольым мадаш пуэнӹт. Юлавим «Аксар дон Юлави» («Аксар и Юлави») дӓ Ольгам «Кӓнгӹж йыд» («Летняя ночь») спектакльвлӓштӹ мадын[2][3].

2001 ин Почтенева Санкт-Петербургыштышы театральный искусство кугижӓншӹ академиш тыменяш пырен. Тенгеок пакыла театрышты мадын[3][4].

Сек яжоэш Марина Почтенева «Вий-ар-ме» («Бармия») рок-оперӹштӹ Рагни рольым мадмыжым шотла[2]. «Кӓнгӹж йыд» спектакльышты Ольга рольжы доно халык премим нӓлӹн. «Пуйыр пазар» («Брага») спектакльышты Тайса рольжы доно театральный премим нӓлӹн[3].

2009 ин Андрей Эшпайын «Иван Грозный» лӹмӓн шукы сериӓн сериалышты Иван Грозныйын нянькыжын рольым мадын[3].

«Мары Эл Радиошты» кырык марынвлӓ гишӓн «Кырык мары цӓш» передачын автор дон видӹшӹжӹ ылеш[5]. Тенгеок Почтенева Мары гугижӓншӹ университетӹштӹ сценӹштӹшӹ шая доно занятивлӓм видӓ[6]. Концертвлӓштӹ сольный номервлӓ доно выступая[2][3].

2016 ин театральный искусствыш шукы вим пиштӹмӹжӹ гишӓн «Мары Эл Республикӹн заслуженный артистка» лӹмӹм пуэнӹт[3].

2025 ин 14 июньын М. Шкетан лӹмӓн мары халык драма театрын дӓ М. Гафури лӹмӓн башкир академический драма театрын артистшӹвлӓ доно иквӓреш ХІ Международный театральный Олимпиадышты А. Чеховын пьесӹжӹ семӹнь «Ваня Чӱчӱ» («Дядя Ваня») спектакль-коллаборациштӹ мадын. Спектакль Г. Камал лӹмӓн тадар академический театрын кого сценӹштӹжӹ анжыкталтын[7].

Семня

Марыжы Сергей Данилов — Мары Эл Республикӹн халык артистшӹ, тенгеок М. Шкетан лӹмӓн мары халык драма театрыышты мадеш. Нӹнӹн кок эргӹштӹ улы[2][8].

Марина Почтенева спортивный туризм доно шачмы Кырык мары районын куд гӓнӓ чемпионкыжы ылеш. Тенгеок кырыквлӓ лошты дӓ ечӹ доно кыргыжталеш, волейбол доно тӓнгӓшӹмӓштӹ участвуя[2].

Айырен нӓлмӹ роль дон спектакльвлӓ

  • Н. Арбан «Кеҥеж йӱд» (Летняя ночь) — Ольга (2001)
  • К. Коршунов (Аксар и Юлавий) — Юлавий (2001)
  • Ф. Буляков «Чеверласыме чевер пеледыш» (Герань – цветок разлуки) — Олю (2002)
  • З. Долгова «Полдыранат ош пеледышан» (Белый цвет борщевика) — Ошӱдыр (2002)
  • А. Попов «Пӱрӧ пазар» (Брага) — Тайса (Майра) (2004)
  • С. Николаев «Салика» — Марина (2004)
  • З. Долгова «Пысман корем» (Овраг) — Ӱдыр (2005)
  • А. Волков «Каче-влак» (Женихи) — Саван вате (2005)
  • В. Розов «Сÿан кечын» (В день свадьбы) — Нюра (2006)
  • Н. Дьяконов «Молан вашлийым тыйым?..» (Свадьба с приданым) — Любаша Бубенчикова (2006)
  • В. Абукаев-Эмгак «Серебряный колокольчик» — Белочка (2006)
  • В. Шекспир «Кожла кокласе омо» (Сон в летнюю ночь) — Онава (2006)
  • З. Долгова «Ӱдыр сий» — Эчыви (2007)
  • А. Слаповский «Блин-2» — Дося (2007)
  • М. Шкетан «Ачийжат-авийжат!..» (Эх, родители!..) — Ведеса (2008)
  • П. Захаров «Шешке — шемгишке» (Невестка) — Ониса (2008)
  • А. Володин «Улыжат вич кас» (Пять вечеров) — Зоя (2009)
  • Ю. Соловьев «Йыван Кырла» — Надя Ялкайн (2009)
  • В. Юксерн «Хитрая лиса» — Лиса (2009)
  • Н. Арбан «Кеҥеж йӱд» (Летняя ночь) — Ольга (2009)
  • В. Регеж-Горохов «Кугезе муро» (Песня предков) — Пикас (2011)
  • И. Зайниев «Поро пошкудо — пел кудо» (Люстра) — Венера (2011)
  • М. Рыбаков «Морко сем» (Моркинские напевы) — Верук (2012)
  • Н. Пушкина, С. Яндукова «Юмынӱдыр» (Дочь Бога) — Начий (2012)
  • А. Островский «Йӧным мушо йӧрым кочкеш» (На всякого мудреца довольно простоты) — Манефа (2013)
  • А. Волков «Оръеҥ мелна» (Свадебные блины) — Таиса (2013)
  • Г. Гордеев «Шкетан» — Тачана (2013)
  • Н. Коляда «Шанель Тарля» (Баба Шанель) — Роза Николаевна (2013)
  • Г. Гордеев «Сӧсна поминка» (Поминки по свинье) — Марпа (2014)
  • Д. Богословский «Айдеме йӧратымаш» (Любовь людей) — Настя (2015)
  • М. Рыбаков «Тӱрлемӱдыр» (Кружевница) — Лаика (2015)
  • В. Гуркин «Йӧратымаш да кӧгӧрчен-влак» (Любовь и голуби) — Шура (2016)
  • М. Рыбаков «Эргымлан кузык» (Приданое для сына) — Сурманаева Ониса (2016)
  • Н. Арбан «Тулар ден тулаче» — Алла (2017)
  • М. Шкетан «Эреҥер» — Клавий (2017)
  • А. Островский «Чын улат — сай, пиалан гын — сайрак» (Правда — хорошо, а счастье лучше) — Пелагея Зыкина (2018)
  • С. Кантерво, В. Овчинников «Вий-ар-ме» (Биармия) — Рагни (2018)
  • А. Островский «Кӧ кечым пӧртылта» (Снегурочка) — Купава (2018)
  • А. Спиридонов, А. Мокеев «Югорно» (Песнь о вещем пути) — Тулык вате (2018)
  • С. Николаев «Салика» — Эчан вате (2019)
  • Ю. Байгуза, В. Пектеев «Шӧртньӧ лудо» (Золотая утка) — Кува (2020)
  • С. Пектеев «Йыван Кырла. Путёвка в жизнь» — (2020)
  • Ю. Байгуза, В. Пектеев «Окса тул» (Блеск монет) — Елук, Вӱдава (2020)
  • З. Долгова «Ший Пампалче» (Серебряная Пампалче) — Вувер кува (2020)
  • В. Пектеев «Унчышко тулан йолгорно» (Огненная дорога в Шоруньжу) — Хозяйка дома, Роза (2020)
  • С. Пектеев «Фолкс» — Предки (2021)
  • С. Васин «Короткий день» — Подруга (2020)
  • А. Мокеев «Ой, Мичу!.. Ох, Зина!..» — Зина (2022)
  • У. Шекспир, Ф. Гладков «Гамлет. Машина. Цемент» — Житель деревни, Баба Авдотья (2022)
  • Н. Гор «Шӱдыран тат» (Звёздный час по местному времени) — Натален аваже
  • С. Чавайн «Мӱкш отар» (Пасека) — Онтон вате (2023)[9]
  • С. Пектеев «Ваня чӱчӱ» (Дядя Ваня) — Мария Васильевна, мать дяди Вани (2024)
  • А. Яковлев, С. Тимошенко, Р. Алексеев «Кавасе алаша» (Небесный тихоход) — Катя Кутузова (2025)
  • Санян Вачи, В. Пектеев «Колумб» — Мокрухина (2025)

Примечани

  1. ↑ Увлеченная жизнью / Актриса Марийского национального театра драмы им. Шкетана Марина Почтенева: «Я всегда в движении». Дата обращения: 27 ноябрьын 2025.
  2. ↑ 1 2 3 4 5 6 7 Марина Оленева. Заслуженная артистка Марий Эл, актриса Марийского национального театра драмы им. Шкетана Марина Почтенева: «Я всегда в движении», Марийская правда (3 сентябрьын 2024). Дата обращения: 27 ноябрьын 2025.
  3. ↑ 1 2 3 4 5 6 7 Почтенева Марина Георгиевна, Марийская история в лицах. Дата обращения: 27 ноябрьын 2025.
  4. ↑ Марина Почтенева приглашает друзей, Кидшер (26 январьын 2016). Дата обращения: 27 ноябрьын 2025.
  5. ↑ Горномарийское счастье. Форум народов Ленинградской области. Тергӹмӹ кечӹ: 27 ноябрьын 2025.
  6. ↑ Педагогический состав. Информация о персональном составе педагогических работников реализуемой образовательной программы "53.02.02 Музыкальное искусство эстрады (по видам). Артист, преподаватель, руководитель эстрадного коллектива (на базе: основное общее образование)"(неопр.). marsu.ru. Тергӹмӹ кечӹ: 27 ноябрьын 2025.
  7. ↑ Международная Олимпиада и восторженные отклики, shketan.ru (16 июньын 2025). Дата обращения: 27 ноябрьын 2025.
  8. ↑ Марина Почтенева и Сергей Данилов в "Театральной гостиной"(неопр.). Союз театральных деятелей. Марийское отделение. Тергӹмӹ кечӹ: 7 ноябрьын 2024.
  9. ↑ Почтенева Марина Георгиевна, М.Шкетан лӱмеш Марий кугыжаныш драме театр. Дата обращения: 7 ноябрьын 2024.

Ссылкывлӓ

«https://mrj.ruwiki.ru/w/index.php?title=Почтенева,_Марина_Георгиевна&oldid=306259» гӹц нӓлмӹ