Мир вӹлнӹшӹ халыквлӓн ӹдӹрӓмӓш кечӹ

Ирӹкӓн энциклопеди Википеди гӹц материал
Тергӹмӹ статья
Learning.svg

Б.Н. Ельцин лӹмӓн библиотекӹн материалвлӓ

Arrow-Right.png
Library.png
В данной статье использованы материалы из фондов Президентской библиотеки имени Б.Н. Ельцина
Подробнее
Ядмаш «8 март (айо)» тишкӹ колталтеш; тенгеок анж. вес кынвлӓ.
Мир вӹлнӹшӹ халыквлӓн ӹдӹрӓмӓш кечӹ
Агитационный плакат «8 март — кухняштышы рабство ваштареш пӓшӓзӹвлӓн восстаништӹн кечӹ! Тонышы ӹлӹмӓшӹм ынгылен моштыдымашым дӓ пӹзӹртӹмӓшӹм ӧрдӹжӹш!». Художник Б.Дейкин, 1932 и.
Агитационный плакат «8 март — кухняштышы рабство ваштареш пӓшӓзӹвлӓн восстаништӹн кечӹ! Тонышы ӹлӹмӓшӹм ынгылен моштыдымашым дӓ пӹзӹртӹмӓшӹм ӧрдӹжӹш!». Художник Б.Дейкин, 1932 и.
Ӹштӓлтӹн 1910 ин
Пӓлемдӓт и йӹде
Кечӹ 8 март
Логотип РУВИКИ.Медиа Медиафайлы на РУВИКИ.Медиа

Мир вӹлнӹшӹ халыквлӓн ӹдӹрӓмӓш кечӹ (8 март, англ. International Women’s Day)[1] — мирӹштӹшӹ шукы сӓндӓлӹк дон кугижӓншӹштӹ айо кечӹ. Анзыцшок айо кечӹ ӹдӹрӓмӓшвлӓн ӹшке праваштым дӓ ӹлӹмӹ йӧнӹштӹм кымдаэмдӓш шанымы кредӓлмӓшӹштӹ иктеш лимӹштӹ доно кӹлдӓлтӹн[2].

Ӹдӹрӓмӓшвлӓн иктӧр праваан ылмыштым анжыкташ палшаш манын, международный кечӹм пӓлемдӓш шанымаш XX курым тӹнгӓлтӹшӹн шачын[3]. Ӹдӹрӓмӓшвлӓм ушаш инициатор Клара Цеткин лин — Германин социал-демократический партин ӹдӹрӓмӓшвлӓн группын лидер.

18 декабрьын ООН-н Генеральный Ассамблейжӹ A/RES/3010 резолюцим пингӹдемден, тӹдӹн семӹнь 1975 им Мир вӹлнӹшӹ халыквлӓн ӹдӹрӓмӓшӹн и семӹнь ӱвертӓренӹт[1]. 1977 ин ООН-н Генеральный Ассамблейжӹ A/RES/32/142 резолюцим пингӹдемден, тӹдӹн семӹнь ООН-ын кугижӓншӹ-членвлӓ лошты ӹдӹрӓмӓшвлӓн прававлӓштӹ дӓ международный мир верц Международный кредӓлмӓш кечӹм пингӹдемдӹмӹ[3][4].

Ти кечӹн мирӹн сакой сӓндӓлӹквлӓштӹ международный организацивлӓ ӹдӹрӓмӓшвлӓн правашты дӓ ирӹкӹштӹ, тонышы кредӓлмӓш дӓ иктӧр ылмаш, юж сӓндӓлӹквлӓштӹ[2]: Франциштӹ, Индиштӹ, Киргизиштӹ, Япоништӹ, Германиштӹ, Великобритаништӹ, Тайландышты, Бельгиштӹ, Италиштӹ дӓ молывлӓштӓт — традиционный агыл ориентациӓн эдемвлӓн правашты верц протест дон митинг акцивлӓм эртӓрӓт[5].

Российӹштӹ ти кечӹн ӹдӹрӓмӓшвлӓн кого рольышты лӹмеш айо концертвлӓ, улы Российӹштӹшӹ акцивлӓ эртӓрӓлтӹт[6]. Библиотекӹвлӓштӹ дӓ школвлӓштӹ творческий погынымашвлӓм, викторинӹвлӓм, конкурсвлӓм, мастер-классвлӓм, художественный творчествын пӓшӓ выставкывлӓм эртӓрӓт[7]. Традици семӹнь, 8 мартын пӱэргӹвлӓ ӹдӹрӓмӓшвлӓлӓн пеледӹшвлӓм подарат, тидӹн доно эдемвлӓн ӹлӹмӓшӹштӹ нӹнӹн керӓл рольыштым анжыктат[8].

Айо шачмын историжӹ

Мир вӹлнӹшӹ халыквлӓн ӹдӹрӓмӓш кечӹ шачмылан негӹц семӹнь США-шты ӹдӹрӓмӓшвлӓн нелӹ пӓшӓ ваштареш икманяр протестӹштӹ лин (Охыр кастрюльвлӓн марш, 1857 и, Хоза вӓтӹвлӓн марш, 1901 и)[9]. 1908 ин 16 февральын анзыл шанымашын ӹдӹрӓмӓшвлӓн Союзым пачшы американка Мод Мэлоун Нью-Йоркышты текстильный промышленностьын пӓшӓзӹвлӓн маршым организуен, тенге ӹдӹрӓмӓшвлӓн праваштым перегӓш дӓ пӓшӓдӓрӹм кузыкташ ӱжӹн[3].

1910 ин 27 августын Копенгагенӹштӹ Ӹдӹрӓмӓшвлӓн кокшы международный социалистический пӓшӓлӹшӹ ӹдӹрӓмӓшвлӓн конференциштӹ Германин социал-демократический партин ӹдӹрӓмӓшвлӓн группын лидер Клара Цеткин мирӹштӹ пӓшӓлӹшӹ ӹдӹрӓмӓшвлӓн ӹшке правашты верц кредӓлмӓш солидарность кечӹм ӹштӓш ӱжӹн[10]. Тӹдӹм 17 сӓндӓлӹкӹн представительвлӓ поддерживаенӹт[4].

Цеткин попен: «Пролетарка-ӹдӹрӓмӓш ӹшке классшын эдем доно кидӓ-кидӓ кредӓлеш, капиталистический общество ваштареш»[11].

Ти кечӹм 8 мартын (тошты стиль семӹнь 23 февральын) пӓлемдӓш традици 1914 ин лач ти кечӹн Германиштӹ, Даништӹ, Нидерландиштӹ, Швейцариштӹ, Российӹштӹ, США-шты дӓ вес сӓндӓлӹквлӓштӹ ӹдӹрӓмӓшвлӓн митингвлӓм эртӓрӹмӹ паштек цилӓ вӓре пингӹдемдӓлтӓш тӹнгӓлӹн[12].

1917 и паштек айо, тӹнг шотышты, социалистический сӓндӓлӹквлӓштӹ веле эртӓрӓлтӹн. Шамак толшеш, Китайыштышы коммуниствлӓ тӹдӹм 1922 и гӹц, а Испаништӹшӹвлӓ — 1936 и гӹц пӓлемденӹт[13].

18 декабрьын ООН-н Генеральный Ассамблейжӹ A/RES/3010 резолюцим пингӹдемден, тӹдӹн семӹнь 1975 и Ӹдӹрӓмӓшвлӓн международный и семӹнь увертӓрӓлтӹн, а 1976 гӹц 1985 и якте — ӹдӹрӓмӓшвлӓн международный лу и семӹнь[1]. 1977 ин ООН-н Генеральный Ассамблейжӹ A/RES/32/142 резолюцим пингӹдемден, тӹдӹн семӹнь семӹнь ООН-н кугижӓншӹ-членвлӓ лошты ӹдӹрӓмӓшвлӓн прававлӓштӹ дӓ международный мир верц Международный кредӓлмӓш кечӹм пингӹдемдӹмӹ[3][4].

1978 ин 27 ноябрьын Парижӹштӹ ЮНЕСКО-н Генеральный конференцин 20-шы сессижӹ годым 20 С/13.2 резолюцим пингӹдемдӹмӹ, тӹдӹн семӹнь, Мир вӹлнӹшӹ халыквлӓн ӹдӹрӓмӓш кечӹм 8 мартын пӓлемдӓш ӱжмӹ[4][10].

Мирӹштӹ пӓлемдӹмӓш

ООН-н Генеральный Ассамблей 1977 ин ООН-н кугижӓншӹ-членвлӓ[3][4] лошты ӹдӹрӓмӓшвлӓн прававлӓштӹ дӓ международный мир верц Международный кредӓлмӓш кечӹм пингӹдемдӹмӹ годшен, ООН-штӹ и йӹде (2000 и гӹц) пӓлемдӹмӹ ядмаш доно мероприятивлӓ эртӓрӓлтӹт. Шамак толшеш, 2021 ин — «Вуйлатышы постышты ӹдӹрӓмӓшвлӓ: COVID-19 жепӹн иктӧр праваан анзыкылашым ӹштӹмӓш»[14]; 2022 ин — «Тагачшы кечӹн гендер иктӧр ылмаш экологи шотышты ӹнян иргодшы верц»[15]; 2023 ин — «DigitALL: гендер иктӧр ылмылан инноваци дон технологивлӓ»[16].

Европышты 8 март лӹмеш антифеминистический протествлӓ

СССР шӓлӓнӹмӹ паштек 8 мартым пӓлемдӹмӓш юж молнамшы союзный республикӹвлӓштӹ кодын — Армеништӹ, Грузиштӹ, Казахстанышты, Киргизиштӹ, Молдавиштӹ, Азербайджанышты, Узбекистанышты, Украинӹштӹ, Абхазиштӹ дӓ Белоруссиштӹ дӓ т.м., тӹштӹ, Латви, Литва дӓ Эстони гӹц пасна, ти кечӹ кӓнӹм кечӹ ылеш[17][18].

Мир вӹлнӹшӹ ӹдӹрӓмӓшвлӓн кечӹм Вьетнамышты, Монголиштӹ, Кубышты дӓ вес юж сӓндӓлӹквлӓштӹ пӓлемдӓт. 8 март Китайыштат пӓлемдӓлтеш — ӹдӹрӓмӓшвлӓлӓн ти кечӹ кӹтӹкемдӹмӹ пӓшӓ кечӹ ылеш[4][18].

Таджикистан Республикӹн Президентшӹ Эмомали Рахмонын Указшы доно ти айо ӹдӹрӓмӓш-ӓвӓвлӓ, сӓмӹрӹквлӓн тымдышывлӓ лӹмеш 2009 и гӹц пӓлемдӓлтеш дӓ Ӓвӓн кечӹжӹ маналтеш[19].

Туркмеништӹ Мир вӹлнӹшӹ ӹдӹрӓмӓшвлӓн кечӹ 2007 и якте пӓлемдӓлтде — ӹдӹрӓмӓшвлӓн айом 21 мартыш ваштымы ылын (шошым кечӹ дон йыд икань ылмы кечӹ), Навруз доно ушенӹт — шошымшы халык айо. Но, ӓвӓм семнян кычыкшы дӓ лӹмнержӹ семӹнь жеплӹмӓш — туркмен халыкын тошты овуцавлӓжӹ логӹц иктӹжӹ ылеш, 2008 ин январьын Туркменин президентшӹ пӓшӓ шотышты закон Кодексӹм вашталтен, тенге ти айом пӓлемдӹмӓш угӹц пӧртӹлӹн[20].

Грузиштӹ Мир вӹлнӹшӹ ӹдӹрӓмӓшвлӓн кечӹм айымаш 1991 и гӹц Ӓвӓн кечӹжӹ — 3 март — айоэш вашталтымы. 2002 и гӹц сӓндӓлӹкӹн Парламентшӹ ти айом угӹц пӧртӹлтен. Ӹнде Грузиштӹ Мир вӹлнӹшӹ ӹдӹрӓмӓшвлӓн кечӹмӓт, Авӓн кечӹмӓт пӓлемдӓт[21].

Мир вӹлнӹшӹ халыквлӓн ӹдӹрӓмӓш кечӹ лӹмеш эртӓрӹмӹ айон участниквлӓ. 2024 и март

СССР шӓлӓнӹмӹкӹ, Латвиштӹ Мир вӹлнӹшӹ ӹдӹрӓмӓшвлӓн кечӹ кӓнӹм кечӹ лиӓш цӓрнен. 2007 ин апрельӹн Сейм «Айо, шӓрнӹмӹ дӓ пӓлемдӹмӹ кечӹвлӓ гишӓн» законым тӧрлен дӓ Мир вӹлнӹшӹ ӹдӹрӓмӓшвлӓн кечӹ официально пӓлемдӹмӹ айо лин.

Германиштӹ Мир вӹлнӹшӹ ӹдӹрӓмӓшвлӓн кечӹ 2019 и якте кугижӓншӹ айо ылде, вара — кӓнӹм кечӹ лин, но Берлинӹштӹ веле. Ти кечӹн ӹдӹрӓмӓшӹм зорайымаш, мир вӹлнӹ ӹдӹрӓмӓшвлӓн прававлӓм пӹзӹрӹмӓш ваштареш мирный демонстрацивлӓм эртӓрӓт[22].

Италиштӹ 8 мартым (Мир вӹлнӹшӹ пӓшӓзӹ ӹдӹрӓмӓшвлӓн кечӹ) итальянецвлӓ ӹдӹрӓмӓш пӓшӓм дӓ ӹшке правашты верц кредӓлмӹм мактен аят. Седӹндоно, шукы годымжок, ти кечӹн ӹдӹрӓмӓшвлӓн прававлӓ верц протест акцивлӓм, митингвлӓм эртӓрӓт[23].

Тенгеок Мир вӹлнӹшӹ ӹдӹрӓмӓшвлӓн кечӹ икманяр вес сӓндӓлӹквлӓштӹ кугижӓншӹ айо ылеш: Анголышты, Замбиштӹ, Камбоджышты, Кеништӹ, КНДР-ӹштӹ, Мадагаскарышты, Монголиштӹ, Угандышты дӓ Эритрештӹ. Лаосышты ти кечӹ лач ӹдӹрӓмӓшвлӓлӓн веле кӓнӹм кечӹ ылеш[17].

ООН-н палшымыжы доно мирӹштӹ ӹдӹрӓмӓшвлӓ доно кӹлдӓлтшӹ эче икманяр айо эртӓрӓлтӹт: 6 февраль — Ӹдӹрӓмӓшӹн ӹдӹрӓмӓш органвлӓэш локтылмы операцивлӓм тырхен керддӹмӓшӹн международный кечӹ, 11 февраль — Наукыштышы ӹдӹрӓмӓш дон ӹдӹрӓшвлӓн мир вӹлнӹшӹ кечӹ, 15 октябрь — Сола ӹдӹрӓмӓшвлӓн мир вӹлнӹшӹ кечӹ, 23 июнь — Тылык вӓтӹвлӓн мир вӹлнӹшӹ кечӹ, 11 октябрь — Мир вӹлнӹшӹ ӹдӹрӓшвлӓн кечӹ, 25 ноябрь — Ӹдӹрӓмӓшвлӓм зорайымашым пӹтӓрӹмӹ верц международный кредӓлмӓш кечӹ[8].

Российӹштӹ пӓлемдӹмӓш

Совет Союз шӓлӓнӹмӹ паштек Мир вӹлнӹшӹ ӹдӹрӓмӓшвлӓн кечӹ Российӹштӹ молнамшылаок кугижӓншӹ айо дӓ кӓнӹм кечӹ ылеш[4]. Традици семӹнь, ти кечӹн пӱэргӹвлӓ ӹдӹрӓмӓшвлӓлӓн пеледӹшвлӓм дӓ молы подаркавлӓм подарат, тидӹн доно эдемвлӓн ӹлӹмӓшӹштӹ керӓл рольыштым анжыктат[24].

2019 ишӹ Телшӹ универсиада

Российӹштӹ 8 мартын ӹдӹрӓмӓшӹн кого рольжы лӹмеш айо концертвлӓ, улы Российӹштӹшӹ акцивлӓ эртӓрӓлтӹт[6]. Шамак толшеш, РФ-н цилӓ халашты «Тӓлӓндӓ, Яратымывлӓ!» улы Российӹштӹшӹ акци эртӓрӓлтеш. Добровольческий движенивлӓн активиствлӓ ӹдӹрӓмӓшвлӓм айо доно мактат, тӱнӹ, вокзалвлӓштӹ, аэропортвлӓштӹ, медицина учрежденивлӓштӹ, халыкын социальный палшык учрежденивлӓштӹ нӹнӹлӓн пеледӹшвлӓм подарат[25].

«Единый Российӹн» представительвлӓ 8 мартеш «Шӱмбел ӹдӹрӓмӓшвлӓлӓн» Российӹштӹшӹ марафоным дӓ «Тӹньӹн шошымет» акцим эртӓрӓт[26].

2022 и 6 гӹц 8 март якте Мир вӹлнӹшӹ ӹдӹрӓмӓшвлӓн кечӹ лӹмеш Российӹштӹ традици семӹнь «Культурный кӓнӹм кечӹвлӓ» улы Российӹштӹшӹ акци эртен. Юж музейвлӓшкӹ йӓрӓ пыраш лиэш, а 20 циркышты (Санкт-Петербург гӹц Владивосток якте) «Цӓшӓн ӓвӓ» акци рамкышты шукы тетяӓн семнявлӓлӓн представленивлӓм такешок анжыктат[27].

И йӹде, РФ Президент 8 мартын Российӹштӹшӹ айыртемӓлтшӹ ӹдӹрӓмӓшвлӓлӓн — сакой профессиӓнвлӓлӓн, кӱ экономикӹн сакой отрасльвлӓм виӓнгдӹмӓшкӹ кого вкладым пиштен — кугижӓншӹ наградывлӓм кычыкта[28].

2022 ин РФ Президент Путинӹн инициативӹжӹ доно Российӹштӹ «Ӓвӓ-героиня» почётан званим угӹц пыртымы, тӹдӹ кӱшӹл кугижӓншӹ наградывлӓ логӹц иктӹжӹ ылеш[29].

2024 ин Мир вӹлнӹшӹ ӹдӹрӓмӓшвлӓн кечӹ лӹмеш икманяр акцим эртӓрӹмӹ. Нӹнӹ лошты: «Шошым Движеништӹ» (акци участниквлӓ социально значимый професси дон специальностян ӹдӹрӓмӓшвлӓм мактенӹт), «Тӓлӓндӓ, яратымывлӓ!»[30] (волонтёрвлӓ Москвашты ӹдӹрӓмӓшвлӓлӓн 100 утла сакой площадкышты пеледӹшвлӓм подаренӹт)[31], «Автоледилӓн пеледӹш ӓршӓш» (5 гӹц 8 март якте акци участниквлӓ Москваштышы «Система 112» сотрудниквлӓм, специальный военный операцин единый центрын сотрудниквлӓм дӓ нӹнӹн семнявлӓштӹм, культура учрежденивлӓштӹ пӓшӓлӹшӹвлӓм дӓ «Мӹньӹн документвлӓэм» МФЦ сотрудниквлӓм мактенӹт).

Мир вӹлнӹшӹ халыквлӓн ӹдӹрӓмӓш кечӹ СССР-ӹн филателиштӹ

1949 ин СССР-ӹштӹ ти кугижӓншӹ айо лӹмеш почта маркывлӓн пасна серим лыкмы.

  • Серия марок
  • The Soviet Union 1949 CPA 1366 stamp (International Women's Day, March 8. Women in industry).jpg
  • The Soviet Union 1949 CPA 1367 stamp (International Women's Day, March 8. Preschool teaching).jpg
  • Stamp of USSR 1368.jpg
  • The Soviet Union 1949 CPA 1369 stamp (International Women's Day, March 8. School teaching).jpg
  • The Soviet Union 1949 CPA 1370 stamp (International Women's Day, March 8. Farm women).jpg
  • The Soviet Union 1949 CPA 1371 stamp (International Women's Day, March 8. Women sports champions).jpg
  • The Soviet Union 1949 CPA 1372 stamp (International Women's Day, March 8. Political leadership).jpg

Мир вӹлнӹшӹ ӹдӹрӓмӓшвлӓн кечӹ лӹмеш пасна маркывлӓм СССР-ӹштӹ сакой ивлӓн лыктыныт (1947-1967 ивлӓ):

  • 1947 и, 15 коп.

    1947 и, 15 коп.

  • 1947 и, 30 коп.

    1947 и, 30 коп.

  • 1960 и

    1960 и

  • 1967 и

    1967 и

Примечани

  1. ↑ 1 2 3 Международный женский день. ЮНЕСКО (8 мартын 2023). Тергӹмӹ кечӹ: 4 сентябрьын 2023.
  2. ↑ 1 2 Козлова Н. Н. Международный женский день 8 Марта как инструмент формирования советской политической культуры // Женщина в российском обществе : журнал. — 2011. — № 1.
  3. ↑ 1 2 3 4 5 Международный женский день (8 марта). ООН (8 мартын 2021). Тергӹмӹ кечӹ: 4 сентябрьын 2023.
  4. ↑ 1 2 3 4 5 6 7 История Международного женского дня. ТАСС (8 мартын 2022). Тергӹмӹ кечӹ: 4 сентябрьын 2023.
  5. ↑ Копчугова А., Полякова В. Акции на 8 Марта в разных странах. РБК (8 мартын 2021). Тергӹмӹ кечӹ: 4 сентябрьын 2023.
  6. ↑ 1 2 Присоединяйтесь к Всероссийской акции «Вам любимые!» Региональный центр патриотического воспитания (7 мартын 2022). Тергӹмӹ кечӹ: 4 сентябрьын 2023.
  7. ↑ Названия и формы мероприятий к 8 марта, проводимых в библиотеке. Дубовская библиотека № 39 (14 февральын 2019). Тергӹмӹ кечӹ: 28 февральын 2025.
  8. ↑ 1 2 Бобович А. В каких странах 8 Марта — государственный праздник? Аргументы и Факты (7 мартын 2020). Тергӹмӹ кечӹ: 4 сентябрьын 2023.
  9. ↑ Шпаковский Ю. Г. Главный праздник весны // Вестник Университета имени О. Е. Кутафина : журнал. — 2022. — № 3.
  10. ↑ 1 2 Осипян А. 8 марта: как появился день борьбы за женские права. РБК Тренды (7 мартын 2023). Тергӹмӹ кечӹ: 4 сентябрьын 2023.
  11. ↑ 20 цитат самых известных феминисток: от Клары Цеткин до Марии Арбатовой, Культурология. Дата обращения: 28 февральын 2025.
  12. ↑ Бондарь В. 8 Марта ежегодно отмечают Международный женский день. Владивостокская централизованная библиотечная система. Тергӹмӹ кечӹ: 4 сентябрьын 2023.
  13. ↑ Nelson J. International Women's Day: a centenary to celebrate. History Workshop Online (8 мартын 2011). Тергӹмӹ кечӹ: 4 сентябрьын 2023.
  14. ↑ Заявление Верховного комиссара ООН по правам человека Мишель Бачелет по случаю Международного женского дня. ООН (8 мартын 2021). Тергӹмӹ кечӹ: 4 сентябрьын 2023.
  15. ↑ Международный женский день 2022 Гендерное равенство ради устойчивого будущего. ООН (8 мартын 2022). Тергӹмӹ кечӹ: 4 сентябрьын 2023.
  16. ↑ Инновации и технологии для обеспечения гендерного равенства. ООН. Тергӹмӹ кечӹ: 4 сентябрьын 2023.
  17. ↑ 1 2 История Международного женского дня. ТАСС (8 мартын 2019). Тергӹмӹ кечӹ: 4 сентябрьын 2023.
  18. ↑ 1 2 Международный женский день. РИА Новости (8 мартын 2015). Тергӹмӹ кечӹ: 4 сентябрьын 2023.
  19. ↑ Международный женский день - «День матери». Таджикский государственный медицинский университет (9 мартын 2021). Тергӹмӹ кечӹ: 5 сентябрьын 2023.
  20. ↑ Сердар Бердымухамедов поздравил женщин и девушек Туркменистана с 8 марта. Turkmenportal (7 мартын 2023). Тергӹмӹ кечӹ: 5 сентябрьын 2023.
  21. ↑ Левшиц Н. 8 марта в Грузии официально выходной день. Nikolai Levshits (8 мартын 2022). Тергӹмӹ кечӹ: 5 сентябрьын 2023.
  22. ↑ 8 марта в Германии. Auf Deutsch (7 мартын 2018). Тергӹмӹ кечӹ: 5 сентябрьын 2023.
  23. ↑ Международный день трудящихся женщин. Клуб любителей Италии "Моя Италия" (10 мартын 2019). Тергӹмӹ кечӹ: 5 сентябрьын 2023.
  24. ↑ История Международного женского дня в России. ТАСС (8 мартын 2021). Тергӹмӹ кечӹ: 5 сентябрьын 2023.
  25. ↑ Всероссийская акция "Вам, Любимые!". Dobro.ru (6 мартын 2020). Тергӹмӹ кечӹ: 5 сентябрьын 2023.
  26. ↑ «Единая Россия» проводит акции к Международному женскому дню по всей стране. Единая Россия (6 мартын 2023). Тергӹмӹ кечӹ: 5 сентябрьын 2023.
  27. ↑ Около 6 тысяч мероприятий пройдут в рамках акции «Культурные выходные». Минкультуры России (6 мартын 2023). Тергӹмӹ кечӹ: 5 сентябрьын 2023.
  28. ↑ Путин вручил женщинам госнаграды. Интерфакс (8 мартын 2023). Тергӹмӹ кечӹ: 4 сентябрьын 2023.
  29. ↑ Колесников А. Международный женский друг. Коммерсант (8 мартын 2023). Тергӹмӹ кечӹ: 5 сентябрьын 2023.
  30. ↑ Методические рекомендации по организации и проведению мероприятий в рамках Всероссийской акции «Вам, Любимые!», приуроченной к празднованию Международного женского дня. Региональный центр патриотического воспитания имени Героя России И. О. Родобольского (4 февральын 2024). Тергӹмӹ кечӹ: 28 февральын 2025.
  31. ↑ Всероссийская акция «Вам, Любимые!» (руш.). dobro.ru. Тергӹмӹ кечӹ: 28 февральын 2025.

Литература

Ссылкывлӓ

«https://mrj.ruwiki.ru/w/index.php?title=Мир_вӹлнӹшӹ_халыквлӓн_ӹдӹрӓмӓш_кечӹ&oldid=308074» гӹц нӓлмӹ