Лаврентьев, Зосим Фёдорович

Ирӹкӓн энциклопеди Википеди гӹц материал
Зосим Фёдорович Лаврентьев
Лаврентьев, Зосим Фёдорович.jpg
Шачмы кечӹ 6 апрель 1933(1933-04-06)
Шачмы вӓр
Колымы кечӹ 16 сентябрь 2020(2020-09-16) (87 и)
Колымы вӓр
Гражданство  СССР →  Россий
Пӓшӓн типшӹ изобразительный искусство, живопись
Награда дӓ премивлӓ
Медаль ордена «За заслуги перед Марий Эл» Юбилейная медаль «За доблестный труд (За воинскую доблесть). В ознаменование 100-летия со дня рождения Владимира Ильича Ленина»
Россий Федерацин халык художникшӹ — 2009 Россий Федерацин заслуженный художникшӹ — 1993

Зосим Фёдорович Лаврентьев (6 апрель 1933, Мары автономный область, Горьковский край[d] — 16 сентябрь 2020, Йошкар-Ола) — советский да российӹштӹшӹ живописец, СССР-ын художниквлӓн ушемӹн членжӹ. Мары профессиональный изобразительный искусствын классикшӹ. Россий Федерацин халык художникшӹ (2009), Россий Федерацин заслуженный художникшӹ (1993), Мары АССР-ын искусствывлӓн заслуженный пӓшӓзӹжӹ (1983). Мары АССР-ын кугижӓншӹ премижӹн (1977) дӓ Олык Ипай лӹмӓн Мары комсомолын премижӹн (1970) лауреатшы. «Мары Эллӓн палшымы верц» орденӹн медаль доно пӓлдӹртӹмӹ (2013).

Ӹлӹмӓш корныжы

1933-шы ин 6 апрельӹн кӹзӹт Мары Эл Республикӹн Кырык мары районын Эсӓнсолашты хресӓнь семняшты шачын, ӓтяжӹ Пӹтӓришӹ мировой дӓ Кого Ӓтямӱлӓндӹ вырсышты лин[1]. 1958-шӹ ин Чебоксарыштышы художественный училищӹм тымень пӹтӓрен[2]. 1960-шы-1962-шы ивлӓн СССР-ын художествывлӓн академижӹн (АХ СССР) Ленинградыштышы А. Е. Репин лӹмӓн живопись, скульптура дӓ архитектура институтышты тыменьӹн[3].

РСФСР-ын Художественный фондшын мары мастерскойвлӓн сотрудникшӹ ылын. 1960-шы и гӹц 1971-шӹ и якте «Потемӹш (руш) (мар.» («Оса») сатирический журналын художественный редакторжы ылын[2]. 1969-шы и гӹц — творческий пӓшӓштӹ.

2020-шы ин 16 сентябрьын Йошкар-Олашты колен[3].

Художественный творчество

1967-шӹ и гӹц СССР-ын художниквлӓн ушемӹн членжӹ ылеш[2].

Мары Эл Республикӹн сакой семӹнь кӱкшӹн пӓлдӹртӹмӹ художниквлӓ лошкы пыра, тематический картин дон лирический пейзажым сирӹшӹ мастар[3].

«Концертӹшкӹ» (1964), «Мары солаштышы айо» (1967), «Сӓмӹрӹквлӓ докы хыналаш» (1968), «Сӱӓн» триптих (1974), «М. Тихомирован портретшӹ» (1979), «А. В. Григорьевӹн портретшӹ» (1991), «Мӧскӓлык» (1991) дӓ молы картинвлӓн авторжы ылеш. Тидӹ дӓ молы пӓшӓвлӓжӹ тагачшы жепӹн Мары Эл Республикӹн Т. Евсеев лӹмӓн халык музейӹштӹ дӓ Мары Элӹн изобразительный искусствывлӓн республиканский музейӹштӹ перегӓлтӹт.

Шукы и книгӓвлӓм иллюстрируйымы, станковый дӓ сатирический графика доно яжо лӓктӹшӓн пӓшӓм нӓнгеен. Мары книжный издательствышты (руш) (мар. тӹдӹн пӓшӓӓн 150 нӓрӹ книгӓ пецӓтлӓлт лӓктӹн. Тетявлӓлӓн книгӓвлӓн, учебниквлӓн, «Азбука» дӓ «Букварь» серивлӓн, В. Акцоринӹн «Шӹргӹ ямаквлӓ» сборниквлӓлӓн (1972, 1978) йӓмдӹлӹмӹ иллюстрацивлӓн циклын, В. Бояринован «Йӹнгӹлвлӓн сӓндӓлӹкӹштӹ» лыдыш сборникӹн (1980), Пет Першутын «Кыткы сӱӓн» (1984) поэма-ямакын, С. Ибатовын «Нӱнжӹк патыр» (1976) ямакын, «Мары халык ямаквлӓ» сборникӹн (1996) дӓ молы пӓшӓвлӓн авторжы ылеш[2].

Мары Элӹшты пӹтӓришӹ гӓнӓ Кого Ӓтямӱлӓндӹ вырсын дӓ пӓшӓзӹвлӓн ветеранвлӓн солаштышы картинный галерейӹм пачын, тӹдӹн негӹцшӹм художникӹн родывлӓжӹн портретвлӓштӹм сирӹмӹ пӓшӓвлӓ ӹштенӹт[2].

Шукы всесоюзный, всероссийский (Москва, Санкт-Петербург, тӹлец молы), региональный да республиканский (Чебоксары, Йошкар-Ола, тӹлец молы) выставкывлӓн участникшӹ ылеш. Тӹдӹн пӓшӓвлӓжӹ Парижӹн, Будапештӹн музейвлӓштӹ, тенгеок российӹштӹшӹ музейвлӓштӹ дӓ пасна коллекцивлӓштӹ перегӓлтӹт[2].

2018-шӹ и гӹц Мары Эл Республикӹн Т. Евсеев лӹмӓн халык музейӹштӹ ӹшке шотан искусство произведени перегӓлтеш — «Зосим Лаврентьевӹн родыжын йӹнгӹлжӹ». Тидӹ живописный картинӓн хӓдӹр, тӹдӹм холстышты ӱӓн чиӓ доно сирӹмӹ. Йӹнгӹл вӹлнӹ йӹрвӓш Зосим Лаврентьевӹн дӓ тӹдӹн туанвлӓжӹн (ӓтяжӹн, ӓвӓжӹн, папажын) портретвлӓшты вӓрлӓнӓт. Ти ӹшке шотан хӓдӹрӹн авторвлӓжӹ — Российӹн заслуженный художникшӹ Иван Ямбердов дӓ художественный таптымашын мастар, Мари-Турекский район гӹц ӓпшӓт Николай Тимофеев. Йӹнгӹл З. Ф. Лаврентьевлӓн 75 иӓш лӹмгечӹжӹлӓн подарымы ылын[4].

Российӹн заслуженный художникшӹ, Мары Эл Республикӹн халык художникшӹ И. М. Ямбердов (руш) (мар.:

«Зосим Фёдорович соок сагана ылеш. Кыце йӹнгӹл юк улы кымдыкеш йонга, тенгеок художникӹн мастар пайдажы искусствым ӓклӹшӹвлӓн шукы шачшы йыхым сусуэмдӓш тӹнгӓлеш»[5].

Ӓштӹмӓш

2021-шӹ ин 6 апрельӹн Йошкар-Олаштышы халык кудыло искусствын музейӹштӹжӹ халык художник Зосим Лаврентьев лӹмеш «Жепӹн юкшы» («Голос времени») выставка пачылтын. Выставкышты Мары Эл Республикӹн Т. Евсеев лӹмӓн халык музейӹн фонд гӹц мастарвлӓн живописный дӓ графический пӓшӓвлӓм, художниквлӓн Иван Ямбердовын, Николай Тимофеевӹн, Сергей Алдушкинӹн произведенивлаштӹм, Валерий Тумбаевӹн коллекцижӹ гӹц фотографический картинвлӓм ужаш лин[6].

Мактымаш

  • Россий Федерацин халык художникшӹ (2009)[7][8];
  • Россий Федерацин заслуженный художникшӹ (1993)[9][8];
  • Мары АССР-ын искусствывлӓн заслуженный пӓшӓзӹжӹ (1983)[8];
  • Мары АССР-ын кугижаншӹ преми (1977)[8];
  • Мары комсомолын обкомжын Олык Ипай лӹмӓн преми (1970)[8];
  • В. И. Ленин лӹмӓн советский тетя фондын Мары республиканский лаштыкшын Йыван Кырля лӹмӓн преми[8];
  • «Пыт пӓшӓлӹмӹлӓн. Владимир Ильич Ленинӹн шачмыжылан 100 и теммӹ лӹмеш» юбилейный медаль (1970);
  • «Мары Эллӓн палшымы верц» орденӹн медаль (2013)

Примечани

  1. ↑ Деревня Эсяново (Эсансола)(неопр.). www.12rus.ru. Тергӹмӹ кечӹ: 13 октябрьын 2025. Архивируйымы 15 апрельӹн 2021 года.
  2. ↑ 1 2 3 4 5 6 Лаврентьев Зосим Федорович, Марийская история в лицах. Дата обращения: 13 октябрьын 2025.
  3. ↑ 1 2 3 В Марий Эл скончался народный художник России Зосим Лаврентьев. www.marpravda.ru. Тергӹмӹ кечӹ: 13 октябрьын 2025. Архивируйымы 16 апрельӹн 2021 года.
  4. ↑ Свой День рождения отмечает народный художник РФ Зосим Лаврентьев(неопр.). web.archive.org. Тергӹмӹ кечӹ: 13 октябрьын 2025.
  5. ↑ Откроется выставка памяти художника Зосима Лаврентьева(неопр.). web.archive.org. Тергӹмӹ кечӹ: 13 октябрьын 2025.
  6. ↑ «Пагытын йӱкшӧ» («Голос времени») (выставка памяти народного художника РФ З. Ф. Лаврентьева)(неопр.). web.archive.org. Тергӹмӹ кечӹ: 13 октябрьын 2025.
  7. ↑ Указ Президента Российской Федерации от 22 июня 2009 года № 697 «О награждении государственными наградами Российской Федерации». Тергӹмӹ кечӹ: 13 октябрьын 2025. Архивируйымы 24 сентябрьын 2019 года.
  8. ↑ 1 2 3 4 5 6 Лаврентьев Зосим Фёдорович(неопр.). www.rmii.ru. Тергӹмӹ кечӹ: 13 октябрьын 2025. Архивируйымы 15 апрельӹн 2021 года.
  9. ↑ Указ Президента Российской Федерации от 10 июня 1993 года № 874 «О присвоении почётного звания «Заслуженный художник Российской Федерации». Тергӹмӹ кечӹ: 13 октябрьын 2025. Архивируйымы 24 августын 2022 года.

Литература

  • Лаврентьев Зосим Фёдорович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 207. — 2032 экз. — ISBN 5-87898-357-0.
  • Лаврентьев Зосим Фёдорович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 476. — 872 с. — 3505 экз. — ISBN 978-5-94950-049-1.
  • Прокушев Г. И. Лаврентьев Зосим Фёдорович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 246. — 606 с. — 1500 экз. — ISBN 978-5-905314-35-3.

Ссылкывлӓ

«https://mrj.ruwiki.ru/w/index.php?title=Лаврентьев,_Зосим_Фёдорович&oldid=315076» гӹц нӓлмӹ