Дим. Орай

РАН-ын экспертизӹжӹ

Россий Шанче Академий
экспертизӹм эртӓрӓ

Кымданрак

РАН-ын экспертизӹжӹ

Российӹн наука Академи
экспертизӹм эртӓрӓ

Кымданрак

Дим. Орай
Шачмы годшы лӹм	Иванов Дмитрий Фёдорович
Псевдоним	Дим. Орай
Полное имя	Богословский Дмитрий Фёдорович
Шачмы кечӹ	5 (18) сентябрь 1901
Шачмы вӓр	Мары Пыжай, Сернур район, Мары Эл
Колымы кечӹ	22 январь 1950(1950-01-22) (48 и)
Колымы вӓр	Косолоп[d], Мари-Турек район[d], Мары АССР, РСФСР[d], СССР[d]
Гражданство (подданство)	Российский импери[d]  СССР[d]
Пӓшӓн типшӹ	мары сирӹзӹ, журналист
Произведенин йӹлмӹжӹ	мары
Награда	Мары АССР Кӱшӹл Кӓнгӓш Президиумын Почёт грамотыжы (1941, 1945, 1946)

Дим. Орай (шанен лыкмы лӹм, ӹшке лӹмжӹ — Богословский Дмитрий Фёдорович, (5 [18] сентябрь 1901, Мары Пыжай^[d], Уржум уезд^[d] — 22 январь 1950, Косолоп^[d], Мары АССР) — мары совет сирӹзӹ, журналист. Мары сӹлнӹшаян классикшӹ. Кого Ӓтямӱлӓндӹ вырсын участникшӹ. ВКП(б) член.

Ӹлӹмӓш корныжы

Мары Пыжай солашты (Сернур район, Мары Эл) незер хресӓнь семняэш шачын. Дмитрийӹн йишӹжӹ незер ылын: ӓтяжӹ Фёдор Алексеевич улан эдемвлӓ доны пӓшӓм ӹштен, плотник ылын, варарак Богословск посёлкы (кӹзӹт Свердловск областьыштышы Карпинск хала) лишнӹшӹ Урал заводышты пӓшӓлен, ӓвӓжӹ Прасковья Васильевна тетявлӓм анжен, туан солаштыжы труен.

1913 ин Дмитрий, Руш Пыжай тӹнгӓлтӹш училищӹм тымень пӹтӓрӹмӹкӹжӹ, волость правлеништӹ переписчик пӓшӓм ӹштӓш тӹнгӓлӹн, 1917 и паштек совет учрежденивлӓштӹ секретарь, статистик ылын.

1920 ин Дмитрий Богословскийӹм РККА (Якшар Арми) рӓдӹш нӓлӹнӹт, но 1921 ин тӹдӹм церлӓнӹмӹжӹ велдӹк комиссуенӹт. Вара Сернур дӓ Мары Турек волость дӓ кантон мӱлӓндӹ отделвлӓштӹ, Шляпкинӹштӹшӹ сола советӹштӹ дӓ кантисполкомышты пӓшӓм ӹштен, ик и тӹнгӓлтӹш школышты тымден.

1922 ин ӹдӹрӹм нӓлӹн, пелӓшӹжӹ Мария Михайловна Савельева Токтамыж сола гӹц (кӹзӹт Сернур район) ылеш. Йишӹштӹ 3 ӹдӹрӹм анжен куштенӹт: Зинаида, Ираида, Нина.

1929 ин Д. Богословский туан солаштыжы «У Пыжай» колхозым ӹштен, председательжӹ ылын.

1930 ин Сернур районышты «Коммунар» газетӹм лыкташ тӹнгӓлӹнӹт, Дим. Орайым тӹдӹн ответственный секретарешӹжӹ шагалтенӹт, тенгеок газет редакци сагашы сӹлнӹшая кружокым вуйлаташ ӹнянен пуэнӹт. 1936 и гӹц Дим. Орай Косолоп район «Сталин корно» («Сталин корны») газет редакциштӹ ӹштен.

Кого Ӓтямӱлӓндӹ вырсын участникшӹ. 1941 ин шӹжӹм Дим. Орай фронтыш кен, Волхов дон Ленинград фронтвлӓн частьвлӓштӹштӹ кредӓлӹн, Ленинградым ӹшӹклӹмӓштӹ ылын. 1 ранган техник-интендант, запас интендант службын когорак лейтенантшы якте кушкын. 1944 ин мартын, церлӓнӹмӹ велдӹк, служба гӹц карангдымы.

Вырсы паштек, 1946 и гӹц ӹлӹмӹ пӹтӓртӹш кечӹвлӓжӹ якте, Косолоп район «Сталин корно» («Сталин корны») газетӹн ответственный секретарьжы, «Марий коммуна» («Мары коммуна») газетӹн корреспондентшӹ семӹнь пӓшӓм ӹштен.

Сирӹзӹн псевдонимжӹ шачмы гишӓн

Изижӹ годым Дмитрий ӓтяжӹн Иванов фамили доно каштын, но ӓтяжӹ Уралышты Богословск посёлкы лишнӹ (тӹштӹ заводышты пӓшӓм ӹштен) ӹлӹмӹжӹ паштек ӹшке фамилижӹм Богословскийӹш вашталтен, ӹрвезӓт ӓтяжӹн у фамилижӹм нӓлӹн.

Шанен лыкмы Дим. Орай лӹм Дим. Чорай псевдоним гӹц лӓктӹн, лач тенге сирӹзӹ эче селькор ылмыжы годымок ик пӹтӓришӹ газет заметкӹжӹ лӹвӓлнӹ ӹшкӹмжӹм анжыктен ылын. Но ти лӹмӹн икшӹ букважы самынь киэн кодын, дӓ заметка Дим. Орай лӹм доно лӓктӹн.

Сирӹмӹ пӓшӓ

Журналист семӹнь 1925 и гӹц, «Йошкар кече» («Якшар кечӹ») газетеш икманяр заметка дон статьям пецӓтлӹмӹжӹ паштек, пӓлӹмӹ лин.

Дим. Орай — 1939 и гӹц СССР писатель ушемӹн членжӹ. Поэзи дон прозым сирен, но мары сӹлнӹшая историшкӹ сек пӹтӓриок колхоз сола ӹлӹмӓш гишӓн «Йотештше» («Ятештшӹ») (1930), «Карш корно» («Тура корны») (1935), «Оляна» (1935) очерк, шайыштмаш дӓ повестьвлӓн, «Пиалан колхоз илыш» («Цӓшӓн колхоз ӹлӹмӓш») (1940) шайыштмаш сборникӹн авторышты семӹнь пырен. Произведенивлӓштӹжӹ хресӓнь ӹлӹмӓшӹм яжоэмден анжыктен, марынвлӓн ӹшкӹмӹштӹм пасна халык семӹнь ужмыштым мактен.

Дим. Орай «Цолга шӹдӹр» повестьӹм сирен. Повесть Мары Турек район Кого Вочарма солашты шачын кушшы, мары халык гӹц пӹтӓришӹ Совет Союз Герой С. Р. Суворовын вырсышты ӹштӹмӹ кого подвигшӹ гишӓн ылеш.

Сирӹзӹн сек кого произведениэшӹжӹ «Тӹтӹрӓ вашт» эпический роман шотлалтеш. Но Дим. Орай шанен пиштӹмӹ кым книгӓ гӹц иктӹжӹм веле сирен шоктен, тӹдӹм писательӹн колымыжы паштек, 1951 ин, лыктыныт. Роман, сирен пӹтӓрӹмӹ агыл гӹнят, мары сӹлнӹшаяшты кого вӓрӹм нӓлӹн. Тӹштӹ автор ӹшкӹмжӹм халык овуцам пиш яжон пӓлӹшӹ, эпос шайыштмашын мастаржӹ семӹнь анжыктен.

Дим. Орайын сирӹмӹжӹм школ программывлӓшкӹ пыртенӹт, алык марла дӓ кырык марла пецӓтленӹт, вес (руш, венгр дӓ молы) йӹлмӹвлӓшкӹ сӓренӹт. Произведенивлӓжӹ гишӓн мары сӹлнӹшаям шӹмлӹшӹвлӓ книгӓ, статья дӓ обзорвлӓм сиренӹт, мары йӹлмӹ дон сӹлнӹшаям тымдышывлӓ методика пособивлӓм лыктыныт.

Сирӹзӹн тӹрӹс прозыжы ӹшке жепшӹлӓн керӓл дӓ ярал ылмы доно, тӹнӓмшӹ мары солан лачокшы ӹлӹмӓшӹжӹм, тӹдӹн нелӹжӹм дӓ шытыржым пачын пумы доно айыртемӓлтеш. Ӹшке тӓнгжӹ, сирӹзӹ дӓ журналист А. Айзенвортлан колтымы ик сирмӓшӹштӹжӹ Дим. Орай ти сӹлнӹшая айыртемжӹ гишӓн тенге пӓлдӹртен:

«Мӓ утларак эртӹшӹ гишӓн сиренӓ, но тагачшы кечӹ гишӓн чӹдӹ, иргодшы гишӓн цӹлт нимат ана сирӹ. Малынжы…, мӓ ӹлӹмӓш гӹц пачеш кодына. Мӓлӓннӓ сӹлнӹшая йӹлмӹ доно, айыртемӹн прозышты, тагачшы дӓ иргодшы кечӹнӓ гишӓн шайышташ тӹнгӓлӓш келеш».

Ӹшке прозыштыжы Дим. Орай у совет эпохым чангымым пӓлдӹртен, тидӹм керӓлеш шотлен, седӹндоно тӹдӹм кого вашталтмаш жепӹн сирӹзӹжӹ манаш лиэш. Дим. Орай тӹнӓмшӹ жепӹн молы писатель уждымы ӹшке статян айыртемвлӓжӹм пачын анжыктен. Сӹлнӹшая шӹмлӹзӹ С. Ибатов-Эман тидӹ гишӓн тенге сирен:

«Сӹлнӹшаяжы у ӹлӹмӓш дон у культурым чангымашты кого вӓрӹм йӓшнен. Тӹдӹ сирӹмӓштӹштӹ мары халыкын шамжы ӹлӹжмӹм анжыктышы прозаиквлӓ логӹц иктӹжӹ ылын».

Тӹнг произведенивлӓ

Тӹнг произведени спискӹ:

Марла

• «Ача-ава кумыл» («Ӓтя-ӓвӓ кымыл») — мары ӹдӹрӓмӓшӹн правадымы ылмыжы дӓ кулаквлӓн незервлӓм пӹзӹрӹмӹштӹ гишӓн шайыштмаш (1929).
• «Йотештше» («Ятештшӹ») — совет пӓшӓштӹ анзылны ылшы эдем гишӓн повесть (1930). Повестьӹн авторжым ӧпкӓлен сиренӹт, «выдвиженецӹн пӓшӓштӹжӹ худам веле анжыктымы доно тӹдӹ политика иктешлӹмӓшӹмӓт самынь ӹштен, тидӹжӹ солам халалан утлаок ваштареш шӹндӹмӹ гӹц, хресӓнь ӹлӹмӓшӹм яжоэмден анжыктымы дӓ национализм йогыш виктӓрӓлтмӹ гӹц каеш».
• «Ойлымаш-влак» («Шайыштмашвлӓ») (1933).
• «Карш корно» («Тура корны») — повесть (1935).
• «Оляна» — повесть (1935).
• «Пиалан колхоз илыш» («Цӓшӓн колхоз ӹлӹмӓш») — шайыштмашвлӓ (1940).
• «Чолга шӱдыр» («Цолга шӹдӹр») — мары халык гӹц пӹтӓришӹ Совет Ушем Герой С. Р. Суворов гишӓн документальный повесть (1950).
• «Онар-калык» («Онар-халык») — айырен нӓлмӹ сӹлнӹшая (1951).
• «Тӱтыра вошт» («Тӹтӹрӓ вашт») — совет властьын пӹтӓришӹ ивлӓн мары халыкын шамжы ӹлӹжмӹ гишӓн сирӓш шанымы трилоги гӹц икшӹ роман (1951).
• «Осып Ваня» («Осип Ваня») — шайыштмаш, фельетон, повесть (1974).
• «Немде кугыза» («Немдӓ кугуза») — повесть, шайыштмаш, очерк (1991).

Рушла

• Семья: рассказ / пер. К. Ильяшенко // Марийские писатели. Йошкар-Ола, 1941. С. 64—73.
• По воле родителей: рассказ / пер. А. Кременского // Родник: рассказы марийских писателей. М., 1961. С. 76—88.
• Немдинский старик: рассказ / пер. А. Кременского // Солнце над лесами. Йошкар-Ола, 1984. С. 200—211

Венгрлӓ

• По воле родителей: рассказ / пер. И. Макаи // Фюрраш. Будапешт, 1963. С. 108—125.

Ӓшӹндӓрӹмӓш

Йошкар-Олашты Орай лӹмӓн ӧлицӓ

Мары Эл Республика Мары Турек район Косолоп солашты, С. Р. Суворов лымӓн садышты, мары сирӹзӹ дӓ журналист Дим. Орайын (Д. Ф. Богословскийӹн) шӹгержӹ вӹлнӹ памятник

• Тӹдӹн лӹмжӹм Йошкар-Олаштышы дӓ Сернур посёлкыштышы ӧлицӓвлӓлӓн, Мары Эл Сернур район Летник школлан (2001 и гӹц 2004 и якте) пумы, школышты Дим. Орай лӹмӓн музей улы.
• Дим. Орайын туан солаштыжы, Сернур район Мары Пыжай солаштышы шачмы-кушмы пӧрт вӓрӹштӹ, сирӹзӹн шачмыжылан 100 и теммӹ годым, 2001 ин, ӓшӹндӓрӹмӓш кӱм пиштӹмӹ.
• Мары Турек район Косолоп солашты С. Р. Суворов лӹмӓн садышты Дим. Орайын шӹгержӹ вӹлны сирӹзӹн колымыжы паштек бюстым шӹндӹмӹ ылын. 2013 ин, тоштеммӹжӹ велдӹк, бюст вӓреш кӹзӹтшӹ памятникӹм шагалтымы.
• Мары Эл Сернур дӓ Мары Турек районвлӓшты каждый ин лыдшывлӓлӓн «Орай лыдмаш» конкурс, ӓшӹндӓрӹмӓш вады, Дим. Орай лӹмеш молы айо эртӓрӓлтӹт.
• Дим. Орай ӹлӹмӹ, пӓшӓм ӹштӹмӹ дӓ тӹдӹм тайымы Косолоп солашты сирӹзӹ дӓ журналист лӹмеш айом эртӓрӹмӓш овуцаш сӓрнӓлтӹн.

Наградывлӓ

• «Ленинград верц кредӓлмӹлӓн» медаль;
• «1941-1945 ивлӓштӹшӹ Кого Атямӱлӓндӹ вырсышты Германим сӹнгӹмӹлӓн» медаль;
• «1941-1945 ивлӓштӹшӹ Кого Атямӱлӓндӹ вырсышты яжон пӓшӓлӹмӹлӓн» медаль;
• Мары АССР Кӱшӹл Кӓнгӓш Президиумын Почет грамотыжы (1941, 1945, 1946).

Примечани

Литература

• Пӱнчерский К. Дим. Орайын творчествыже // У вий. 1935. № 5. С. 95—104.
• Ефруш Г. Дим. Орайын творчествыже // Пиалан илыш. 1939. № 2. С. 73—87.
• Эман С. Рассказы и повести Дмитрия Орая // Труды МарНИИ. 1956. Вып. 8. С. 95—123.
• Очерки истории марийской литературы. — Йошкар-Ола. 1960. Ч. II. — С. 183—227.
• Орай // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
• Дмитрий Орай // Эман С. Сылнымут нерген мут. — Йошкар-Ола, 1971. — С. 78—168.
• Александров А. М., Беспалова Г. Е., Васин К. К. Дим. Орай // Писатели Марийской АССР: биобиблиографический справочник. — Йошкар-Ола: Марийское книжное издательство, 1976. — С. 219—221. — 368 с. — 5000 экз.
• Александров В. Йылме мастар // Ончыко. 1976. № 5. С. 110—112.
• Онар тукым // Зайниев Г. Илыш эҥер. — Йошкар-Ола, 1982. — С. 40—47.
• Сергеев М. Шкежат чолга шӱдыр гаяк // Арслан тукым. — Йошкар-Ола, 1985. — С. 49—57.
• Беспалова Г. Е., Васин К. К., Зайниев Г. З. Дим. Орай // Писатели Марийской АССР: биобиблиографический справочник / Отв. А. В. Селин. — Йошкар-Ола: Марийское книжное издательство, 1988. — С. 209—212. — 376 с. — 5000 экз.
• Соловьёв А. А илыш эҥер шуйна // Марий коммуна. 1991. 18 сентября.
• Ибатов-Эман С. Савакский соловей // Турекская сторона. — Казань, 2000. — С. 154—158.
• Дим. Орай. 100 ий. — Йошкар-Ола, 2001. — 11 с.
• Зайниев Г. Марий сылнымутын ик чолга шӱдыржо // Марий Эл. 2001. 18 сентября.
• Зайниев Г. Сквозь туманы // Марийская правда. 2001. 18 сентября.
• «Тӱтыра вошт» йолга «Чолга шӱдыр» // Зайниев Г. Илыш муро. — Йошкар-Ола, 2006. — С. 42—67.
• Дим. Орай // Писатели Марий Эл: биобиблиографический справочник / Сост. А. Васинкин, В. Абукаев и др. — Йошкар-Ола: Марийское книжное издательство, 2008. — С. 456—458. — 752 с. — 3000 экз. — ISBN 978-5-7590-0966-5.
• Орай (Богословский Дмитрий Фёдорович) // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 265. — 2032 экз. — ISBN 5-87898-357-0.
• Орай (Богословский Дмитрий Фёдорович) // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 594. — 872 с. — 3505 экз. — ISBN 978-5-94950-049-1.
• Зайниев Г. З., Таникеева В. Д. Лӱм верч огыл возенам… (Я творил не ради славы…). Дим. Орай: писатель, журналист, человек. Статьи, выступления, письма, воспоминания. — Йошкар-Ола: Марийское книжное издательство, 2011. — 160 с. — ISBN 978-5-7590-1050-0.
• Зайниев Г. «Возымо пешак шуэш…» // Марий Эл. 2011. 27—29 сентября.
• Зайниев Г. Онар калыкын эргыже // Ончыко. 2011. № 8. С. 93—101.
• Онар калыкын эргыже // Зайниев Г. З. Нунын ӱмыр — сото шӱдыр. — Йошкар-Ола, 2011. — С. 22—32.
• Ванаев И. «Ончет йырваш — илышын чон куана…» // Марий Эл. 2016. 18 октября.
• Инин Г. Дим. Орай — поэт // Марий Эл. 2016. 5 апреля.
• Шурыгин А. В. Немеркнущая звезда: страницы жизненного и творческого пути марийского писателя и журналиста Дим. Орая (к 115-летию со дня рождения) // Музейный вестник. Ежегодный сборник. Вып. № 11. — Йошкар-Ола: ГБУК «Национальный музей РМЭ им. Т. Евсеева», 2017. — С. 51—58.
• Федосеева Н. А. Орай Дмитрий (Богословский Дмитрий Фёдорович) // История Марийского края в лицах. 1917—1940 гг. — Йошкар-Ола, 2017. — С. 268—270.
• Зайниев Г. З. Орай (Богословский) Дмитрий Фёдорович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 319. — 606 с. — 1500 экз. — ISBN 978-5-905314-35-3.
• Шурыгин А. В. Немеркнущая звезда Димитрия Орая (Д. Ф. Богословского) (к 115-летию со дня рождения писателя и журналиста) // Национальная культура в социальном пространстве и времени: материалы V Межрегиональной научно-практической конференции «Йыван Кырла лудмаш». Науч. ред. Н. С. Попов. — Йошкар-Ола, 2019. — С. 274—280.
• Дим. Орай (Богословский Дмитрий Фёдорович) // Писатели Марий Эл: биобиблиографический справочник / Сост. Г. Сабанцев, Ю. Соловьёв и др. — Йошкар-Ола: Марийское книжное издательство, 2020. — С. 255—257. — 423 с. — 1000 экз. — ISBN 978-5-7590-1285-6.

Ссылкывлӓ

• Виртуальная выставка «Немеркнущая звезда» к 115-летию со дня рождения Дим. Орая на сайте Национального музея РМЭ им. Т. Евсеева.