Васильев, Валериан Михайлович

Валериан Михайлович Васильев
Ӱпымарий – Уфа мары
Шачмы кечӹ	1 январь 1883(1883-01-01)
Шачмы вӓр	Сусады-Эбалак[d], Янаульский район[d]
Колымы кечӹ	2 май 1961(1961-05-02) (78 и)
Колымы вӓр	Йошкар-Ола, РСФСР[d], СССР[d]
Сӓндӓлӹк	Российский импери[d]  СССР[d]
Научный сфера	истори, этнографи, филологи, краеведени
Пӓшӓ вӓр	Йӹлмӹм, литературым дӓ историм шӹмлӹшӹ В.М.Васильев лӹмӓн мары институт[d]
Образовани	Азаныштышы университет[d] Азаныштышы духовный семинари[d]
Учёный степень	филологи наукывлӓн доктор[d] (1958)
Учёный звани	профессор[d]
Пӓлӹмӹ	марий гуманитарный наукывлӓлӓн негӹцӹм пиштӹшӹ
Награда дон премивлӓ	МАССР Кӱшӹл Кӓнгӓш Президиумын почётан грамотыжы (1958)

Валериан Михайлович Васильев (псевдоним Ӱпымарий — Уфа мары; шачмы лӹмжӹ — Вастаев Темьян Гайсинович; 1 январь 1883, Сусады-Эбалак^[d] — 2 май 1961, Йошкар-Ола) — совет мары учёный-шӹмлӹзӹ, фольклорист, этнограф, краевед, просветитель, педагог, общественный пӓшӓзӹ. Мары лингвистика, этнографи, фольклористика, музыковедени наукывлӓлӓн негӹцӹм пиштӹшӹ, пӹтӓришӹ мары писательвлӓ логӹц иктӹжӹ.

Ӹлӹмӓш корныжы

Мары учёный-йӹлмӹзӹ Валериан Михайлович Васильевлӓн памятник

Хресӓнь йиш гӹц. 1902 ин крестӓлтӹн, шачмы лӹмжӹ — Темьян Гайсинович Вастаев.

Бирск халаштышы семинарим (1902), Азаныштышы духовный семинарим (1906), Азан университетӹм (1918), СССР Наука академин Яфетический институтшын аспирантурыжым тымень пӹтӓрен (Ленинград, 1930).

1917 ин Поволжьештӹшӹ изи халыквлӓн ушемӹн мары секцижӹн председательжӹ, Бирск халашты эртӓрӓлтшӹ Марынвлӓн Россий кӱкшӹцӓн I погынын организаторвлӓжӹ логӹц иктӹжӹ дӓ вуйлатышыжы ылын. Политика шотышты аншалтышыжы доно эсервлӓ докы лишӹл ылын, но партиштӹ ылде.

Азан ӹдӹрӓмӓш учительский семинариштӹ мары йӹлмӹм тымдышы (1907—1918), Азаныштышы Ирвел педагогика институтын профессоржы (1918—1930), Мары педагогика институтын мары йӹлмӹ кафедрӹн доцентшӹ, МарНИИ-н йӹлмӹ секцин когорак научный пӓшӓзӹжӹ (1934—1941), МГПИ-н мары йӹлмӹ дӓ сӹлнӹшая кафедрӹн (1939—1940), Тӹнг мары музейӹн вуйлатышыжы, Тымдышывлӓн пӓлӹмӓшӹштӹм келгемдӹшӹ Мары институтын научный пӓшӓзӹжӹ (1942—1943), МарНИИ-н когорак научный пӓшӓзӹжӹ (1944—1956).

Филологи наукывлӓн кандидат (1947). Филологи наукывлӓн доктор (1957).

Йӹвӹрт оролымашкы попазен: 1931 ин тӹдӹм арестуенӹт дӓ Мары автономи область гӹц поктен колтенӹт, сталин репресси жепӹн шӹлӹн каштын, ик гӓнӓ веле агыл республика гӹц ӧржӹштӹ ылын.

Научный пӓшӓ

Азанышты тыменьмӹжӹ годым тӹдӹ «Марла календарь» и йӹде лӓкшӹ изданим лыкшывлӓ логӹц иктӹжӹ ылын (1907—1914), тӹштӹ редактор, сӓрӹзӹ, оригинальный произведенивлӓн авторжы дӓ фольклор произведенивлӓм погышы семӹнь выступаен. Букварьым, «Тӹнгӓлтӹш марла книгӓ», «Вес марла книгӓ» учебниквлӓм йӓмдӹлӹшӹ семӹнь пӓлӹмӹ.

В. М. Васильевӹм мары йӹлмӹ наукын «патриархшы» маныныт. 1906 и гӹц — 250 утла научный пӓшӓн авторжы, нӹнӹ лошты: «Мары йӹлмӹн научный грамматикӹжӹ», «Мары йӹлмӹн грамматикӹжӹ гишӓн сирӹмӓш», «Мары поэтика доно материалвлӓ». Тӹдӹ пӹтӓришӹ литературный йӹлмӹм виӓнгдӹмӓштӹ кого рольым мадшы цела мары йӹлмӹ лӹмдерӹм йӓмдӹлен дӓ лыктын («Мары лӹмдер», 1928). Тӹдӹн научный пӓшӓштӹжӹ кого вӓрӹм фольклористика нӓлӹн шалген. 1919—1923 ивлӓн тӹдӹ мары мырывлӓн текстӹштӹм нотывлӓге пецӓтлен («Мары мырывлӓ»).

С. Чавайн, М. Шкетан, Н. Мухин, Н. Игнатьев, Ш. Осып дӓ молы доно иквӓреш мары халык литературым тӹнгӓлшӹвлӓ логӹц иктешӹжӹ шотлалтеш. Тӹдӹн лыдышвлӓжӹ, балсньывлӓжӹ, шайыштмашвлӓжӹ революци гӹц анзыцшы жепӹн сакой изданивлӓштӹ, «Марла календарь» альманахышты, школ хрестомативлӓштӹ, класс гӹц ӧрдӹжӹштӹшӹ лыдмы книгӓвлӓштӹ пецӓтлӓлтӹнӹт. Ӹшке произведенивлӓштӹжӹ тӹдӹ халыкым ирӹк дон пӓлӹмӓш докы ӱжӹн, гуманизм, социальный тӧр идейвлӓм мактен.

Тӹдӹ мары йӹлмӹш И. Крыловын басньывлӓжӹм, Л. Толстойын, К. Ушинскийӹн шайыштмашвлӓштӹм, А. Пушкинӹн, Н. Некрасовын, А. Кольцовын лыдышвлӓштӹм, «Смело, товарищи, в ногу», «Славьте Первое мая», «Интернационал» революци мырывлӓм сӓрен. 1943 ин Совет Союзын Гимнжӹм шачмы йӹлмӹш сӓрӹмӹ пӓшӓм ӹштен.

Тӹнг произведенивлӓ

В. М. Васильевӹн тӹнг сӹлнӹшая произведени дон научный пӓшӓжӹвлӓжӹ:

• Марий калыкын мурыжо, туштыжо да йомакше. Казань, 1908. 16 с.
• Марла ойлымаш-влак. Казань, 1909. 24 с.
• Марий мут: тошто гыч тÿҥалын таче марте ойлымо муро, тушто, йомак, пале, туныктымо мут, молыжат. Казань, 1918. 44 с.
• Марий муро. М., Центриздат, 1923. 88 с.
• Марла ойлымаш-влак. Краснококшайск, 1926. 36 с.
• Марла ойлымаш-влак: Вес лукмаш — кугурак икшыве-влаклан. Краснококшайск, 1927. 48 с.
• Материалы по марийской поэтике. Казань, 1930. 110 с.
• Басня-влак // Мут орлаҥге: ойырен налме проза. Йошкар-Ола, 1963. С. 129—133.
• Пырыс ден шыл; Пырыс ден коля; Поян веҥе: почеламут-влак // Марий литература (9 класслан хрестоматий). Йошкар-Ола, 1975. С. 4—5.
• Почеламут-влак: икшыквылык ойлымаш-влак // Сылнымут памаш. Йошкар-Ола, 1982. С. 64—78.
• Йÿштерге: ойлымаш-влак. Йошкар-Ола, 1991. 40 с.

Награда дон званивлӓ

• МАССР Кӱшӹл Кӓнгӓш Президиумын почётан грамотыжы (1958)
• Финн-угр ушемӹн вескид сӓндӓлӹкӹштӹшӹ членжӹ (Хельсинки, Финлянди).

Ӓшӹндӓрӹмӓш

• Йошкар-Олашты тӹдӹн лӹмӓн ӧлицӓ (1983 и 9 март гӹц).
• Тӹдӹн лӹмжӹм Йӹлмӹм, сӹлнӹшаям дӓ историм шӹмлӹшӹ мары научно-исследовательский институтлан пумы (1983).
• Туан Сусады-Эбалак солаштыжы В. М. Васильевӹн пӧрт-музейжӹ пӓшӓм ӹштӓ, музей кудывичӹштӹ тӹдӹн бюстшым шагалтымы.

Примечани

Литература

• Александров А. М., Беспалова Г. Е., Васин К. К. В. Васильев // Писатели Марийской АССР: биобиблиографический справочник. — Йошкар-Ола: Марийское книжное издательство, 1976. — С. 55—57. — 368 с. — 5000 экз.
• Беспалова Г. Е., Васин К. К., Зайниев Г. З. В. Васильев // Писатели Марийской АССР: биобиблиографический справочник / Отв. А. В. Селин. — Йошкар-Ола: Марийское книжное издательство, 1988. — С. 41—44. — 376 с. — 5000 экз.
• Васильев Валериан Михайлович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 64. — 2032 экз. — ISBN 5-87898-357-0.
• Валериан Васильев // Писатели Марий Эл: биобиблиографический справочник / Сост. А. Васинкин, В. Абукаев и др. — Йошкар-Ола: Марийское книжное издательство, 2008. — С. 127—129. — 752 с. — 3000 экз. — ISBN 978-5-7590-0966-5.
• Васильев Валериан Михайлович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 268. — 872 с. — 3505 экз. — ISBN 978-5-94950-049-1.
• Сануков К. Н. Просветитель, учёный / Сануков К. Н. // Наши земляки: пути и судьбы. Очерки. — Йошкар-Ола: ООО «Издательство Мари Книга», 2011. — С. 74—83. — ISBN 978-5-91895-006-7.