Ванюков, Семён Иванович
| Семён Иванович Ванюков | |||||||||
|---|---|---|---|---|---|---|---|---|---|
| кирг. Семён Иванович Ванюков | |||||||||
 | |||||||||
| Шачмы кечӹ | 1917 и 24 май | ||||||||
| Шачмы вӓр | |||||||||
| Колымы кечӹ | 2006 и 10 июнь (89 и) | ||||||||
| Колымы вӓр | Бишкек | ||||||||
| Награда дӓ премивлӓ |
|
||||||||
Семён Иванович Ванюков (24 май 1917, Изи Шӹндӹр — 10 июнь 2006, Бишкек) — СССР-ӹн гражданский авиацижӹн министерствыжын гражданский авиацижӹн Киргизский управленижӹн Ан-2 самолётын командиржӹ, Социалистический Пӓшӓн Геройжы (1971).
Ӹлӹмӓш корныжы
1917-шӹ ин 24-шӹ майын Мары автономный областьыштышы Кырык мары районын Изи Шӹндӹр солаэшӹжӹ шачын. Техник-землеустроитель семӹнь пӓшӓм ӹштен. 1936-шы и гӹц Козьмодемьянскышты авиаклубышты чонгештӹлмӹ пӓшӓм тыменьӹн. 1937-шӹ и гӹц Йошкар-Олашты ӹлен, тиштӹ аэроклубышты пакыла тыменьӹн. 1939-шӹ ин Ульяновскыштышы лётчиквлӓн школым тымень пӹтӓрен, тидӹ паштек Йошкар-Олашты Ната Бабушкина лӹмӓн школышты лётчик-инструктор семӹнь пӓшӓм ӹштен.
1941-шӹ и июнь гӹц 710-шы йыд авиаци полкын кӹшкӓрӹштӹжӹ[1] Кого Ӓтямӱлӓндӹ вырсышты ылын. 1942-шы ин ВКП(б) пырен.1945-шӹ и май якте 540 гӓнӓ боевой вылетым ӹштен. Когорак лейтенант звани доно демобилизуялтын.
1946-шы и гӹц лётчикӹштӹ пӓшӓлен, Фрунзе халашты гражданский авиацин Киргизский управленижӹн Ан-2 самолётшын командиржӹ ылын. Семён Ванюковын командуйымы экипажшы пассажирвлӓм шыпштымы шотышты Кӓндӓкшӹмшӹ вӹциӓш пӓшӓ планым жеп шодеок темен. 1971-шӹ ин 15-шӹ июньын СССР-ӹн Кӱшӹл Кӓнгӓшӹжӹн Президиумжын указшы семӹнь «пассажирвлӓм юж транспорт доно шыпштымы гишӓн вӹциӓш планын заданижӹм темӹмӓштӹ, сӓндӓлӹкӹн халык хозяйствыштыжы авиацим кычылтмашты дӓ у авиаци техникӹм тыменьмӓштӹ кого анзылтымашыш шомы гишӓн» Социалистический Пӓшӓн Геройжы лӹмӹм сылен дӓ Ленин орденӹм, «Сарла дон Молот» шӧртньӹ медальым кычыктымы[2].
1989-шӹ ин пенсиш лӓктӹн. Бишкекӹштӹ ӹлен дӓ тӹшӓкенок 2006-шы ин колен.
Наградывлӓ
- Социалистический Пӓшӓн Геройжы (1971)
- Ленин орден (1971)
- Якшар Шӹдӹр орден (40000 №; 15.05.1942)
- Якшар Знамя орден (44312 №; 23.02.1943)
- II степенян Ӓтямӱлӓндӹ вырсын орденжӹ (75222 №; 1.05.1944)
- I степенян Ӓтямӱлӓндӹ вырсын орденжӹ (11.03.1985)
- «Москвам перегӹмӹлӓн» медаль (1.05.1944)
- «1941–1945-шӹ иӓш Кого Ӓтямӱлӓндӹ вырсышты Германим сӹнгӹмӹ гишӓн» медаль
- Киргизский ССР-ӹн Кӱшӹл Кӓнгӓшӹжӹн Президиумжын Почётан грамотыжы (кым гӓнӓ)
- Узбекский ССР-ӹн Кӱшӹл Кӓнгӓшӹжӹн Президиумжын Почётан грамотыжы (кок гӓнӓ)
Примечани
- ↑ Владимир Савончик, 710-й ночной бомбардировочный авиационный полк Архивный копи от 7 ноябрьын 2017 на Wayback Machine
- ↑ Указ Президиума Верховного Совета СССР «О присвоении звания Героя Социалистического Труда работникам предприятий и организаций Министерства гражданской авиации СССР» от 15 июня 1971 года
Литература
- Они защищали Родину. Вспомним их поимённо: г. Козьмодемьянск. — Чебоксары, 2005. — 131 с.
- Кыргыз Совет Энциклопедиясы / под ред. Б. О. Орузбаева. — Иридий, 1977. — 672 с.
Ссылкывлӓ
- Ванюков Семён Иванович. www.warheroes.ru. Тергӹмӹ кечӹ: 1 августын 2025.
- Ванюков Семён Иванович (руш.). Муниципальное учреждение «Козьмодемьянский культурно-исторический музейный комплекс». Тергӹмӹ кечӹ: 4 августын 2025. Архивируйымы 2 январьын 2018 года.
Ти статьяш РУВИКИ-н вес статьявлӓжӹ ак колтеп. |
.svg){kind=link}