Таникова, Елена Сергеевна
| Елена Сергеевна Таникова | |
|---|---|
 | |
|
| |
 Мары Эл Республикӹн пӓшӓ дӓ социальный перегӹмӓш шотышты министр
 |
|
| 23.06.2025 — кӹзӹтшӹ жеп якте | |
|
|
|
| Шачын |
12 сентябрь 1974 (51 и) |
| Образовани | |
Елена Сергеевна Таникова (шач. 12 сентябрь 1974, Йошкар-Ола, РСФСР[d], СССР[d]) — музыкант, российӹштӹшӹ кугижӓншӹ пӓшӓзӹ. 2025 и 23 июнь гӹц — Мары Эл Республикӹн пӓшӓ дӓ социальный перегӹмӓш шотышты министр[1][2].
Ӹлӹмӓш корныжы
1974 ин 12 сентябрьын Йошкар-Олашты шачын.
1981 и гӹц 1989 и якте Йошкар-Олаштышы 17-шӹ №-ӓн кӹдӓлӓш общеобразовательный школышты тыменьӹн.
1993 ин И. С. Палантай лӹмӓн Йошкар-Олаштышы музыкальный училищӹн скрипкӓ классшым тымень пӹтӓрен.
1998 ин А. К. Глазунов лӹмӓн Петрозаводский кугижӓншӹ консерваторин финн-угр халыквлӓн музыка кафедрӹштӹ «артист-инструменталист», «скрипкӓ доно тымдышы» специальностьвлӓ доно пӓлӹмӓшӹм нӓлӹн.
2022 ин Искусствывлӓн историн российӹштӹшӹ институтыштышы аспирантурын экстернатшым «искусствоведени» специальность доно тымень лӓктӹн.
2023 ин Поволжский кугижӓншӹ технологический университетӹштӹ «кугижӓншӹ дӓ муниципальный управлени» специальность доно магистратурым тымень пӹтӓрен.
Мары халыкын традиционный инструментальный искусствыжы гишӓн 20 утла статьян авторжы[3][4], российӹштӹшӹ конкурсвлӓн лауреатшы[5].
2015 и гӹц 2018 и якте Россий Федерациштӹшӹ оборона Министерствын Вадывел военный округыштышы (ЗВО) Офицервлӓн пӧртӹн ансамбльжы доно Сирийский Арабский Республикӹштӹ российӹштӹшӹ группировкын военнослужащийвлӓлӓн концертӹм анжыктен, боевой действивлӓн ветеранжы ылеш. 2019 и гӹц Искусствывлӓн историн российӹштӹшӹ институтышты наукым шӓрӹмӹ отдел вуйлатышын пӓшӓм ӹштен, культурын федеральный учреждеништӹжӹ научно-образовательный мероприятивлӓм эртӓрӹмӹлӓн отвечӓен.
2022 ин 18 июльын Мары Элӹн Главажы Ю. В. Зайцевӹн Указшы семӹнь Санкт-Петербургышты дӓ Ленинград областьышты Мары Эл Республикӹн Полномочный представителешӹжӹ шагалтенӹт. Ти должностьышты Мары Эл Республика, Санкт-Петербург дӓ Ленинград область лошты межрегиональный сотрудничествын виӓнгмӹжӹм виктӓрен, Санкт-Петербург дӓ Ленинград областьышты мары землячествывлӓн пӓшӓштӹм виден, Мары Эл Республикӹм Санкт-Петербургын медиапространствыштыжы лӹмлештӓрӹмӹлӓн отвечӓен. Пӓшӓм ӹштӹмӹ жепӹн торгейӹмӓш-экономика монгырым сотрудничество, культура, туризм, молодёжный политика, мары халыкын исторический наследижӹм перегӹмӓш шотышты кӹлӹм пингӹдемдӹмӹ. Эртӓрӹмӹ мероприятивлӓ лошты: «Невский пятачок» халыквлӓн ӓшӹндӓрӹмӓш аллей комплексӹштӹ Кого Ӓтямӱлӓндӹ вырсышты Мары Эл Республика гӹц колышывлӓм ӓшӹндӓрӹктӹшӹ стеллым вӓрӓнгдӹмӓш (Ленинград область, 2024), Кого Ӓтямӱлӓндӹ вырсышты Сӹнгӹмӓшлӓн 80 и теммӹ лӹмеш «Сӹнгӹмӓшӹн кӓрш» регионвлӓ лоштышы культурно-патриотический проектӹм ӹлӹмӓшӹш пыртымаш (Санкт-Петербург, Ленинград область, Мары Эл Республика, 2025).
2025 и январь гӹц Россий Федерацин Президентшӹ сагашы Мары Эл Республикӹн со ылшы представительжӹн Ольга Бадма-Халгаеван вашталтышыжын постышты ылын[6].
2025 ин 23 июньын Мары Эл Республикӹн пӓшӓ дӓ социальный перегӹмӓш шотышты министреш шагалтенӹт[7].
2025 ин 11 ноябрьын пӓшӓ дӓ социальный перегӹмӓш шотышты министр Елена Таникова Мары Эл Республикӹштӹшӹ Регионым виктӓрӹшӹ центрӹн студиштӹжӹ республикӹштӹ ӹлӹшӹвлӓн ядмашвлӓэш пӹтӓришӹ виӓш эфирӹштӹжӹ вӓшештен[8].
Семня
- Семняӓн, эргӹжӹ улы.
Примечани
- ↑ Кидшер. Елена Таникова назначена министром труда и социальной защиты Марий Эл (ru-RU), Кидшер (23 июньын 2025). Дата обращения: 18 ноябрьын 2025.
- ↑ В Марий Эл назначили нового министра труда и соцзащиты(неопр.). МариМедиа. Тергӹмӹ кечӹ: 18 ноябрьын 2025.
- ↑ Вы точно человек?(неопр.). КиберЛенинка. Тергӹмӹ кечӹ: 18 ноябрьын 2025.
- ↑ Елена Таникова. Окопные и рекрутские песни мари и их инструментальные версии (опыт реконструкции) (ru-RU) // Музыкальный журнал Европейского Севера № 1, 2015.
- ↑ "Дорогами музыки" - встреча Таниковой Е. С. с учащимися струнного отделения(неопр.). Тергӹмӹ кечӹ: 18 ноябрьын 2025.
- ↑ Постоянный представитель Республики Марий Эл при Президенте Российской Федерации(неопр.). Официальный портал Республики Марий Эл. Тергӹмӹ кечӹ: 18 ноябрьын 2025.
- ↑ Министром социального развития Марий Эл назначена Елена Таникова (ru-RU), Марийская правда. Дата обращения: 18 ноябрьын 2025.
- ↑ Министр труда и социальной защиты Марий Эл ответила на вопросы жителей в прямом эфире(неопр.). МариМедиа. Тергӹмӹ кечӹ: 18 ноябрьын 2025.
Ссылкывлӓ
- Министр труда и социальной защиты Республики Марий Эл(неопр.). Тергӹмӹ кечӹ: 18 ноябрьын 2025.
 |
|---|
| Глава, председатель | | |
|---|---|---|---|
| Пӹтӓришӹ вашталтышывлӓ | |||
| Вашталтышывлӓ |
| ||
| Главан администрацижӹм вуйлатышы | |||
| Министрвлӓ |
| ||