Зайцев, Юрий Викторович

Ирӹкӓн энциклопеди Википеди гӹц материал
Юрий Викторович Зайцев
Зайцев -Юрий-Викторович.jpg
Флаг
Мары Эл Республикӹн Вуйлатышыжы
Флаг
2022 ий 23 сентябрь гӹц
(2022 и 10 май — 23 сентябрь врио)
Президент Владимир Путин
Андакшы пӓшӓзӹ Александр Евстифеев
Флаг
Калмыки Республикӹн правительствын председательжӹ
Флаг
2019 и 14 октябрь — 2022 и 10 май
Андакшы пӓшӓзӹ Игорь Зотов
Вашталтышы Очир Шургучеев (врио)
Гиляна Босхомджиева
Шачын 1970 и 16 декабрь(1970-12-16) (55 и)
Монино, Московский область, РСФСР, СССР
Тетявлӓ эргӹжӹ: Андрей
Парти Единый Россий
Образовани СССР Оборона министерствын Военный институтшы
Ученый степень экономика наукывлӓн кандидат
Професси сӓрӹшӹ-референт
Пӓшӓ кугижӓншӹ пӓшӓзӹ
Награда
Сайт mari-el.gov.ru
Логотип РУВИКИ.Медиа Медиафайлы на РУВИКИ.Медиа

Юрий Викторович Зайцев (шач. 16 декабрь 1970, Монино[d], Москва область[d]) — российӹштӹшӹ кугижӓншӹ пӓшӓзӹ дӓ вуйлатышы. 2022 и 23 сентябрь гӹц (2022 и 10 май — 23 сентябрь врио) Мары Эл Республикӹн Вуйлатышыжы дӓ правительствын председательжӹ.

2024 и 25 апрель гӹц «Единый Россий» партин Мары кымдемӹштӹшӹ отделенин секретарьын пӓшӓжӹм шоктышы[1].

Анзыц, 2019 и 14 октябрь гӹц 2022 и 10 май якте, Калмыки Республикӹн правительствын председательжӹ ылын[2].

Ӹлӹмӓш корныжы

Юрий Зайцев 1970 ин 16 декабрьын Москва областьын Монино халашты шачын.

СССР Оборона министерствын Военный институтшым «Вескид йӹлмӹ» специальностьын «сӓрӹшӹ-референт, информаци-аналитика шотышты специалист» квалификацижӹ доно тӹмень пӹтӓрен. Итальянский дӓ французский йӹлмӹвлӓм яжон пӓлӓ. Экономика наукывлӓн кандидат. 2011 ин академик И. Г. Петровский лӹмӓн Брянскыштышы кугижӓншӹ университетӹштӹ «Кымдемӹн инноваци йӧн доно виӓнгмӓшкӹжӹ вескид инвестицим лишемдӹмӓшӹн организационно-экономический механизмжӹм уэмдӹмӓш: Калуга областьын материалвлӓжӹ негӹцеш» тема доно диссертацим ӹшӹклен[2].

Зайцев кадровый виктӓрӹшӹ резервӹм виӓнгмӓш шотышты программа семӹнь Госуправленин кӱшӹл школышты (губернаторвлӓн школ), Россий Федерацин президент сагашы Российӹштӹшӹ халык хозанлык дӓ кугижӓншӹ служба академиштӹ, Россий Федерацин Вооружённый Силан Генеральный штабын Военный академиштӹ дӓ молы кӱшӹл тыменьмӹ заведеништӹ пӓлӹмӓшӹм поген[2].

1996 и гӹц 2011 и якте Зайцев Россий Федерацин металлурги комплексӹн коммерци структурвлӓштӹ пӓшӓм ӹштен. 2011-2013 ивлӓ годым — «Метгрупп» ООО-н генеральный директоржы (Москва)[2].

2014 и февраль гӹц август якте Зайцев «Йыдпелвел Кавказын МРСК» ОАО-н генеральный директоржын советникшӹ, а вара икшӹ вашталтышыжы лин. Позданрак вӹц и жепӹштӹ компаништӹжӹ генеральный директор дольжностьышты шалген[2].

2019 ин Зайцевӹм Калмыки Республикӹн правительствын председателеш шагалтенӹт, ти постым 2022 и май якте нӓлӹн шалген[3].

Мары Эл Республикӹн вуйлатышыжы

2022 ин 10 майын, регионын анзыцшы вуйлатышыжы Александр Евстифеевӹн пӓшӓ гӹч карангмыжы гишӓн, Российӹн президентшӹ Владимир Путин Зайцевӹм Мары Эл вуйлатышын пӓшӓжӹм жеплӓн шоктышеш шагалтен[4].

12 июньын Зайцев регионын вуйлатышым айырымашты ӹшке вуя кандидат семӹнь айыралташ манын, избирательный комиссиш документвлӓм пуэн[5]. Айырымашты 82,44 % юкым поген. 2022 ин 23 сентябрьын Зайцев Мары Эл Республикӹм вуйлатышын должностьыш шагалын[6].

2022 ин 11 августын президент Путин Зайцев доно вӓшлимӓштӹ тӹдӹн вниманижӹм Российӹштӹ корным стройымы пӓшӓш кого оксам колтымашкы виктӓрен дӓ ти пӓшӓм сек анзыц республикӹштӹ ӹлӹшӹ эдемвлӓлӓн пуаш шӱден, малын манаш гӹнь, ти пӓшӓ корным стройышы эдемвлӓ гӹц профессионально келгӹн йӓмдӹлӓлтмӓшӹм (кӱшӹл квалицфикациӓн инженер гӹц пасна) ак яд. Мары Элӹштӹ корнын йӧндӹмӹ ылмыжым пӓлдӹртӹшӹлӓ, президент регионым корным стройымаш шотышты федеральный планыш пырташ попен, тидӹ сферӹштӹ программывлӓ пиш кого ылыт дӓ ситӹшӹ окса палшык пӓлемдӓлтӹн манын келесен. Путин Зайцевлӓн республикӹштӹ пӓшӓдӹмӹлыкын кӱкшӹ ылмыжы гишӓн, Россий мычкы икпоратка показатель гӹц кӱшнӹрӓк гишӓн попен, седӹндон республикӹштӹшӹ халыклан пӓшӓм ситӓрӹмӓш шотышты йӧнӹм ӹштӓш шӱден[7].

Йиш

Вӓтӓн ылеш, эргӹжӹ улы[8].

Санкцивлӓ

2023 ин 24 февральын США Госдеп Зайцевӹм санкци спискӹш пыртен.

Наградывлӓ

  • Россий Федерацин Федеральный Погынымашын Кугижӓншӹ Дума Председательӹн Благодарностьшы (2015)
  • «Заслуга гишӓн» орден (2015)
  • «Ытарымы лӹмеш содуржество гишӓн» медаль (2015, Россий МЧС)
  • «Чечня Республика анзылны заслуга гишӓн» медаль (2015)
  • РСО-Аланин Почётан грамотыжы (2015)
  • Кабардино-Балкарский Республикӹн Почётан грамотыжы (2015)
  • Карачаево-Черкесский Республикӹн Почётан грамотыжы (2015)[9][10]
  • Россий Федераци Президент Администрацин Тау шамакан сирмӓшӹжӹ (2015, 2016)
  • Россий МЧС-ын «Россий МЧС-лан XXV и» медальжы (2016)
  • «Дербент халан шотеш пиштӹмӹ гражданинжӹ» медаль (2016)
  • «Россети» ПАО-н Благодарностьшы (2016, 2017)
  • Дагестан Республикӹн Почётан грамотыжы (2016, 2018)
  • Россий Федерацин Энергетика министерствын Благодарностьшы (2017)
  • Россий Федерацин Президентшӹ Владимир Путинӹн Благодарностьшы (2018)
  • Дагестан Республикӹн Халык погынымашын Почётан грамотыжы (2018)
  • Калмыки Республика Вуйлатышын Благодарностьшы (2019)
  • Калмыки Республикӹн Почётан грамотыжы (2020)
  • Калмыки Республикӹн шотеш пиштӹмӹ гражданинжӹ[11]
  • «Военный службышты айыртемӓлтмӹ гишан» III степенян медаль

Примечани

  1. ↑ Глава Республики Марий Эл Юрий Зайцев назначен исполняющим полномочия секретаря реготделения «Единой России» (руш.). Партия «Единая Россия» (25 апрельӹн 2024).
  2. ↑ 1 2 3 4 5 Зайцев, Юрий Викторович, ТАСС. Дата обращения: 25 сентябрьын 2025.
  3. ↑ Председатель правительства Калмыкии стал врио главы Марий Эл (руш.). РБК. Тергӹмӹ кечӹ: 25 сентябрьын 2025. Архивируйымы 12 майын 2022 года.
  4. ↑ Путин назначил врио главы Республики Марий Эл (руш.). Газета.ru. Тергӹмӹ кечӹ: 25 сентябрьын 2025. Архивируйымы 12 майын 2022 года.
  5. ↑ редакция «Кидшер». Зайцев подал документы для участия в выборах главы Марий Эл как самовыдвиженец (руш.). Йошкар-Ола, Марий Эл — свежие, достоверные и актуальные новости, интервью, комментарии экспертов (12 июньын 2022). Тергӹмӹ кечӹ: 25 сентябрьын 2025. Архивируйымы 19 июльын 2022 года.
  6. ↑ Избранный глава Марий Эл Юрий Зайцев вступил в должность (руш.). ТАСС (23 сентябрьын 2022). Тергӹмӹ кечӹ: 25 сентябрьын 2025. Архивируйымы 24 сентябрьын 2022 года.
  7. ↑ Путин призвал привлекать к дорожному строительству прежде всего местных жителей - ТАСС, TACC. Дата обращения: 25 сентябрьын 2025.
  8. ↑ Врио главы Марий Эл Юрий Зайцев. Досье (руш.). Аргументы и Факты. Тергӹмӹ кечӹ: 25 сентябрьын 2025. Архивируйымы 11 майын 2022 года.
  9. ↑ Биография Юрия Зайцева (руш.). РИА Новости. Тергӹмӹ кечӹ: 11 майын 2022. Архивируйымы 25 сентябрьын 2025 года.
  10. ↑ Зайцев Юрий Викторович (руш.). Правительство Республики Калмыкия. Тергӹмӹ кечӹ: 25 сентябрьын 2025. Архивируйымы 15 ноябрьын 2021 года.
  11. ↑ Глава Калмыкии Бату Хасиков: «Карьерный рост членов команды — это знак доверия руководства страны к нам». glava.region08.ru. Тергӹмӹ кечӹ: 25 сентябрьын 2025.

Ссылкывлӓ

«https://mrj.ruwiki.ru/w/index.php?title=Зайцев,_Юрий_Викторович&oldid=315133» гӹц нӓлмӹ