Романов, Никандр Николаевич

Никандр Николаевич Романов
Никандр Николаевич Романов
Шачмы кечӹ	1922 и 6 ноябрь
Шачмы вӓр	Мишкӓнсола, Мары Эл, РСФСР
Колымы кечӹ	2000 и 24 март (77 и)
Колымы вӓр	Тӹрӹнь Йӓктерлӓ, Кырык мары район, Мары Эл, Россий
Гражданство	СССР,; Россий
Пӓшӓн типшӹ	Колхозын бригадиржӹ
	;

Никандр Николаевич Романов (6 ноябрь 1922, Мишкӓн сола (Кырык мары район)^[d], Усола вел солавлӓ — 24 март 2000, Тӹрӹнь Йӓктерлӓ, Усола вел солавлӓ) — совет сола хозанлыкын передовикшӹ, Мары АССР-ӹн Кырык мары районыштышы Ленин лӹмеш колхозын комплексӹштӹшӹ бригадын бригадиржӹ, Социалист Пӓшӓн Геройжы (1965).

Ӹлӹмӓш корныжы

1922 ин Мары Эл Республикӹн кӹзӹтшӹ Кырык мары районын Мишкӓн солаэш улан руш хресӓнь семняэш шачын. 1930-шы ивлӓн Романоввлӓн йишӹм раскулачиваенӹт, а ӓтя-ӓвӓштӹм репрессируенӹт. Тӹнгӓлтӹш образованим нӓлмӹкӹ, Никандр Романов 1942 ин мартын армиш кемешкӹжӹ Йыл мычкы матросышты каштын. Кого Ӓтямӱлӓндӹ вырсышты ылын. Кредӓлмӓш корным Ленинград фронтышты 189-шӹ стрелковый дивизи сага эртен. Ленинградым ӹшӹклӹмӓштӹ ылын, Нарвым, Псковым, Ригӹм ытарен, тышманвлӓн Курляндский группировкын войскавлӓм пӹтӓрӓш палшен^[1]^[2].

1946 ин туан велӹшкӹжӹ пӧртӹлӹн дӓ Мары республикӹн Кырык мары районыштышы Ленин лӹмеш колхоз комплекс бригадын бригадирӹштӹ пӓшӓлӓш тӹнгӓлӹн. 1965 ин тӹдӹн вуйлатымы сола хозанлык коллектив рекордан тури лӓктӹшӹм поген, ӱдӹмӹ ик гектар площадь гӹц 314 центнер лӓктӹн^[1].

Мары АССР-ӹн халык хозанлыкым виӓнгдӹмӓштӹ кого заслугыжы гишӓн СССР Кӱшӹл Совет Президиумын 1965 и 26 ноябряш указшы доно Никандр Николаевич Романовлан Социалист Пӓшӓн Геройжы лӹмӹм пумы, Ленин орден дон «Сарла дӓ Молот» шӧртньӹ медальым кычыктымы.

Варажы пакыла пӓшӓлен, пӓшӓштӹ кого лӓктӹшӹм анжыктен. Кырык мары районышты Лап Йӓктерлӓштӹ ӹлен^[1]^[3].

2000 ин 24 мартын колен, Тӹрӹнь Йӓктерлӓштӹ Усола шӹгерлӓэш тайымы^[1].

Наградывлӓ

Пӓшӓштӹ дӓ сӓрӹштӹ сӹнгӹмӓшвлӓжӹ гишӓн:

«Сарла дӓ Молот» шӧртньӹ медаль (11.03.1958);
Кок Ленин орден (11.03.1958, 23.06.1966);
II степенян Ӓтямӱлӓндӹ вырсы орден (11.03.1985);
«Лӱддӹмӓш гишӓн» медаль (СССР) (20.05.1944);
Ленинградым ӹшӹклӹмӹ гишӓн» медаль (22.12.1942);
Вес медальвлӓ.

Примечани

↑ ¹ ² ³ ⁴ ⁵ Сергей Кузоватов. Никандр Николаевич Романов (руш.). Сайт «Герои страны». Тергӹмӹ кечӹ: 9 ноябрьын 2022.
↑ Романов Никандр Николаевич (неопр.). www.kmkmuzey.ru. Тергӹмӹ кечӹ: 9 ноябрьын 2022.
↑ Герой Социалистического труда – Романов Никандр Николаевич (неопр.). old.mari-el.gov.ru. Тергӹмӹ кечӹ: 9 ноябрьын 2022.

Литература

Марийская биографическая энциклопедия. Йошкар-Ола, 2007.

Ссылкывлӓ

Никандр Николаевич Романов (руш.). Сайт «Герои страны».

[вх-1] ¹ ² ³ ⁴ ⁵ Сергей Кузоватов. Никандр Николаевич Романов (руш.). Сайт «Герои страны». Тергӹмӹ кечӹ: 9 ноябрьын 2022.

[2] Романов Никандр Николаевич (неопр.). www.kmkmuzey.ru. Тергӹмӹ кечӹ: 9 ноябрьын 2022.

[3] Герой Социалистического труда – Романов Никандр Николаевич (неопр.). old.mari-el.gov.ru. Тергӹмӹ кечӹ: 9 ноябрьын 2022.

[1]

[2]

[3]