Кого Йынгы
| Йынгы | |
|---|---|
| чуваш. Юнкӑ, руш. Юнга | |
| Характеристика | |
| Кужыц | 56 км |
| Бассейн | 436 км² |
| Вӹд йогы | |
| Ӓнгӹр тӹнгӓлтӹш | |
| • Вӓрлӓнӹмӓш | Нискасы сола лишнӹ |
| • Координатвлӓ | 56°00′35″ с. ш. 46°33′14″ в. д.GЯO |
| Ӓнгӹр ӓнг | Чебоксарский вӹд перегӹмӹ вӓр |
| • Координатвлӓ | 56°17′32″ с. ш. 46°26′32″ в. д.GЯO |
| Вӓрлӓнӹмӓш | |
| Вӹдӹм погымы система | Чебоксарский вӹд перегӹмӹ вӓр → Йыл → Каспийский тангыж |
|
|
|
| Сӓндӓлӹк | |
| Регионы | Чуваши, Мары Эл |
| Районы | Кырык мары район, Моргаушский район |
| Код ГВР-шты | 08010400312110000043891[1] |
|
|
|
Йынгы, Кого Йынгы (чуваш. Юнкӑ[2], руш. Юнга) — Мары Элӹштӹ дӓ Чувашиштӹ ӓнгӹр[3], Йылын вургымла притокшы.
Физический дӓ географический характеристика
Йынгын кужыцшы — 56 уштыш (тӹшец 35 уштышыжы — Мары Эл кӧргӹштӹ[3]), вӹд погымы бассейнӹн площадьшы — 436 км²[4]. Ӓнгӹр тӹнгӓлтӹш Чувашин Моргауш районыштышы Нискасы сола лишнӹ, ӓнгӹр ӓнг Мары Эл Республикӹн Кырык мары районыштышы Когосола гӹц мӹндӹрнӹ агыл вӓрлӓнӓ.
Апрельӹн дӓ май тӹнгӓлтӹшӹн полой вӹд кымдан шӓргӓлт вазеш, кӓнгӹжӹм дӓ телӹм вӹд уровень сек изи. И ноябрь тӹнгӓлтӹш гӹц апрель якте[3]. Ӓнггӹр системӹн махань ныгыды ылмыжын коэффициентшӹ — км²-еш 0,51 уштыш[2].
Ӓнгӹр Моргауш районын Юнга, Оргум, Кырык мары районын Йынгы, Йынгы Кушыргы, Миняшкин, Йоласал, Аманыр, Сухин, Похросола дӓ Когосола солавлӓ гач йоген эртӓ[5]. Ӓнгӹр ӓнг гӹц 28 уштышышты шалахай сир гӹц ӓнгӹрӹшкӹ тӹнг приток — Катвашка — йоген пыра. 25 притокшы улы, нӹнӹ логӹц 21-жӹ — шалахайвлӓ[2].
Топономика
- О. П. Воронцова дон И. С. Галкинӹн шанымышты семӹнь, Йӹнгы (официально — Йынгы) лӹм финн-угыр важан ылеш[6].
«Йынгы — Мары АССР-ӹн Кырык мары районыштыжы Йыл ӓнгӹрӹш йоген пырышы кок ӓнгӹрӹн — Кого дӓ Изи Йынгын, лӹмжӹ. Мары йӹлмӹн кӹзӹтшӹ материалжы доно ти лӹмӹм ынгылдараш ак ли. Тӹдӹ пиш тошты ылеш, шанаш лиэш, финн-угр жепӓш, „вӹд“ манмым анжыкта.»
— Мары топонимикӹн тайнывлӓжӹ[7]
- Юж краеведвлӓн шанымшты семӹнь, Юнка гидроним прамордовский юнга «вӹдӓн карем» шамак доно кӹлдӓлтеш[8][9].
- Лингвист О. В. Смирновын шанымыжы семӹнь, шамак пермский анзыцшы *jɤnkɜ «соты, ире, вашт кайшы» финн-угр важ гӹц лин[10].
Вӹд реестрын данныйвлӓжӹ
Российӹн кугижӓншӹ вӹд реестрӹн данныйвлӓжӹ семӹнь, Йынгы Верхневолжский бассейн округыш пыра. Ӓнгӹрӹн вӹд хозанлык участкыжы — Ока ӓнг гӹц Чебоксар гидроузел (Чебоксар вӹд перегӹмӹ вӓр) яктешӹ Йыл, Шур дон Вӹтлӓ ӓнгӹрвлӓ гӹц пасна. Йынгы ӓнгӹрӹн бассейн лӹвӓлжӹ — Ока йоген пырымы вӓр гӹц Куйбышев вӹд перегӹмӹ вӓр яктешӹ Йыл (Шур ӓнгӹрӹн бассенжӹ гӹц пасна), ӓнгӹр бассейн -Куйбышев вӹд перегӹмӹ вӓр яктешӹ (Кӱшӹл) Йыл ӓнгӹр (Окан бассейнжӹ гӹц пасна)[4].
Вӹд объектӹн кугижӓншӹ реестрышты кодшы — 08010400312110000043891[4].
Примечани
- ↑ Ресурсы поверхностных вод СССР: Гидрологическая изученность. Т. 10. Верхне-Волжский район / под ред. В. П. Шабан. — Л.: Гидрометеоиздат, 1966. — 528 с.
- ↑ 1 2 3 Кириллов А.А. Юнга. Электронная Чувашская энциклопедия. Архивируйымы 4 декабрьын 2020 года.
- ↑ 1 2 3 Юнга (Большая) // Энциклопедия Республики Марий Эл. — Йошкар-Ола ; Москва: Галерия, 2009. — С. 839. — ISBN 978-594950-049-1.
- ↑ 1 2 3 Юнга : [руш.] / textual.ru // Государственный водный реестр : [арх. 15 октября 2013] / |Минприроды России. — 2009. — 29 марта.
- ↑ По данным топографической карты Республики Марий Эл.
- ↑ Воронцова О. П., Галкин И. С. Йынгы // Топонимика Республики Марий Эл : Историко-этимологический анализ. — Йошкар-Ола: Издательство Марийского полиграфкомбината, 2002. — С. 102. — 1000 экз. — ISBN 5-87898-208-0.
- ↑ Галкин И. С. Тайны марийской топонимики / И. С. Галкин. — Йошкар-Ола: Марийское кн. изд-во, 1985.
- ↑ Арсланов Л. Ш. О татарских населённых пунктах Мордовской Республики // Финно-угристика 7. Актуальные вопросы восточных финно-угорских языков : Материалы Международной конференции, посвященной 80-летию профессора Цыганкина Д. В.. — Саранск, 2007. — С. 56—59.
- ↑ Полубояров М. С. Древности Пензенского края в зеркале топонимики. — М.: Издательство ЗАО «ФОН», 1985. — С. 215. — 224 с. — ISBN 5-89022-094-2.
- ↑ Смирнов О. В. К вопросу о пермском топонимическом субстрате на территории Марий Эл и в бассейне среднего течения реки Вятки (в свете этнической интерпретации археологических культур). 2 // Вопросы ономастики. — 2014. — № 1 (16). — С. 13.