Кержнёв, Тагир Калюкович

Тагир Калюкович Кержнёв
Тагир Калюкович Кержнёв
	тат. Таһир Кәлүк улы Кержнёв
Шачмы кечӹ	1922 и 15 март
Шачмы вӓр	с. Ӱлӹл Елюзань, Кузнецк уезд, Саратов губерни, РСФСР
Колымы кечӹ	1992 и 28 январь (69 и)
Колымы вӓр	Йошкар-Ола, Мары ССР, Россий Федераци
Пырымаш	СССР
Войскан йиш	стрелковый войска (1942—1943); бронетанковый дӓ механизированный войска (1943—1945)
Служымы жеп	1942—1945
Звани	когорак сержант
Часть	• 6-шы гвардейский мотострелковый полк;; • 17-шӹ гвардейский механизированный бригада
Командуен	отделени, взвод
Кредӓлмӓш/вырсы	Кого Отечественный вырсы

Тагир Калюкович Кержнёв (1922-1992) — советский салтак. Кого Отечественный вырсышты кредӓлӹн. Советский Союзын Герой (1945). Гвардин когорак сержант.

Ӹлӹмӓш корныжы

Тагир Калюкович Кержнёв 1922 ин 15 мартын РСФСР-ын Кузнецк уездӹн Ӱлӹл Елузань (кӹзӹт Россий Федерацин Пенза кымдемӹн Городище районыштышы сола) солашты кресӓнь семняэш шачын. Тӹнгӓлтӹш школым тымень пӹтӓрен. 1938 и гӹц Тагир Кержнёв Мары АССР-ын Устье-Кундыш посёлкышты ӹлен. Мары АССР-ын Медведево раойонын Куяр лесхозышты пушӓнгӹм сӹмӹрӹмӓштӹ дӓ шалым йоктарымашты пӓшӓлен.

1942 ин 28 апрельӹн Т.К.Кержнёвым Пӓшӓзӹ-кресӓньӹк Якшар Армиш нӓлӹнӹт. Гвардин рядовой Кержнёв немӹц-фашист захватчиквлӓ ваштареш кредӓлмӓштӹ 1942 и 25 август гӹц ылын. Вадывел фронтышты 3-шы гварди мотострелковый дивизин 6-шы гварди мотострелковый полк составышты кредӓлӹн. Пӹтӓришӹ Ржев-Сычёв операциштӹ дӓ Ржев-Вязьма анзык кемӹ операциштӹ участвуен. 1943 ин июньын 3-шы гварди мотострелковый дивизим формируен шуаш лыктыныт, дӓ 6-шы гварди мотострелковый полк негӹцеш 17-шӹ гварди механизировани бригада ӹштӓлтӹн.

1943 ин июль покшал гӹц гвардин ефрейтор Т.К.Кержнёв — угӹц Брянск фронтыштышы 4-шӹ танк армин 6-шы гварди механизаци бригадын разведкыш каштшы ротын командиржӹ. Курск кредӓлмӓшӹн Орёлыштышы операциштӹ кредӓлӹн. 1943 и 19 сентябрьын 4-шӹ танк армим Верховный Главнокомандованин Ставкын резервӹш лыкмы дӓ тӹштӹ 1944 и 28 февраль якте ылын. 1944 и 4 мартын армим 1-шӹ Украина фронтын Проскуров-Черновицк операцим цӓктӓрӓш колтымы. 1944 ин кӓнгӹжӹм уже сержант лишӹ Тагир Калюкович Львов-Сандомир операциш попаза. Тӹдӹн комануйымы разведчиквлӓн отряд 1944 ин 21-шӹ гӹц 23-шы июль якте осовынок айыртемӓлтӹн. Сержант Кержнёв ик кӱкшикӓштӹ оролымы вӓрӹм ӹштен дӓ кым суткашты бригадын штабышкыжы тышманын дӓ тӹдӹн кышкы ванжымыжы гишӓн шергӓкӓн уверӹм пуэн шалген. Варажы Тагир Калюкович 1945 и январь якте Сандомир плацдармышты кредӓлмӓшвлӓштӹ ылын. Львов-Сандомир операциштӹ айыртемӓлтмӹжӹ гишӓн Т.К.Кержнёв 3 степенян Слава орден доно пӓлемдӓлтӹн дӓ когорак сержант лин.

1945 и 12 январь гӹц 1-шӹ Украина фронтын войскажы Сандомир плацдарм гӹц анзык эртенӹт дӓ Висла-Одер операци доно Сандомир-Силез фронт операциш ушненӹт. 1945 и январь мычашеш 4-шӹ танк армин подразделенивлӓ тышманын Одер ӓнгӹр донышы Бреславльыштышы виӓнгдӹмӹ кымдемӹшкӹ лӓктӹнӹт. 1945 ин 25 январьын гвардин когорак сержант ӹшке взводшын вӹц разведчикшӹ доно иквӓреш тышманын виӓн тылжы лӹвӓлнӹ Кёбен (кӹзӹт Польша Республикӹн Хобеня посёлкы) ӹлем сагашы ӓнгӹрӹм ванжен, тышманын кок ДОТ-шым пӹтӓрен, вадывел сирӹштӹшӹ плацдармым хватен дӓ 6 цӓш тӹдӹм кычен, 10 контратакым цӓктӓрен, тышманын 40 салтак дон офицерӹм пӹтӓрен дӓ эче 16 пленӹш нӓлӹн. Валгалташ тӹнгӓлмӹкӹ, бригадын молы тӹшкӓвлӓжӹ ӓнгӹр гач разведчиквлӓн нӓлмӹ плацдармыш яжон ванженӹт. Кержнёвын отделенижӹ тенгеок Ӱл-Силез дӓ Кӱшӹл-Силез фронтыштышы операцивлӓштӹ пиш кредӓлӹн. 1945 ин 10 апрельӹн кокорак сержант Кержнёв Тагир Калюковичлӓн СССР-ӹн Кӱшӹл Советӹн Президиумын указшы доно Совет Союзын Геройжы лӹмӹ пумы.

1945 ин 17 мартын гварди лӹмӹм нӓлшӹ 4-шӹ танк армим 1945 ин март мычашын 1-шӹ Белорус фронтыш колтенӹт. Берлин операци тӹнгӓлмӹ анзыц когорак сержант Т. К. Кержнёвым разведка ротын бронетранспортёр взвод командиреш шагалтенӹт. 1945 и 16 апрель гӹц 1 май яктешӹ кредӓлмӓшвлӓштӹ Тагир Колюкович 27 гӓнӓ разведка операциш каштын, тышман гишӓн пиш керӓл уверӹм поген. 1945 ин майын тӹдӹ Прага операциштӹ ылын. Гвардин когорак сержантшы Т.К.Кержнёвлан вырсы Чехословаки мӱлӓндӹштӹ 1945 ин 11 майын пӹтен. 1945 ин 24 июньын Т. К. Кержнёв Москвашты Якшар площадьышты Сӹнгӹмӓш Парадышты участвуен.

Вырсы паштек Мары АССР-ын Йошкар-Ола халашты ӹлен, Мары машиностроитель заводышты слесарь пӓшӓм ӹштен. Пӓшӓм шот доно ӹштӹмӹжӹ гишӓн Пӓшӓ Слава 3-шы степенян орденӹм кычыктенӹт. 1922 ин 28 январьын колен. Йошкар-Олаштышы Туруново шӹгерлӓштӹ тайымы^[1].

Наградывлӓ

«Шӧртньӹ шӹдӹр» медаль (10.04.1945);
Ленин орден (10.04.1945);
I степенян Отечественный вырсын орден (06.04.1985);
II степенян Отечественный вырсын орден (24.05.1945);
III степенян Пӓшӓ Слава орден (07.08.1944);
III степенян Пӓшӓ Слава орден;
медальвлӓ:
- «Отвага гишӓн» кок медаль (06.08.1943; 1944)

Ӓшӹндӓрӹктӹмӓш

Т.К.Кержнёвын 1946-1983 ивлӓн пӓшӓм ӹштӹмӹ «ММЗ» ОАО завод зданиэш мемориал ангам вӓрӓнгдӹмӹ^[1].

Примечани

↑ ¹ ² Кержнёв Тагир Калюкович (руш.). Тергӹмӹ кечӹ: 27 ноябрьын 2020. Архивируйымы 13 январьын 2022 года.

Литература

Разведчики в боях за Родину / под ред. М. Л. Дударского. — М.: ДОСААФ, 1967. — С. 119. — 176 с.
Герои и подвиги: сборник очерков. — Саратов; Пенза: Приволжское кн. изд-во, 1976. — Т. 3. — С. 118—122. — 231 с.
Наши герои: очерки. — 2-е изд., доп. и перераб. — Йошкар-Ола: Маркнигоиздат, 1985. — С. 121—128. — 368 с.
Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Лелюшенко Д. Д. Глава седьмая. От Вислы к Одеру и Нейсе // Москва-Сталинград-Берлин-Прага. Записки командарма. — 4-е изд., испр. — М.: Наука, 1987. — 408 с.
Кержнёв Тагир Калюкович // Разведка и контрразведка в лицах : Энциклопедический словарь российских спецслужб / Автор-сост. А. Диенко, предисл. В. Величко. — М.: Русскій міръ, 2002. — 608 с.
Кержнёв Тагир Калюкович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 425. — 872 с. — 3505 экз. — ISBN 978-5-94950-049-1.
Кержнёв Тагир Калюкович // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 99—100. — 374 с. — 500 экз. — ISBN 978-5-94950-070-5.
Мочаев В. А. Кержнёв Тагир Калюкович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 198. — 606 с. — 1500 экз. — ISBN 978-5-905314-35-3.

Документвлӓ

Общедоступный электронный банк документов «Подвиг Народа в Великой Отечественной войне 1941—1945 гг.» (неопр.) Архивируйымы 13 мартын 2012 года.
- Комплект наградных документов на присвоение звания Героя Советского Союза (неопр.). Архивируйымы 25 майын 2012 года.
- Комплект наградных документов на орден Отечественной войны 2 степени (неопр.). Архивируйымы 25 майын 2012 года.
- Комплект наградных документов на орден Славы 3 степени (неопр.). Архивируйымы 25 майын 2012 года.
- Комплект наградных документов на медаль «За отвагу» (награждён приказом от 6 августа 1943 года) (неопр.). Архивируйымы 25 майын 2012 года.

Ссылкывлӓ

Воспоминания полковника запаса Н. Колесова, бывшего начальника разведки 17-й гвардейской механизированной бригады (неопр.).

[museum-1] ¹ ² Кержнёв Тагир Калюкович (руш.). Тергӹмӹ кечӹ: 27 ноябрьын 2020. Архивируйымы 13 январьын 2022 года.

[1]