Долганов, Иван Иосифович

Ирӹкӓн энциклопеди Википеди гӹц материал
Иван Иосифович Долганов
Иван Иосифович Долганов.jpg
Шачмы кечӹ 27 ноябрь 1923(1923-11-27)
Шачмы вӓр
Колымы кечӹ 1 июнь 1956(1956-06-01) (32 и)
Колымы вӓр
Пырымаш  СССР
Войскан йиш артиллери
Служымы жеп 1941—1950
Звани
Лейтенант
Часть 534-шӹ истребительно-противотанковый артиллери полк (1-шӹ Прибалтика фронтын 2-шы гвардейский армин 14-шӹ истребительно-противотанковый артиллери бригада)
Пӓшӓ вӓр орудин командир
Кредӓлмӓш/вырсы Кого Отечественный вырсы
Награда дӓ преми
Герой Советского Союза
Орден Ленина Орден Красной Звезды Медаль «За отвагу» (СССР) Медаль «За победу над Германией в Великой Отечественной войне 1941—1945 гг.»

Иван Иосифович Долганов (1923 и 27 ноябрь, Медведево, Вичӹ губерни — 1956 и 1 июнь, Йошкар-Ола) — 534-шӹ истребительно-противотанковый артиллерийский полкын командиржӹ (1-шӹ Прибалтика фронтын 2-шы гварди армин 14-шӹ истребительно-противотанковый артиллери бригадын), Совет Армин лейтенант, Кого Отечественный вырсышты кредӓлӹн, Совет Союзын Геройжы (1945).

Ӹлӹмӓш корныжы

Иван Долганов 1923 ин 27 ноябрьын Медведево солашты (кӹзӹт Киров кымдемӹн Пижан район) хресӓнь семняэш шачын. Кӹдӓлӓш образованиӓн. 1941 ин сентябрьын тӹдӹм пӓшӓзӹ-хресӓньӹк Якшар Армиш нӓлӹнӹт[1]. 1942 и октябрь гӹц Кого Отчечественный вырсын фронтвлӓштӹ ылын. Кечӹвӓлвел-Вадывел, Украинӹн 3-шы дӓ Прибалтикын 1-шӹ фронтвлӓштӹ кредӓлӹн. 1944 и июльын когорак сержант Иван Долганов 1-шӹ Прибалтийский фронтын 2-шы арми гвардин 14-шӹ истребительно-противотанковый артиллери бригадын 534-шӹ истребительно-противотанковый артиллери полкын оружижӹ доно командываен. Литва ССР-ын территориштӹ кредӓлмӓшвлӓштӹ ылын[2].

1944 ин 28 июльын Кедайнск районышты Иодзе лӹмӓн вӓр лишнӹ Долгановын расчётшы тышманын кым танкшым пыдерштӓрен. 16 августын тышманын тангквлӓжӹ Кельме-Шяуляй корны гач ванжымышты годым Долганов шушыргышы наводчикӹм вашталтен дӓ кым танкым пыдештӓрен. Шушыргышы ылын гӹнят, стрелковый оруди дон палшык толмешкӹ, тышманым ӓрен шалген[2].

Наградной листӹ гӹц:

«1944 ин 28 июльын Иодзе сола доны 5-шӹ батарей марш доно тышманын танквлӓ дӓ салтаквлӓ ваштареш кредӓлмӓшкӹ пижӹн. 10 цӓшӹн тыл взвод командир изирӓк лейтенант Неклюдов сӹгӹрӓлӹн: «Танквлӓ!» Оруди командир когорак сержант Долганов орудим йӹле кедӓрен дӓ тӹдӹм вургымлашкыла сӓрӓлӹн. Долганов тӓнг нӹнӹм ладнан 300 метр лишкӹ толмыштым вычен, вара танкым лӱэн дӓ кокшы лӱмӓшеш танк йылаш тӹнгӓлӹн. Танкышты шӹнзӹшӹвлӓ люк гӹц лӓктӹн шӹлнештӹ ылын, но нӹнӹм автомат дон лӱэн пуштыныт. Кокшы танк оруди шайыц эртӹнежӹ ылын, но шоктыде – 100 метреш толын шоктыде, тӹдӹм пыдештӓренӹт, дӓ гусеницӹжӹ пыдыргенӓт,тӹдӹ шагалын. Кымшы танк лач оруди ваштареш кыдалын дӓ лӱэн. Панорама сага шӹнзӹшӹ Долганов тӓнг келесен: «Кыдал ат эртӹ, гад!» дӓ танкын сӓрнӓлмӹжӹ годым бортышкыжы лӱэн. Танк пижӹн кеен. Танквлӓ шайыц кешӹ немӹц пехота сарай шайык шӹлӹн. Долганов тӓнг сарайыш йылатышы снарядым колтен, дӓ тылыш вӓрештшӹ немӹц пехота мӹнгеш сӓрнӓл кыргыжын.

«1944 ин 16 августын 14.00 цӓшӹн тышман наступленим тӹнгӓлӹн. Тышманын танквлӓ Кельме-Шяуляй корны гач ванженӹт дӓ вурс коэлӓ мӓмнӓн тыл позицивлӓ докы тӓрвӓненӹт. Долгановын орудижӹ анзылны шалген. Тӹдӹн вӹкӹ 8 танк дӓ бронетранспортёр кыдалыныт. Долганов тӓнг строй гӹц лӓкшӹ наводчик вӓреш шагалын. Пӹтӓришӹ танкым лишкӹрӓк колтымыкы, лӱэн, танк йылаш тӹнгӓлӹн. Тӹ веремӓн кокшы танк пока гӹц оруди докы пиш лишкӹ кыдал толын. Долганов орудим сӓрӓлӹн дӓ лӱэн. Танк пакыла кыдалын. Лач кымшы гӓнӓ лӱмӹкӹ веле танкеш тыл пижӹн. Тӹ веремӓнок батарейӹн вес орудижӹ докы вес танк лишемӹн, оруди гӹц лӱэнӹт, но шотде. Долганов тӓнг ти танкым лӱэн, но лач тӹ жепӹн тышманын снарядшы Долгановын орудиш попазен дӓ панорамын окуляржы Долгановын сӹнзӓжӹм шушыртен. Оруди шӓлӓнен – лӱӓш нима доно. Тышманвлӓ тыл позици докы талашенӹт. Долганов нӹнӹм немӹц автоматчииквлӓн пичӓл гӹц лӱӓш тӹнгӓлӹн, 50 нӓрӹ гитлеровецӹм пуштын.

Патыр, герой дӓ лӱддӹмӹ ылмыжы гишӓн Долганов тӓнглӓн «Совет Союзын Геройжы» званим пуэнӹт. 14-шӹ пасна истребительно-противотанковый бригадын РГК гварди полковник Головко».

1944 и 31 август

— [3]

.

СССР-ын Кӱшӹл Советӹн Президиумжын 1945 иӓш 24 марташ «немӹцвлӓ ваштареш фронтышты кредӓлмӓштӹ лӱддӹмӓшӹм дӓ патыр ылмым анжыктымы гишӓн» Указшы семӹнь старший сержант Иван Долганов «Совет Союзын геройжы» кӱкшӹ званим нӓлӹн дӓ тенгеок тӹдӹлӓн Ленинӹн орденӹм дӓ 5383 номерӓн «Шӧртньӹ шӹдӹр» медальым кычыктенӹт[2].

1945 ин Долганов изирӓк лейтенантвлӓн курсым эртен. 1949 и гӹц СССР НКВД ГУЛАГ ИТЛ-ыштышы 1 №-ӓн лагерь отделенин 816 № чангымаштыт(Томск областьышты Северск халаштышы Сибирьыштышы хими комбинат) когорак инспекторжы ылын. 1950 ин лейтенант звани дон запасыш колтенӹт. Йошкар-Олашты ӹлен, заводышты пӓшӓлен. 1956 ин 1 июньын колен, Киров областьышты Советск халашты тайымы[2].

Тенгеок икманяр медальжы ылын.

Наградывлӓ

  • «Шӧртньӹ шӹдӹр» медаль (24.03.1945)[4]
  • Ленин Орден (24.08.1943)[5]
  • «Патыр ылмы гишӓн» медаль (06.08.1943)[5]
  • «1941-1945 ишӹ Кого Отечественный вырсышты Германим сӹнгӹмӹ гишӓн» медаль (9 май 1945[6])

Ӓшеш кодмаш

Геройын лӹмжӹ Киров халашты Пионервлӓн дворецӹн паркышты мемориальный хангашты
  • Геройын лӹмжӹм Киров халашты Пионервлӓн пӧрт паркышты Киров областьыштышы Совет Союзын Геройвлӓ лӹмеш мемориал ангаэш пӓлемдӹмӹ
  • Тӹдӹн лӹмжӹ курымеш Российӹн Вооруженный силан Храмышты дӓ тенгеок «Аштӹмӓш корны» мемориалышты сирӓлтӹн.
  • Геройын лӹмжӹм шӧртньӹ буквавлӓ доно Москвашты Сӹнгӹмӓш Паркышты вӓрлӓнӹшӹ Кого Отечественный вырсын Тӹнг музейӹштӹжӹ сирӹмӹ.
  • Геройын мыгилӓэшӹжӹ памятникӹм шагалтымы.

Литературышты

«Киров гыц Совет Союзын Геройвлӓ» книгӓ гӹц лаштык[7].

«— Ужат, кыргыжыт! Шалахайвлам ши, а мӹнь — вургымлавлӓм. Ладнаракын! Долганов автоматым лӱктӓлӹ. Кок немӹц кенвазевӹ. Тӹнӓмрӓкок напарникӹн очередьшӹ шактыш. — Анжы, яревӹ! — Вилиткеевич сусун сӹгӹрӓл колтыш. Но трӱк пока гӹц эче 10 нӓрӹ фашист кыргыж толевӹ, ак талашал ылгецӹ, рӓйӹшӹ кола ыльы. Долганов кужы очередьӹм пуш, вара тышманвлӓ вӹкӹ лимонкым шуш. Трӱк тӹдӹ мыльгалт кеш, земля сӓрнӓш тӹнгӓльӹ…»

Примечани

  1. ↑ Герой Советского Союза Иван Долганов, заменив собой получившего ранение наводчика, уничтожил три танка. www.marpravda.ru. Тергӹмӹ кечӹ: 11 апрельӹн 2020. Архивируйымы 11 апрельӹн 2020 года.
  2. ↑ 1 2 3 4 Иван Иосифович Долганов (руш.). Сайт «Герои страны».
  3. ↑ Наградной лист в электронном банке документов «Подвиг народа».
  4. ↑ Наградной лист в электронном банке документов «Подвиг народа».
  5. ↑ 1 2 Наградной лист в электронном банке документов «Подвиг народа».
  6. ↑ Указ ПВС СССР от 09.05.1945
  7. ↑ Долганов Иван Иосифович | ГБУК РМЭ "Национальная библиотека им. С. Г. Чавайна республики Марий Эл" (руш.). Тергӹмӹ кечӹ: 11 апрельӹн 2020. Архивируйымы 28 декабрьын 2019 года.

Литература

  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
  • Герои Советского Союза — кировчане. — Киров, 1988. — Вып. 4.
  • Смирнов В. Адрес подвига — вятский. — Киров, 1995.
  • Кавалеры Золотой Звезды. — Томск, 1999.
  • Долганов Иван Иосифович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 339. — 872 с. — 3505 экз. — ISBN 978-5-94950-049-1.
  • Северчане в боях за Родину. — Северск, 2010.
  • Долганов Иван Иосифович // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 71—72. — 374 с. — 500 экз. — ISBN 978-5-94950-070-5.
  • Мочаев В. А. Долганов Иван Иосифович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 126. — 606 с. — 1500 экз. — ISBN 978-5-905314-35-3.
«https://mrj.ruwiki.ru/w/index.php?title=Долганов,_Иван_Иосифович&oldid=310279» гӹц нӓлмӹ