Мухин, Николай Семёнович

Ирӹкӓн энциклопеди Википеди гӹц материал
Николай Семёнович Мухин
Николай Семёнович Мухин.jpg
Шачмы кечӹ 1890 и 24 ноябрь(1890-11-24)
Шачмы вӓр Олыкъял, Цӓрлӓ уезд, Азан губерни
Колымы кечӹ 1937 и 11 ноябрь(1937-11-11) (46 и)
Колымы вӓр Йошкар-Ола, Мары АССР
Подданство  СССР
 Российский импери
Пӓшӓн типшӹ
сирӹзӹ, поэт, драматург, сӓрӹшӹ, тымдышы
Пӓшӓм ӹштӹмӹ жеп 1906—1937
Жанр Лыдыш, поэма, пьеса, сӓрӹмӓш
Произведенин йӹлмӹжӹ Мары
Дебют «Ӹлӹмӓшӹн пӓлӹвлӓжӹ» поэма (Азан, 1919)

Николай Семёнович Мухин (24 ноябрь 1890, Олыкъял[d], Царевококшайск уезд[d], Азан губерни[d], Российский импери[d] — 11 ноябрь 1937, Йошкар-Ола, Мары АССР[d], РСФСР[d], СССР[d]) — мары поэт, драматург, сӓрӹшӹ, педагог, 1934-шӹ и гӹц СССР писательвлӓ ушемӹн членжӹ. Мары халык поэзилӓн негӹцӹм пиштӹшӹвлӓ логӹц гӹц иктӹжӹ. Икшӹ мировой вырсын участникшӹ.

Ӹлӹмӓш корныжы

Сола тымдышын семняэшӹжӹ шачын. 1907-шӹ ин Унчы школым тымень пӹтӓрӹмӹкӹжӹ, ӓтяжӹн корныжы доно кен — школышты тымден[1].

Икшӹ мировой вырсын (руш) (мар. участникшӹ[1].

Арми гӹц пӧртӹлмӹкӹ, угӹц мары школвлӓштӹ тымден. 1933-шы ин Мары тымдышы институтым (руш) (мар. отличи доно тымень пӹтӓрен. Мары йӹлмӹ дон литературым тымдышы, Моркы педагогический училищӹн завучшы. Школлан мары йӹлмӹ доно учебниквлӓн авторжы, географи, естествознани, обществоведени доно класс гӹц ӧрдӹжтӹ лыдмы книгӓвлӓм сӓрӹшӹ. Москвашты национальный учебник авторвлӓн семинар-совещанин участникшӹ (1931)[1].

Сӹлнӹшая пӓшӓ

1906-шы и гӹц сирӓш тӹнгӓлӹн, пӹтӓришӹ лыдышвлӓжӹ «Ӱжара» газетӹштӹ пецӓтлӓлтӹнӹт. 1919-шӹ ин Казаньышты пасна книгӓ доно «Ӹлӹмӓшӹн пӓлӹвлӓжӹ» поэмӹм лыктын. «Лыдыш», «Ирӹкӓн кӹцкӹ» лыдыш сборниквлӓн авторжы[1].

Драматург семӹньӓт пӓлӹмӹ, 10 утла пьесӹн авторжы: «Ышан дурак», «Кок тыл лошты», «Ивук» дӓ молат[1].

Пӹсӹ дӓ яжо лӓктӹшӓн сӓрӹшӹ, туан йӹлмӹш В. Жуковскийӹн, А. Пушкинӹн, Ф. Тютчевӹн, К. Рылеевӹн, Н. Некрасовын, А. Майковын, И. Никитинӹн, А. Кольцовын, И. Суриковын дӓ молынат лыдышыштым, «Смело, товарищи, в ногу», «Молодая гвардия» мырывлӓм, Л. Толстойын, К. Тренёвын, А. Островскийӹн пьесӹвлӓштӹм, В. Гаршинӹн, Д. Мамин-Сибирякын шайштмашвлӓшӹм, М. Горькийӹн «Мать», Д. Фурмановын «Чапаев» романвлӓштӹм сӓрен. Тӹдӹн произведенивлӓжӹ руш дӓ венгр йӹлмӹвлӓ доно пецӓтлӓлтӹнӹт[2].

1934-шӹ и гӹц СССР писательвлӓ ушемӹн (руш) (мар. членжӹ.

1937-шӹ ин мартын Мары АССР-ын территориштӹжӹ ылшы, Ленинградыштышы финн консульство дон Москваштышы финн мисси доно кӹлдӓлтшӹ контрреволюционный троцкистский, националистический, диверсионно-террористический организацин пӓшӓшкӹжӹ ушнымы гишӓн алтален вуйнаматеш доно арестуенӹт, репрессируенӹт, тӹ инок 11-шӹ ноябрьӹн лӱэн пуштыныт. 1956-шы ин реабилитируйымы[3].

Ӓшӹндӓрӹмӓш

  • Поэтӹн лӹмжӹм кӹзӹтшӹ Мары Элӹн Моркы районыштышы туан Олыкъял солаштыжы ӧлицӓлӓн пуэнӹт[4].
  • 1990-шы и гӹц поэтӹн шачмыжылан 100 и теммӹ лӹмеш шачмы вӓрӹштӹжӹ Н. С. Мухинӹн Пӧрт-музейжӹ пӓшӓм ӹштӓ. Пӧрт-музей анзылны — памятник-бюст[5].
  • 1960-шы ин Олыкъял солашты поэтӹн молнамшы пӧрт вӓрӹштӹжӹ «Н. С. Мухин» сирӹмӓн ӓшӹндӓрӹмӹ кӱм вӓрӓнгденӹт[5].
Йошкар-Олашты педагогический институтын здаништӹжӹ мары поэт Николай Мухинлӓн ӓшӹндӓрӹмӹ ханга (Кремлёвский ӧлицӓ, 44)
  • Йошкар-Олашты педагогический институтын здаништӹжӹ, кышты 1931—1933-шы ивлӓн писатель тыменьӹн, ӓшӹндӓрӹмӹ хангам пачыныт[6].
  • 2015-шӹ ин Сӹлнӹшая и кӹшкӓрӹштӹ Мары Эл Республикӹштӹшӹ Моркы РЦКиД-штӹ поэтӹн шачмыжылан 125 и теммӹ лӹмеш «Историко-культурный дӓ тыменьмӹ процессӹштӹ Н. С. Мухинӹн творческий наследижӹ» Республика кӱкшӹцӓн научно-практический конференци эртен[7].

Тӹнг произведенивлӓ

Н. Мухинӹн марла дӓ руш йӹлмӹш сӓрӹмӹ тӹнг произведенивлӓжӹ[6]:

Марла

  • Илышын ойыртышыжо: поэма. Казань, 1919. 24 с.
  • Аракан осаллыкше: комедий. Казань, 1919. 32 с.
  • Унгышо деч уш лектеш: драма. М., 1926. 28 с.
  • Почеламут. Йошкар-Ола, 1928. 96 с.
  • Эрык саска: ойырен налме почеламут-влак. М., 1936. 148 с.; Йошкар-Ола, 1962. 88 с.
  • Ойырен налме произведений-влак. Йошкар-Ола. 1-ше т.: Ойырен налме почеламут ден поэма-влак. 1965. 204 с.; 2-шо т.: Пьеса-влак, проза, публицистика. 1968. 204 с.
  • Ойпого: ойырен налме произведений-влак. Йошкар-Ола, 1990. 272 с.
  • Пӱртӱс сем: тӱҥалтыш тунемше-влак. Йошкар-Ола, 1993. 44 с.

Руш йӹлмӹш сӓрӹмӹ

  • Песнь жаворонка; Пахарь; Горе и радость; Раненый солдат: стихи / пер. С. Сомовой // Марийская поэзия. М., 1960. С. 88—94.
  • Песнь жаворонка; Пахарь; Горе и радость; Раненый солдат: / пер. С. Сомовой // Соловьиный родник. Йошкар-Ола, 1970. С. 25—28.

Примечани

  1. ↑ 1 2 3 4 5 Писатели МЭ, 2008, с. 426.
  2. ↑ Писатели МЭ, 2008, с. 426—427.
  3. ↑ Мочаев, 2017, с. 298.
  4. ↑ Улица Мухина на карте деревни Олыкъял (руш.). MAPDATA.RU. Тергӹмӹ кечӹ: 22 октябрьын 2025.
  5. ↑ 1 2 Дом-музей Н. С. Мухина (руш.). Официальный сайт МБУК "Моркинский районный музей". Тергӹмӹ кечӹ: 22 октябрьын 2025. Архивируйымы 10 ноябрьын 2016 года.
  6. ↑ 1 2 Писатели МЭ, 2008, с. 427.
  7. ↑ О наследии марийского поэта и просветителя Н. С. Мухина | Финно-угорская газета (руш.). web.archive.org. Тергӹмӹ кечӹ: 22 октябрьын 2025.

Литература

  • Краткая литературная энциклопедия. Мухин Николай Семёнович
  • Александров А. М., Беспалова Г. Е., Васин К. К. Н. Мухин // Писатели Марийской АССР: биобиблиографический справочник. — Йошкар-Ола: Марийское книжное издательство, 1976. — С. 202—205. — 368 с. — 5000 экз.
  • Беспалова Г. Е., Васин К. К., Зайниев Г. З. Н. Мухин // Писатели Марийской АССР: биобиблиографический справочник / Отв. А. В. Селин. — Йошкар-Ола: Марийское книжное издательство, 1988. — С. 191—194. — 376 с. — 5000 экз.
  • Николай Мухин // Писатели Марий Эл: биобиблиографический справочник / Сост. А. Васинкин, В. Абукаев и др. — Йошкар-Ола: Марийское книжное издательство, 2008. — С. 426—428. — 752 с. — 3000 экз. — ISBN 978-5-7590-0966-5.
  • Апакаев П. А. Мухин, Николай Семёнович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 297—298. — 606 с. — 1500 экз. — ISBN 978-5-905314-35-3.

Ссылкывлӓ

«https://mrj.ruwiki.ru/w/index.php?title=Мухин,_Николай_Семёнович&oldid=314911» гӹц нӓлмӹ