Васильева, Наталия Леонидовна

Наталия Леонидовна Васильева
Наталия Леонидовна Васильева
Шачмы кечӹ	15 декабрь 1984 (41 и)
Шачмы вӓр	Тыгыды Моркы[d], Себеусад сола поселени[d], Моркы район[d], Мары АССР[d], РСФСР[d], СССР[d];
Сӓндӓлӹк	СССР[d]; Россий;
Пӓшӓн типшӹ	бухгалтер, хозанлыкым кыча

Наталия Леонидовна Васильева (шач. 15 декабрь 1984, Тыгыды Моркы^[d], Мары АССР^[d]) — 2024 ин Россий Федераци президентӹн указшы семӹнь «Героиня-ӓвӓ» званим нӓлшӹ шукы тетяӓн ӓвӓ^[1].

Ӹлӹмӓш корныжы

Наталия Васильева 1984 ин 15 декабрьын Мары Эл Республикӹштӹшӹ Моркы кымдем Тыгыды Моркы солаэш шачын. Шукы тетяӓн йишӹштӹ кушкын, тӹдӹн гӹц пасна эче вӹц тетя ылын. Сельскохозяйственный техникумышты бухгалтерлӓн тымень лӓктӹн. Анзыкылашы пелӓшӹжӹ Владимир доно шачмы солаштыжы, тӓнгвлӓн партьышты, пӓлӹмӹ лин, тӹшкӹ тӹдӹ Самарский область гӹц папажы докы хыналаш толын ылын. 2002 ин 30 ноябрьын нӹнӹ мыжырангыныт. Пӹтӓри йиш Самарышты, вара Татарстанышты ӹлен, тӹштӹ Наталия Васильева Зеленодольск халаштышы колхозышты бухгалтерӹн пӓшӓм ӹштен. Варажым куд тетяӓн йиш шачмы вӓрӹшкӹжӹ, Мары Элӹш, пӧртӹлӹн. 2011 ин нӹнӹ Волжский районыштышы Березники солашты 130 квадратный метр кымдыкан пӧртӹм нӓлӹнӹт.

Наталия Васильева кудыло пӓшӓм ӹштӓ. Васильеввлӓн йиш кого хозанлыкым кыча. Тонышы шӹшер гӹц тывыртышым, ӱм, патылым дӓ йогуртым ӹштен выжалат. Наталиян пелӓшӹжӹ тенгеок сырым шолта. Йиш 35 сотый кымдык мӱлӓндӹштӹ кавштавичӹ хӓдӹрӹм кушта. Пайым выжалаш манын, кого дӓ изи шуран вольыкым урда. Александр Васильевӹн ӹшке тракторжы улы, седӹндоно тӹдӹ ӹшкеок кавштавичӹм кыралын дӓ шудым йӓмдӹлен кердеш.

Наталия Васильеван ӓкӓжӹ колымыкы, вӹц тетя тылыкеш кодын, Наталия Владимир пелӓшӹжӹ доно ӓкӓн тетявлӓжӹм тетя пӧртӹш колташ агыл, а ӹшке докы нӓлӓш шанен пиштенӹт. Наталия Васильева ӹшке тетя дон ӓшнӓш нӓлмӹ тетя лошты айыртемӹм ак уж, цилӓнӓт ик семӹнь лишӹл ылыт манын пӓлемдӓ. Йиш опека органыш (руш) (мар. ядмашым сирен, дӓ нӹнӹн ядмыштым шоктенӹт, тетявлӓм ӓшнӓш нӓлӓш йӧнӹм ӹштенӹт манын попен. Тенге, Наталия дон Владимир Васильеввлӓ 16 тетям анжен куштат: луатик тетя — ӹшкӹмӹштӹн, вӹзӹт — ӓшнӓш нӓлмӹ^[2]^[3]^[4]^[5].

Тетявлӓ

Васильеввлӓн 11 туан тетя логӹц — куд ӹдӹр (Елизавета, Светлана, Юлия, Анна, йӹгӹрвлӓ Виктория дон Анжелика) дӓ вӹц эргӹ (Александр, Владимир, Дмитрий, Михаил, Илья). Тенгеок 18 иӓш гӹц изирӓк вӹц ӓкӓжӹн тетя — Максим, Кирилл, Ксения, Вероника, Дарья.

Наталия Васильева, тӹдӹн Александр пелӓшӹжӹ, тетявлӓ. 2024 и

Когорак тетявлӓ, Елизавета дон Александр, ӓтя-ӓвӓ пӧрт гӹц ӹшке ӹлӹмӓшӹштӹ доно ӹлӓш Азанышкы кенӹт. Елизавета пӓшӓм ӹштӓ, а Александр Азаныштышы педагогический колледжӹштӹ тыменеш, тӹдӹм тенгеок ӓкӓжӓт тымень пӹтӓрен. Васильеввлӓн молы тетяштӹ МОУ «Помарский кӹдӓлӓш общеобразовательный школышты» тыменьӹт. Тӹдӹм тымень пӹтӓрӹмӹкӹ, юж тетяштӹ Азан халашты педагогический образованим нӓлӓш шанат^[2]^[3].

«Мӓмнӓн йишӹштӹ ик пингӹдӹ правило уло: „Ӓвӓ-ӓтян шамакшы — закон“. Тетявлӓ тидӹм изинек пӓлӓт дӓ колыштыт. Ӹшке семӹнь ӹлӹшӹ кого ӹдӹрнӓӓт мӓмнӓн кӓнгӓшнӓм шотыш нӓлеш. Пингӹдӹ наказани мӓмнӓн уке, мӓ тетявлӓм нигынамат кид доно ана шо. Нӹнӹн доно шукырак хытыраш, ынгылдараш цаценӓ, ма лимӹм иквӓреш ланзыленӓ дӓ кыце ӹштӓш келеш ылын шаненӓ. Тидӹ саслымы ӓли прӓжӓ доно шимӹ гӹц утларак яжо. Но сек тӹнгжӹ — нӹнӹм яраташ келеш, вет яратышы йишӹштӹ веле цӓшӓн тетявлӓ кушкыт».
— Наталия Васильева^[3].

Наградывлӓ

2024 ин шошым Россий Федерацин президентшӹ В. В. Путин Васильева Наталиялан «Йиш институтым пингӹдемдӹмӓштӹ дӓ тетявлӓм анжен куштымашты кого заслугылан» шая доно «Героиня-ӓвӓ» почётный званим пуэн. Награда бриллиантан флаг дон шӧртньӹ шӹдӹр покшалны, эмаль доно леведмӹ, элӹн гербӹм анжыкта; тӹдӹн сага 1 млн тӓнгӓ окса преми пуалтеш.

2024 ин июльын Мары Эл Республикӹн вуйлатышыжы Юрий Зайцев Наталия Васильевалан Йошкар-Олаштышы Тӹнг культура дӓ кӓнӹм паркышты (руш) (мар. орденӹм кычыктен^[5].

Примечани

↑ Указ Президента Российской Федерации от 26.11.2022 № 858 ∙ Официальное опубликование правовых актов ∙ Официальный интернет-портал правовой информации(неопр.). web.archive.org. Тергӹмӹ кечӹ: 18 ноябрьын 2025.
↑ ¹ ² Мать-героиня из Марий Эл воспитывает 16 детей: “Не дала сдать ребятишек в детдом”(неопр.). www.pg12.ru. Тергӹмӹ кечӹ: 18 ноябрьын 2025. Архивируйымы 10 апрельӹн 2024 года.
↑ ¹ ² ³ Мать 16 детей из Марий Эл: «У нас в семье действует одно железное правило: "Слово мамы и папы – закон"»(неопр.). www.marpravda.ru. Тергӹмӹ кечӹ: 18 ноябрьын 2025. Архивируйымы 21 майын 2024 года.
↑ Мать-героиня из Марий Эл воспитывает 16 детей(неопр.). www.marpravda.ru. Тергӹмӹ кечӹ: 18 ноябрьын 2025. Архивируйымы 30 мартын 2024 года.
↑ ¹ ² Глава Марий Эл вручил орден «Мать-героиня» жительнице Волжского района Наталии Васильевой(неопр.). www.vpgazeta.ru. Тергӹмӹ кечӹ: 18 ноябрьын 2025. Архивируйымы 23 майын 2025 года.

Ссылкывлӓ

Глава Марий Эл вручил орден «Мать-героиня» жительнице Волжского района Наталии Васильевой (неопр.). www.vpgazeta.ru. Тергӹмӹ кечӹ: 18 ноябрьын 2025.

[1] Указ Президента Российской Федерации от 26.11.2022 № 858 ∙ Официальное опубликование правовых актов ∙ Официальный интернет-портал правовой информации(неопр.). web.archive.org. Тергӹмӹ кечӹ: 18 ноябрьын 2025.

[«автоссылка"-2] ¹ ² Мать-героиня из Марий Эл воспитывает 16 детей: “Не дала сдать ребятишек в детдом”(неопр.). www.pg12.ru. Тергӹмӹ кечӹ: 18 ноябрьын 2025. Архивируйымы 10 апрельӹн 2024 года.

[«автоссылка1"-3] ¹ ² ³ Мать 16 детей из Марий Эл: «У нас в семье действует одно железное правило: "Слово мамы и папы – закон"»(неопр.). www.marpravda.ru. Тергӹмӹ кечӹ: 18 ноябрьын 2025. Архивируйымы 21 майын 2024 года.

[4] Мать-героиня из Марий Эл воспитывает 16 детей(неопр.). www.marpravda.ru. Тергӹмӹ кечӹ: 18 ноябрьын 2025. Архивируйымы 30 мартын 2024 года.

[«автоссылка2"-5] ¹ ² Глава Марий Эл вручил орден «Мать-героиня» жительнице Волжского района Наталии Васильевой(неопр.). www.vpgazeta.ru. Тергӹмӹ кечӹ: 18 ноябрьын 2025. Архивируйымы 23 майын 2025 года.

[1]

[2]

[3]

[4]

[5]