Аликов, Валерий Никандрович
| Валерий Никандрович Аликов | |
|---|---|
 | |
| Шачмы кечӹ | 1 январь 1960[1] |
| Шачмы вӓр | |
| Колымы кечӹ | 11 сентябрь 2016[1] (56 и) |
| Колымы вӓр | |
| Сӓндӓлӹк | |
| Пӓшӓн йиш | поэт, сӓрӹшӹ, литературын критик, журналист, сирӹзӹ, викимедиец |
Валерий Никандрович Аликов (псевдонимжӹ Валери Микор[3], 1960 и 1 январь, Ӓвӓсир, Мары АССР — 2016 и 11 сентябрь, Хельсинки[4]) — мары поэт, критик, сӓрӹшӹ, журналист, общественный деятель. Кырык мары йӹлмӹ доно сирен.
Энтузиаст дӓ кырык мары йӹлмӹм дӓ культурым, вес финн-угор културывлӓм шӓрӹшӹ дӓ виӓнгдӹшӹ.
Кырык мары Википедилӓн негӹцӹм пиштӹшӹ дӓ ти разделӹн активистшӹ.
Ӹлӹмӓш корныжы
Валерий Аликов Кырык мары районышты Ӓвӓсир солаэш шачын.
Шачын-кушмы кымдемӹштӹ палшык ылдеӓт, 1991 и гӹц Финляндиштӹ ӹлен дӓ пӓшӓлен[5].
1995-2007 ивлӓн «Tsikmӓ» сӹлнӹшая журналын вӹц номерӹм лыктын, тӹдӹм ӹшке районжын тӹнг халажы Tsikmӓ лӹмеш лӹмден (Цикмӓ).
«Шӓлӓ тигрвлӓн мӱлӓндӹлӓн» лыдыш книгӓм (1999) дӓ «Пӧрт Шур сирӹштӹ» шайыштмаш сборникӹм (2004) лыктын.
Англ, немӹц, коми, руш, удмурт, финн, эстон дӓ француз йӹлмӹвлӓ гӹц лыдышвлӓм кырык мары йӹлмӹш сӓрен.
2016 ин 11 сентябрьын нелӹн ясыланымы паштек колен (шоды рӓк)[6].
Примечани
- ↑ 1 2 3 Завьялов С., Маллинен Ю. Valeri Alikov 1960–2016 — Helsingin Sanomat, 2016.
- ↑ Prozes J. Lahkus suur Eesti ja Soome sõber Valeri Alikov — Фенно-Угриа, 2016.
- ↑ Hannu Oittinen, Tuglas-seura Архивный копи от 2 октябрьын 2016 на Wayback Machine 24.4.2008, viitattu 2.10.2016
- ↑ Kuolinilmoitus, Helsingin Sanomat 2.10.2016 s. C 20
- ↑ Lahkus suur Eesti ja Soome sõber Valeri Alikov (эст.). Fenno-Ugra (14 сентябрьын 2016). Дата обращения: 21 июльын 2017. Архивировано 8 октябрьын 2016 года.
- ↑ Ушел из жизни Валерий Аликов. MariUver. Архивировано 5 ноябрьын 2016 года.