ISpring
| iSpring | |
|---|---|
| ООО «Ричмедиа» | |
.png) | |
| Тип | ИТ-компани |
| Тӹнгӓлтӹшӹм пиштӹмӹ | 2001 |
| Тӹнгӓлтӹшӹм пиштӹшӹ | Юрий Усков |
| Вӓрлӓнен | |
| Отрасль | Онлайн-тымдымашлан платформывлӓ |
| Продукци | iSpring Learn |
| Оборот | ▲ 2,232 млрд руб. (2023) |
| Ире лӓктӹш | ▲ 792 млн руб. (2023) |
| Пӓшӓзӹвлӓн чот | 500+ |
| Сайт | ispring.ru |
iSpring — онлайн-тымдымашлан технологим ӹштен лыкмашты цацышы российӹштӹшӹ ИТ-компани. Штаб-квартира Йошкар-Олашты ылеш. Компани ӹшке услугывлӓжӹм 172 сӓндӓлӹкӹштӹ пуа, клиентвлӓ лошты ритейлервлӓ, банк дӓ фармацевтика компанивлӓ ылыт. 2025 ин февральын компанин офисӹштӹжӹ мошенничество шотышты йыла гишӓн обыск эртен, ти кытлашты Юрий Усковым кыченӹт[1][2].
Истори
Компаним 2001 ин Юрий Усков пачын. Ӹштӹмӹ жеп гӹцок iSpring онлайн-тымдымашлан йӧнӹм ӹштӓш тӹнгӓлӹн, тенгеок iSpring Learn лӹмӓн ӹшке тӹнг платформылан. Пӓшӓм ӹштӹмӹ жеп годым iSpring ӹшкӹмжӹм EdTech пазарышты виӓн мадшы семӹнь анжыктен[3].
2023 иэш компанин пайдажы 792 млн тӓнгӓ лин, а выручка 2,232 млрд тӓнгӓэш шон. Выжалымашын ӹшкӹмжӹн ӓкшӹ техеньок жеплӓн 199 млн тӓнгӓэш шоэш, а валовый пайда 2023 ин мычашеш — 2,033 млрд[4].
2025 ишӹ тымаша
2025 ин февральын iSpring офисӹштӹжӹ мошенничество шотышты йыла гишӓн обыск лин[5]. Компаним ӹштӹшӹ, Юрий Усковым, iSpring муниципалитет гӹц ИТ-солам строяш мӱлӓндӹ участкым изиэмдӹмӹ ӓк доно нӓлӹн манын, шанен кыченӹт[6]. Силовиквлӓ тенгеок Мары Элӹн Оршанка районын администрацин вуйлатышыжым Александр Плотниковым дӓ тӹдӹн икшӹ вашталтышыжым Иван Михеевым кыченӹт[7].
iSpring гӹц Forbes источникӹн шайыштмыжы семӹнь, следстви 2013 ин компани ИТ-солам строяш манын муниципалитет гӹц мӱлӓндӹм изиэмдӹмӹ ӓк доно нӓлӹн манын тумая[8].
.webp.png)
Компани мошенничество гишӓн йӓтлӹмӹ доно согласын лиде. Юрий Усков iSpring-ӹн цилӓ пӓшӓжӹ яндалгы дӓ тӧр бизнесӹм ӹштӓш виктӓрӹмӹ ылеш манын келесен. Тӹдӹ тенгеок компанин кымда социальный инвестицижӹ гишӓн пасна пӓлдӹртен, тенгеок 2023 ин налоглан кычен кодымыжы изи агыл манын — 220 млн утла тӓнгӓэш шон[10][11].
Российӹн Следственный комитетӹн председательжӹ Александр Бастрыкин iSpring-ӹм пачшы Юрий Усков дӓ Мары Элӹн Оршанка районым вуйлатышы ваштареш йылам тӓрвӓтӹмӓшӹн негӹцшӹ гишӓн увертӓрӓш шӱден. Докладым йӓмдӹлӹмӹ пӓшӓм Мары Элӹн РФ СК следственный управленин вуйлатышыжы Александр Рычковлан пуэнӹт. Шоктымашым СК-н тӹнг аппаратыштыжы тӹшлӓш шагалтенӹт[12][13].
2025 ин 11 февральын РФ-н Кугижӓншӹ Думын председательжӹ Вячеслав Володин Кугижӓншӹ Думын Безопасность дӓ коррупци ваштареш кредӓлмӹ шотышты комитетӹн вуйлатышыжлан Василий Пискаревлӓн Юрий Усковым кычымы вир гишӓн ынгылен нӓлӓш шӱдӹмӹжӹ пӓлӹ лин[14].
Примечани
- ↑ Компания iSpring сообщила об обысках, РБК. Дата обращения: 11 февральын 2025.
- ↑ ИТ-компания iSpring связала обыски в офисе с борьбой против застройки парков(неопр.). dp.ru. Тергӹмӹ кечӹ: 11 февральын 2025.
- ↑ Чем известна компания iSpring Юрия Ускова, Коммерсантъ (11 февральын 2025). Дата обращения: 11 февральын 2025.
- ↑ iSpring(неопр.). РБК Компании. Тергӹмӹ кечӹ: 11 февральын 2025.
- ↑ В Марий Эл задержан основатель EdTech-компании iSpring Юрий Усков, Коммерсантъ (11 февральын 2025). Дата обращения: 11 февральын 2025.
- ↑ Глава района в Марий Эл оказался фигурантом дела iSpring, РБК. Дата обращения: 11 февральын 2025.
- ↑ Основателя iSpring Юрия Ускова задержали по делу о незаконном приобретении земли, BFM.ru - деловой портал. Дата обращения: 11 февральын 2025.
- ↑ В Марий Эл задержан основатель EdTech-компании iSpring Юрий Усков (руш.). www.forbes.ru. Тергӹмӹ кечӹ: 11 февральын 2025.
- ↑ В IT-компании iSpring прошли обыски, НТВ. Дата обращения: 11 февральын 2025.
- ↑ «Глупость национального масштаба»: за что задержали главу IT-компании iSpring Ускова, Главные новости в России и мире - RTVI (11 февральын 2025). Дата обращения: 11 февральын 2025.
- ↑ «По масштабам Йошкар-Олы это Илон Маск!»: почему арестовали основателя iSpring?(неопр.). БИЗНЕС Online. Тергӹмӹ кечӹ: 11 февральын 2025.
- ↑ Бастрыкин поручил доложить о деле в отношении бизнесмена Ускова, TACC. Дата обращения: 11 февральын 2025.
- ↑ Бастрыкин затребовал доклад об основаниях возбуждения дела против Ускова, Readovka.news (11 февральын 2025). Дата обращения: 11 февральын 2025.
- ↑ Володин поручил разобраться с задержанием основателя ИТ-компании iSpring, РБК. Дата обращения: 11 февральын 2025.