12 апостол (цӓш)
| Цӓш | |
| 12 апостол | |
|---|---|
 | |
| 56°38′15″ с. ш. 47°54′23″ в. д.GЯO | |
| Сӓндӓлӹк | |
| Вӓрлӓнӹмӓш | Йошкар-Ола, Царьградский проспект, 37 |
| Скульптор | Андрей Николаевич Ковальчук |
 |
|
«12 апостол» цӓш — «Да молчит всяка плоть человеча» церкӹ мыры семеш Иисус Христос дон 12 апостолын кемӹ скульптур композициӓн курант[1]. Сюжетӹн негӹцешӹжӹ Йымын Иерусалимӹш Пырымы евангели событи анжыктымым нӓлмӹ. 9:00 гӹц 21:00 цӓш якте каждый 3 цӓш гӹц Сретени монастырь пӱэргӹ хорын мырымыжы семеш анзыц осёл вӹлнӹ шӹнзӹшӹ Иисус Христос лӓктеш, а тӹдӹн паштек 12 апостол: Андрей Первозванный, Пётр, Иоанн Богослов, Иаков Зеведеев, Матфей, Фома, Филипп, Варфоломей, Иаков Алфеев, Фаддей, Симон Кананит, Иуда Искариот. Нӹнӹн эртӹмӹштӹ 7,5 минута шыпшылтеш[2]. Цӓшӹм Патриарший площадьыштышы ресторан, телерадиокомпани дӓ лапка ылман шукы функциӓн общественный пӧртӹштӹ, кымшы пачашын балконыштыжы, вӓрӓнгдӹмӹ.
Ӹштӹмӹ истори
Скульптура композици гишӓн шанымашын авторжы Леонид Маркелов ылын. Проектӹм Йылтех кугижӓншӹ технологический университетӹн «Мехатрон системӹвлӓ» лабораторижӹ ӹлӹмӓшӹш пыртен[3], лабораторин тӹнг научный вуйлатышыжы — Игорь Кудрявцев. Скульптурывлӓм Россий Федерацин халык художникшӹ Андрей Ковальчук ӹштен дӓ чиӓлтен. Каждый фигурым той (бронза) доно ливӹктен ӹштӹмӹ, нӹнӹн кӱкшӹцӹштӹ — 1,5 м[4], конструкцин цилӓ нелӹцшӹ — 3 т. Скульптурывлӓм Москва гӹц канденӹт дӓ вӓрӹштӹ чиӓлтенӹт[2]. Юж скульптурыжы ӹлӹшӹ ганьок каеш: ял, кид, вуй тӓрвӓнӹлмӹ анжыкталтеш[2]. Тидӹлӓнжӹ ик привод доно[3] — 6,5 т нелӹцӹм сӹнгӹшӹ редукторан двигатель доно пӓшӓм ӹштӹшӹ 20 механизмӓн ӹнян система йӧнӹм пуа[2].
Проектӹм ик и жепӹштӹ ӹлӹмӓшӹш пыртенӹт дӓ Мары Эл Республикӹн кечӹжӹ дӓ Халыквлӓн икышын ылмышты кечӹ лӹмеш пачыныт. Ти представлени годым йонгалтшы «Да молчит всяка плоть человеча» церкӹ мырым Йошкар-Ола дӓ Мары митрополит Иоанн айырен[5]:
«Да молчит всякая плоть человеча, и да стоит со страхом и трепетом, и ничтоже земное в себе да помышляет, Царь бо царствующих, и Господь господствующих, приходит заклатися и датися в снедь верным, предходят же Сему лицы ангельстии со всяким началом и властию, многоочитии херувими, и шестокрилатии серафими, лица закрывающе, и вопиюще песнь, Аллилуиа, аллилуиа, аллилуиа...»[6]
«12 апостол» цӓш докы экскурсивлӓ
Шукы туризм компани шке Йошкар-Ола маршрутышкыжы «12 апостол» цӓш докы экскурсим пырта[7]. Каждый 3 цӓш гӹц ( 9:00, 12:00, 15:00, 18:00 21:00) Мары Эл Республика ӹрдӹ халан турист дон хынавлӓжӹ «Да молчит всяка плоть человеча» церкӹ мыры семеш Иисус Христос дон 12 апостолын ашкедмӹштӹм анжен кердӹт, нӹнӹ балкон мычкы пальма укшвлӓ доно махайылын эртӓт, вара кӧргӹшкӹ пырен ямыт[8].
Примечани
- ↑ Да молчит всяка плоть человеча. Хор Сретенского монастыря
- ↑ 1 2 3 4 О них говорят, пишут, их активно обсуждают. ЗАО «Пульс-радио» (23 январьын 2012). Тергӹмӹ кечӹ: 1 мартын 2013. Архивировано из оригинала 12 апрельӹн 2013 года.
- ↑ 1 2 Уникальные городские часы. ООО «Мехатронные системы». Тергӹмӹ кечӹ: 1 мартын 2013. Архивируйымы 9 мартын 2013 года.
- ↑ 12 апостолов как символ поступательного движения Марий Эл. Газета «Марийская правда» (8 ноябрьын 2011). Тергӹмӹ кечӹ: 1 мартын 2013. Архивируйымы 21 апрельӹн 2013 года.
- ↑ Туризм в Руспублике Марий Эл
- ↑ Да молчит всяка плоть человеча. Хор Сретенского монастыря
- ↑ Экскурсии к часам «12 апостолов»
- ↑ Часы 12 апостолов в Йошкар-Оле: уникальный комплекс