Ширнин, Анатолий Александрович

Ирӹкӓн энциклопеди Википеди гӹц материал
Анатолий Александрович Ширнин
Ширнин Анатолий Александрович.jpg
Шачмы кечӹ 25 сентябрь 1939(1939-09-25) (86 и)
Шачмы вӓр
Сӓндӓлӹк
Пӓшӓн типшӹ скульптор, художник
Награда дӓ премивлӓ

Россий Федерацин заслуженный художникшӹ — 2002
Золотая медаль на красной ленте.png
Мары АССР искусствын заслуженный деятельжӹ (1973)
Мары АССР-ын кугижӓншӹ премижӹ (1975)
Олык Ипай лӹмеш Мары комсомолын преми (1974)
Мары АССР-ын Кӱшӹл Совет Президиумын Почётан грамотыжы(1985)

Анатолий Александрович Ширнин (шач. 25 сентябрь 1939, Путятино[d], Добровский район[d])[1] — совет дӓ российӹштӹшӹ монументалист-скульптор, живописец, СССР художниквлӓн Союзын членжӹ. Россий Федерацин заслуженный художникшӹ (2002), Мары АССР-ын заслуженный искусство пӓшӓзӹжӹ (1973). Мары АССР-ын Кугижӓншӹ премин (1975) дӓ Олык Ипай лӹмеш Мары комсомолын премижӹн (1974) лауреат. Йошкар-Олаштышы Воинский Слава монументӹн авторжы (1967—1973).

Ӹлӹмаш корныжы

1939 ин 25 сентябрьын Липецк областьыштышы Путятино солашты шачын[2].

1959 ин М. Калинин лӹмӓн Москваштышы художественно-промышленный училищӹм (руш) (мар. (скульптура отделеним), 1967 ин Москвашты Строгановский кӱшӹл художественно-промышленный училищӹм (руш) (мар. (монументальный декоративный скульптура факультет) тымень пӹтӓрен[2].

1967—1996 ивлӓн — РСФСР Художественный фондын Мары мастерскойвлӓн пӓшӓзӹ лин, 1996 и гӹц — ирӹкӓн творческий пӓшӓштӹ[3].

Кӹзӹт Йошкар-Олашты ӹлӓ дӓ пӓшӓм ӹштӓ.

Художественный пӓшӓжӹ

СССР художниквлӓн Союзын членжӹ[4].

Йошкар-Олашкы халан тӹнг архитекторжы П. А. Самсоновын пӓшӓм ӹштӓш ӱжмӹжӹ семӹнь толын. Йошкар-Олаштышы Воинский Слава монументӹн авторжы (1967—1973), тӹдӹ 20 метр кӱкшӹцӓн гранит мӓнгӹм ӓшӹндӓрӹктӓ, вӹлнӹжӹ — сӹнгӹшӹ салтакын 6 метр кӱкшӹцӓн кӓпшӹ[5]. 1975 ин ти пӓшӓжӹ гишӓн ВДНХ-ан Шӧртньӹ медальжы доно пӓлемдӓлтӹн[2].

Йошкар-Олашты шагалтымы «Космосыш» лӹмӓн фонтан-памятникӹн авторжы (1967—1975) — ти тӹдӹн Строгановский училищӹштӹ ӹшӹклӹмӹ диплом пӓшӓжӹ лин. Тенгеок Венгриштӹ Сомбатхей халашты вӓрлӓнӹшӹ «Мары Эл» скульптура композицин авторжы[3].

Йошкар-Олашты шачшы лӹмлӹ эдемвлӓм ӓшӹндӓрӹктӹшӹ шукы мемориальный ханган, бюстын, шӹгерлӓштӹшӹ памятникӹн, барельефӹн проектвлӓм ӹштен[2].

Шукы и ӹшке тыменьшӹжӹ, скульптор С. Яндубаев доно, творческий тандемӹштӹ пӓшӓм ӹштӓ. Мары Элӹн дӓ мары столицӹн кӹзӹтшӹ памятниквлӓ нӹнӹн творческий тырхымашты гишӓн ӹштӓлтӹнӹт: Йошкин коти, Барон фон Келлер, Йошкар-Олаштышы Сӹнгӹмӓш паркышты Тылын тружениквлӓ, святой Петр дон Феврониялан, поэт дӓ актёр Йыван Кырлалан, Мары Элӹн халык писательжӹ Аркадий Крупняковлан, поэт дӓ белогвардеец Александр Котомкин-Савинскийлӓн, Кырык мары районыштышы халык герой Акпарслан памятниквлӓ[2]. Нинӹ памятниквлӓ лошты Мары Эл Республикӹн Общественно-политический центрӹн здаништӹжӹ (Йошкар-Ола, Гагарин пр., 8) марксизм-ленинизмӹм негӹцлӹшӹвлӓн профильӹштӹ доно барельеф улы[6].

2021 ин А. Ширнин дон С. Яндубаев «Пожарный дон ытарышывлӓлӓн» памятникӹн автор линӹт, тӹдӹм тӹ инок 29 апрельӹн Йошкар-Олан Воскресенский паркыштыжы пачыныт[7][8]. Композици тыл гӹц кидӹштӹ тетям намал лӓкшӹ эдемӹм дӓ нӹнӹн сага ылшы пим анжыкта[5].

Ӹшкӹмжӹм живописец семӹнь анжыктен: поэт дӓ киноактёр Й. Кырлан (1986), академик А. Сахаровын (1991), художниквлӓн И. Кононовын (1981), С. Яндубаевын (1982), С. Подмарёвын (1990), А. Усоловын (1991) портретӹштӹм рисуен. Тӹдӹ «Лев Толстой» (1997), «Владимир Высоцкий» (2003) медальвлӓм оформляен[3].

Международный, всесоюзный, российӹштӹшӹ дӓ кымдемӹштӹшӹ художественный выставкывлӓн участник[3]. 2014 ин Мары Эл Республикӹштӹшӹ Т. Евсеев лӹмӓн халык музейӹштӹ скульпторын 75 и теммӹжӹ лӹмеш персональный выставка пачылтын. Тӹштӹ 30 утла пӓшӓжӹ — бюстын, памятникӹн дӓ монументӹн изиэмдӹмӹ копивлӓ анжыкталтыныт[9].

Тӹдӹн пӓшӓжӹ Йошкар-Олан, Цикмӓн музейвлӓштӹ, личный коллекцивлӓштӹ перегӓлтӹт[3].

Звани дон наградывлӓ

  • Россий Федерацин заслуженный художникшӹ (2002)[3]
  • Мары АССР-ын заслуженный искусство пӓшӓзӹжӹ (1973)[4]
  • Мары АССР-ын кугижӓншӹ премижӹ (1975)[4]
  • Олык Ипай лӹмеш Мары комсомолын премижӹ (1974)[3]
  • ВДНХ-н Шӧртньӹ медальжы (1975)[2]
  • Марий АССР-ын Кӱшӹл Совет Президиумын Почётан грамотыжы (1985)[3]

Примечани

  1. ↑ Ширнин Анатолий Александрович. Коллекция Государственного Русского музея. Виртуальный Русский Музей. Тергӹмӹ кечӹ: 31 декабрьын 2024.
  2. ↑ 1 2 3 4 5 6 Известный в Марий Эл скульптор Анатолий Ширнин рассказал о своем творчестве, о себе и... Йошкином коте. www.marpravda.ru. Тергӹмӹ кечӹ: 4 майын 2021.
  3. ↑ 1 2 3 4 5 6 7 8 Мочаев, 2017, с. 405.
  4. ↑ 1 2 3 Энциклопедия. Ш.... Ширнин Анатолий Александрович, скульптор(неопр.). Марийский-край.РФ. Тергӹмӹ кечӹ: 4 майын 2021.
  5. ↑ 1 2 Я здесь: Марий Эл. visitmariel.ru. Тергӹмӹ кечӹ: 4 майын 2021.
  6. ↑ Легенды Марий Эл: как скульптуры становятся историей (руш.). www.mk-mari.ru. Тергӹмӹ кечӹ: 4 майын 2021.
  7. ↑ Глава Марий Эл открыл памятник пожарным и спасателям и вручил ключи от новой техники. mari-el.gov.ru. Тергӹмӹ кечӹ: 4 майын 2021.
  8. ↑ В Йошкар-Оле торжественно открыли памятник пожарным и спасателям. www.marpravda.ru. Тергӹмӹ кечӹ: 4 майын 2021.
  9. ↑ Персональная выставка скульптора Анатолия Ширнина открылась в музее им. Евсеева(неопр.). Новости Марий Эл - Новости Йошкар-Олы - ГТРК «Марий Эл». Тергӹмӹ кечӹ: 4 майын 2021.

Литература

  • Ширнин Анатолий Александрович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 405. — 2032 экз. — ISBN 5-87898-357-0.
  • Ширнин Анатолий Александрович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 823. — 872 с. — 3505 экз. — ISBN 978-5-94950-049-1.
  • Прокушев Г. И., Яналова Н. А. Ширнин Анатолий Александрович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 501. — 606 с. — 1500 экз. — ISBN 978-5-905314-35-3.

Ссылкывлӓ

«https://mrj.ruwiki.ru/w/index.php?title=Ширнин,_Анатолий_Александрович&oldid=314689» гӹц нӓлмӹ