Сӓмӹрӹквлӓ дӓ тетявлӓ (халык проект)
| «Сӓмӹрӹквлӓ дӓ тетявлӓ» халык проект | |
|---|---|
 | |
| Тӹнгӓлмӹ жеп | 2024 и |
| Мычашын дата | 2036 и |
| Вир | 309 №-ӓн «Россий Федерацин 2030 и якте дӓ анзыкылаэш 2036 и якте виӓнгмӹжӹ гишӓн» указ |
| Участниквлӓ | 50 млн |
| Лӓктӹш |
«Движение первых» тетявлӓлӓн движени кӹшкӓреш 6942 мероприятим эртӓрӹмӹ; Сӓмӹрӹквлӓн всемирный фестивальыш 20 тӹжем эдем ушнен; |
| Роскот | халык проектӹн цымыр бюджетшӹ — 3,7 трлн тӓнгӓ |
| Организаторвлӓ:
 Росгварди | |
.svg){kind=small}
«Сӓмӹрӹквлӓ дӓ тетявлӓ» халык проектӹм Россий президент Владимир Путинӹн 2024 и 7 маяш 309 №-ӓн «Россий Федерацин 2030 и якте дӓ анзыкылаэш 2036 и якте виӓнгмӹжӹ гишӓн» указшы доно ӹштӹмӹ дӓ ӹлӹмӓшӹш пырташ тӹнгӓлмӹ[1]. Тӹдӹ образованин суверенный системӹжӹм, керӓл инфраструктурым ӹштӓш, сӓмӹрӹк йыхым патриот шӱлӹшӓнӹм анжен кушташлан виктӓрӓлтӹн[2][3]. Реализаци верц Минпросвещени, Росмолодёжь, Оборона министерство дӓ Росгварди вуйын шалгат[1]. Цилӓжӹ — 50 миллион эдем[4]. Цымыр бюджет — 3,7 трлн тӓнгӓ[4].
Задачывлӓ
Россий президент РФ Правительство анзылны 2030 и якте цилӓ тетян, ӹдӹр-ӹрвезӹн дӓ сӓмӹрӹквлӓн мыштымашыштым дӓ талантыштым виӓнгдӹшӹ, пасна профессиэш йӓмдӹлӹмӹ пӓшӓм ирӹрӓк тӹнгӓлӓш шӱден[3]. Тидӹн гӹц пасна, тенге пӓлемдӹмӹ: профессиональный, личностный дӓ патриот кымылым кушташ виктӓрӓлтшӹ программывлӓшкӹ 75,1 % сӓмӹрӹкӹм пырташ; доброволец дӓ общественный пӓшӓш ушнышывлӓн шот 45,8 % якте кузышашлык; Российӹштӹ ӹшке виӓнгӓш лимӹ йӧнлӓн ӹнянӹшӹвлӓн шот 85 % якте кушшашлык; Российӹштӹшӹ кӱшӹл образованим пушы дӓ научный организацивлӓштӹ кӱшӹл образовани программывлӓ доно тымдымы вескид сӓндӓлӹк гӹц студентвлӓн шот 500 тӹжем эдем якте кузышашлык[3].
«Сӓмӹрӹквлӓ дӓ тетявлӓ» халык проект кого аудиорим ӓвӓлтӓ. Тидӹ 50 миллион эдем гӹцӓт шукырак, ӓль мӓмнӓн сӓндӓлӹкнӓн кымшы лаштыкшы, а проетӹш ушнышы ӓтя-ӓвӓвлӓм, тымдышывлӓм дӓ настаниквлӓм шотыш нӓлӓш гӹнь — цилӓ эдем гӹц пелӹжӹ»
Тидӹн годым Российӹн духовно-нравственный ценностьвлӓжӹм перегӹшӹ культура, искусство дӓ халык творчество сферӹштӹшӹ цилӓ проект гӹц 80%-шӹ кугижӓншӹн оксаэш ӹштӓлтӹт манын пӓлемдӓлтеш[3]. 2025 ин проектӹм ӹлӹмӓшӹш пырташ манын 458 138,3 млн тӓнгӓ айыралтеш, 2026 ин — 547 375,6 млн тӓнгӓ, 2027 ин — 550 342,1 млн тӓнгӓ[5].
Нацроект кӹшкӓреш талантан тетявлӓлӓн 12 видӹшӹ школым пачаш, 8 тӹжем школым тӧрлӓш, экономикӹн видӹшӹ отрасльвлӓлӓн 2 миллион гӹц чӹдӹ агыл сӓмӹрӹк пӓшӓзӹм йӓмдӹлӓш, сӓмӹрӹквлӓлӓн 800 лабораторим дӓ 50 видӹшӹ инженер школым пачаш, 25 университет кампусым чангаш дӓ 800 общежитим тӧрлӓш пӓлемдӹмӹ[6].
Федеральный проектвлӓ
«Сӓмӹрӹквлӓ дӓ тетявлӓ» халык проектӹш техень федеральный проектвлӓм пыртымы:
- «Россий — йӧнӹм пушы сӓндӓлӹк»;
- «Мӓ иквӓреш ылына»;
- «Россий мирӹштӹ»;
- «Цилӓ сек яжо — тетявлӓлӓн»;
- «Видӹшӹ школвлӓ»;
- «Тымдышывлӓ дӓ наставниквлӓ»;
- «Кӹзӹтшӹ жепӓш кампусвлӓн сетьӹм ӹштӹмӓш»;
- «Лидервлӓн йыхлан университетвлӓ»;
- «Профессионалитет»[3];
- «Приоритет-2030»[7].
Реализаци
2025 и марташ увер семӹнь, «Сӓмӹрӹквлӓ дӓ тетявлӓ» халык проект доно техень лӓктӹшӹш шомы:
- «Пӹтӓришӹвлӓн движени» («Движение первых») тетявлӓлӓн движени кӹшкӓреш 6942 мероприятим эртӓрӹмӹ";
- Сӓмӹрӹквлӓн всемирный фестивальыш 20 тӹжем эдем ушнен;
- «Вузыш онлайн йӧн доно пырымаш» сервис негӹцеш вескид сӓндӓлӹкӹштӹшӹ студентвлӓн единый цифровой профильӹштӹм пачмы;
- РФ регионвлӓштӹ 12 видӹшӹ школ сетьӹм формируйымы;
- кӹдӓлӓш профессиональный образованин тымдымы-производственный центрвлӓм пачмы;
- сӓмӹрӹквлӓлӓн 940 лабораторим пачмы[4];
- «Земский тымдышы» программа доно 7500 тымдышылан ик гӓнӓ нӓлӹн кердмӹ окса палшыкым пумы;
- 800 тӹжем утла тымдышылан классым вуйлатымы гишӓн тӱлӹмӹ[3].
Шукырак увер
2025 ин 5 июньын руш йӹлмӹлӓн палшаш манын кугижӓншӹ политикӹм ӹлӹмӓшӹш пыртымы шотышты Кӓнгӓшӹн заседаништӹжӹ Российӹн президентшӹ Владимир Путин «Пушкин карта» статян «Тетя книгӓ картым» ӹштӓш шанымашым пуэн[8].
«Сӓмӹрӹквлӓ дӓ тетявлӓ» национальный проект семӹнь Россий Минпросвещенин палшымыжы доно «Кавказский акцент» культурно-просветительский форум-марафон — творческий проектвлӓн конкурс ӹлӹмӓшӹш пырталтеш[9].
Примечани
- ↑ 1 2 Национальный проект «Молодежь и дети» (руш.). shkolababichevavykatnoj-r86.gosweb.gosuslugi.ru. Тергӹмӹ кечӹ: 21 мартын 2025.
- ↑ Стали известны подробности национального проекта «Молодёжь и дети», skillbox.ru (20.03.2025). Дата обращения: 21 мартын 2025.
- ↑ 1 2 3 4 5 6 Национальный проект «Молодёжь и дети» - Правительство России (руш.). government.ru. Тергӹмӹ кечӹ: 21 мартын 2025. Архивируйымы 12 октябрьын 2025 года.
- ↑ 1 2 3 Дмитрий Чернышенко обсудил с депутатами Государственной Думы национальный проект «Молодёжь и дети» (руш.). government.ru (18 мартын 2025). Тергӹмӹ кечӹ: 21 мартын 2025. Архивируйымы 12 октябрьын 2025 года.
- ↑ На нацпроект "Молодежь и дети" в 2025 году планируют выделить 458 млрд рублей, TACC (30.09.2024). Дата обращения: 21 мартын 2025.
- ↑ Нацпроект «Молодежь и дети» дополнен инструментами модернизации важнейших сфер жизни нашей страны, Аналитический центр при Правительстве Российской Федерации. Дата обращения: 21 мартын 2025.
- ↑ Вузы – участники программы «Приоритет-2030» оптимистично оценивают развитие науки в России. Минобрнауки РФ (28 мартын 2025). Тергӹмӹ кечӹ: 27 майын 2025.
- ↑ Заседание Совета по реализации госполитики в сфере поддержки русского языка и языков народов России, Президент России (05.06.2025). Дата обращения: 5 июньын 2025.
- ↑ Конкурсный отбор творческих проектов студентов образовательных организаций высшего образования и профессиональных образовательных организаций для участия в Культурно-просветительском форуме-марафоне «Кавказский акцент», ЧГПУ | Чеченский государственный педагогический университет (25 июльын 2025). Дата обращения: 2 октябрьын 2025.
Российӹн халык проектвлӓ | |||||||||||||
|---|---|---|---|---|---|---|---|---|---|---|---|---|---|
| |||||||||||||
