Тетя книгӓ карта

Ирӹкӓн энциклопеди Википеди гӹц материал
Тетя книгӓ карта
Мальчик читает книгу.webp
Тӹнгӓлмӹ жеп 2026 и
Вӓр  Россий
Вир школыш каштдымы иӓшӓн тетявлӓм тымдымы шотышты кугижӓншӹ программа
Участниквлӓ 3 гӹц 6 иӓш якте тетявлӓ

Тетя книгӓ карта (руш. Детская книжная карта) — школыш каштдымы иӓшӓн тетявлӓм тымдымы шотышты кугижӓншӹ программа. Тӹдӹн гишӓн шаям 2025 и 5 июньын Руш йӹлмӹлӓн дӓ Российӹштӹшӹ халыквлӓн йӹлмӹштӹ палшыкым пумы кугижӓншӹ политикӹм ӹлӹмӓшӹш пыртымы шотышты кӓнгӓшӹн погынымаштыжы Российӹн президентшӹ Владимир Путин тӓрвӓтен[1]. Программа 2026 и гӹц ӹштӓш тӹнгӓлеш[2]. 3 тӹжем тӓнгӓ ӓкӓн (номиналан) карта 3 гӹц 6 иӓш якте тетявлӓлӓн лишӓшлык[3]. Тӹдӹн доно эксперт ушемӹн ярыктымы лу гӹц чӹдӹ агыл книгӓм нӓлӓш пӓлемдӓлтӹн[4].

Истори

2025 и 5 июньын Руш йӹлмӹлӓн палшыкым пумы кугижӓншӹ политикӹм ӹлӹмӓшӹш пыртымы шотышты кӓнгӓшӹн погынымаштыжы Российӹн президентшӹ Владимир Путин «Пушкин карта» (руш) (мар. семыньок «Тетя книгӓ картым» ӹштӓш кӓнгӓшӹм пуэн[1]. Кугижӓншӹ вуйлатышын шанымыжы доно, ӓкшӹ кым тӹжем тӓнгӓ лишӓшлык, дӓ тӹдӹ кымыт гӹц куд иӓш якте тетявлӓлӓн литератор, психолог дӓ школ гӹц анзыц тымдымаш доно специалиствлӓн ярыктымы книгӓвлӓм нӓлӓш ӹштӓлтеш[3]. Тӹгодым Владимир Путин пӓлдӹртен: книгӓвлӓлӓн ӓкӹм яжон шотлен шӹндӹмӹлӓ — ик картын хозажы лу гӹц чӹдӹ агыл книгӓм нӓлӹн кердшӓшлык[1].

Владимир Путин:

Книга — тидӹ тетявлӓм анжен куштымашты дӓ семня овуцашты айыраш лидӹмӹ лаштык. Дӓ кӱкшӹ нравственный шанымашан ылшы кого, классика сӹлнӹ шая сӓндӓлӹкӹш корным пачшы тетя книгӓвлӓм каждыйжы лыдын кердшӓшлык.

Тӹнгӓлтӹш

«Тетя книгӓ карта» 2026 и гӹц лыкташ пӓлдӹртӹмӹ[2]. Президентӹн палшыжы Елена Ямпольскаян келесӹмӹжӹ доно, ти программа кымдем издательствывлӓлӓн виӓнгӓшӹштӹ яжон палшышашлык[1]. Тӹдӹ карта лӹмӹн ик вариантшы семӹнь «Шӧртньӹ сыравач» (руш. «Золотой ключик») манаш кӓнгӓшӹм пуэн[1].

А лӹм шотышты гӹнь техень кӓнгӓшӹм пуэм: ӓнят, «Шӧртньӹ сыравач»? Шӧртньӹ сыравач, тӹдӹн доно тетялӓн кого сӹлнӹ шая сӓндӓлӹкӹш амаса пачылтеш.

Ӓвӓлтӹмӹ кымдык

Шанымы доно, ти программа 3 гӹц 6 иӓш якте 7-8 миллион нӓрӹ тетям ӓвӓлтӓ[5].

Примечани

  1. ↑ 1 2 3 4 5 Заседание Совета по реализации госполитики в сфере поддержки русского языка и языков народов России, Президент России (05.06.2025). Дата обращения: 5 июньын 2025.
  2. ↑ 1 2 Три тысячи на книжки. Путин предложил с 2026 года выдавать дошкольникам детскую книжную карту, Фонтанка.ру (05.06.2025). Дата обращения: 6 июньын 2025.
  3. ↑ 1 2 Путин предложил запустить программу "Детская книжная карта" - Российская газета, Российская газета (5 июньын 2025). Дата обращения: 6 июньын 2025.
  4. ↑ Путин предложил выпустить «детскую карту» на ₽3 тыс. для покупки книг, РБК (05.06.2025). Дата обращения: 6 июньын 2025.
  5. ↑ Дети в России. Федеральная служба государственной статистики (1 июньын 2024). Тергӹмӹ кечӹ: 6 июньын 2025.
«https://mrj.ruwiki.ru/w/index.php?title=Тетя_книгӓ_карта&oldid=315052» гӹц нӓлмӹ