Самсонов, Павел Алексеевич

Ирӹкӓн энциклопеди Википеди гӹц материал

РАН-ын экспертизӹжӹ

Logo-ran.png
Российӹн наука Академи
экспертизым эртарен
Кымданрак
Aprove.svg

РАН-ын экспертизӹжӹ

Arrow-Right.png
Logo-ran.png
Российӹн наука Академи
экспертизӹм эртӓрен
Кымданрак
Павел Алексеевич Самсонов
Самсонов Павел Алексеевич.jpg
Шачмы кечӹ 1909 и 27 май(1909-05-27)
Шачмы вӓр Удельный Шумец сола, Угарман губерня, Россий импери
Колымы кечӹ 1988 и 16 февраль(1988-02-16) (78 и)
Колымы вӓр Йошкар-Ола, Мары АССР, РСФСР, СССР
Гражданство  Российский импери →  СССР
Пӓшӓн типшӹ архитектор, общественно-политический деятель
Награда дӓ премивлӓ

РСФСР-ын заслуженный архитекторжы — 1969
Орден Трудового Красного Знамени Орден Красного Знамени  — 1942 Орден Красного Знамени  — 1944 Орден Отечественной войны I степени— 1943 Орден Отечественной войны II степени  — 1985 III степенян Богдан Хмельницкий орден  — 1945 SU Medal For the Liberation of Prague ribbon.svg Медаль «За взятие Берлина» Медаль «За победу над Германией в Великой Отечественной войне 1941—1945 гг.» Юбилейная медаль «За доблестный труд (За воинскую доблесть). В ознаменование 100-летия со дня рождения Владимира Ильича Ленина» Почётная грамота Президиума Верховного Совета РСФСР — 1960 Почётная грамота Президиума Верховного Совета РСФСР — 1965
Мары АССР-ӹн Кӱшӹл Кӓнгӓшӹн Президиумжын Почётан грамотыжы (1941, 1957, 1959, 1967, 1975)
Йошкар-Олан Почётный гражданинжӹ (1977)

Павел Алексеевич Самсонов (27 май 1909, Удельный[d], Угарман губерня[d] — 16 февраль 1988, Йошкар-Ола) — советский архитектор дӓ общественно-политический деятель. Мары АССР-ӹн коммунальный хозяйствыжын министржӹ (1951–1952), МАССР Министрвлӓн Совет сага Чангымы дӓ архитектура пӓшӓ шотышты управленин вуйлатышыжы (1952–1956). Йошкар-Олаштышы пӓшӓзӹ депутатвлӓн хала Советӹштӹн исполком председательжӹ (1956–1965). Йошкар-Олан тӹнг архитекторжы (1966–1977) — XX курымын кокшы пелӹштӹжӹ Мары республикӹн столицӹжӹн архитектурный сӹнжӹм пӓлемдӹшӹ специалист. РСФСР-ӹн заслуженный архитекторжы (1969). Йошкар-Олан почётан гражданинжӹ (1977). Кого Ӓтямӱлӓндӹ вырсын участникшӹ.

Ӹлӹмӓш корныжы

1909-шӹ ин 27-шӹ майын Угарман губерништӹшӹ Удельный Шумец солаэш (кӹзӹт Удельный сола Мары Эл Республикӹштӹшӹ Йӱрнӹ районыш пыра) руш хресӓнь семняэш шачын[1].

1926-шы ин Йӱрнӹ вел Старостекольный заводышты тыменьшӹ-лужавуй (ученик-десятник) семӹнь шӹргӹм ромы дӓ шалым йоктарымы пӓшӓм ӹштӓш тӹнгӓлӹн. 1930-шы и гӹц — Ленинград халашты Всесоюзный тыменьмӹ комбинатын архитектурно-сторительный факультетшӹн студентшӹ. Тӹдӹм 1935-шӹ ин тымень пӹтӓрӹмӹкӹжӹ, Мары чангышы трестӹштӹ тӹнг инженерӹн палшышыжы лин[2].

1935–1937-шӹ ивлӓн П.А. Самсонов Якшар Армиштӹ служен. 1941-шӹ и ноябрь гӹц — Кого Отечественный вырсын участникшӹ: Вадывел, Центральный, 1-шӹ Украинский фронтвлӓштӹ кредӓлӹн, сапёрный батальонын политрукшы, политчасть шотышты командирӹн заместительжӹ ылын[3]. Парторг ылмыжы годым ик гӓнӓ веле агыл переправым чангымы пӓшӓлӓн вуйын шалген дӓ, пӓшӓм пӹсемдӓш манын, айыртемӓлтшӹ инженерный йӧнвлӓм мон шалген[4]. Майор якте служен шоктен. Шушырген, контужалтын[3].

1938-шӹ ин Йошкар-Олаштышы архитектурно-проектный мастерскойын вуйлатышешӹжӹ шагалтенӹт. 1937-шӹ ин А. З. Гринбергӹн проектшӹ семӹнь Советвлӓн Пӧртӹм (Дом Советов) чанген пӹтӓрӹмӹ пӓшӓштӹ ровотаен (кӹзӹт Мары кугижӓншӹ университетӹн «А» корпусшы). 1940-шӹ ин архитектурно-проектный мастерской Н. К. Крупская лӹмӓн Мары кугижӓншӹ педагогический институт (руш) (мар. зданим чангымы пӓшӓм мычашлен, тӹдӹм 1933-шы и гӹц чангенӹт[5].

Демобилизаци паштек 1946-шы ин Йошкар-Олаш пӧртӹлӹн дӓ Мары АССР-ӹн коммунальный хозяйствыжын проектный мастерскойжым вуйлаташ тӹнгӓлӹн. 1948–1951-шӹ ивлӓн Московский архитектурный институтышты тыменьӹн. 1951-шӹ и гӹц — Мары АССР-ӹн коммунальный хозяйствыжын министржӹ, 1952-шы и гӹц — МАССР Министрвлӓн Совет сага Чангымы дӓ архитектура пӓшӓ шотышты управленин вуйлатышыжы. 1956-шы и апрель гӹц 1965-шӹ и декабрь якте — Йошкар-Олаштышы пӓшӓзӹ депутатвлӓн хала Советӹштӹн исполком председательжӹ. Йошкар-Олан тӹнг архитекторжы (1966–1977)[2].

XX курымын II пелӹштӹжӹ Йошкар-Олан архитектурный сӹнжӹм пӓлемдӹшӹ объектвлӓм ӹштӹмӓштӹ ик автор ылын дӓ нӹнӹм чангымы пӓшӓм вуйлатен: республиканский больницӹн лицӓлтмӹ корпус тӹшкӓ, М. Шкетан лӹмӓн мары национальный драма театрын зданижӹ, М. Горький лӹмӓн Мары политехнический институтын кокшы тыменьмӹ корпусшы, Советский ӧлицӓштӹ вӓрлӓнӹшӹ ӹлӹмӹ пӧртвлӓ, Йошкар-Олан центральный площадьшын — В.И. Ленин лӹмӓн площадьын — планируйымы дӓ чангымы проект[2]. Мары литературын классикшӹ С. Г. Чавайнлан дон Я.П. Майоров-Шкетанлан ӹштӹмӹ памятниквлӓн архитекторышты ылеш[5]. Тӹдӹн сек кого заслугыжы — 1956-шы дӓ 1968-шӹ ивлӓн Йошкар-Олам чангымы тӹнг планвлӓм йӓмдӹлӹмӓштӹ пӓшӓлӹмӓш. Халык анзылны соок столицӹн архитектурыжы дӓ чангалтмыжы гишӓн лекцим лыдын[2].

1960-шы ин тӹдӹн «Йошкар-Ола — столица Марийской АССР» книгӓжӹ лӓктӹн[6]. 1970-шы ин «Город на Кокшаге» книгӓжӹ светӹм ужын[7].

КПСС-ын Йошкар-Олаштышы горкомжын дӓ Йошкар-Олаштышы пӓшӓзӹ депутатвлӓн хала Советӹштӹн исполкомжын 1977-шӹ ин 10-шы ноябрьын лыкмы решеништӹ семӹнь «Йошкар-Олам чангымы пӓшӓштӹ яжо лӓктӹшӹшкӹ шомыжы дӓ советский органвлӓштӹ шукы и цацен пӓшӓлӹмӹжӹ гишӓн» П.А. Самсоновлан «Йошкар-Олан почётан гражданинжӹ» лӹмӹм пумы[2].

1988-шӹ ин 16-шы февральын Йошкар-Олашты колен, Йошкар-Олаштышы Туруново мыгилӓштӹ тайымы.

Общественно-политический пӓшӓ

19 гӓнӓ Йошкар-Олаштышы хала Советӹн депутатшылан айыралтын (II–XVI созыввлӓ: 1947–1980, XVIII—XXI созыввлӓ: 1982–1993). 1956-шы и май гӹц 1965-шӹ и декабрь якте Йошкар-Олаштышы пӓшӓзӹ депутатвлӓн хала Советӹштӹн исполком председательжӹ ылын. Кок гӓнӓ Мары АССР Кӱшӹл Советӹн депутатшылан айыралтын (V дӓ VI созыввлӓ: 1959–1967), МАССР Кӱшӹл Советӹн Президиум Председательӹн заместительжӹ ылын[8].

СССР архитектор ушемӹн членжӹ, СССР архитектор ушемӹн Мары республикӹштӹшӹ организацижӹн председательжӹ. Архитекторвлӓн международный конгрессӹшкӹштӹ дӓ СССР архитекторвлӓн съездӹшкӹштӹ делегатеш айыралтын[2].

Звани дӓ наградывлӓ

  • РСФСР-ын заслуженный архитекторжы (1969)[2]
  • Йошкар-Олан Почётан гражданинжӹ (1977)[2]
  • Пӓшӓ Якшар Знамӹн орден[2]
  • Якшар Знамя орден (30.10.1942; 24.08.1944)[3]
  • I степенян Отечественный вырсы орден (27.11.1943)[3]
  • II степенян Отечественный вырсы орден (6.04.1985)[3]
  • III степенян Богдан Хмельницкий орден (III степенян Суворов орденлӓн представляйӹмӹ ылын) (09.06.1945)[3]
  • «1941-1945 ивлӓштӹшӹ Кого Отечественный вырсышты Германим сӹнгӹмӹ гишӓн» медаль (09.05.1945)[3]
  • «Прагым ытарымы гишӓн» медаль (09.06.1945)[3]
  • «Берлинӹм нӓлмӹ гишӓн» медаль (09.06.1945)[3]
  • «Яргата пӓшӓ гишӓн. Владимир Ильич Ленинӹн шачмыжылан 100 и теммӹ лӹмеш» медаль (1970)[8]
  • РСФСР-ӹштӹшӹ Верховный Совет Президиумын Почетный грамотыжы (1960, 1965)[8][4]
  • Мары АССР-ӹштӹшӹ Верховный Совет Президиумын Почетный грамотыжы (1941, 1957, 1959, 1967, 1975)[9][4]

Ӓшӹндӓрӹмӓш

  • Йошкар-Ола мэрӹн 1999-шӹ ин 4 октябрьын 2905-шӹ №-ӓн постановленижӹ семӹнь мары столицӹн Звёздный микрорайоныштышы ик ӧлицӓлӓн архитектор П.А. Самсоновын лӹмжӹм пумы[2].
  • Йошкар-Олашты Советский ӧлицӓштӹ 147-шӹ номерӓн пӧрт тервен мемориальный хангам сӓкӓлтӹмӹ, тӹштӹ архитектор ӹлен. Тӹдӹм 2001-шӹ ин 22 ноябрьын пачыныт[2].

Примечани

  1. ↑ Известные люди Юринского района (руш.). Тергӹмӹ кечӹ: 4 сентябрьын 2025. Архивируйымы 8 майын 2019 года.
  2. ↑ 1 2 3 4 5 6 7 8 9 10 11 110 лет со дня рождения Почётного гражданина города Йошкар-Олы Самсонова Павла Алексеевича (1909—1988) (руш.). Информационный портал г. Йошкар-Олы (27 майын 2019). Тергӹмӹ кечӹ: 4 сентябрьын 2025. Архивируйымы 1 июньын 2019 года.
  3. ↑ 1 2 3 4 5 6 7 8 9 Самсонов Павел Алексеевич Год рождения (руш.). Память народа. Тергӹмӹ кечӹ: 4 сентябрьын 2025. Архивируйымы 28 августын 2022 года.
  4. ↑ 1 2 3 Мочаев, 2017, с. 381.
  5. ↑ 1 2 «Архитектор П. А. Самсонов» (к 110-летию со дня рождения) (руш.). Официальный сайт Национального музея Республики Марий Эл им. Т. Евсеева (Свечников С. К.). Тергӹмӹ кечӹ: 4 сентябрьын 2025. Архивируйымы 4 ноябрьын 2020 года.
  6. ↑ Самсонов Павел Алексеевич - Йошкар-Ола - столица Марийской АССР (руш.). Официальный сайт РГБ. Тергӹмӹ кечӹ: 4 сентябрьын 2025. Архивируйымы 9 февральын 2017 года.
  7. ↑ Самсонов, Павел Алексеевич - Город на Кокшаге (руш.). Официальный сайт РГБ.
  8. ↑ 1 2 3 Листая страницы истории парламента (руш.). Официальный сайт Государственного Собрания Республики Марий Эл (27 майын 2019). Тергӹмӹ кечӹ: 4 сентябрьын 2025. Архивируйымы 4 ноябрьын 2020 года.
  9. ↑ Официальный сайт Госсобрания Республики Марий Эл. old.gsmari.ru. Тергӹмӹ кечӹ: 4 сентябрьын 2025.

Литература

  • Мочаев В. А. Самсонов Павел Алексеевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 316. — 2032 экз. — ISBN 5-87898-357-0.
  • Самсонов Павел Алексеевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 692. — 872 с. — 3505 экз. — ISBN 978-5-94950-049-1.
  • Колесников А. Ю., Мочаев В. А. Самсонов Павел Алексеевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 381. — 606 с. — 1500 экз. — ISBN 978-5-905314-35-3.

Ссылкывлӓ

«https://mrj.ruwiki.ru/w/index.php?title=Самсонов,_Павел_Алексеевич&oldid=314604» гӹц нӓлмӹ