Радугин, Феофан Григорьевич
| Феофан Григорьевич Радугин | ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||
| Шачмы кечӹ | 1912 и 8 ноябрь | |||||||||||||||||||
| Шачмы вӓр | Камаканыр сола, Царевококшайский уезд, Казанский губерни, Российский импери[1] | |||||||||||||||||||
| Колымы кечӹ | 1993 и 27 декабрь (81 и) | |||||||||||||||||||
| Колымы вӓр | Москва, Россий Федераци | |||||||||||||||||||
| Пырымаш |
 СССР |
|||||||||||||||||||
| Войскан йиш | авиаци | |||||||||||||||||||
| Служымы жеп | 1941—1946 | |||||||||||||||||||
| Звани |
 |
|||||||||||||||||||
| Часть | ГВФ-н 1-шӹ транспортный авиаци дивизи | |||||||||||||||||||
| Кредӓлмӓш/вырсы | Кого Отечественный вырсы | |||||||||||||||||||
| Награда дӓ преми |
|
|||||||||||||||||||
Феофан Григорьевич Радугин (1912 и 8 ноябрь — 1993 и 27 декабрь) — Кого Отечественный вырсы годым военно-транспортный авиацин советский летчикшӹ, Советский Союзын Геройжы (23.02.1945). Когорак лейтенант.
Ӹлӹмӓш корныжы
Феофан Григорьевич Радугин Мары Эл Республикӹштӹшӹ Кырык мары районыштышы Йоласал сельсоветӹш пырышы Камаканыр солаэш хресӓнь семняэш шачын. Марын.
Икшӹ степенян Йоласал школым дӓ кокшы степенян Шур тӹнг школым тымень пӹтӓрен, а 1932 ин Мариинско-Посадский шӹргӹ техникумым. 1932—1933 ивлӓ годым Цикмӓштӹ преням йоктарымашты техник ылын. 1933 ин тӹдӹм гражданский авиациш нӓлӹнӹт дӓ Гражданский Воздушный флотын (ГВФ) лётчиквлӓм йӓмдӹлӹшӹ Тамбовский школыш тыменяш колтенӹт. 1935 ин тымень лӓктӹн. ГВФ-н Казанский дӓ Московский авиаотрядышты, тенгеок Москва-Симферополь лиништӹ, пилотын дӓ корабльын командиржӹн пӓшӓм ӹштен. 1939 и гӹц ГВФ-ын Тӹнг управлеништӹжӹ инспекторын пӓшӓм ӹштен. 1940 ин Батайскышты ГВФ-ын кӱшӹл йӓмдӹлӓлтмӓш школжым тымень пӹтӓрен. 1940 и гӹц КПСС-н членжӹ. 1940 и ноябрь гӹц — Таллинӹштӹшӹ аэропортын начальникшӹ.
Кого Отечественный вырсы годым 1941 ишӹ 9 июляш шӱдӹмӓшӹжӹ семӹнь ГВФ-ын пӹтӹн личный составшы РККА ВВС-н составыш ваштымы ылын. Изирӓк лейтенант Ф. Радугинӹм пасна назначениӓн Московский авиаци тӹшкӓн эскадрили штабын начальникеш шагалтенӹт. 1942 и октябрь гӹц — 1-шӹ транспорт авиаци полкын корабль командиржӹ (ГВФ 1-шӹ транспорт авиаци дивизи, Якшар Армин ВВС-ын Тӹнг командованижӹ). Вырсы жепӹн 247 гӓнӓ тышманын келгӹ тылышкыжы чонгештӹлӹн, партизанвлӓлӓн оружим, боеприпасым дӓ медикаментӹм канден пуэн. Тӹдӹ С. А. Ковпакын, А. Ф. Фёдоровын, А. Н. Сабуровын партизан отрядвлӓшкӹ йыдым рейсӹм ӹштен, П. К. Пономаренко, Т. А. Строкач партизан движеним видӹшӹвлӓм партизанвлӓ докы нӓнгеен. Шушыргышывлӓм шыпшын лыктеден. Вырсы жепын цилӓжӹ 120 тонн грузым шыпшыктен дӓ 380 эдемӹм лыктын. Диверсант дон разведчиквлӓм тышманын келгӹ тылышкыжы ваштен. Фронтын линижӹ гач тышманын ӓрӓлтен нӓлмӹ Ленинград дон Севастопольыш чонгештӹлӹн.
Кого Отечественный вырсы жепӹн лӱддӹмӓш дон геройствым анжыктымы гишӓн СССР Кӱшӹл Совет Президиумын 1948 ишӹ 23 февраляш указшы доно Феофан Григорьевич Радугинлӓн Совет Союзын Геройжы званим пумы, тенгеок Ленин Орден дон «Шӧртньӹ Шӹдӹр» медальым кычыктымы.
1944 и сентябрь гӹц — тылышты пӓшӓштӹ ылын, ГВФ-ын Тӹнг управлеништӹжӹ инспектор лин. 1946 ин когорак лейтенант Радугин запасыш кеен.
Москвашты ӹлен. 1946 и гӹц СССР Гражданский Воздушный Флотын Тӹнг управлеништӹжӹ когорак инспектор-пилотын пӓшӓм ӹштен, 1952 и гӹц — Венгриштӹ СССР ГВФ-ын представительжӹ. 1955 и гӹц — СССР ГВФ-ын Научно шӹмлӹшӹ институтшын когорак инженержӹ, Аэрофлот транспорт авиацим виктарӹмӓшӹн пилот-инструкторжы, начальникӹн вашталтышыжы, Москван Быковский аэропортын чонгештӹлмӓшӹм вуйлатышы. 1978–1987 ивлӓ годым Ленинский библиотекӹн производственный отделӹштӹжӹ инженерӹн пӓшӓм ӹштен.
1993 ин колен. Завещанижӹ семӹнь Мары Эл Республикӹн Йоласал солашты тайымы[2].
Наградывлӓ
- Совет Союз Геройын «Шӧртньӹ Шӹдӹр» медальжы (23.02.1948);
- Ленин орден (23.02.1948);
- кок Якшар Знамя орден (7.03.1943, 13.04.1943);
- Отечественный вырсын I степенян кок орденжы (2.09.1943, 11.03.1985);
- «Знак Почёта» орден;
- медальвлӓ.
Ӓшӹндӓрӹмӓш
Марий Эл Республикӹн Кырык мары районжын Йоласал кӹдӓлӓш школлан, кышты Ф. Г. Радугин тыменьӹн, тӹдӹн лӹмжӹм пумы. Школын стенӓэш ӓшӹндӓрӹмӓш хангам вӓрӓнгдӹмӹ[3].
Примечани
- ↑ Ныне Горномарийский район Марий Эл, Россия.
- ↑ Учетная карточка захоронения Ф. Г. Радугина. // ОБД «Память народа».
- ↑ Герои Отечества Приволжского федерального округа Архивный копи от 29 сентябрьын 2020 на Wayback Machine.
Литература
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
- Герои огненных лет. — М., 1982. Кн.5. — С.616—623.
- Наши Герои. 2-е изд. — Йошкар-Ола, 1985. — С.266—273.
- Герои земли марийской: наградные листы Героев Советского Союза. — Йошкар-Ола, 1965. — С.81—82.
- Радугин Феофан Григорьевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 666. — 872 с. — 3505 экз. — ISBN 978-5-94950-049-1.
- Радугин Феофан Григорьевич // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 199—202. — 374 с. — 500 экз. — ISBN 978-5-94950-070-5.
- Сануков К. Н. Радугин Феофан Григорьевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 360. — 606 с. — 1500 экз. — ISBN 978-5-905314-35-3.
Ссылкывлӓ
- Антон Бочаров. Феофан Григорьевич Радугин (руш.). Сайт «Герои страны». Тергӹмӹ кечӹ: 1 августын 2020.
- О Герое на сайте Муниципального учреждения «Козьмодемьянский культурно-исторический музейный комплекс».
- Музей аэропорта «Внуково».
- Ф. Радугин в Музее истории города Йошкар-Олы.
- Ф. Г. Радугин в Чувашской Энциклопедии.