Марьин, Иван Ильич

Ирӹкӓн энциклопеди Википеди гӹц материал
Иван Ильич Марьин
Иван Ильич Марьин.jpg
Шачмы кечӹ 1922 и 6 июль(1922-07-06)
Шачмы вӓр Мари-Билямор сола, Мари-Турек район, Мары Эл
Колымы кечӹ 1999 и 31 январь(1999-01-31) (76 и)
Колымы вӓр Москва, Россий
Пырымаш  СССР
Войскан йиш авиаци
Служымы жеп 1940—1962
Звани
Полковник ВВС СССР
Кредӓлмӓш/вырсы Кого Отечественный вырсы
Награда дӓ преми
Герой Советского Союза
Орден Ленина Орден Красного Знамени Орден Красного Знамени Орден Отечественной войны I степени
Орден Отечественной войны I степени Орден Отечественной войны II степени Орден Трудового Красного Знамени Орден Красной Звезды
Медаль «За отвагу» (СССР) Медаль «За боевые заслуги» SU Medal For the Capture of Koenigsberg ribbon.svg Медаль «За победу над Германией в Великой Отечественной войне 1941—1945 гг.»

Иван Ильич Марьин (6 июль 1922, Мары Эл Республика — 31 январь 1999, Москва) — Советский Армин полковникшӹ, Кого Ӓтямӱлӓндӹ вырсын салтакшы, Советский Союзын Геройжы (1946).

Ӹлӹмӓш корныжы

Иван Марьин 1922 ин 6 июльын Мари-Билямор солашты (кӹзӹт Мары Эл Республикӹн Мари-Турек районжы) шачын. Красноуфимск халан 1-шӹ №-ӓн школышты лу классым тымень пӹтӓрен. 1940 ин августын Пӓшӓзӹ-хресӓнь Якшар Армиш служаш ӱжмӹ ылын. 1941 ин тӹдӹ Стрелок-бомбардирвлӓн Челябинскӹштӹшӹ военный авиационный школым тымень лӓктӹн. Тӹ инок октябрь гӹц — Кого Отечественный вырсын фронтыштыжы лин. Кредӓлмӹ годым кок гӓнӓ шушырген[1].

Вырсы пӹтымӓшеш когорак лейтенант Иван Марьин 3-шы Белорусский фронтын 1-шӹ воздушный армин 213-шы йыдым бомбардируйышы авиадивизин 24-шӹ гвардейский бомбардируйышы авиаполкын звеножын штурманжы ылын. Вырсышты лимӹ годым тӹдӹ 793 гӓнӓ чонгештӹмӹ годым тышманын боевой техникӹжӹм дӓ ӹлӹшӹ вижӹм бомбардируяш лӓктӹн (тенге нӹнӹлӓн кого ямдымашым канден), воздушный разведкӹм ӹштен дӓ партизанвлӓлӓн грузым канден пуэн[1].

СССР Кӱшӹл Совет Президиумын 1946 ишӹ 15 маяш указшы доно «тышман ваштареш бомбардировка годым лӱддӹмӓшӹм дӓ героизмӹм анжыктымы гишӓн» гвардин когорак лейтенантшы Иван Марьин Ленин орден дон 9049 номерӓн «Шӧртньӹ Шӹдӹр» медальым кычыктымо доно Совет Союзын Геройжы званим нӓлӓш яралеш шотлымы ылын[1].

Вырсы пӹтӹмӹкӹ, Марьин Совет Армиштӹ служен. 1952 ин Военно-воздушный академим тымень пӹтӓрен. 1962 ин подполковник звани доно запасыш колтымы ылын, варарак запасын полковникшӹ званим нӓлӹн. Москвашты ӹлен дӓ пӓшӓм ӹштен. Колымыжы гӹц шукердӹ агыл тӹдӹм кравенӹт, цилӓ наградым лыктын нӓлӹнӹт. 1999 ин 31 январьын колен, Москван Троекуровский шӹгерлӓэш тайымы ылын[1].

Наградывлӓ

  • кок Якшар Знамя орден;
  • Отечественный вырсын кок орден, 1-шӹ степенян;
  • Отечественный вырсын орден, 2-шы степенян,
  • Пӓшӓ Якшар Знамя орден;
  • Якшар Шӹдӹр орден;
  • медальвлӓ.

Примечани

  1. ↑ 1 2 3 4 Иван Ильич Марьин (руш.). Сайт «Герои страны».

Литература

  • Наши Герои. 2-е изд., перераб. и доп. — Йошкар-Ола, 1985.
  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
  • Воробьёв В. П., Ефимов Н. В. Герои Советского Союза. Справочник — СПб., 2010.
  • Марьин Иван Ильич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 528. — 872 с. — 3505 экз. — ISBN 978-5-94950-049-1.
  • Марьин Иван Ильич // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 147—148. — 374 с. — 500 экз. — ISBN 978-5-94950-070-5.
  • Мочаев В. А., Колесников А. Ю. Марьин Иван Ильич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 273. — 606 с. — 1500 экз. — ISBN 978-5-905314-35-3.
«https://mrj.ruwiki.ru/w/index.php?title=Марьин,_Иван_Ильич&oldid=312699» гӹц нӓлмӹ