Мары Эл арена
| Мары Эл арена | |
|---|---|
 | |
| Вӓрлӓнӹмӓш |
 Йошкар-Ола, Воскресенский проспект, 5-шӹ ӧлицӓ |
| Пачылтын | 2016 ин 8 февральын |
| Сайт | uss12.ru/legkoatletiches… |
 |
|
«Мары Эл арена» (руш. «Арена Марий Эл») — Мары Эл Республикӹштӹшӹ Йошкар-Ола халашты вӓрлӓнӹшӹ универсальный левӓш лӹвӓлнӹшӹ куштылгы атлетика доно кӹлдӓлтшӹ манеж. Спорт томашты искусственный газонан 105×68 метр кымдыкаш футбольный ныр, кыргыжталмы корнывлӓ (400 метр кытан нӹлӹт йӹрвӓш дӓ 100 метр кытан кудыт тӧр), кужыцышкы дӓ кӱкшӹцӹшкӹ тӹргештӹлмӹ сектор, ядром шӹкӹмӹ сектор, выргем кыдашмы вӓр да санузел вӓрлӓнӓт. Икӓнӓштӹ томашкы 120 эдем пырен кердӹт. Трибунывлаштӹ шӹнзӹмы вӓр — 2 700. Толшывлӓлӓн буфет пӓшӓм ӹштӓ[1].
Истори
Манежӹм 2012-шы ин апрель тӹлзӹн строяш тӹнгӓлӹнӹт, икшӹ жеп лаштыкшы 2015-шӹ ин декабрьын пӹтӓрӹмӹ ылын. Тӹгодымок объектӹм ӹлӹмӓшӹшкӹ пыртенӹт[2].
2016-шы ин 8 февральын кыргыжталмы манежӹм аен пачыныт. Стройымашышкы цилӓжӹ вӹц и кеен, ик миллиард утла тӓнгӓ тӱлӓлтӹн. Проектӹм федеральный дӓ республиканский окса доно ӹштӹмӹ. Манежӹ пачмы годым спортсменвлӓ ӹшке мастарыштым анжыктенӹт, тенгеок «Мариэлочка» (Йошкар-Ола) дӓ «Динамо» (Киров) ӹдӓрӓмӓш командывлӓ лошты футбол доно эртен[3]. Пачмы айошты Мары Эл Республикӹн Вуйлатышыжы Леонид Маркелов дӓ республикӹн министерствывлӓ доно ведомствывлӓ гӹц пӓшӓзӹвлӓ линӹт[4].
Стройымашын кокшы лаштыкшы
Стройымашын кокшы лаштыкыштыжы «Арена»-шты Россий кӱкшӹцӓш дӓ регионвлӓ лоштышы кӱкшӹцӓш соревновнивлӓм эртӓрӓш йӧнвлӓ лишӓшлык ылыт, тел жепӹн — куштылгы атлетикым виӓнгдӓш дӓ футболла мадаш. Томашкы трибуныштышы анжышывла хӓлӓ 4394 эдем нӓрӹ пырен кердшӓшлык лит. Инфраструктурым шӓрӹмӹ шотыштат шанымашвлӓ улы, гостиница, кафе, спорт доно йӓмдӹлӹшӹ центр, врачебно-физкультурный диспансер пыртымы лишӓлык лит[2].
Стройымаш ядмашым Мары Эл Республикӹн Вуйлатышыжы Юрий Зайцев дӓ Россий Федерациштӹшӹ Федерацин Кӓнгӓшӹжӹ тӹшлӓт[2].
Эртӓрӹмӹ соревнованивлӓ
- СССР-ын спортын мастержӹ, РСФСР-ын заслуженный тренержӹ А.С. Подойников лӹмеш овуцашкы пырышы сӓмӹрӹк ӹрвезӹвлӓ лошты футбол доно турнир[5].
- Ӹзӓк-шоляк Г.А. и Ю.А. Бобковвлӓ лӹмеш республикӹштӹшӹ куштылгы атлетика доно соревнованивлӓ.
Примечани
- ↑ Легкоатлетический манеж «Арена Марий Эл» — Автономное учреждение «Управление спортивных сооружений Республики Марий Эл»(неопр.). uss12.ru. Тергӹмӹ кечӹ: 5 сентябрьын 2025.
- ↑ 1 2 3 В Йошкар-Оле планируют завершить строительство «Арены Марий Эл»(неопр.). МариМедиа. Тергӹмӹ кечӹ: 5 сентябрьын 2025.
- ↑ "Арена Марий Эл", Новости Йошкар-Олы(неопр.). i-ola-museum.ru. Тергӹмӹ кечӹ: 5 сентябрьын 2025.
- ↑ В Йошкар-Оле состоялась торжественная церемония открытия легкоатлетического манежа «Арена Марий Эл». Фотоотчет(неопр.). МариМедиа. Тергӹмӹ кечӹ: 5 сентябрьын 2025.
- ↑ Завершился турнир по футболу памяти Анатолия Подойникова, С 24 по 27 марта 2025 года в Йошкар-Оле на полях легкоатлетического манежа «Арена Марий Эл» прошел традиционный юношеский турнир по футболу., Региональная физкультурно-спортивная общественная организация Республики Марий Эл «Федерация Футбола». Официальный сайт(неопр.). fsrme.ru. Тергӹмӹ кечӹ: 5 сентябрьын 2025.
Ссылкывлӓ
 |
|---|
