Каникул

Ирӹкӓн энциклопеди Википеди гӹц материал
Learning.svg

Б.Н. Ельцин лӹмӓн библиотекӹн материалвлӓ

Arrow-Right.png
Library.png
В данной статье использованы материалы из фондов Президентской библиотеки имени Б.Н. Ельцина
Подробнее
Каникул
Каникул. Художник Анатолий Янев. 1980-шӹ ивлӓ
Каникул. Художник Анатолий Янев. 1980-шӹ ивлӓ
Кычылтмы область Образовани
Лӓкмӹ кечӹ XIX курымын кокшы пел (Россий)

Каникул (руш. Каникулы) — тидӹ пӓлӹмӓшӹм нӓлмӹ жепӹн кӓнӓш дӓ молы шанымашыш шоаш пӓлемдӹмӹ кӓнӹш, тӹдӹм образовани гишӓн законодательство, календарный тыменьмӹ график дӓ образовательный организацивлӓн кӧргӹштӹштӹ пыртымы актвлӓ доно анзыцок пингӹдемдӹмӹ.

Этимологи

Ӓкрет Римӹштӹ кӓнгӹжшӹ шокшы жеп Сириус шӹдӹрӹн ирок каймыжы доно иктеш толын, тӹдӹм Canicula («изи пи») маныныт. Нинӹ кечӹвлӓм «dies caniculares»[1] — «пи кечӹвлӓ» (22 июль гӹц 23 август якте) маныныт. Самой тенге айыртемӹн шокшы кӓнгӹж кӓнӹш жепӹм лӹмденӹт[2][3][4].

Российӹштӹ

Российӹштӹ 1917 и якте каникул шамак доно кӓнгӹж кӓнӹш жепӹм лӹмденӹт. Владимир Дальын ынгылдарышы лӹмдерӹштӹжӹ сирӹмӹ: «Каникул — шокшы кӓнгӹж жеп, ӧлицӓштӹ жепӹм сусун эртӓрен каштмаш, тыменьмӹ заведенивлӓштӹ пӓшӓлӹдӹмӹ жеп; тӹрӹс каникул 1 июль гӹц 15 август якте; южы вӓре июнь гӹц, май гӹцок шотлат»[5].

Революци якте тӹнгӓлтӹш школ дон приходской училищӹвлӓштӹ каникул куд ӓли шӹм тӹлзӹ шыпшылтын — «ныр пӓшӓм пӹтӓрӹмӹ гӹц тӹдӹм толшаш ин тӹнгӓлмӹ якте». Ти жеп кымдемӹн айыртемжӹ гишӓн октябрь-декабрьын тӹнгӓлӹн дӓ март-майын пӹтен кердӹн[6].

ВШЭ НИУ-н Образованим виӓнгдӹмӹ институтын тӹнг научный пӓшӓзӹжӹ, профессор Ирина Абанкина келесен[7]:

Мӓмнӓн школыштышы каникул айо ӓли пӧрттӱштӹ лишӹ вашталтыш доно кӹлдӓлтӹн. Март мычашты — апрель тӹнгӓлтӹштӹ йӧндӹмӹ каникул вӹдшу гишӓн тӹнгӓлӹн, кынам шукы кымдемӹштӹ школ якте миэн шоаш ясы лин. 1 сентябрьын тыменьмӹ ин тӹнгӓлмӹжӹ — тидӹ Пётр I анзыцшы жепӹштӹшӹ традиционный руш у и. Шӹжӹ каникул — ноябряш айовлӓ».

1803 ин тыменьмӹ реформын негӹцшӹм пӓлемдӹшӹ «Халык просвещенин анзыцок лыкмы правилывлӓ» шачыныт. Тӹштӹ, шамак толшеш, тыменьмӹ и 1 августын тӹнгӓлшӓш дӓ толшаш ин 1 июльын пӹтӹшӓш манын сирӹмӹ[8].

Советский власть ивлӓн тыменьмӹ и сакой жепӹн тӹнгӓлӹн. Шукы школышты — 14 августын.

1935 ин Халык комиссарвлӓн Кӓнгӓшӹн (руш) (мар. дӓ ВКП(б) ЦК-н «Тӹнгӓлтӹш, тӹрӹс агыл кӹдӓлӓш дӓ кӹдӓлӓш школышты тыменьмӹ пӓшӓм эртӓрӹмӹ дӓ кӧргӹ порядкы гишӓн» пынзалтыш лӓктӹн. Документ семынь тыменьмӹ и 1 сентябрьын тӹнгӓлӹн. Каникул жеп тенге пӓлемдӓлтӹн: шӹжӹшӹ — 5 гӹц 9 ноябрь якте, телшӹ — 30 декабрь гӹц 10 январь якте, шошымшы — 24 гӹц 31 март якте, кӓнгӹжшӹ — тыменьмӹ и пӹтӹмӹ кечӹ гӹц 31 август якте[8].

Солаштышы школвлӓштӹ шошымшы каникул вӓрӹштӹшӹ йӧн доно кӹлдӓлтӹн, Труйышывлӓн депутатвлӓн районыштышы Кӓнгӓшӹн исполнительный комитетӹн пынзалтышыжы семӹнь вес жепӹш ванжымы лин кердӹн.

СССР Министрвлӓ Кӓҥгӓшӹн 1970 ин 8 сентябрьын лӓкшӹ 749 №-ӓн пынзалтышыжы доно[9] школвлӓштӹ уроквлӓ 1 сентябрьын тӹнгӓлӹт дӓ, экзамен дон практикӹм эртӓрӹмӹм шотыш нӓлӹн, 1-7 классвлӓштӹ — 30 майын, 8 классышты — 10 июньын, 9-10 (11) классвлӓштӹ — 25 июньын пӹтӓт манын пӓлемдӹмӹ.

Каникулыш толын. Художник Фёдор Решетников. 1948 и

Кӹзӹтшӹ школвлӓштӹ каникул график 2012 ин 29 декабрьын лыкмы 273-ФЗ №-ӓн «Россий Федерациштӹ образовани гишӓн» Федеральныйй закон доно пӓлемдӓлтеш[10].

Российӹштӹшӹ студентвлӓлӓн ик каникул график уке. Кӱшӹл пӓлӹмӓшӹм пушы тыменьмӹ заведенивлӓн вуйлатышышт расписаним ӹшкевуя йӓмдӹлӓт, тидӹн годым тыменьмӹ планым, курсым, тыменьмӹ йӧнӹм дӓ производственный практикӹн ылмыжым шотыш нӓлӹт. Шукыжы годым студентвлӓ каникулыш экзаменӹштӹшӹ сесси паштек кеӓт. Каникулын кужытшо идалыкыште тунемме кече-влакын чотышт деч шога. Вузвлӓштӹ, кышты тыменьмӹ и кым ӓли нӹл семестреш пайылалтеш, тыменьмӹ модульвлӓ лошты ситӓртӹш кӓнӹш лин кердеш[11].

Колледж дон техникумвлӓштӹ кӓнгӹжшӹ кӓнӹш график вузвлӓ статянок ӹштӓлтӹн: пӹтӓри сесси, вара производственный практика дӓ каникул. Поизводственный практика уке годым студентвлӓн каникул шукыжы годым июнь покшалны — мычашты, экзаменвлӓ паштек, тынгӓлеш. Производственный практикӹш кешӹ студентвлӓлӓн — июль мычашты — август тӹнгӓлтӹштӹ[11].

Каникул расписани гишӓн тыменьшӹвлӓ деканатышты, пӓлӹмӓшӹм пушы организацин сайтыштыжы ӓли личный кабинетӹштӹ пӓлен нӓлӹн кердӹт.

Молы сӓндӓлӹквлӓштӹ

Мӹндӹрнӹшӹ сӓндӓлӹквлӓштӹ школвлӓштӹ каникул жеп айыртемӓлтеш. Германиштӹ тыменьмӹ и 24 август гӹц 15 сентябрь якте шыпшылтшы жепӹн тӹнгӓлеш[7]. Телшӹ каникулвлӓ январь мычаш гӹц февральын сакой кечӹжӹ якте эртӓт. Шӹжӹм школышты тыменьшӹвлӓ октябрь мычашты, шукыжы годым кок ӓрня, кӓнӓт. Шартял каникулвлӓ 20-23 декабрьын тӹнгӓлӹт дӓ 3-11 январьын пӹтӓт.

Финляндиштӹ кӓнгӹж каникулвлӓ шукыжы годым 1 июнь гӹц август покшал якте шыпшылтыт. Шартял каникулвлӓ — 22 декабрь гӹц 8 январь якте. Когечӹ каникулыш тыменьшӹвлӓ март мычашты ӓли апрель тӹнгӓлтӹштӹ кеӓт[12].

США-шты каникул жеп штат, школ округ, тыменьмӹ заведени дӓ тыменьшӹвлӓн иготышты доно келшӹшӹн айыртемӓлтеш. Шӹжӹм школьниквлӓ утларакшым сентябрьын ӓли октябрьын, телӹм — февральын ӓли мартын, шошым — мартын ӓли апрельӹн, кӓнгӹжӹм — июнь гӹц август мычаш якте кӓнӓт[13].

Китайышты тыменьмӹ и кок семестреш пайылалтеш, седӹндон тел дӓ кӓнгӹж каникулвлӓ вел ылыт. Кӓнгӹж кӓнӹш — июльын дӓ августын, телшӹ — январь покшал гӹц февраль покшал якте.

Япоништӹ тыменьмӹ и апрельӹн кокшы ӓрняж гӹц тӹнгӓлеш. Кӓнгӹж каникулвлӓ — июль мычаш гӹц август якте, телшӹ — декабрь мычаш гӹц январьын икшӹ ӓрняжӹ якте, шошым — март покшалны.

Филиппинӹштӹ каникулым Образовани министерство пӓлемдӓ. Тыменьмӹ и августын тӹнгӓлеш дӓ июньын пӹтӓ. Шошым тыменьшӹвлӓ ик ӓрням апрельӹн кӓнӓт. Шартял каникул шукыжы годым 24 декабрьын тӹнгӓлеш дӓ 6 январь паштек пӹтӓришӹ шачмын пӹтӓ. Школ директорвлӓ ӹшке шанымашышты семӹнь тыменьмӹ и жепӹн кым кечӹ якте кӓнӹшӹм увертӓрен кердӹт[14].

ЮАР-ышты тыменьмӹ и январь покшалны тӹнгӓлеш дӓ нӹл четвертеш пайылалтеш: январь-март, апрель-июнь, июль-сентябрь дӓ октябрь-декабрь тӹнгӓлтӹш. Декабрьын кӓнгӹж каникул тӹнгӓлеш, тӹдӹ, вес тыменьмӹ и тӹнгӓлтӹш якте, тӹлзӓт пел шыпшылтеш.

Танзаништӹ у тыменьмӹ и У и айо паштек тӹнгӓлеш. Сек кужы «кӓнгӹж» каникулвлӓ декабреш вӓрештӹт. Вес каникул святой Рамадан тӹлзӹн тӹнгӓлеш Ик тӹлзӹм тыменьшӹвлӓ июльын кӓнӓт[15].

Шӓлӓ, пионерский кӓнгӹж! Художник Герман Безукладников. 1992 и

Школ каникулвлӓн график

Россий Фдерациштӹшӹ Просвещени министерствын (руш) (мар. кӓнгӓшӹжӹ семӹнь пӓлӹмӓшӹм пушы каждый российӹштӹшӹ учреждени кӓнӹш кечӹм ӹшкевуя пӓлемден кердеш.

2025/2026 тыменьмӹ иэш кӓнгӓш семӹнь четвертьӹштӹшӹ системӓн тыменьмӓштӹ техень каникулвлӓм пӓлемдӹмӹ[16]:

  • шӹжӹшӹ — 25 октябрь гӹц 2 ноябрь якте;
  • телшӹ — 31 декабрь гӹц 11 январь якте;
  • шошымшы — 28 март гӹц 5 апрель якте;
  • кӓнгӹжшӹ — 27 май гӹц 31 август якте.

Икшӹ классвлӓштӹ тыменьшӹвлӓлӓн кымшы четвертьӹштӹ ситӓртӹш кӓнӹм кечӹвлӓм айыраш кӓнгӓш пуалтеш — 16 гӹц 22 февраль якте.

Триместровый системӹштӹ тыменьмӹ и кым икань лаштыкеш пайылалтеш, нӹнӹ логӹц каждыйжы кок икань кужыцан модулеш пайылалтеш. Школышты тыменьшӹвлӓ вӹц ӓрня тыменьӹт, а вара ик ӓрняэш каникулыш кеӓт.

Триместровый системӹштӹ кӓнӹш кечеш Россий Федерацин Просвещени министерствыжы техень кечӹвлӓм айырен[16]:

  • икшӹ — 4 гӹц 12 октябрь якте;
  • кокшы — 15 гӹц 23 ноябрь якте;
  • кымшы — 31 декабрь гӹц 11 январь якте;
  • нӹлӹмшӹ — 21 февраль гӹц 1 март якте;
  • вӹзӹмшӹ — 28 март гӹц 4 апрель якте.

Каникул гӹц пасна кугижӓншӹ айовлӓ годым ситӓртӹш кӓнӹш кечӹвлӓ ылыт, нӹнӹ лошты Халыкын икышын ылмы кечӹжӹ, Туан сӓндӓлӹкӹм перегӹшӹн кечӹ, Сӹнгӹмӓш кечӹ дӓ молывлӓӓт.

Культурышты кӓнӹм кечӹм анжыктымаш

Кинематографышты

  • «Добро пожаловать, или Посторонним вход воспрещён» (1964);
  • «Каникулы Бонифация» (1965);
  • «Сто дней после детства» (1975);
  • «Каникулы в Простоквашино» (1980);
  • «Каникулы Петрова и Васечкина, обыкновенные и невероятные» (1984);
  • «Королевство полной луны» (2012);
  • «Camp Rock: Музыкальные каникулы» (2008).

Литературышты

  • Николай Носов «Шурик у дедушки» (1956);
  • Юрий Нагибин «Эхо» (1960);
  • Рене Госсини, Жак-Жак Сампе «Каникулы малыша Николя» (1962);
  • Анатолий Алексин «В Стране Вечных Каникул» (1966);
  • Любовь Воронкова «Гуси-лебеди» (1966);
  • Евгений Носов «Варька» (1967);
  • Владислав Крапивин «Бегство рогатых викингов» (1975);
  • Анатолий Гладилин «Секрет Жени Сидорова» (1975);
  • Юз Алешковский «Кыш и я в Крыму» (1975);
  • Сильвия Труу «Месяц как взрослая» (1978);
  • Евгений Велтистов «Миллион и один день каникул» (1979);
  • Кир Булычёв «Гостья из будущего. Каникулы в космосе или планета Пять-Четыре» (1986);
  • Анатолий Рыбаков «Каникулы Кроша» (1998);
  • Тамара Михеева «Асино лето» (2008);
  • Наринэ Абгарян «Манюня пишет фантастичЫскЫй роман» (2011);
  • Давид Гроссман «С кем бы побегать» (2011);
  • Тинатин Мжаванадзе «Лето, бабушка и я» (2022)[17];
  • Наталья Евдокимова «Лето пахнет солью» (2023);
  • Ольга Бочкова «Правдивые истории из жизни Никиты» (2024).

Примечани

  1. ↑ Holberg J. B. Sirius: Brightest Diamond in the Night Sky. — Chichester, UK: Praxis Publishing, 2007. — P. 22. — ISBN 0-387-48941-X.
  2. ↑ Каникула // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  3. ↑ Вакация // Толковый словарь живого великорусского языка : в 4 т. / авт.-сост. В. И. Даль. — 2-е изд. — СПб. : Типография М. О. Вольфа, 1880—1882. — Т. 1. — С. 163.
  4. ↑ Зигель Ф. Ю. Сокровищница звёздного неба — путеводитель по созвездиям и Луне / Под ред. Г. С. Куликова. — 5-е изд. — М.: Наука, 1986. — С. 126.
  5. ↑ Каникула // Толковый словарь живого великорусского языка : в 4 т. / авт.-сост. В. И. Даль. — 2-е изд. — СПб. : Типография М. О. Вольфа, 1880—1882. — Т. 2. — С. 84.
  6. ↑ Воронцова, Ю. Школы в дореволюционной России: гимназия, реальное училище, земское училище… sibmama.ru (25 сентябрьын 2023). Тергӹмӹ кечӹ: 18 сентябрьын 2025.
  7. ↑ 1 2 Борта, Юлия Школа выживания. Какие каникулы есть у учеников разных стран. AiF. Тергӹмӹ кечӹ: 18 сентябрьын 2025.
  8. ↑ 1 2 Бурт, В. «Девочки могли отвлекать мальчиков от учебы, но об этом не говорили». Как начинали учебный год при царе и в СССР. Мослента (27 августын 2023). Тергӹмӹ кечӹ: 18 сентябрьын 2025.
  9. ↑ Об Уставе средней общеобразовательной школы (не действует на территории РФ 22.07.16 на основании постановления Правительства Российской Федерации от 11.07.2016 N 656) от 08 сентября 1970. docs.cntd.ru. Тергӹмӹ кечӹ: 18 сентябрьын 2025.
  10. ↑ Федеральный закон "Об образовании в Российской Федерации" от 29.12.2012 N 273-ФЗ (руш.). КонсультантПлюс. Тергӹмӹ кечӹ: 18 сентябрьын 2025.
  11. ↑ 1 2 Платят ли стипендию студентам во время летних каникул. Банки.ру. Тергӹмӹ кечӹ: 18 сентябрьын 2025.
  12. ↑ Школьные каникулы и отпуск учителей в разных странах. Repit Блог (4 июньын 2023). Тергӹмӹ кечӹ: 18 сентябрьын 2025.
  13. ↑ School Holidays in the US 2024-2025 (англ.). www.tutorchase.com. Тергӹмӹ кечӹ: 18 сентябрьын 2025.
  14. ↑ Каникулы в филиппинских школах (руш.). TravelAsk. Тергӹмӹ кечӹ: 18 сентябрьын 2025.
  15. ↑ Как работает система образования в Танзании? (руш.). Forbes.ru. Тергӹмӹ кечӹ: 18 сентябрьын 2025.
  16. ↑ 1 2 График школьных каникул в 2025/26 учебном году. Известия (19 августын 2025). Тергӹмӹ кечӹ: 18 сентябрьын 2025.
  17. ↑ Книги о лете и о летних каникулах, рекомендуемые для чтения детям и подросткам. (руш.). VK. Тергӹмӹ кечӹ: 18 сентябрьын 2025.

Литература

  • Барканов С. В. Социальные и педагогические условия развития системы каникулярного отдыха и оздоровления детей: Дис. … канд. пед. наук (13.00.02). — Кострома: КГПУ им. Некрасова, 2004. — 247 с.
  • Logo-bie.svg Ишимова А. И. Каникулы 1844 года, или Поездка в Москву / Соч. Александры Ишимовой. — Санкт-Петербург: тип. Имп. Акад. наук, 1846.
  • Кижаева Д. В. Школьные каникулы в сети или онлайн лагерь как альтернатива классической смене детского отдыха и оздоровления //Аспирант. — 2021. — №. 2. — С. 87-89.
  • Мирон Н. И. Лаконично о студенческих каникулах // Мир науки, культуры, образования. — 2015. — № 1 (50).
  • Платонова Р. И., Иванова Я. Н., Михина Г. Б. На пути к новой модели организации школьных каникул // Азимут научных исследований: педагогика и психология. — 2020. — № 1 (30).
  • Циркуляры и приказы Министерства народного просвещения Российской империи. М., 1878.
  • Шмаков С. А. Летний лагерь: вчера и сегодня. Методическое пособие. — Липецк: ИГ «Инфол», 2002. — 384 с.

Ссылкывлӓ

«https://mrj.ruwiki.ru/w/index.php?title=Каникул&oldid=314821» гӹц нӓлмӹ