Йыл мычкы круизвлӓ
| ӓнгӹр круиз | |
| Йыл мычкы ин каштмаш | |
|---|---|
.jpg) | |
| Путешествин сӹнжӹ | культурный дӓ шукы пӓлен нӓлӓш палшышы туризм |
| Тип | экскурси тур |
| Каштмы йӧн | теплоход доно |
Йыл мычкы круизвлӓ — теплоходеш Йыл мычкы нӓнгешӹ дӓ сир тӹрӹштӹ вӓрлӓнӹшӹ халавлӓн сӹлнӹ вӓрвлӓм экскурсивлӓ доно анжаш йӧнӹм ӹштӹшӹ вӹдгорны. Российӹштӹ вес молы лошты Йыл мычкы нӓнгешӹ криузный вӹдгорны сек яжолан шотлалтеш[1]. Йыл мычкы нӓнгешӹ навигаци апрель тӹлзӹн тӹнгӓлӓлтеш дӓ ноябрь тӹлзӹн пӹтӓ.
Анжыктымаш
Йыл — мир вӹлнӹшӹ ик сек кого ӓнгӹр, Российӹн покшал лаштыкшы мыч йогышы дӓ Европышты сек кого вӹдӓн тӹнг вӹдгорны. Тӹдӹн сирвлӓжӹ мычкы шукы шӱдӹ хала вӓрлӓнӓ, цилӓн нӹнӹ ӹшке шотан архитектурышты, историштӹ дӓ культурышты доно айыртемӓлтӹт. Нӹнӹ лошты кого халавлӓ улы — Угарман, Азан, Самара, Волгорад, изирӓк халавлӓӓт вӓшлиӓлтӹт — Калязин, Плёс. Круиз годым маршрут шагал-шагал кеӓ, тӹдӹ годым халавлӓшкӹ пырен, нӹнӹн сӹлнӹ вӓрвлӓштӹм экскурси доно каштын ужаш йӧн лӓктеш, ӹшке семӹнят кашташ лиэш. Шагалмы вӓрвлӓ круизӹн кемӹ корнышкыжы пырат.
Тенгеок Йыл мычкы каштмаш ти ӓнгӹрӹн шукы монгыран цевер айыртемжӹм ужаш йӧнӹм пуа — ӓнгӹрӹн кужыцшы 3,5 тӹжем км лиэш, тӹдӹн кӧргӹшкӹ шукы изи ӓнгӹр йоген пырымы дӓ акваторижӹ вашталт кимӹжӹ велдӹк вӹдгорны Российӹштӹшӹ пӧрттӱн шукы монгыран ылшы пайдажым пачын пуаш палша: шӹргӹвлӓм, степьӹм, полупустыньым, ӓнгӹрӹн шукы лаштыкеш шеледӓлтмӹ вӓрвлӓштӹ кушшы лотосвлӓмӓт анжыкта[2]. Тенгеок Йыл мычкы нӓнгешӹ круизвлӓ доно кемӹ годым кымдан пӓлӹмӹ Ладожский дӓ Онежский йӓрвлӓм ужаш лиэш, Карелиштӹ вӓрлӓнӹшӹ «Рускеала» кырыкан паркышкы пыраш, Валаам дӓ Кижи островвлӓ мычкы сӓрнӓл кашташ лиэш[3]. Тӹлец пасна, Йыл мычкы нӓнгешӹ круизвлӓ 18 шлюз гач эртӓт (кыцерӓк маршрут вазеш), цилӓштӹн нӹнӹн ӹшке инженерный дӓ архитектурный айртемӹштӹ улы[4].
.webp)
Йыл мычкы нӓнгешӹ круизӹшкӹ Москва, Санкт-Петербург, Самара, Азан, Волгоград, Саратов, Ульяновск, Чебоксары, Челябинск, Ярославль, Астрахань, Кострома, Угарман халавлӓ гӹц тӓрвӓнӓш лиэш.
Корныш лӓкшӹвлӓ цилӓ циш кужыцан маршрутым айырен кердӹт. Тӹдӹ 3 кечӓн (кӓнӹмӹ кечӹвлӓн круиз) гӹц 20 кечӓн якте лин кердеш[5]. Сек когон корнышкы лӓкшӹвлӓлӓн 10 кечӹ гӹц 14 кечӹ якте шыпшылтшы круизвлӓ келшӓт. Круизӹн кужыцшы йогымы корнышты маняр халашкы пыраш дӓ маняр сӹлнӹ вӓрӹм ужаш шанен пиштӹмӹ гӹц шалга. Туроператорвлӓ цилӓжӹ вӹц тӹжем нӓрӹ Йыл мычкы нӓнгешӹ круизӹм эртӓрӓт[6].
Йыл мычкы теплоходеш нӓнгешӹ круизвлӓ апрель тӹлзӹ мычаш гӹц навигаци пачылтмы паштек тӹнгӓлӓлтӹт. Питӹргӓлтӹт шӹренжок ноябрь тӹлзӹн покшалныжы. Ти жеплӓн турфирмывлӓ тӹнг шотышты кӓнӹмӹ кечӹвлӓн круизвлӓм йӓмдӹлӓт, тенге гӹнят, шукарык кечӓн маршрутвлӓӓт лин кердӹт[3].
2025 ин апрель тӹлзӹн Российӹштӹшӹ туриндустрин союзшы ӓнгӹрӹн икманяр лаштыкшы кошкымы велдӹк Йыл мычкы нӓнгешӹ круизвлӓн икманяр корным питӹрӹмӹ гишӓн увертӓрен. Лым гӹц пасна 2024–2025 ивлӓн ылшы тел гишӓн кыды-тидӹ ӓнгӹрӹштӹ вӹд чӹдемӹн[7].
.jpeg)
Маршрутвлӓ дӓ шагалмы вӓрвлӓ
Круиз годым Российӹн икманяр областьышкыжы да кым республикӹшкӹжӹ вӓрештӓш лиэш:
- Московский (Дубна)
- Тверской (Тверь, Ржев, Вышний Волочёк, Торжок, Кимры, Удомля, Бологое)
- Ярославский (Ярославль, Мышкин, Рыбинск, Углич, Тутаев, Калязин)
- Нижегородский (Городец, Балахна, Угарман, Бор, Кстово)
- Ивановский (Плёс, Кинешма, Юрьевец)
- Саратовский (Саратов, Балаково, Вольск, Ершов)
- Самарский (Самара, Тольятти, Жигулёвск)
- Волгоградский (Волгоград, Камышин, Волжский)
- Ульяновский (Ульяновск, Димитровград)
- Астраханский (Астрахань, Ахтубинск)
- Татарстан (Азан, Свияжск, Болгар, Елабуга)
- Чуваши (Чебоксары)
- Мары Эл (Цикмӓ, Звенигово, Волжск)
Теплоходвлӓ
Йыл мычкы каштшы теплоходвлӓ шукы йиш ылыт. 2025 иэш нӹнӹ 200 нӓрӹ ылыт — премиум-классан лайнервлӓ гӹц тӹнгӓлӹн паян историӓн бюджетный лайнервлӓ якте.
Примечани
- ↑ Круизы по Волге. kruise-teplohod.ru. Тергӹмӹ кечӹ: 17 апрельӹн 2025.
- ↑ Круизы по Волге. Расписание и цены на речные круизы - «ВодоходЪ», ВодоходЪ. Дата обращения: 17 апрельӹн 2025.
- ↑ 1 2 Речные круизы по Волге на теплоходе 2025: расписание, цены на билеты, лучшие маршруты, отзывы, Комсомольская Правда. Дата обращения: 17 апрельӹн 2025.
- ↑ Елена Ходова. Круиз по Волге на теплоходе: звёздное небо, древние города и отличный сервис, Журнал Путешествий (15 ноябрьын 2022). Дата обращения: 17 апрельӹн 2025.
- ↑ Речные круизы по реке Волге в 2025 году - цены от 5000 руб - расписание навигации 2025 года(неопр.). kruizy-rossii.com. Тергӹмӹ кечӹ: 17 апрельӹн 2025.
- ↑ Маршруты речных круизов по Волге на теплоходе, Речные круизы на теплоходе по России - Справочник (6 мартын 2025). Дата обращения: 17 апрельӹн 2025.
- ↑ Из-за низкой воды на Волге изменены некоторые маршруты речных круизов, Interfax.ru (21 апрельӹн 2025). Дата обращения: 21 апрельӹн 2025.
Ти статьяш РУВИКИ-н вес статьявлӓжӹ ак колтеп. |
.svg){kind=link}