Иванов, Иван Семёнович

Ирӹкӓн энциклопеди Википеди гӹц материал
РУВИКИ-штӹ техень фамили доно вес эдемвлӓ гишӓн статьявлӓ ылыт Иванов.
Иван Семёнович Иванов
Иванов, Иван Семёнович.jpg
Шачмы кечӹ 1934 и 25 февраль(1934-02-25)
Шачмы вӓр Мары автономный область, У Ронгы кымдем, Куберсола
Колымы кечӹ 26 ноябрь 2021(2021-11-26) (87 и)
Колымы вӓр
Гражданство  СССР →  Россий
Пӓшӓн типшӹ учёный, литературовед, критик, фольклорист
Награда дӓ премивлӓ

RUS Honorary Worker of Higher Professional Education 2004 ribbon.svg Honoured Higher education employee of the Russian Federation.png
Медаль «Ветеран труда»
Мары АССР-ын наукын заслуженный пӓшӓзӹжӹ (1981)
Мары АССР-ыштышы Кӱшӹл Кӓнгӓш Президиумын Почётан грамотыжы (1980)
Мары Эл Республикӹн Правительствыжын Почётан грамотыжы (2004)

Иван Семёнович Иванов (25 февраль 1934, Мары автономный область, Горьковский край[d] — 26 ноябрь 2021, Йошкар-Ола) — мары советский дӓ российӹштӹшӹ наука пӓшӓзӹ, литературовед, критик, фольклорист. Филологи наукывлӓн кандидат (1970), профессор (1992), Н.К. Крупская лӹмӓн Мары кугижӓншӹ педагогический институтын почётный профессоржы (2004). Мары АССР-ын наукын заслуженный пӓшӓзӹжӹ (1981). Россий Федерацин кӱшӹл профессиональный образованижӹн почётный пӓшӓзӹжӹ (2003), Россий Федерацин кӱшӹл школын заслуженный пӓшӓзӹжӹ (2014).

Ӹлӹмӓш корныжы

Хресӓнь семняэш шачын[1]. Шачмы солашты тӹнгӓлтӹш школым, Кужмара шӹмиӓш школым, Йошкар-Олаштышы педагогический училищӹм, 1958 ин — Н.К. Крупская лӹмӓн Мары кугижӓншӹ педагогический институтым (вӹзӹтӓн отметка доно) тымень пӹтӓрен[2].

Вузым пӹтӓрӹмӹ паштек МарНИИ-штӹ (руш) (мар. изирӓк научный пӓшӓзӹн пӓшӓжӹм ӹштен. Тӹдӹн «Кого Ӓтямӱлӓндӹ вырсы жепӹштӹшӹ мары литература» пӹтӓриш когорак научный пӓшӓжӹ «Мары литература историн очерквлӓ» (1963, 1-шӹ лаштык) сборникӹштӹ пецӓтлӓлтӹн[3].

1960 ин Н.К. Крупская лӹмӓн Мары кугижӓншӹ педагогический институтын (руш) (мар. мары йӹлмӹ дӓ литература кафедра сагашы аспирантурыш тыменяш пырен. Профессор Н. Т. Пенгитовын научный вуйлатымыжы доно Тарту университетӹн Учёный советӹштӹ «Мары халык овуца доно кӹлдӓлтдӹмӹ мырывлӓ» тема доно кандидатский диссертацим яжон ӹшӹклен. Филологи наукывлӓн кандидат (1970)[2][3].

Диссертацим ӹшӹклӹмӹ паштек Н.К. Крупская лӹмӓн Мары кугижӓншӹ педагогический институтышты мары шайышт пумы творчествым дӓ литературын историжӹм тымден. Шукы и ти институтышты мары йӹлмӹ дӓ литература кафедрӹм вуйлатен, историко-филологический факультетӹн деканжын вашталтышыжы лин. Профессор (1995)[2]. Н.К. Крупская лӹмӓн Мары кугижӓншӹ педагогический институтын почётный профессоржы (2004)[3].

2021 ин 26 ноябрьын Йошкар-Олашты колен.[4][5].

Научно-педагогический пӓшӓ

Тымдымы дӓ наукышты пӓшӓлӹмӹ ивлӓн мары халык шайышт пумы творчество дӓ литературын истори областьышты шукы ланзылымашын авторжы лин[2]. Мары Элӹн дӓ пашкуды республика дон областьвлӓн научный изданивлӓштӹ мары литературын, шайышт пумы поэзин проблемӹвлӓштӹ шотышты финн-угр дӓ тюрк халыквлӓн икань материалвлӓштӹ гишӓн 100 утла статьям пецӓтлен: «Мары халык мырым погымашты, пецӓтлӹмӓштӹ дӓ ланзылымашты венгр учёныйвлӓн рольышты» (1990), «Финн дон марынвлӓ лоштышы кӹл культурышты» (1993), «Эстон-мары кӹлвлӓ» (1993) дӓ молывлӓӓт[3].

13 книгӓн дӓ 300 нӓрӹ научный ланзылымашын авторжы ылеш[6]. Тӹдӹн мары литературын, шайышт пумы поэзин, кросс-культурный лингвофольклористикӹн виӓнгмӹштӹ гишӓн статьявлӓ, литераторвлӓн у произведенивлӓштӹлӓн шукы рецензи, «Мары халык лирика» (1980), «Мары сӱӓн» (1994) дӓ молы научный пӓшӓвлӓжӹ пӓлӹмӹ ылыт[3].

Тӹдӹ 20 нӓрӹ учебникӹм, учебно-методический пособим, хрестоматим йӓмдӹлен: «С. Г. Чавайнын тетя сборникшӹ» (1988), «М. Шкетанын тетя сборникшӹ» (1988), «С. Г. Чавайн школышты» (1992), «В. Колумб школышты» (1993) дӓ молывлӓӓт[3].

Научно-педагогический пӓшӓ годым шукы студент дон аспирантлан ланзылымы дӓ кандидатский диссертацим ӹшӹклӹмӹ шотышты методикӹм тыменяш палшен. Фольклористика доно икманяр кандидатский диссертаци Таллиннӹштӹ, Казаньышты дӓ Шывашарышты тӹдӹн оппонент семӹнь участвуйымыжы доно ӹшӹклӓлтӹн[3].

Сакой йиш научный форумышты, регион, Россий дӓ вескид сӓндӓлӹквлӓ кӱкшӹцӓн конференцивлӓштӹ, тенгеок Йошкар-Олашты, Шывашарышты, Казаньышты, Глазовышты, Сыктывкарышты выступаен[3].

Звани дон наградывлӓ

  • Мары АССР-ын наукын заслуженный пӓшӓзӹжӹ (1981)[6]
  • Россий Федерацин кӱшӹл профессиональный образованижӹн почётный пӓшӓзӹжӹ (2003)[6]
  • Россий Федерацин кӱшӹл школын заслуженный пӓшӓзӹжӹ[3]
  • «Пӓшӓ ветеран» медаль
  • Мары АССР-ыштышы Кӱшӹл Кӓнгӓш Президиумын Почётан грамотыжы (1980)[6]
  • Мары Эл Республикӹн Правительствыжын Почётан грамотыжы (2004)[6]

Тӹнг научный пӓшӓвлӓ

Ивановын тӹнг научный пӓшӓвлӓжӹн спискӹ:[6]

  • Марий калык лирика [Марийская народная лирика]. — Йошкар-Ола, 1980. — 96 с.
  • Писательын йылмыже: туныктышо-вл. пособий [Язык писателя: пособие для учителей]. — Йошкар-Ола, 1989. — 72 с.
  • Писательын йылме сылнылыкше: туныктышылан пособий [Художественные особенности языка писателей: пособие для учителей]. — Йошкар-Ола, 1991. — 76 с.
  • Марий поэзийын сылнылыкше [Образы марийской поэзии]. — Йошкар-Ола, 1993. — 20 с.
  • Сылнымут корныш ӱжеш: туныктышылан полыш [Художественное слово зовёт в дорогу: в помощь учителю]. — Йошкар-Ола, 1994. — 68 с.
  • Г. Микай. — Йошкар-Ола, 1995. — 16 с.
  • Йоча литератур [Детская литература]. Ч. 1. — Йошкар-Ола, 1995. — 88 с.
  • Йоча литератур [Детская литература]. Ч. 2. — Йошкар-Ола, 1996. — 140 с.
  • Лирика Альбертины Ивановой // Литература и время: сб. статей. — Йошкар-Ола, 2003. — С. 106—115.
  • С. Г. Чавайн: указ. лит. / Иванов И., Гаврилова И. — Йошкар-Ола, 2006. — 40 с.
  • В. Сапаев: указ. лит. / Иванов И., Гаврилова И. — Йошкар-Ола, 2006. — 32 с.
  • М. Шкетан: указ. лит. / Иванов И., Гаврилова И. — Йошкар-Ола, 2007. — 28 с.
  • Шабдар Осып: указ. лит. / Иванов И., Гаврилова И. — Йошкар-Ола, 2007. — 32 с.

Примечани

  1. ↑ Куберсола (руш.). Краеведческий портал «Родная Вятка» (6 ноябрьын 2015). Тергӹмӹ кечӹ: 28 августын 2025.
  2. ↑ 1 2 3 4 Писатели МЭ, 2008, с. 255.
  3. ↑ 1 2 3 4 5 6 7 8 9 Максимов В. Н., Сергеев О. А. Ивану Семёновичу Иванову — 85 (руш.). CYBERLENINKA. Тергӹмӹ кечӹ: 28 августын 2025.
  4. ↑ Ушёл из жизни марийский учёный-литературовед, фольклорист Иван Семёнович Иванов (1934–2021). marnii.ru. Тергӹмӹ кечӹ: 28 августын 2025. Архивируйымы 29 ноябрьын 2021 года.
  5. ↑ Ушёл из жизни марийский учёный-литературовед, фольклорист Иван Семёнович Иванов (1934–2021). yoshkarola.bezformata.com. Тергӹмӹ кечӹ: 28 августын 2025. Архивируйымы 29 ноябрьын 2021 года.
  6. ↑ 1 2 3 4 5 6 Писатели МЭ, 2008, с. 256.

Литература

  • Иван Иванов // Писатели Марий Эл: биобиблиографический справочник / Сост. А. Васинкин, В. Абукаев и др. — Йошкар-Ола: Марийское книжное издательство, 2008. — С. 255—258. — 752 с. — 3000 экз. — ISBN 978-5-7590-0966-5.
  • Краснов П. В. Иванов Иван Семёнович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 168. — 606 с. — 1500 экз. — ISBN 978-5-905314-35-3.

Ссылкывлӓ

«https://mrj.ruwiki.ru/w/index.php?title=Иванов,_Иван_Семёнович&oldid=315040» гӹц нӓлмӹ