Боголюбова, Лилия Владимировна

Лилия Владимировна Боголюбова
Лилия Петухова
Шачмы годшы лӹм	Лилия Владимировна Петухова
Шачмы кечӹ	1992 и 30 июнь(1992-06-30) (33 и)
Шачмы вӓр	Мары Эл, Морки район, Кожлаер сола
Гражданство	Россий
Пӓшӓн типшӹ	мырызы
Тетявлӓ	Артём эргӹ Риана ӹдӹр

Лилия Петухова (Лилия Владимировна Боголюбова) (шач. 30 июнь 1992, Кожлаер^[d], Мары АССР) — мары мырызы.

Ӹлӹмӓш корныжы

Лилия Петухова 1992 ин 30 июньын Морки районыштышы Кожлаер солаэш шачын. Ӓвӓжӹ — Петухова Асия Гаптулхаковна, лапка хоза, ӓтяжӹ — Петухов Владимир Николаевич, самодеятельный композитор, Москвашты пӓшӓлӓ.

Тыменьмӓш дӓ пӓшӓ

Тӹнгӓлтӹш пӓлӹмӓшӹм Кожлаер школышты нӓлӹн. 10-11 классвлӓм Волаксола кӹдӓлӓш школышты пӹтӓрен. 2009-2010 ивлӓн ФГОУ СПО «Йошкар-Олаштышы строительный техникумышты» экономико-правовой отделеништӹ юристеш тымень лӓктӹн (специальность — правоведени, хозанлык-правовой специализаци, квалификаци — юрист).

2010-2013 ивлӓн АНО ВПО «Межрегиональный пачмы социальный институтышты» заочно юридический факультетӹштӹ тыменьӹн. Специальность — юриспруденци, специализаци — гражданско-правовой, квалификаци — юрист. Тыменьмӹжӹ годымок пӓшӓлен — Морки больницӹштӹ тӹнг врачын секретарьжы ылын. 2014 и гӹц 2019 и якте ООО «Жилкомсервис» организациштӹ юристконсультышты пӓшӓлен. Кӹзӹт тоны сакой пӓшӓм ӹштӓ дӓ кок тетям анжен кушта.

Йиш

2014 ин семням воен. Пелӓшӹжӹ — Боголюбов Алексей Валерьевич. Кок тетяштӹ улы: Артём дон Риана.

Мырымаш пӓшӓ

Мыраш изижӹ годшенок яратен. Ӓтяжӹ — гармонист, ӓвӓжӓт мыраш ярата, седӹндонок, сӓй, мыраш-кушташ изижӹ годымок тыменьӹн. Тетя садыш каштмыжы годым районыштышы конкурсвлӓштӹ участвуен, сӹнгӹшӓт ылын, солаштышы клуб пӓшӓзӹвлӓ доно сакой солавлӓшкӹ концерт доно каштыныт. Мырызы лиӓш соок шанен.

2011 ин «Мары Эл Радио» эртӓрӹмӹ «Идӓлыкын мыры» концертӹштӹ «Тӓнгемлӓн» мыры доно пӹтӓришӹ гӓнӓ кого сценӹш халык анзыкы лӓктӹн, радиоэфирӹштӹ колтымы пӹтӓришӹ мырыжы — «Шачмы кечӹ».

Творческий кӹлӹм мары эстрадын шӹдӹрвлӓжӹ доно кычен: Володя Матвеев, Артур Ефремов, Эльвира Трифонова, Анатолий Зарецких, Ирина Якаева. Ти артист тӓнгвлӓжӹ доно иквӓреш ик гӓнӓ веле агыл Российӹштӹ марынвлӓн тӹшкӓн ӹлӹмӹ вӓрвлӓшкӹ гастроль доно каштыныт: Свердловск область, Башкири, Удмурти, Татарстан.

Мырвылӓ

• «Шачмы кечӹ»
• «Яратымы жеп»
• «Тӓнгемлӓн»
• «Мары ӹдӹр»
• «Алталыш тӓнгем»
• «Ош ромашка»
• «Кодшы яратымаш»
• «Частушкывлӓ»
• «Сола гӹц фронтыш»
• «Ӓви, ӓвина»
• «Кышты ылат, цӓшем»
• «Ӓви»
• «Сӹнзӓштемжӹ тӹньӹ веле»
• «Хоть лӹметшӹм келесӓл»
• «Вычем кукшыгечӹм»
• «Тӹнь гишӓнет»
• «Яратымаш ӹлӓ»
• «У частушкывлӓ»
• «Вычы, вычы»
• «Вӓшлимӓш»
• «Поран»

Наградывлӓ

• 2008 и — «Талантан сӓмӹрӹквлӓлӓн палшымаш» направлени доно Морки район администраци вуйлатышын грантшым сӹнген нӓлӹн.
• 2008 и — «Единая Россия» партин мары регионыштышы отделенижӹн дипломжы доно «Художественное творчество» номинациштӹ пӓлемдӓлтӹн.

Примечани