Ардашев, Валентин Кузьмич

Ирӹкӓн энциклопеди Википеди гӹц материал
Валентин Кузьмич Ардашев
Ардашев Валентин Кузьмич.jpg
Шачмы кечӹ 14 январь 1925(1925-01-14)
Шачмы вӓр Опельск сола, Мари-Турек кантон, Мары автономный область, РСФСР, СССР
Колымы кечӹ 22 май 2000(2000-05-22) (75 и)
Колымы вӓр
Пырымаш  СССР
Войскан йиш пехота
Служымы жеп 1943—1945
Звани Старший сержант
Кредӓлмӓш/вырсы Кого Отечественный вырсы
Награда дӓ преми
Герой Советского Союза
Орден Ленина Орден Отечественной войны I степени Орден Славы III степени RUS Medal of Zhukov ribbon.svg
Юбилейная медаль «За доблестный труд (За воинскую доблесть). В ознаменование 100-летия со дня рождения Владимира Ильича Ленина» Медаль «За победу над Германией в Великой Отечественной войне 1941—1945 гг.» SU Medal Twenty Years of Victory in the Great Patriotic War 1941-1945 ribbon.svg SU Medal Thirty Years of Victory in the Great Patriotic War 1941-1945 ribbon.svg
SU Medal Forty Years of Victory in the Great Patriotic War 1941-1945 ribbon.svg RUS Medal 50 Years of Victory in the Great Patriotic War 1941-1945 ribbon.svg Медаль «Ветеран труда» SU Medal 50 Years of the Armed Forces of the USSR ribbon.svg
SU Medal 60 Years of the Armed Forces of the USSR ribbon.svg SU Medal 70 Years of the Armed Forces of the USSR ribbon.svg
Отставкышты Брянск халаштышы заводвлӓ логӹц иктӹштӹ тракторист

Валентин Кузьмич Ардашев (14 январь 1925, Мары автономный область — 22 май 2000, Брянск[d]) — Кого Äтямӱлäндӹ вырсын салтакшы, Белорусский фронтыштышы 3-шы армин 269-шӹ стрелковый дивизин 1022-шы стрелковый полкын отделенин командиржы, якшар салтак[1].

Ӹлӹмӓш корны

1925 и 14 январьын[2] Марийский автономный область Мари-Турекский кантон (Мары Эл Республикӹн Мари-Турек кымдемжӹ) Новосельский (Опельск)[3] йäлӹштӹшӹ хресäнь йишӹштӹ шачын[4]). Руш. Новосельский шӹмиäш школын 5 классшым, Пермь кымдемӹштӹшӹ Александровск халашты слесарь курсым тымень лäктӹн. Мары АССР Мари-Турекский район Косолоп солаштышы МТС-ышты äпшäт пäшäм ӹштен.

1943 ин январьын Косолоп районыштышы военный комитет Якшар Армиш нäлӹн. Тӹ инок фронтыш вäрештӹн. Паснажы Днепрым ванжымы кредäлмäштӹ, Рогачёв халам ытарымашты ӹшкӹмжӹм цолган анжыктен.

1943 ин сентябрьын Ардашев Вищино йäл (сола) кымдемӹштӹ (Белоруссин Гомель кымдем, Рогачёв районжы) Днепр гач ик сек анзыц ванжен. Тышманын пингӹдемдӹмӹ опорный пунктышкыжы пырен, граната дä автомат доно тышманын шукы салтакшым пӹтäрен дӓ нӹлӹтӹм пленӹш нäлӹн.

Наградым пуаш манын представленин текстшӹ тенге шакта[5]: «Ардашев тäнг Днепр äнгӹрӹм форсируйымы дä Днепрын вургымла сиржӹм Рогачевский районын Вищин йäл вургымла сирӹштӹшӹ плацдармым нäлмӹ кредäлмäштӹ пиш сäр лӱддӹмӹжӹм анжыктен, äнгӹрӹм форсируйымы, минный нырым, проволыкан леведӹшӹм дä сюрпризым эртӹмӹ годым йӧнӹм мон мыштымыжы дä шытьыртан лимӹжӹ доно военный задачым ӹштäш когон палшен. Тидӹ кредäлмäш кымдыкышты тӹдӹ тышманын пингӹдӹн анжымы пунктышкыжы сек анзыц тӹргештен пырен дä тӹдӹн кӧргӹштӹжӹ немӹцвлäм граната доно пӹдештäрӹлӹн, автомат доно лӱэдӹлӹн 31 немӹцӹм пуштын, анжымы вäр гӹц кыргыжшы нӹл немӹцӹм пленыш нäлӹн. Тышманын цат пингӹдемдӹмӹ опорный пунктшым Ардашевын шин шäлäтӹмӹжӹ частьын стрелковый подразделенивлäлäн изи ямдарымаш доно военный задачым шокташ йöнӹм ӹштен. Опорный пунктышты радиоузелым, легковой автомашинам, 75 мм 5 пушкым, 20 автоматым, 8 винтовкым поген нäлмӹ. Геройын подвигшы «Советский Ушемӹн Геройжы» лӹмӹм заслуживая.

СССР Кӱшӹл Советӹн Президиумын 1944 и 23 июльыштышы указжы доно командованин шӱдӹмӹжӹм яжон ӹштӹмӹ гишäн, немӹц ваштареш шалгымашты лӱдмäшӹм дä патырлыкым анжыктымы гишäн якшар салтак Ардашев Валентин Кузьмичлан Советский Ушемӹн Геройжы мактымы лӹмӹм пумы дä Ленинын орден дон «Шӧртньӹ Шӹдӹр» медальым (3864 №) кычыктымы.

Лӱддӹмӹ боец Сӹнгӹмäш якте мин шон. 1944 ин ВКП(б) пырен. Вырсы паштек когорак сержант лӹм доно запасыш кеен.

Брянск халашты ӹлен. Пенсиш лäкмӹ анзыц ик заводышты трактористэш пäшäм ӹштен. 2000 ин колен. Брянскышты тайымы.

Награда дон званийвлä

  • Советский Союзын Геройжы «Шӧртньӹ Шӹдӹр» Медаль (3864 №)
  • Ленин орден
  • I степенян Отечественный вырсын орден
  • Славын III степенян орден
  • Медальвлä:
    • «1941–1945-шӹ ивлäштӹшӹ Кого Отечественный вырсышты Германим сӹнгӹмӹлäн» медаль
    • «1941–1945-шӹ ивлäштӹшӹ Кого Отечественный вырсышты Сӹнгӹмäшлäн коклы и теммӹ лӹмеш» лӹмгечӹ медаль
    • «1941–1945-шӹ ивлäштӹшӹ Кого Отечественный вырсышты Сӹнгӹмäшлäн кымлы и теммӹ лӹмеш» лӹмгечӹ медаль
    • «1941–1945-шӹ ивлäштӹшӹ Кого Отечественный вырсышты Сӹнгӹмäшлäн нӹллӹ и теммӹ лӹмеш» лӹмгечӹ медаль
  • 1982 ин Рогачёв халан Почётан гражданинжӹ лӹмӹм пумы.

Ӓш

  • Брянскышты, Геройын ӹлӹмӹ, Моско микрорайонын 47–шӹ №-ӓн пӧрт стенäэш «Тидӹ пӧртӹштӹ 1983–2000 ивлäн Советский Союзын Геройжы Ардашев Валентин Кузьмич (14.01.1925–22.05.2000) ӹлен» сирӹмӓш доно мемориальный хангам шӹндӹмӹ.
  • 2015 ин Советский Союзын Геройжы В. К. Ардашевын лӹмжӹм Пермь кымдемӹн Александровск халаштышы скверышты Äшӹндäрӹмäш Стенäэш курымеш сирӹмӹ.

Примечани

  1. ↑ Должность и воинское звание на дату присвоения звания Героя Советского Союза.
  2. ↑ Мочаев, 2017, с. 32.
  3. ↑ Деревня Новосельское (Лопъял, Опельск) // Мари-Турекский район. — Йошкар-Ола, 2003. — С. 267—268. — 320 с. — (История сёл и деревень Республики Марий Эл). — 1500 экз. — ISBN 5-87898-241-2.
  4. ↑ Место расположения деревни Новосельское Архивный копи от 1 июльын 2018 на Wayback Machine.
  5. ↑ Герой Советского Союза Валентин Ардашев - в ближнем бою уничтожил гранатами и из автомата 31 немца и преследуя бежавшего противника, захватил 4 немцев в плен. www.marpravda.ru. Тергӹмӹ кечӹ: 10 апрельӹн 2020. Архивируйымы 10 апрельӹн 2020 года.

Литература

  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
  • Мочаев В. А. Ардашев Валентин Кузьмич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 30. — 2032 экз. — ISBN 5-87898-357-0.
  • Ардашев Валентин Кузьмич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 230. — 872 с. — 3505 экз. — ISBN 978-5-94950-049-1.
  • Ардашев Валентин Кузьмич // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 30—31. — 374 с. — 500 экз. — ISBN 978-5-94950-070-5.
  • Мочаев В. А. Ардашев Валентин Кузьмич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 32. — 606 с. — 1500 экз. — ISBN 978-5-905314-35-3.

Ссылки

«https://mrj.ruwiki.ru/w/index.php?title=Ардашев,_Валентин_Кузьмич&oldid=303739» гӹц нӓлмӹ