Автомобилистӹн кечӹжӹ
| Автомобиль транспорт дӓ халаштышы пассажирский транспорт пӓшӓзӹн кечӹжӹ | |
|---|---|
 | |
| Тип | Профессиональный айо |
| Ӹштӓлтӹн | Россий Федерацин Президентӹн Указшы |
| Пӓлемдӓт |
 Россий |
| 2025 | 26 октябрьын |
| 2026 | 25 октябрьын |
| 2027 | 31 октябрьын |
| Пӓлемдӹмӓш | и йӹде, октябрьын остатка рушӓрнян |
| Овуца | вӓрӹштӹшӹ дӓ сӓндӓлӹкӹштӹшӹ вуйлатышывлӓ водительвлӓм мактат дӓ кымылангдат |
«Автомобиль транспорт пӓшӓзӹвлӓн кечӹ» — автомобиль транспорт пӓшӓзӹвлӓн профессиональный айошты. Тӹдӹ Россий Федерациштӹ и йӹде октябрьын остатка рушӓрнян пӓлемдӓлтеш.
Ти профессиональный айон историжӹ СССР-ын Кӱшӹл Совет Президиумын 1976 ишӹ 15 январяш 2847-IX №-ӓн «Автомобиль транспорт пӓшӓзӹвлӓн кечӹм и йӹде пӓлемдӹмӹ гишӓн» Указшы гӹц тӹнгӓлеш. 1980 ин 1 октябрьын СССР-ын Кӱшӹл Совет Президиумын 3018-Х №-ӓн «Ӓштӹмӹ кечӹ дӓ айовлӓ гишӓн» Указшы доно пингӹдемдӓлтӹн. Ти документ СССР-шты октябрьын остатка рушӓрнян «Автомобиль транспорт пӓшӓзӹвлӓн кечӹм» пӓлемдӓш учреждӓен. 1988 ин 1 ноябрьын СССР-ын Кӱшӹл Совет «СССР-ын законодательствыш айо дӓ ӓштӹмӹ кечӹвлӓ гишӓн вашталтмашым пыртымы гишӓн» 9724-XI №-ӓн эче ик Указым лыктын, но пыртымы вашталтмашвлӓ ти айом нигыцеӓт тӹкӓлделыт[1].
Тӹнӓм, СССР-ын административный единицӹжӹ семӹнь, цилӓ Советский Социалистический Республика «Автомобиль транспорт пӓшӓзӹвлӓн кечӹм» иквӓреш пӓлемден, но перестройка жеп дӓ Советский Союз шӓлӓнӹмӹ паштек ситуаци вашталтын. Независимостьым нӓлмӹкӹ, кыды-тидӹ республикӹвлӓ ти айом вес кечӹш ваштенӹт, кыдыжы вес лӹмӹм пуэнӹт, а южшы айом эртӓрӓш цӓрненӹт. Тӹнге гӹнят, техень сӓндӓлӹквлӓ кодыныт, кышты ти айо кӹзӹтӓт улы. Тенге Россий Федераци семӹнь «Автомобиль транспорт пӓшӓзӹвлӓн кечӹм» октябрьын остатка рушӓрнян Казахстан, Белорусси дӓ Украина пӓлемдӓт. Лач ик айыртемжӹ улы: ти молнамшы советский республикӹвлӓштӹ, «Автомомобиль транспорт пӓшӓзӹвлӓн кечӹ» «Корным ӹштӹшӹ эдемвлӓн кечӹ доно» иквӓреш пӓлемдӓлтеш, а Российӹштӹ кокшы президент Владимир Владимирович Путинӹн 2000 ишӹ 23 марташ 556-шы №-ӓн «Корны хозяйствын пӓшӓзӹвлӓн кечӹ»[2] Указшы семӹнь «Корным ӹштӹшӹвлӓн кечӹ» октябрьын кымшы рушӓрняш ваштымы ылын. Первирӓк, 1996 и гӹц «Автомобиль транспорт дӓ корны хозяйствын пӓшӓзӹвлӓн кечӹ» РФ Президентӹн 1435-шӹ №-ӓн 1996 ишӹ 14 октябряш «Автомобиль транспорт дӓ корны хозяйствын кечӹм эртӓрӹмӹ гишӓн»[3]» Указшы семӹнь 27 октябрьын пӓлемдӓлтӹн.
Россий Федерацин Президентӹн 2012 ишӹ 25 июняш 897-шӹ №-ӓн «Автомобиль транспорт дӓ халаштышы пассажирский транспортын пӓшӓзӹвлӓн кечӹштӹ гишӓн» Указшы семӹнь РФ-ын Президент 2000 ишӹ 23 марташ 1435-шӹ №-ӓн «Автомобиль транспорт пӓшӓзӹвлӓн кечӹм эртӓрӹмӹ гишӓн» дӓ 2-шы пунктшы 2000 ишӹ 23 марташ 556-шы №-ӓн «Корны хозяйствын пӓшӓзӹвлӓн кечӹ гишӓн» Указшы вим ямдышеш шотлалтыт.
Российӹштӹ эче ик роды айо улы — Военный автомобилистӹн кечӹжӹ. Тӹдӹ 29 майын и йӹде пӓлемдӓлтеш.
Примечани
- ↑ Праздник 5 сентября. День работников нефтяной, газовой и топливной промышленности
- ↑ О Дне работников дорожного хозяйства. Указ. Президент РФ. 23.03.00 556 :: Инновации и предпринимательство: гранты, технологии, патенты
- ↑ Об установлении дня работников автомобильного транспорта и дорожного хозяйства. Указ. Президент РФ. 14.10.96 1435 :: Инновации и предпринимательство: гранты, технологии, патенты