Эдемӹн космосыш чонгештӹмӹжӹн международный кечӹ
Эдемӹн космосыш чонгештӹмӹжӹн международный кечӹ (руш. Международный день полёта человека в космос) (ООН-н молы официальный йӹлмӹвлӓ доно: англ. International Day of Human Space Flight, исп. Día Internacional de los Vuelos Espaciales Tripulados, франц. Journée internationale du vol spatial habité) — международный кӱкшӹцӓн айо кечӹ, 2011 ин ООН-н Генеральный Ассамблейӹжӹ эдем йыхын космический эрым пачмыжы лӹмеш ӹштен; «космический наукын дӓ техникӹн виӓнг мимӹ цельӹш шомашты дӓ кугижӓншӹ дон халыквлӓн ӹлӹмӓшӹштӹм яжоэмдӹмӓштӹ, тенгеок космический пространствым тыр пӓшӓлӓн переген кодаш цацымыштым ӹлӹмӓшкӹ пырташ йӧнӹм ӹштӹмӓштӹ керӓл вкладыштым» пингӹдемдӓ. И йӹде 12 апрельӹн пӓлемдӓлтеш[1].
Истори
Эдемӹн космосыш чонгештӹмӹжӹн международный кечӹжӹлӓн негӹцӹм Авиаци дон космонавтикӹн мирӹштӹшӹ кечӹжӹ пиштен (1968 ин ноябрьын эртӓрӓлтшӹ Международный авиаци федерацин 61-шӹ Генеральный конференцижӹн протоколжы (17 пункт) дӓ Международный авиаци федерацин Кӓнгӓшӹжӹн 1969 и 30 апрельӹн лыкмы пынзалтышыжы, СССР Авиаци спорт федерацин представленижӹ доно)[2].
«Эдемӹн космосыш чонгештӹмӹжӹн международный кечӹ» айо кечӹ гишӓн пынзалтышым 2011 и 7 апреляш A/RES/65/271 резолюци доно Ушнышы Нацивлӓн организацин Генеральный Ассамблейжӹн пленарный заседаништӹжӹ лыкмы».
Инициатор Россий Федераци лин[3]. ООН-н Генеральный Ассамблейжӹн резолюцижӹн соавторвлӓжӹ ООН-н 60 утла член-сӓндӓлӹк лин[4]. 2012 ин Космонавтика кечӹм пӓлемдӓш тӹнгӓлшӹ кугижӓншӹвлӓн шотышты пӓлӹн шукемӹн[5].
Кечӹм эдемӹн космосыш пӹтӓришӹ гӓнӓ чонгештӹмӹжӹлӓн 50 и теммӓшеш 1961 ин 12 апрельӹн пӓлемдӹмӹ, тӹдӹм Совет Союзын гражданинжӹ, лётчик-космонавт Юрий Гагарин «Восток-1» космический кораблеш ӹштен[6]. Бортыштыжы Гагаринӓн «Восток» корабль Байконур космодром гӹц 9:07 ирок стартым нӓлӹн, космонавт Мӱлӓндӹ йӹр пӹтӓришӹ гӓнӓ орбитальный чонгештӹмӓшӹм ӹштен дӓ 108 минутышты пӧртӹлӹн[7].
Эдемӹн пӹтӓришӹ гӓнӓ космосыш чонгештӹмӹжӹлӓн 50 и дӓ Космос пространствым тыр пӓшӓлӓн кычылтмы шотышты комитетӹм ӹштӹмӹлӓн вӹцлӹ и теммӹ лӹмеш Декларациштӹ тенгеок «эдемӹн космосым шӹмлӹмӹжӹн ӧрӹктӓрӹшӹ историжӹ дӓ эдемӹн пӹтӓришӹ гӓнӓ космосыш чонгештӹмӹжӹ годшен кого лӓктӹшвлӓшкӹ шомы гишӓн, тидӹн шотышток Валентина Терешкова — 1963 ин 16 июньын орбита мычкы чонгештӹшӹ пӹтӓришӹ ӹдӹрӓмӓш, Нил Армстронг — 1969 ин 20 июльын Тӹлзӹ вӹкӹ ташкалшы пӹтӓришӹ эдем, дӓ „Аполлон“ дон „Ушем“ космический корабльвлӓн 1975 ин 17 июльын стыковкышты гишӓн — пӹтӓришӹ Международный пилотируйымы космический чонгештӹлмӓш, дӓ остатка лу ин эдем йых космосышты Международный космический станцин бортыштыжы седок мӱлӓндӹштӹшӹ шукы халык доно иквӓреш ылмы гишӓн» ӓшӹндӓрӹктӹмӓш улы[8].
Россий Федерациштӹ 12 апрельӹн и йӹде СССР Кӱшӹл Кӓнгӓш Президиумын 1962 и 9 апреляш «совет эдемӹн космосыш мирӹштӹ пӹтӓришӹ чонгештӹмӓшӹжӹ лӹмеш» указшы доно пингӹдемдӹмӹ Космонавтика кечӹ пӓлемдӓлтеш.
Айымы овуца
Айо кечӹ лӹмеш мероприятивлӓшкӹ тематикан выставкывлӓ, конференцивлӓ, ӓшӹндӓрӹктӹшӹ маркывлӓм лыкмаш пырат[9]. Ти кечӹн космос отрасльын пӓшӓзӹвлӓжӹ мир мычкы конкурсан дӓ костенецӓн вадывлӓм эртӓрӓт. Техень мероприятивлӓ МКС-штӓт соок эртӓрӓлтӹт[10][11].
Эдемӹн космосыш чонгештӹмӹжӹн международный кечӹн «Юрийӹн йыдшы» акцижӹ[12] — Юрий Гагаринӹм ӓштӹмӹ лӹмеш международный событи — ик сек пӓлӹмӹ лин[13][14].
2022 ин Space Foundation американский благотворительный организаци мероприятилӓн «Космосын айожы: ма пакыла лиэш — пӓлӹдӓ» (англ. A Celebration of Space: Discover What's Next) вес лӹмӹм пуэн[15].
Примечани
- ↑ Международный день полета человека в космос, United Nations. Дата обращения: 3 декабрьын 2025.
- ↑ Международный день полета человека в космос. День космонавтики в России, РИА Новости (12 апрельӹн 2023). Дата обращения: 3 декабрьын 2025.
- ↑ Международный день полета человека в космос, TACC (11 апрельӹн 2015). Дата обращения: 3 декабрьын 2025.
- ↑ 12 апреля Международный день полёта человека в космос. Посольство Российской Федерации в Республике Молдова. Тергӹмӹ кечӹ: 3 декабрьын 2025.
- ↑ Почему День космонавтики отмечается 12 апреля: история праздника, Sputnik Грузия (10 апрельӹн 2018). Дата обращения: 3 декабрьын 2025.
- ↑ Российское историческое общество. 12 апреля 1961 года состоялся первый полёт человека в космос. historyrussia.org (12 апрельӹн 2023). Тергӹмӹ кечӹ: 3 декабрьын 2025.
- ↑ «Коммунист в космосе»: зарубежная пресса о триумфе Гагарина, РБК Стиль (12 апрельӹн 2017). Дата обращения: 3 декабрьын 2025.
- ↑ Декларация по случаю пятидесятой годовщины первого полета человека в космос и пятидесятилетия создания Комитета по использованию космического пространства в мирных целях. www.un.org. Тергӹмӹ кечӹ: 3 декабрьын 2025.
- ↑ International Day of Human Space Flight 2025. www.timeanddate.com. Тергӹмӹ кечӹ: 3 декабрьын 2025.
- ↑ День космонавтики 12 апреля: история и традиции праздника в честь первого полёта человека в космос, Lenta.RU (3 февральын 2025). Дата обращения: 3 декабрьын 2025.
- ↑ Пресс-служба Роскосмоса. Ночь Юрия на МКС. www.roscosmos.ru (18 апрельӹн 2011). Тергӹмӹ кечӹ: 3 декабрьын 2025.
- ↑ История Дня космонавтики. Как Юрий Гагарин покорил космос, РБК Life (28 февральын 2025). Дата обращения: 3 декабрьын 2025.
- ↑ Навсегда первые: День космонавтики — праздник, который нас объединяет, Life.ru (12 апрельӹн 2024). Дата обращения: 3 декабрьын 2025.
- ↑ Ночь Гагарина: как в США переосмыслили российский День космонавтики, РБК (12 апрельӹн 2018). Дата обращения: 3 декабрьын 2025.
- ↑ Мария Азарова. Мероприятие «Юрьева ночь» в США переименовали из-за национальности Гагарина (16 мартын 2022). Тергӹмӹ кечӹ: 3 декабрьын 2025.