Космонавтика кечӹ

Ирӹкӓн энциклопеди Википеди гӹц материал
Рецензируйымы статья
Рецензент: Александр Марусев, исполнительный директор АМКОС


Космонавтика кечӹ
Soviet Union-1965-Stamp-0.12. Cosmonautics Day.jpg
Ӹштӓлтӹн 1962 9 апрель
Кечӹ 12 апрель
Кӹлдӓлтӹн космонавт доно
Логотип РУВИКИ.Медиа Медиафайлы на РУВИКИ.Медиа

Космонавтика кечӹ — анзыц СССР-ӹштӹ, а варарак вес сӓндӓлӹквлӓштӓт эдемӹн космосыш пӹтӓришӹ гӓнӓ чонгештӹмӹжӹ лӹмеш пӓлемдӹмӹ айо[1].

12 апрельӹн пӓлемдӓлтеш, ти кечӹм Юрий Гагаринӹн 1961 ин космосыш пӹтӓришӹ гӓнӓ чонгештӹмӹжӹ лӹмеш пингӹдемдӹмӹ[1].

Айымаш истори

[тӧрлӓтӓш | вики-текстӹм тӧрлӓтӓш]

1961 ин 12 апрельӹн совет космонавт Юрий Гагарин «Восток-1» космический кораблеш «Байконур» космодром гӹц чонгештен дӓ мирӹштӹ пӹтӓришӹ Мӱлӓндӹ планета йӹр космосышты чонгештӹмӓшӹм ӹштен[2]. Гагарин мӱлӓндӹ йӹрӹштӹшӹ кымдыкышты 108 минут чонгештӹлӹн[3], тӹдӹ Саратов областьышты вазалын. Вазалмы вӓреш вара Юрий Гагарин лӹмӓн Космосым сӹнгӹшӹвлӓн паркым пачыныт[4].

Космонавтика кечӹм айымашым Гагарин чонгештӹмӹ паштек вес иэш 1962 ин 9 апрельӹн СССР-ӹн Верховный Кӓнгӓш Президиум пингӹдемден, тӹнӓмок тӹдӹн лӹмжӹм пӓлемденӹт — Космонавтика кечӹ. У айом пырташ инициатор СССР-ӹн кокшы лётчик-космонавт Герман Титов лин, тӹдӹ 1962 ин 26 мартын ЦК КПСС-ӹш техень предложеним колтен[5][6].

Тенгеок ти кечӹн Авиаци дӓ космонавтикӹн цилӓ сӓндӓлӹкӹштӹшӹ кечӹ пӓлемдӓлтеш, тӹдӹн лӹмжӹ дӓ айымы кечӹжӹ Совет Союзышты пингӹдемдӹмӹ айо доно икань, кечӹм 1968 ин ноябрьын ылшы Международный авиаци федерацин Кӓнгӓшӹжӹн 61-шӹ Генеральный конференцин протоколжы доно (17 п.) дӓ СССР-ӹн Авиаци спорт федерацин шӱдӹмӹжӹ доно Международный авиаци федерацин 1969 ин 30 апрельӹн лыкмы пынзалтышыжы доно пингӹдемдӓлтӹнӹт[7].

1980 ин СССР-ӹштӹ Космонавтика кечӹм эртӓрӹмӓшӹм угӹц СССР Верховный Кӓнгӓш Президиумын «Айо, ӓштӹмӹ кечӹвлӓ гишӓн» 1 октябряш 3018-Х №-ӓн Указшы доно пингӹдемденӹт[1].

Россий Федерациштӹ Космонавтика кечӹ СССР-ӹштӹшӹ семӹньок ти кечӹнок, 1995 и 13 марташ «Россий сӓр слава дӓ ӓштӹмӹ кечӹвлӓ гишӓн» 32-ФЗ №-ӓн Федеральный законын пунктшы семӹнь пӓлемдӓлтеш[8].

Правило семӹнь, айымы годым тӹнг мероприятивлӓ Москвашты дӓ Калугышты эртӓт: Москва планетариштӹ экскурсивлӓ эртӓрӓлтӹт, а Космонавтика музейӹштӹ лӹмӹн проектвлӓм, лекцивлӓм дӓ вӓшлимӓшвлӓм йӓмдӹлӓт, Калугышты Космонавтика историн кугижӓншӹ музейӹштӹ мероприятивлӓм эртӓрӓт, музейӹн негӹцӹшкӹжӹ пӹтӓришӹ кӱм Юрий Гагарин пиштен[9][10][11].

Космонавтика кечӹлӓн посвящаялтшы тематикан мероприятивлӓ Российӹн цилӓ регионыштыжы эртӓт, 2016 и гӹц «Сӓндӓлӹк — тидӹ мӓ» Гагарин урокым организуйымы (2017 и гӹц тӹдӹ тенгеок Россий гӹц ӧрдӹжӹштӓт эртӓрӓлтеш)[12].

Космосыш эдемӹн пӹтӓришӹ гӓнӓ чонгештӹмӹжӹлӓн 50 и теммӹ лӹмеш 2011 ин Российӹштӹ Россий космонавтика им эртӓрӹмӹ, 55 и теммӹ лӹмеш — 2016 им Юрий Гагаринӹн Идӓлыкшы семӹнь увертӓрӹмӹ. Ти инок «Мӓ космослан ӹняненӓ!» арт-проект тӹнгӓлтӹшӹм нӓлӹн[12].

Юрий Гагаринӹн чонгештӹмӹжӹлӓн 60 и теммӹ лӹмеш 2021 ин тематикан икманяр мероприяти эртӓрӓлтӹн, нӹнӹ логӹц тӹнгжӹ Москваштышы Космонавтика музейӹштӹ «Пӹтӓришӹ» выставка ылын, тӹштӹ тӹнг экспонатшы «Восток-1» корабльын валтымы аппаратшы ылын, тӹшӓкен Гагарин Мӱлӓндӹш пӧртӹлӹн[12].

2023 ин коронавирус доно кӹлдӓлтшӹ цӓрӹмӓшвлӓм карангдымы паштек Космонавтика кечӹм айымаш кымданрак эртен. Тенге, Москвашты тематика выставкывлӓ, мастер-классвлӓ, кином анжыктымаш, лекци, перфомансвлӓ эртӓрӓлтӹнӹт[13]. Саратовышты, кышты Юрий Гагарин сӓмӹрӹкшӹ годым тыменьӹн, Космонавтлӓн Набережныйышты Юрий Гагаринӹн памятникшӹ доны официальный эдем дон космонавтвлӓн ушнымышты доно айо митинг эртен. Саратов, традици семӹнь, Космонавтика кечӹм айымы центрвлӓ логӹц иктӹжӹ ылеш[14].

Тенгеок Космонавтика кечеш мероприятивлӓ Российӹн шукы вес халавлӓштӹжӹ соок эртӓт — Казаньышты[15], Калугышты[16][17], Санкт-Петербургышты[18], Архангельскышты[19] дӓ т.м.

Российӹштӹ айон статусшым вашталтымы шотышты инициативӹвлӓ

[тӧрлӓтӓш | вики-текстӹм тӧрлӓтӓш]

Актививствлӓ Российӹштӹ Космонавтика кечӹн статусым вашталташ ик гӓнӓ агыл цаценӹт дӓ цацат, тӹдӹм кугижӓншӹ айо дӓ кӓнӹм кечӹ семӹнь ӹштӹнештӹ. Ти инициатива верц шукы космонавтика музей, кӹзӹт пӓшӓлӹшӹ дӓ молнамшы космонавтвлӓ, тенгеок икманяр политика пӓшӓзӹ ылыт.

Ти инициатива верц сакой веремӓн сакой политика парти гӹц депутатвлӓ ылыныт.

Космонавтика кечӹлӓн цымыр национальный статусым пуаш пӹтӓришӹ гӓнӓ инициативӹм Кугижӓншӹ думыш 2001 ин пыртенӹт. Законопроект инициаторвлӓ «Российӹн регионвлӓжӹ», КПРФ, ЛДПР, «Народовласти», «Единая Россия», «Отечество — цилӓ Россий», «Мӧскӓ» партивлӓ гӹц депутатвлӓ ылыныт. Законопроект 2001-2002 ивлӓн кугижӓншӹ думышты анжымашты ылын, но парламентаривлӓ тӹдӹм поддерживайыделыт. 2006 ин майын айо статусым эче вашталташ цаценӹт. Ти гӓнӓ инициатор семӹнь «Шачмы мӱлӓндӹ» дон КПРФ партивлӓ гӹц депутатвлӓ лӓктӹнӹт, вара нӹнӹн верц «Единая Россия» парти гӹц депутат Геннадий Райков лин. Нӹнӹ Россий кечӹм 12 июнь гӹц 12 апрельӹш ваштымы инициатива доно лӓктӹнӹт. Законым ӹштӹмӹ ти инициатива 2006-2008 ивлӓн анжымашты ылын, но тенгеок тӹдӹм ярыктыделыт[20].

12 апрельӹм улы нацин айо семӹнь шӹкӓлӓш утлаок когон цацымаш 2013 ин ылын. Закон проектӹм кугижӓншӹ думыш «Тӧр Россий» фракци гӹц депутатвлӓ Сергей Миронов, Н.В.Левичев, Валерий Черешнев, Михаил Емельянов, Александр Агеев пыртенӹт. Ти гӓнӓ «Тӧр Россий», 12 апрель улы нацин кӓнӹм кечӹ лижӹ манын, Шартял каникул гӹц ик кечӹм лыкташ ӱжӹн. Закон проект 2013 и гӹц 2015 и якте анжымашты ылын, Россий Президентлӓн, Федераци Кӓнгӓшӹш дӓ правительствыш колтымы ылын[21].

2017 ин эче ик техень законодательный инициатива йонген. Российӹн Общественный палатышты Космонавтика кечӹм кӓнӹм кечӹм ӹштӓш ядыныт, но законопроектӹм кӹзӹтӓт пингӹдемдӹделыт[22].

2021 ин, Юрий Гагаринӹн чонгештӹмӹжӹлӓн 60 и теммӹ лӹмеш, 12 апрельӹм угӹц кӓнӹм кечӹм ӹштӓш предложени пырен. Ти гӓнӓ инициативӹм «Российӹштӹшӹ коммуниствлӓ» парти лыктын[23]. Техеньок инициатива доно лётчик-космонавт, Кугижӓншӹ думын экологи дӓ пӧрттӱм перегӹмӹ шотышты комитет председательӹн вашталтышыжы Елена Серова лӓктӹн[24].

2023 ишӹ увер семӹнь, айон статусшым вашталтымы агыл, тенгеок 12 апрельӹн кӓнӹм айо кечӹ лижӹ манын проектӹм пингӹдемдӹмы агыл.

Эдемӹн космосыш чонгештӹмӹ цилӓ сӓндӓлӹкӹштӹшӹ кечӹ

[тӧрлӓтӓш | вики-текстӹм тӧрлӓтӓш]
2011 ин 12 апрельӹн Космонавтикӹн 50 иӓш идӓлыкшы лӹмеш салют

2011 ин 7 апрельӹн ООН-ын Генеральный Ассамблейжӹн лӹмӹн погымы пленарный погынымашышты 12 апрельӹм эдемӹн космосыш чонгештӹмӹ цилӓ сӓндӓлӹкӹштӹшӹ кечӹжӹ семӹнь официально увертӓрӹшӹ резолюцим лыктын. Резолюцин соавторвлӓжӹ 60 утла сӓндӓлӹк гӹц ылыныт[25][26]. Пынзалтышым эдемӹн космосыш пӹтӓришӹ гӓнӓ чонгештӹмӹжӹлӓн 50 и теммӹм айымы лӹмеш лыкмы[27].

Ти кечӹн молы событивлӓжӹ

[тӧрлӓтӓш | вики-текстӹм тӧрлӓтӓш]

Эдемӹн космосыш пӹтӓришӹ гӓнӓ чонгештӹмӹжӹ паштек коклы и эртӹмӹкӹ, 1981 ин 12 апрельӹн «Спейс Шаттл» американский программа семӹнь пӹтӓришӹ пилотируйымы чонгештӹмӓш тӹнгӓлӹн[28].

Кок чонгештӹмӓш лӹмешӓт (Юрий Гагаринӹн дӓ «шаттлын») мирӹштӹшӹ сакой халавлӓштӹ 2001 и гӹц «Юрийӹн йыдшы» мировой фестиваль эртӓрӓлтеш. Организаторжы космический йыхын консультативный кӓнгӓшӹжӹ ылеш, тидӹ правительственный агыл организаци, тӹдӹ мирӹштӹшӹ 60 утла сӓндӓлӹк гӹц участниквлӓм уша[29].

2019 ин фестиваль икманяр лу сӓндӓлӹкӹштӹ эртен, фестивальышты шӱдӹ утла мероприятим пӓлемден кодымы. Эртӓрӹмӹ мировой площадкывлӓ лошты — США-штышы Колорадо-Спрингсышты Сӓндӓлӹк фондын Discovery центржы, Вашингтонышты Авиаци дӓ космос музей, Флоридӹштӹ Космос центр, кечӹвӓлвел полюсышты Amundsen-Scott научный база[29].

Культурышты

[тӧрлӓтӓш | вики-текстӹм тӧрлӓтӓш]

Чонгештӹмӓш кечӹн космонавтвлӓн гостиница гӹц лӓкмӹ годым йонгышы «Пӧрт сагашы шуды» мырым Роскосмос Россий космонавтикӹн гимнжӹ семӹнь официально признаен[30].

Москвашты Космонавтика кечӹ лӹмеш «Космосыш кеӓш жеп!» фестиваль соок эртӓрӓлтеш[31].

Фестивальым эртӓрӓшлӓн площадкеш организаторвлӓ ВДНХ-м айыренӹт, тӹштӹ тӹдӹ космос павильон доны эртӓ[31].

Мероприятин тӹнг организаторжы — Россий Космонавтика музейвлӓн Ассоциаци (АМКОС), тӹдӹ Роскосмосын палшымыжы доно эртӓ.

Мӱлӓндӹн пӹтӓришӹ космонавтшы Юрий алексеевич Гагарин. «Шӹдӹрвлӓ докы пӹтӓришӹ рейс» кино гӹц кадр, 1961 и

Филатели

[тӧрлӓтӓш | вики-текстӹм тӧрлӓтӓш]
  • Ю.Гагаринӓн почта марка. СССР, 1964

    Ю.Гагаринӓн почта марка. СССР, 1964

  • А.Леонован почта марка. СССР, 1967

    А.Леонован почта марка. СССР, 1967

  • Почта марка. СССР, 1972

    Почта марка. СССР, 1972

  • The Soviet Union 1990 CPA 6193 stamp (Cosmonautics Day. 'Mir' space complex and cosmonaut).jpg
  • «Мир» орбитальный станцим анжыктышы почта марка. СССР, 1990
  • Почта марка. Казахстан, 1996

    Почта марка. Казахстан, 1996

  • Эдемӹн космосыш чонгештӹмӹжӹлӓн 50 и теммӹ лӹмеш юбилейный марка. Украина, 2011

    Эдемӹн космосыш чонгештӹмӹжӹлӓн 50 и теммӹ лӹмеш юбилейный марка. Украина, 2011

  • Почта маркышты К. Циолковскийӹн портретшӹ дӓ шӹдӹрӓн пӹлгом фонышты чонгештен кузышы «Ангара-А5» ракета-носитель анжыкталтын.

    Почта маркышты К. Циолковскийӹн портретшӹ дӓ шӹдӹрӓн пӹлгом фонышты чонгештен кузышы «Ангара-А5» ракета-носитель анжыкталтын.

Нумизматика дӓ фалеристика

[тӧрлӓтӓш | вики-текстӹм тӧрлӓтӓш]
  • Россий банкын кӹртнин окса — Ю.А.Гагаринӹн космосыш чонгештӹмӹжӹлӓн 40 и

    Россий банкын кӹртнин окса — Ю.А.Гагаринӹн космосыш чонгештӹмӹжӹлӓн 40 и

  • Россий банкын «Эдемӹн космосыш пӹтӓришӹ гӓнӓ чонгештӹмӹжӹлӓн 50 и» юбилейный кӹртнин окса, 2011

    Россий банкын «Эдемӹн космосыш пӹтӓришӹ гӓнӓ чонгештӹмӹжӹлӓн 50 и» юбилейный кӹртнин окса, 2011

  • Значок Гагарин 1961 СССР

    Значок Гагарин 1961 СССР

  • Значок 12 апрель Космонавтика кечӹ

    Значок 12 апрель Космонавтика кечӹ

  • Значок 12 Апрель Космонавтика кечӹ

    Значок 12 Апрель Космонавтика кечӹ

Тенгеок анжы

[тӧрлӓтӓш | вики-текстӹм тӧрлӓтӓш]

Примечани

[тӧрлӓтӓш | вики-текстӹм тӧрлӓтӓш]
  1. ↑ 1 2 3 День космонавтики (10 малоизвестных фактов о полёте Юрия Гагарина). Ульяновский государственный университет (12 апрельӹн 2019). Дата обращения: 9 августын 2023.
  2. ↑ 12 апреля 1961 года состоялся первый полёт человека в космос. Российское историческое общество (12 апрельӹн 2023).
  3. ↑ Давыдов В. А. Первый Пилотируемый Полёт, том 2. — М.: Родина Медиа, 2011. — С. 42. — 1096 с. — ISBN 978-5-905350-01-6 / 9785905350016.
  4. ↑ Парк покорителей космоса им. Юрия Гагарина. Объединённый мемориальный музей-заповедник Ю. А. Гагарина. Дата обращения: 9 августын 2023.
  5. ↑ День воздушного флота, День космонавтики. Стенгазета МАП СССР «Крылья Родины». Дата обращения: 9 августын 2023. Архивировано 26 мартын 2013 года.
  6. ↑ Дмитрий Писаренко. «Орёл» и романтик. В чём космонавт № 2 оказался первым? Аргументы и факты (11 сентябрьын 2020). Дата обращения: 9 августын 2023.
  7. ↑ День авиации и космонавтики // Авиация: Энциклопедия / гл. ред. Г. П. Свищев. — М.: Большая Российская Энциклопедия, 1994. — ISBN 5-85270-086-Х.
  8. ↑ Федеральный закон Российской Федерации от 13 марта 1995 г. № 32-ФЗ «О днях воинской славы и памятных датах России». КонсультантПлюс. Дата обращения: 9 августын 2023.
  9. ↑ День космонавтики в Московском планетарии. Московский планетарий (1 апрельӹн 2021). Дата обращения: 9 августын 2023.
  10. ↑ В Калуге отметили День космонавтики. Калуга BezФормата (12 апрельӹн 2023). Дата обращения: 9 августын 2023.
  11. ↑ По всей Калужской области проведут мероприятия в честь Дня космонавтики. НикаTV (12 апрельӹн 2023). Дата обращения: 9 августын 2023.
  12. ↑ 1 2 3 История Дня космонавтики. ТАСС (11 апрельӹн 2021). Дата обращения: 9 августын 2023.
  13. ↑ День космонавтики в Москве 2023: экскурсии, спектакли и тематические игры (12 апрельӹн 2023). Дата обращения: 9 августын 2023.punlisher
  14. ↑ В Саратове началось празднование Дня космонавтики. Саратов BezФормата (12 апрельӹн 2023). Дата обращения: 9 августын 2023.
  15. ↑ На «реактивном» субботнике в Казани за 108 минут собрали 14 КАМАЗов мусора. Официальный портал органов местного самоуправления города Казани (12 апрельӹн 2019). Дата обращения: 9 августын 2023.
  16. ↑ Полпред президента присвоил Калуге звание «научно-популярной столицы космонавтики». Калуга24 (13 апрельӹн 2022). Дата обращения: 9 августын 2023.
  17. ↑ Материалы по тегу День космонавтики: Калужская неделя. Дата обращения: 9 августын 2023.
  18. ↑ День космонавтики в Санкт-Петербурге 2023. КП Афиша (апрель 2023). Дата обращения: 9 августын 2023.
  19. ↑ Аким Самедов, Светлана Михеевская, Юрий Теленков. Портрет Гагарина и космический остров: как в Поморье отметили День космонавтики. телеканал «Регион 29» (13 апрельӹн 2023). Дата обращения: 9 августын 2023.
  20. ↑ Зюганов предложил сделать День космонавтики выходным. Информационное Агентство «Хакасия» (12 апрельӹн 2016). Дата обращения: 9 августын 2023.
  21. ↑ Светлана Субботина, Юлия Цой, Анастасия Миткевич. День космонавтики предлагают сделать нерабочим. Известия (12 апрельӹн 2013). Дата обращения: 9 августын 2023.
  22. ↑ В Общественной палате предложили сделать День космонавтики выходным. РИА Новости (12 апрельӹн 2017). Дата обращения: 9 августын 2023.
  23. ↑ Мария Левонян. В Госдуме предложили сделать 12 апреля выходным днем. Сургут BezФормата (7 январьын 2021). Дата обращения: 9 августын 2023.
  24. ↑ Александр Емельяненков. День космонавтики в год юбилея предложили сделать выходным. Российская газета (8 январьын 2021). Дата обращения: 9 августын 2023.
  25. ↑ 12 апреля – Международный день полёта человека в космос. Новости ООН (12 апрельӹн 2022).
  26. ↑ Резолюция A/65/271 от 25 марта 2011 года. ООН. Дата обращения: 9 августын 2023.
  27. ↑ День космонавтики. Центр космонавтики и авиации на ВДНХ. Дата обращения: 9 августын 2023.
  28. ↑ «Приблизили новые миры»: как США запустили шаттл в годовщину полёта Гагарина. Газета.ru (12 апрельӹн 2021). Дата обращения: 9 августын 2023.
  29. ↑ 1 2 «Юрьева ночь» в память о полете Гагарина пройдет в десятках стран. ТАСС (6 апрельӹн 2019). Дата обращения: 9 августын 2023.
  30. ↑ Ко Дню космонавтики. Тульская областная специальная библиотека для слепых (12 апрельӹн 2022). Дата обращения: 12 апрельӹн 2024.
  31. ↑ 1 2 Итоги международного фестиваля «Пора в космос» на ВДНХ. Мир24 (14 апрельӹн 2021). Дата обращения: 8 апрельӹн 2024.

Ссылкывлӓ

[тӧрлӓтӓш | вики-текстӹм тӧрлӓтӓш]
«https://mrj.ruwiki.ru/w/index.php?title=Космонавтика_кечӹ&oldid=176086» гӹц нӓлмӹ