Шумелёв, Александр Прокопьевич

Александр Прокопьевич Шумелёв
Александр Прокопьевич Шумелёв
Шачмы кечӹ	1913 и 7 сентябрь
Шачмы вӓр	Мары Эл
Колымы кечӹ	1945 и 19 апрель (31 и)
Колымы вӓр	Германи
Пырымаш	СССР
Кредӓлмӓш/вырсы	Кого Ӓтямӱлӓндӹ вырсы

Александр Прокопьевич Шумелёв (07.09.1913 — 19.04.1945) — 6-шы гвардейский танк корпусын 22-шы гвардейский мотострелковый бригадыштышы артиллери дивизионын взвод командиржӹ, гвардин изирӓк лейтенантшы. Советский Союзын Геройжы.

Ӹлӹмӓш корныжы

1913 и 7 сентябрьын Кого Ноля солаэш (кӹзӹт Мары Эл Республикӹн Медведево районышты) шачын.

1935–1937 ивлӓн СССР НКВД войскашты служен. 1941 и декабрь гӹц Кого Ӓтямӱлӓндӹ вырсышты лин. 1942 ин Смоленск артиллери училище сагашы (Ирбитӹш эвакуируйымы ылын) КУКС-ым тымень лӓктӹн. 1942 и декабрь гӹц фронтышты. Воронеж, Брянск, Центральный, 1-шӹ Украина фронтвлӓштӹ кредӓлӹн.

1943 и 25 сентябрьӹн Григоровка сола кытлашты Днепр гач сек пӹтӓри ванжышывлӓ лошты ылын.

СССР Кӱшӹл Кӓнгӓш Президиумын 1944 и 10 январяш «Якшар Армин генерал, офицер, сержант дӓ рядовойвлӓжӹлӓн Советский Союзын Геройжы лӹмӹм пумы гишӓн» указшы доно «немец-фашиствлӓ ваштареш кредӓлмӹ фронтышты командованин шӱдӹмӹм керӓл семӹнь ӹштӹмӹлӓн дӓ тидӹн годым лӱддӹмӹ дӓ патыр ылмым анжыктымылан» Советский Союзын Геройжы лӹмӹм пумы дӓ Ленин орден дон «Шӧртньӹ Шӹдӹр» медальым кычыктымы^[1].

1945 и 19 апрельӹн колен. Фетшау халаштышы ӹзӓ-шольы шӹгерлӓштӹ тайымы.

Ленин, II степенян Атямӱлӓндӹ вырсы орденвлӓ, «Лӱддӹмӹлыклан» медаль доно пӓлемдӹмӹ.

Примечани

↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 январьын (№ 3 (263)). — С. 1.

Литература

Герои Отечества. — Москва, 2004.
Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Нерсесян Н. Г. Киевско-Берлинский. ВИМО. — Москва. 1974.

Ссылкывлӓ

Александр Прокопьевич Шумелёв (руш.). Сайт «Герои страны». Тергӹмӹ кечӹ: 11 сентябрьын 2014.

[1] Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 январьын (№ 3 (263)). — С. 1.

[1]