Цифран тӓнгӓ

Ирӹкӓн энциклопеди Википеди гӹц материал
Цифран тӓнгӓ
Digital ruble red logo.svg.png

Цифран тӓнгӓ (руш. Цифровой рубль) — Россий Банк (РФ ӸБ) йӓмдӹлӹмӹ Ӹрдӹ банкын цифран валютын (CBDC-ын) цифран окса единицӹжӹ, Россий халык валютын кӹзӹт ылшы наличный дӓ наличный агыл окса форма сага ситӓртӹш кымшы формыжы. Цифран тӓнгӓм Россий Банк цифр сӹнӓнӹм лыкташ тӹнгӓлеш. Цифран тӓнгӓ наличный дӓ наличный агыл оксан айыртемӓлтшӹ пӓлӹвлӓштӹм иктӹш уша[1].

Истори

Криптовалюта (руш) (мар. виӓнгмӹ жепӹн 2017 ин октябрьын правительствӹн «криптотӓнгӓм» ӹштӹмӹм ӹлӹмӓшкӹ пыртымы шотышты постановленин проектшӹм йӓмдӹлӹмӹ[2].

Международный расчётвлӓн банкын (руш) (мар. ӓклӹмӹжӹ доно, 2020 иэш цилӓ ӹрдӹ банк логӹц 80 %-шӹ ӹшке цифран валютыштым йӓмдӹлӹмӹ пӓшӓм ӹштенӹт[3].

2020 ин октябрьын РФ ӸБ цифран тӓнгӓм (Ӹрдӹ Банкын цифран валютыжым, ӸБЦВ) ӹштӹмӹ гишӓн докладым лыктын[4]. Ӹрдӹ банкын цифран валютыжы криптовалюта ак ли, малан манаш гӹнь тӹдӹм Россий Банк цилӓлӓн ситӹшӹн лыкташ тӹнгӓлеш, тидӹжӹ расчётвлӓ шотышты лӱдӹшдӹмӹлык гарант лиэш манын пӓлемденӹт. Цифран тӓнгӓн единицӹвлӓжӹ ӹшке статян цифран код доно пӓлемдӓлтӓш тӹнгӓлӹт. ӸБЦВ наличный агыл дӓ наличный оксан функциштӹм иктӹш ушышалык — тӹдӹн доно дистанционнат, офлайн-кармак гачат тӱлӓш йӧн лиэш; Цифран тӓнгӓ наличный дӓ наличный агыл оксаш 1:1 курс доно вашталташ тӹнгӓлеш. Докладышты ӸБЦВ кычылтмын 4 лин кердшӹ модельжӹм анжыктымы, нӹнӹ кӱ, кыце дӓ кӱлӓн кармакшым пачеш дӓ расчётвлӓм ӹштӓ — тидӹн гӹцӹн шалгат. Тӹнӓмок президентӹн пресс-секретарьжы Дмитрий Песков (руш) (мар. цифран тӓнгӓм пыртымы жеп 3-7 и жепеш шыпшылт кердеш манын ӓклен[5].

2021 ин апрельӹн РФ ӸБ проектӹн махань стадиштӹ ылмыжы гишӓн отчётым ӹштен. Россий Банк финансовый институтвлӓлӓн кармаквлӓм пачеш дӓ видӓ, нӹнӹжӹ клиентвлӓлӓн кармаквлӓм пачыт дӓ видӓт модельӹм айырен нӓлмӹ. План семӹнь 2021 и пӹтӹмӓшеш вес ин цифран тӓнгӓм тергӹмӹ платформым ӹштӓш шанен пиштӹмӹ ылын[6].

2021 ин ӸБ 2022 ин январьын цифран тӓнгӓм тергӹмӓштӹ участвуйышы 12 банкым пӓлемден: Ак Барс Банк, Альфа-Банк, ДОМ.РФ Банк, ВТБ Банк, Газпромбанк, Тинькофф Банк, Промсвязьбанк, Росбанк, Сбербанк, СКБ-Банк, СОЮЗ Банк, ТКБ банк[7]. 2022 ин 19 январьын тергӹмӓш тӹнгӓлӹн[8]. 2022 ин 15 февральын Россий Банк дӓ рынкын участниквлӓжӹ цифран тӓнгӓ платформым тергӓш тӹнгӓлӹнӹт дӓ гражданвлӓ лошты пӹтӓришӹ цифран тӓнгӓм ваштымашвлӓм яжон эртӓренӹт, пакылажы тӹдӹн палшымыжы доно хӓдӹр дон услугывлӓ гишӓн тӱлӹмӓшвлӓм терген анжаш пӓлемдӓт[9][10].

2022 ин 21 апрельӹн РФ ӸБ вуйлатышы Эльвира Набиуллина Кугижӓншӹ Думышты отчёт годым увертӓрен: сӓндӓлӹк кӧргӹштӹшӹ дӓ международный расчётвлӓн пилотный операцивлӓм изирӓк объём доно 2023 и гӹц эртӓрӓш тӹнгӓлӹт: «Вес ин изин-олен лачокшы экономикӹштӹ цифран тӓнгӓ доно пилотный расчётвлӓм ӹштӓш тӹнгӓлӹнӓ. Цифран тӓнгӓ расчётвлӓм шулдештӓрӹшӓшлык. Мӓ шаненӓ, тӹдӹ международный расчётвлӓштӓт кычылталташ тӹнгӓлеш»[11].

2023 ин 16 мартын цифран тӓнгӓ гишӓн законопроект Кугижӓншӹ Думышты пӹтӓришӹ лыдмашым эртен[12]. 2023 ин 20 июньын РФ Кугижӓншӹ Дума цифран валютым договор, собственность дӓ наследовани объект семӹнь ужшы законопроектӹм ярыктен[13], а 11 июльын кокшы дӓ кымшы лыдмашвлӓштӹ цифран тӓнгӓм ӹлӹмӓшкӹ пыртымы гишӓн законым лыктын[14].

2023 ин 24 июльын Россий президент Владимир Путин цифран тӓнгӓм ӹлӹмӓшкӹ пыртымы дӓ тидӹлӓн керӓл платформым ӹштӹмӹ гишӓн законым подписӓйен. Законын тӹнг положенивлӓжӹ 2023 ин 1 августын вим нӓлӹнӹт[15]. Тидӹ ӸБ-лан цифран тӓнгӓ доно пилотный проектӹм тӹнгӓлӓшӹжӹ палшен, тӹштӹ 13 банкын икманяр клиентшӹ участвуен[16].

2023 ин 3 августын Россий Банк цифран тӓнгӓн логотипшӹм ярыктен[17] дӓ видеом лыктын[18].

2023 ин 15 август гӹц цифран тӓнгӓм лачокшы операцивлӓштӹ тергӓт[19].

2024 ин 17 июльын Владимир Путин цифран тӓнгӓм кычылтмы пилотный проектӹштӹ 11 хала гӹц 12 банк, 600 эдем, 22 выжалымы-сервисӓн предприяти участвуен манын увертӓрен. 2024 и июлеш данныйвлӓ семӹнь, цифран тӓнгӓ палшымы доно 27 тӹжем утла ваштымашым ӹштӹмӹ, тенгеок хӓдӹр дон услугывлӓлӓн шӹм тӹжем утла гӓнӓ тӱлӹмӹ. Седӹндоно Россий президент цифран тӓнгӓм кычылтмы сферӹм кымдаэмдӓш шӱден[20].

2025 ин 28 январьын Россий Банкын Минфин дӓ Казначейство доно иквӓреш цифран тӓнгӓм пӹтӓришӹ гӓнӓ бюджет процессӹштӹ тергӹмӹштӹ гишӓн пӓлӹ лин. Цифран тӓнгӓм кымдан 2025 ин 1 июльын колташ пӓлемдӹмӹ, дӓ Россий Банк ти жепеш система шотышты сек керӓл кредит организацивлӓ йӓмдӹ лит манын ӹняндӓрӓ[21].

2025 ин 4 февральын Россий Банк мессенджер дон социальный сетьвлӓштӹ цифран тӓнгӓ гишӓн алталымашвлӓн шӓрлӹмӹм цаклен. Регулятор пӓлемден: техень колтылмашвлӓн тӹнг цельӹштӹ — паникым тӓрвӓтӓш дӓ оксан у формыжы докы ӹнянӹдӹмӓшӹм лыкташ, тӹгодым цифран тӓнгӓш ви доно ваштат манын ӹняндӓренӹт. ӸБ ти шаям шӧрен, тенгеок цифран тӓнгӓ наличный дӓ наличный агыл сага ситӓртӹш семӹнь лӓктӓш тӹнгӓлеш, а тӹдӹм кычылташ ӓли агыл эдем ӹшкеок айыра лиэш манын пӓлемден[22].

2025 ин февральын ӸБ план семӹнь 2025 и 1 июльын цифран тӓнгӓм кымдан шӓрӹмӹм вараракеш ваштен[23].

2025 ин 11 апрельӹн Ӹрдӹ Банк мошенниквлӓн алталымы у йӧн гишӓн шижтӓрен: нӹнӹ лачокшы агыл интернет-сайтвлӓм ӹштӓт дӓ ылдымы цифран тӓнгӓ программыш пиштӹмӹ ӓмӓл доно гражданвлӓ гӹц оксаштым алтален лыктыт[24].

2025 ин 30 июньын ӸБ 2023 ин 15 августын тӹнгӓлшӹ цифран тӓнгӓм тергӹмӓшӹжӹн пӹтӓришӹ иктешлӹмӓшӹжӹм ӹштен. 2025 и май мычашеш цифран тӓнгӓ платформын участниквлӓжӹ — ӸБ тӹдӹн операторжы ылеш — 63 тӹжем утла оксам ваштымашым, 13 тӹжем нӓрӹ гӓнӓ хӓдӹр дон услуга гишӓн тӱлӹмӓшӹм, 17 тӹжем утла смарт-контрактым ӹштӹмӹ гишӓн регуляторын отчётыштыжы попалтеш. Платформышты физический дӓ юридический лицӓвлӓн 2500 нӓрӹ кармакым пачмы — операцивлӓм 150 утла ӹлӹмӹ вӓр гӹц 15 банкын клиентвлӓштӹ ӹштен кердӹт[25].

2025 ин 15 июльын РФ Кугижӓншӹ Дума кымшы лыдмашышты цифран тӓнгӓм кычылтмашым этап доно ӹлӹмӓшкӹ пыртымы гишӓн, тенгеок хӓдӹр дон услуга гишӓн тӱлӓш пасна QR код гишӓн законым лыктын. 2026 и 1 сентябрь гӹц банквлӓ клиентвлӓлӓн операцивлӓм ӹштӓш йӧнӹм пушашлык ылыт. Ик иштӹ 5 миллион гӹц чӹдӹрӓк выручкан пӹркӓшӹквлӓ цифран тӓнгӓм нӓлшӓшлык агылеп[26]. У закон семӹнь, 2026 и гӹц цифран тӓнгӓм федеральный бюджет гӹц хоть-махань тӱлӹмӓшлӓн кычылташ лиэш. Тидӹ пенси, пособи, стипенди дӓ бюджетниквлӓн пӓшӓдӓр.

Цифран тӓнгӓн логотипшӹ

Цифран тӓнгӓн пӹтӓришӹ логотипшӹ крӱгӓштӹ тӓнгӓн знакшы ылын, кӹртни окса форман дӓ РФ ӸБ-ын логотипшӹм ӓшӹндӓрӹктен, логотипӹм Ӹрдӹ Банк 2023 ин 3 августын лӹмӹн снимайымы видеошты дӓ сайтышты лыктын[18][27][28].

Ӓклӹмӓш

Экспертвлӓ цифран тӓнгӓн тӹнг яжо айыртемешӹжӹ оксан законан агыл каштмыжы доно кредӓлмӓш куштылгеммӹм шотлат, малан манаш гӹнь транзакцивлӓ шотышты цилӓ увер Россий Банкышты перегӓлтӓш тӹнгӓлеш; нӹнӹн кышты ылмыштым пӓлӓш манын, банковский ваштымашвлӓн цепошкан каждый банк-ежӹнг гӹцӹнок ядышташ ӹнде ак кел лиэш[29].

РФ Финанс министерствӹн вуйлатышыжы Антон Силуанов цифран тӓнгӓн анзыкылашыжы улы манын. Тӹдӹн ӹнян ылмыжым министр валютын эмитентшӹ Ӹрдӹ Банк ылмы доно ынгылдарен. Силуановын шанымыжы семӹнь, бюджетлӓн проект «вашт кайшы» ылмыжы доно ынгай лиэш[30].

«Яков дӓ партнёрвлӓ» (молнамшы MCKinsey) компанин экспертвлӓжӹн иктешлӹмӓшӹштӹ семӹнь, цифран халык валютым пыртымы доно бизнес дон банквлӓн цымыр пайдашты и йӹде 328 млрд тӓнгӓ якте — сек анзыцынок эквайринг операцивлӓэш экономи гишӓн — лин кердеш[31].

Критика

«Сбербанк» докладым критикуен, оксан цифран тӓнгӓш ванжымым 2-4 триллион тӓнгӓэш ӓклен, а тидӹн гишӓн кредит ставкывлӓ кушкын кердӹт. Тӹ жепӹн цилӓ банк гӹц пелӹ нӓрӹжӹ цифран тӓнгӓм ӹштӹмӹм такешеш шотленӹт[32]. Тенгеок «Сбербанк» валютын у формыжын худа киберустойчивостьшы шотышты лин кердшӹ рисквлӓ доно шижтӓрен. Банк правленин председательӹн вашталтышыжы Станислав Кузнецовын шанымыжы семӹнь, тӹдӹм лӱктӓлӓш манын, ӹшке статян системӹм ӹштӹмӹлӓ, тидӹлӓн 20-25 млрд тӓнгӓ кеӓ[33].

«Сколково-РЭШ» центрӹштӹ яжо монгыр доно иквӓреш пӓлемденӹт: цифран тӓнгӓм пыртымы доно ӸБ финансовый услуга рынкыш пыртымы лин кердеш. Тидӹ ирӹкӓн ылмы статусым дӓ регулируйышы функци шотышты ӹнянӹм ямдымашкы канден кердеш[34].

Макроэкономический ланзылымаш дӓ кӹтӹк жепеш прогнозым ӹштӹшӹ центрӹн экспертвлӓжӹ цифран тӓнгӓ банквлӓн ликвидностьыштым ямден кердмӓшкӹ шоктен кердеш манын шижтӓрӓт. 2024 и пӹтӹмӓшеш физический дӓ юридический лицӓвлӓн счётышты гӹц 9 трлн тӓнгӓ гӹц чӹдӹ агыл окса лӓктӹн кемӹ лӱдӹш улы[34].

Цифран тӓнгӓм пыртымашын рискшӹ.

ӸБЦВ-ым (CBDC) пыртымаш техень рисквлӓ доно кӹдӓлтӹн — РФ-н финансовый системӹжӹм монополиш нӓлмӓш, гражданвлӓлӓн, организацивлӓлӓн дӓ кугижӓншӹ, муниципальный учрежденивлӓлӓн оксам колтылмы ядмашышты лимитӹм ӹштӓш цацымаш, тенгеок оксам ӹшке тӹнг пӓшӓжӹ гӹц — погымаш гӹц — карангден кердмӓш. Цифран тӓнгӓм пыртымын ик лӱдӹшӹжӹ — утыждон тӹшлен шокташ цацымаш[35].

Примечани

  1. ↑ Цифровой рубль | Банк России. cbr.ru. Тергӹмӹ кечӹ: 26 августын 2025.
  2. ↑ Цифровой суверенитет. Зачем правительству понадобился крипторубль(неопр.). Forbes.ru. Тергӹмӹ кечӹ: 26 августын 2025.
  3. ↑ Кисаров И. В. О переходе к цифровому рублю // Вестник Тверского государственного университета.Серия: Экономика и управление. — 2021. — № 1 (53). — С. 198—208.
  4. ↑ Доклад ЦБ РФ от 13 октября 2020. cbr.ru. Тергӹмӹ кечӹ: 26 августын 2025.
  5. ↑ Вершинина О. В., Лабушева Я. Г., Султаниев И. С. Анализ возможностей и рисков введения в обращение цифровых валют центральных банков на примере «цифрового рубля» // Вестник Российского нового университета. Серия: Человек и общество.. — 2021. — № 1. — С. 51—60.
  6. ↑ ЦБ наполнит кошельки цифровыми рублями (руш.). Коммерсантъ (8 апрельӹн 2021). Тергӹмӹ кечӹ: 26 августын 2025.
  7. ↑ ЦБ выбрал 12 банков для тестирования цифрового рубля(неопр.). Forbes.ru. Тергӹмӹ кечӹ: 26 августын 2025.
  8. ↑ Некоторые российские банки уже тестируют платежи между физлицами с цифровым рублем - ТАСС, TACC. Дата обращения: 26 августын 2025.
  9. ↑ Цифровой рубль: старт тестирования | Банк России. www.cbr.ru. Тергӹмӹ кечӹ: 26 августын 2025.
  10. ↑ В пилотном режиме: в России начались первые испытания цифрового рубля(неопр.). RT на русском. Тергӹмӹ кечӹ: 26 августын 2025.
  11. ↑ С 2023 года в России планируют начать расчёты в цифровых рублях (руш.). ИА REGNUM (21 апрельӹн 2022). Тергӹмӹ кечӹ: 26 августын 2025.
  12. ↑ Госдума приняла в первом чтении законопроект о цифровом рубле (руш.). РБК (16 мартын 2023). Тергӹмӹ кечӹ: 26 августын 2025.
  13. ↑ Анастасия Кузмичева. Госдума одобрила законопроект о наследовании цифрового рубля. РБК (21 июньын 2023). Тергӹмӹ кечӹ: 26 августын 2025.
  14. ↑ Госдума приняла закон о внедрении цифрового рубля. ТАСС (11 июльын 2023). Тергӹмӹ кечӹ: 26 августын 2025.
  15. ↑ Путин подписал закон о внедрении цифрового рубля. ТАСС (24 июльын 2023). Тергӹмӹ кечӹ: 26 августын 2025.
  16. ↑ ЦБ РФ начнет пилот с реальными цифровыми рублями после появления законодательной базы (руш.). Interfax.
  17. ↑ ЦБ утвердил логотип цифрового рубля. ТАСС (3 августын 2023). Тергӹмӹ кечӹ: 26 августын 2025.
  18. ↑ 1 2 Банк России. У цифрового рубля появился логотип. rutube.ru (3 августын 2023). Тергӹмӹ кечӹ: 26 августын 2025.
  19. ↑ ЦБ РФ: о появлении цифрового рубля не знают более 30% опрошенных россиян. Эксперт (журнал) (19 июньын 2024). Тергӹмӹ кечӹ: 26 августын 2025.
  20. ↑ Путин поручил перейти к широкому внедрению цифрового рубля. РИА "Новости" (24 июльын 2024). Тергӹмӹ кечӹ: 26 августын 2025.
  21. ↑ ЦБ и Минфин провели первые тесты цифрового рубля в бюджетном процессе, РБК. Дата обращения: 26 августын 2025.
  22. ↑ ЦБ зафиксировал всплеск мифов о цифровом рубле в мессенджерах и соцсетях, РБК. Дата обращения: 26 августын 2025.
  23. ↑ ЦБ отложил массовое внедрение цифрового рубля, РБК (15 августын 2025). Дата обращения: 26 августын 2025.
  24. ↑ ЦБ предупредил о схеме похищения денег через ложные инвестиции в цифровой рубль, Известия (11 апрельӹн 2025). Дата обращения: 26 августын 2025.
  25. ↑ Банк России подвел первые итоги пилотирования цифрового рубля, Ведомости (30 июньын 2025). Дата обращения: 26 августын 2025.
  26. ↑ Госдума утвердила внедрение цифрового рубля, Коммерсантъ (15 июльын 2025). Дата обращения: 26 августын 2025.
  27. ↑ Фирменный стиль | Банк России. www.cbr.ru. Тергӹмӹ кечӹ: 26 августын 2025.
  28. ↑ ЦБ утвердил логотип цифрового рубля (руш.). Ведомости (3 августын 2023). Тергӹмӹ кечӹ: 26 августын 2025.
  29. ↑ Каменская К. В. К вопросу введения Цифрового рубля как инструмента противодействия экономическим и финансовым нарушениям // Инновации. Наука. Образование.. — 2021. — № 25. — С. 77—84.
  30. ↑ Министр финансов России Силуанов назвал создание цифрового рубля перспективным (руш.). газета.ru (6 февральын 2023). Тергӹмӹ кечӹ: 26 августын 2025.
  31. ↑ Инновационный кошелек. Эксперт (14 февральын 2024). Тергӹмӹ кечӹ: 26 августын 2025.
  32. ↑ Что не так с цифровым рублём: Сбер предупредил о рисках новой валюты (руш.). Вести.ру (15 декабрьын 2020). Тергӹмӹ кечӹ: 26 августын 2025.
  33. ↑ Сбербанк оценил, во сколько обойдётся устойчивость цифрового рубля (руш.). РБК (3 декабрьын 2020). Тергӹмӹ кечӹ: 26 августын 2025.
  34. ↑ 1 2 «Полный цикл операций». В России испытали цифровой рубль (руш.). газета.ru (15 февральын 2022). Тергӹмӹ кечӹ: 26 августын 2025.
  35. ↑ Четыре главные опасности цифрового рубля, Ведомости. Дата обращения: 26 августын 2025.

Литература

  • Вершинина О. В., Лабушева Я. Г., Султаниев И. С. Анализ возможностей и рисков введения в обращение цифровых валют центральных банков на примере «цифрового рубля» // Вестник Российского нового университета. Серия: Человек и общество. № 1. — 2021. — С. 51—60.
  • Каменская К. В. К вопросу введения Цифрового рубля как инструмента противодействия экономическим и финансовым нарушениям // Инновации. Наука. Образование. № 25. — 2021. — С. 77—84.
  • Кисаров И. В. О переходе к цифровому рублю // Вестник Тверского государственного университета. Серия: Экономика и управление. № 1 (53). — 2021. — С. 198—208.

Ссылкывлӓ

«https://mrj.ruwiki.ru/w/index.php?title=Цифран_тӓнгӓ&oldid=314899» гӹц нӓлмӹ