Федин, Михаил Александрович

Михаил Александрович Федин
Михаил Александрович Федин
Шачмы кечӹ	22 сентябрь 1920
Шачмы вӓр	Базяково[d], Спасский кантон[d];
Колымы кечӹ	19 июль 1948 (27 и)
Колымы вӓр	Волжск[d], Мары АССР[d], РСФСР[d], СССР[d];
Пырымаш	СССР
Войскан йиш	ВДВ
Служымы жеп	1940—1945
Звани
Командуен	отделени доно
Кредӓлмӓш/вырсы	Кого Ӓтямӱлӓндӹ вырсы;
	Медиафайлы на РУВИКИ.Медиа

Михаил Александрович Федин (1920 и 22 сентябрь, Базяково, Тадар АССР — 1948 и 19 июль, Волжск, Мары АССР) — 7-шӹ гвардейский воздушный-десантный полкын отделенижӹн командиржӹ, гварди сержант. Советский Союзын Геройжы.

Ӹлӹмӓш корныжы

1920 ин 22 сентябрьын Базяково солашты (кӹзӹт Татарстан Республикӹн Алексеевский районжы). Тӹнгӓлтӹш сола школышты, вара Азан халаштышы 15-шӹ №-ӓн кӹдӓлӓш школышты тыменьӹн.1935 ин 7 классым тымень пӹтӓрен. Казанский машинно-тракторный мастерскойышты пӓшӓм ӹштен. 1937 ин Лопатино посёлкыш ванжен, «Марбумкомбинатым» стройымашты пӓшӓм ӹштен.

1940 ин Якшар Армиш кен. Мӹндӹр Ирвелнӹ, Тихоокеанский флотын торпедный катервлӓштӹжӹ служен. Тӹшток Кого Ӓтямӱлӓндӹ вырсы тӹнгӓлмӹм вӓшлин. Фронтышты 1943 и февраль гӹц. Пӹтӓри разведкӹштӹ ылын, вара пулемётчикеш шагалын.

Курский дуга кредӓлмӓштӹ участвуен. Зиновьевка сола верц кредӓлмӓштӹ икманяр командирӹн строй гӹц лӓкмӹкӹштӹ, тӹдӹ улы батальоным атакыш лӱктӓлӹн. Конотоп хала сага кредӓлмӹ годым сержант Михаил Фединӹм пулемёт отделенин командирешӹжӹ шагалтенӹт. Будёновка сола сагашы контратакым цӓктӓрӹмӓштӹ тӹдӹн командованижӹ семӹнь пулемётчиквлӓн перегӹмӹ флангыш тышманын тӹнг силажы шынгалтын. Цилӓ расчёт ганьок колен пӹтен. Кок гӓнӓ шушыргымыкы, ӹшкежӹ колышы тӓнгвлӓжӹм вашталтен, пулемёт сага вазын дӓ атакым цӓктӓрӹмешкӹ тылым виктӓрен. Днепрӹм форсируйымы годым пасна айыртемӓлтӹн.

Ӹшке отделенижӹ доно иквӓреш Днепрӹн вургымла сирӹшкӹжӹ сек анзыц ванжен. Пулемётчиквлӓ тӧрӧк кредӓлмӓшкӹ пижӹнӹт дӓ изи плацдармым роалтен нӓлӹнӹт. 1943 ин 8 октябрьын Медвин сола доны взвод доно командуен. Тышманын кӓндӓкш контратакыжым цӓктӓрен, тӹдӹлӓн кого эксӹкӹм канден. Пулемётвлӓн юкышты шӹплӓнӹмӹкӹ, гранатывлӓ ходыш кенӹт, гвардеецвлӓ контратакывлӓшкӹ, кид доно шиэдӓлмӓшкӹ ванженӹт. Сержант шушырген, но кредӓлмӓшӹм пакыла вуйлатен. Взвод ӹшке позицижӹм кечӹгыт переген, а йыдым десантниквлӓ лӱдде эче икманяр шӱдӹ метреш немецвлӓм цӓктӓренӹт. Лӱдӹш эртӹмӹкӹ дӓ палшык толын шомыкы, тӹдӹм госпитальыш колтенӹт.

Днепрӹм форсироваништӹ дӓ плацдармым вургымла сирӹштӹ кычымы годым патырлыкым дӓ героизмӹм анжыктымыжы гишӓн Советский Союзын Геройжы лӹмӹм пуаш представляйӹмӹ. СССР-ӹн Верховный Советшӹн Президиумжын 1944 иӓш 10 январяш «Якшар Армин генерал, офицер, сержант дӓ рядовой составшылан Советский Союзын Геройжы лӹмӹм пумы гишӓн» указшы семӹнь «шынгалтшы немец-фашиствлӓ доно кредӓлмӹ фронтышты командованин шӱдӹмӹжӹм пиш яжон ӹштӹмӹжӹ гишӓн дӓ тидӹн годым лӱддӹмӓш дон патырлыкым анжыктымы гишӓн» Советский Союзын Геройжы лӹмӹм пумы, Ленин орден дон «Шӧртньӹ Шӹдӹр» медальым кычыктымы^[1].

Вырсы паштек демобилизуенӹт. Волжск халашты ӹлен, кӹрпӹц заводышты директор ылын. 1948 ин 19 июльын колен.

Ленин орден, медальвлӓ доно пӓлемдӓлтӹн.

Геройын лӹмжӹ доно Волжскышты ӧлицӓм лӹмдӹмӹ, хала паркышты бюстым шагалтымы.

Литература

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Золотые Звёзды тихоокеанцев. — Владивосток, 1982.
Федин Михаил Александрович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 780. — 872 с. — 3505 экз. — ISBN 978-5-94950-049-1.
Федин Михаил Александрович // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 258—259. — 374 с. — 500 экз. — ISBN 978-5-94950-070-5.
Гуров А., Климов А. В., Мочаев В. А. Федин Михаил Александрович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 459. — 606 с. — 1500 экз. — ISBN 978-5-905314-35-3.

Примечани

↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 январьын (№ 3 (263)). — С. 1. Архивировано 7 декабрьын 2021 года.

Ссылкывлӓ

Федин Михаил Александрович (руш.). Сайт «Герои страны». Тергӹмӹ кечӹ: 3 июльын 2014.

[1] Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 январьын (№ 3 (263)). — С. 1. Архивировано 7 декабрьын 2021 года.

[1]