Тверитинов, Дмитрий Иванович
| Дмитрий Иванович Тверитинов | |||||||
|---|---|---|---|---|---|---|---|
 | |||||||
| Шачмы кечӹ | 1923 и 7 ноябрь | ||||||
| Шачмы вӓр | Руш Мосара сола, Мари-Турек район, Мары Эл | ||||||
| Колымы кечӹ | 1953 и | ||||||
| Колымы вӓр | Тверь | ||||||
| Пырымаш |
 СССР |
||||||
| Войскан йиш | пехота | ||||||
| Служымы жеп | 1942—1947 | ||||||
| Звани |
 |
||||||
| Кредӓлмӓш/вырсы | Кого Ӓтямӱлӓндӹ вырсы | ||||||
| Награда дӓ преми |
|
||||||
Дмитрий Иванович Тверитинов — (1923 и 7 ноябрь — 1953 и 2 октябрь) Советский Армин капитанжы, Кого Ӓтямӱлӓндӹ вырсын салтакшы, Советский Союзын Геройжы (1945).
Ӹлӹмӓш корныжы
Дмитрий Твертинов Руш Мосара солаэш 1923 ин 7 ноябрьын (кӹзӹт Мари-Турек район) хресӓнь семняэш шачын. Шӹм классым тымень пӹтӓрӹмӹкӹжӹ, колхозышты пӓшӓм ӹштен. 1942 ин ноябрьын Тверитиновым Пӓшӓзӹ-хресӓнь Якшар Армиш службыш нӓлӹнӹт, служба Приволжский округын 9-шӹ пасна ечӹ бригадыштыжы эртен. 1943 ин январь гӹц — Кого Ӓтямӱлӓндӹ вырсышты. Брянский, Центральный, Белорусский, 1-шӹ, 2-шы, 3-шы Белорусский фронтвлӓштӹжӹ кредӓлӹн. 1943 ин изирӓк командирский составын курсыштыжы тыменьӹн, изирӓк лейтенант лӹмӹм нӓлӹн. Кредӓлмӓштӹ куд гӓнӓ шушырген дӓ контужалтын[1]. Малоархангельск, Гомель халавлӓм ытарымашты, Белорусский дон Ирвел-Пруссиштӹшӹ операцивлӓштӹ участвуен.
1944 ин сентябреш изирӓк лейтенант Дмитрий Тверитинов 1-шӹ Белорусский фронтыштышы 48-шӹ армин 399-шӹ стрелковый дивизин 1343-шы стрелковый полкын ротыжы доно командуен. Польшым ытарымашты паснаок айыртемӓлтӹн. 1944 ин 3 сентябрьын Твертиновын ротыжы Рынек сола кымдемӹштӹ немецвлӓн шалгымы вӓрӹм йӹр сӓрнӓлӹн, тышман вӹкӹ шынгалтын, нӹнӹлӓн кого эксӹкӹм ӹштӹмӹжӹ доно обороным кӹрмӓштӹ сӹнгӓш йӧнӹм ӹштен. 1944 ин 4 сентябрьын Тверитинов тышманын кого тылжым анжыде, ӹшке ротыжы доно сек анзыц Нарев ӓнгӹрӹм форсируен, плацдармым нӓлӹн дӓ тӹштӹ ӹнянӹн вӓрлӓнен. Тышманын цӓктӓрӓш цацымыжым кычышылажы тӹдӹн ылшы силажым дӓ техникӹжӹм ик ротын силажы доно веле пӹтӓрӹшӹлӓ, Тверитинов вес стрелковый подразделенивлӓлӓн ванжаш палшен, а вара вадывел сиреш плацдармым кымдаэмдӹмӹ верц кредӓлмӓштӹ пыт кредӓлӹн[1].
СССР-ӹн Верховный Советшӹн Президиумын 1945 ин 24 мартын лыкмы указшы доно «немецкий захватчиквлӓ доно кредӓлмӹ фронтышты командованин боевой задани яжон ӹштӹмӹжӹ дӓ тидӹн годым патырлыкым дӓ лӱддӹмӓшӹм анжыктымыжы гишӓн» изирӓк лейтенант Дмитрий Тверитинов Советский Союзын Геройжы лӹмӹм сылен нӓлӹн, Ленин орден дон 6112 номерӓн «Шӧртньӹ Шӹдӹр» медальым кычыктымы[1].
Сӹнгӹмӓш Парадышты ылын. Вырсы паштек Прибалтийский военный округын 83-шы дӓ 5-шӹ стрелковый дивизивлӓштӹ ротын командиржӹ ылын. 1947 ин Тверитинов капитан лӹм доно запасыш кен. Калининградский областьыштышы Гвардейский районын Знаменск посёлкыштыжы ӹлен дӓ пӓшӓм ӹштен. Знаменский пумага фабрикӹштӹ шофёрлан пӓшӓм ӓштен. 1953 ин роднявлӓжӹ докы Калининӹш кемӹжӹ годым аппендицит гӹц трӱк колен. Тверьӹштӹ Первомайский шӹгерлӓштӹ таенӹт[1][2].
Наградывлӓ
Тенгеок Якшар Знамя дӓ Якшар Шӹдӹр орденвлӓ, икманяр медаль доно пӓлемдӓлтӹн[1].
Ӓшӹндӓрӹмӓш
Мари-Турек районын Хлебниково солашты ӧлицӓ дон школлан Тверитиновын лӹмжӹм пуэнӹт[1].
Примечани
- ↑ 1 2 3 4 5 6 Дмитрий Иванович Тверитинов (руш.). Сайт «Герои страны».
- ↑ Первыми атаковав врага, младший лейтенант Дмитрий Тверитинов и его товарищи помогли своему полку быстро захватить немецкие траншеи, укрепленные проволочным заграждением и минным полем. www.marpravda.ru. Тергӹмӹ кечӹ: 11 апрельӹн 2020. Архивируйымы 11 апрельӹн 2020 года.
Литература
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Ссылкывлӓ
- Дмитрий Иванович Тверитинов (руш.). Сайт «Герои страны».
Ти статьяш РУВИКИ-н вес статьявлӓжӹ ак колтеп. |
.svg){kind=link}