Сӹнгӹмӓшӹн жеп
| Сӹнгӹмӓшӹн жеп | |
|---|---|
 | |
| фестиваль[d] | |
| Эртӓрӓш тӹнгӓлмӹ | 2019 |
| Вӓрлӓнӹмӓш | |
| Эртӓрӹмӹ вӓр | |
| Сӓндӓлӹк | |
| Сайт | времяпобеды.рф |
Сӹнгӹмӓшӹн жеп — Кого Ӓтямӱлӓндӹ вырсышты совет халыкын подвигшӹм ӓштӹмӹ лӹмеш эртӓрӓлтшӹ международный фестиваль-конкурс. 2019 и гӹц Москвашты эртӓрӓлтеш. Тӹнг номинацивлӓ: мырен мыштымаш, куштен мыштымаш дӓ театр искусство[1].
Истори
Фестивальым 2019 ин Кого Ӓтямӱлӓндӹ вырсы гишӓн искусство гач соок ӓшӹндӓрӓш манын эртӓрӓш тӹнгӓлӹнӹт. Тӹнг шанымашыжы — совет халыкын подвигшӹ гишӓн ӓшӹндӓрӹктӹшӹ дӓ сӓмӹрӹк йыхын патриот кымылым лыкшы творческий проектвлӓлӓн палшен шалгаш. Фестиваль и йӹде Москвашты эртӓрӓлтеш[1].
2023 ин Президентӹн кульурный инициативӹвлӓн фондшы фестивальлан грант палшыкым пуэн, тидӹ у участниквлӓм ӱжӓш дӓ конкурс мероприятивлӓн качествыштым лӱктӓлӓш палшен[2].
Эртӓрӹмӓш
«Сӹнгӹмӓшӹн жеп» фестиваль кок этап доно эртӓрӓлтеш: заочный айырымы тур дӓ ӹшке толын участвуйымы финал тур. Конкурсышты кым тӹнг номинаци улы:
- Мырен мыштымаш: вырсы дӓ Сӹнгӹмӓш гишӓн мырывлӓм мырымаш, тенгеок Александра Пахмутова ӓль Марк Фрадкин гань совет композиторвлӓнӹмӓт.
- Куштен мыштымаш: Кого Ӓтямӱлӓндӹ вырсын лиӓлтмӓшвлӓм анжыктышы куштымы постановкывлӓ, халык куштымаш дӓ кӹзӹтшӹ жепӓш куштымашвлӓ.
- Театр искусство: истори гӹц ӓли сӹлнӹшая гӹц нӓлмӹ военный тематикӓн драматический сценкывлӓ ӓль постановкывлӓ, шамак толшеш, Константин Симоновын произведенивлӓжӹ семӹнь.
Айырымы тур 29 март гӹц 25 апрель якте онлайн йӧн палшымы доно эртӓрӓлтеш. Участниквлӓ официальный сайт гач заявкывлӓм, тенгеок ӹшке номерӹштӹн видеовлӓм колтат. Финал этап май тӹнгӓлтӹшӹн Москвашты эртӓрӓлтеш, шӹренжок Сӹнгӹмӓш Кечӹ анзыц.
Фестивальым эртӓрӹшӹвлӓ — Музыкан культурым дӓ искусствым поддерживайышы дӓ виӓнгдӹшӹ пропаганда бюро, ООО «Медиа Шӹдӹр», тенгеок Валентина дӓ Тамара Кудиновавлӓ лӹмӓн «Шӱмӹн географижӹ» Благотворительный фонд[1][3].
Фестиваль сакой иӓшӓн участниквлӓм уша. Жюриштӹ ылшы культура деятельвлӓ выступленивлӓм художественный выразительностьын критеривлӓ доно ӓклӓт.
Финал этап майын пӹтӓришӹ кечӹвлӓн Москвашты эртӓрӓлтеш[1]. Айырен нӓлмӹ участниквлӓ жюри дон анжышывлӓ анзылны кым номинаци логӹц иктӓжӹштӹжӹ мыштымыштым анжыктат[4].
Фестиваль гала-концерт доно пӹтӓ, тӹштӹ лауреатвлӓ дӓ хына семӹнь ӱжмӹ артиствлӓ мырат дӓ куштат. Концертӹштӹ сӹнгӹшӹвлӓлӓн призвлӓм, дипломвлӓм дӓ ӓшӹндӓрӹктӹшӹ наградывлӓм кычыктат[1].
Фестивальышты тенгеок тымдымы мероприятивлӓ эртӓрӓлтӹт, шамак толшеш, искусствын лӹмлӹ деятельвлӓ мастер-классвлӓм эртӓрӓт[5].
Фестиваль-конкурсышкы ушнымаш
Фестивальышты ӹшкӹмӹм тергӓш манын, официальный сайт гач заявкым колтымыла. Заявкышкы анкета дӓ Кого Ӓтямӱлӓндӹ вырсы темеш выступленин видео пырат. Фестивальым эртӓрӹшӹвлӓ заявкывлӓм кок кечӹ жепӹштӹ анжат дӓ участниквлӓ доно кӹлӹш лӓктыт[1][6].
Фестиваль сакой иӓшӓнвлӓлӓн пачмы ылеш, тӹштӹ ӹшке семӹнь тыменьшӹвлӓӓт, профессионалвлӓӓт ӹшкӹмӹштӹм терген кердӹт[7].
Примечани
- ↑ 1 2 3 4 5 6 Официальный сайт фестиваля «Время победы» (руш.). Тергӹмӹ кечӹ: 21 апрельӹн 2025.
- ↑ Президентский фонд культурных инициатив (руш.). Тергӹмӹ кечӹ: 21 апрельӹн 2025.
- ↑ Время Победы. Официальный сайт фестиваль-конкурса «Время Победы». Тергӹмӹ кечӹ: 21 апрельӹн 2025.
- ↑ Фестиваль-конкурс «Время Победы», Звезда. Дата обращения: 21 апрельӹн 2025.
- ↑ Открытый фестиваль-конкурс талантов «Время Победы» в Москве. www.art-center.ru. Тергӹмӹ кечӹ: 21 апрельӹн 2025.
- ↑ Условия и стоимость фестиваля «Время Победы». Официальный сайт фестиваля. Тергӹмӹ кечӹ: 21 апрельӹн 2025.
- ↑ Международный фестиваль-конкурс «Время Победы». Официальный сайт фестиваля. Тергӹмӹ кечӹ: 21 апрельӹн 2025.
Ссылкывлӓ
- Официальный сайт фестиваля «Время победы» (руш.). Тергӹмӹ кечӹ: 21 апрельӹн 2025.
- Президентский фонд культурных инициатив (руш.). Тергӹмӹ кечӹ: 21 апрельӹн 2025.
- Фестиваль «Время Победы»
- В Кабардино-Балкарии прошел патриотический фестиваль «Время Победы»
Ти статьяш РУВИКИ-н вес статьявлӓжӹ ак колтеп. |
.svg){kind=link}