Сыран международный кечӹжӹ
| Сыран международный кечӹжӹ | |
|---|---|
 | |
| Тип | Международный айо |
| Кечӹ | августын пӹтӓришӹ когарня |
| Овуца | Приготовление и употребление пива |
| Кӹлдӓлтӹн | Сыра доно |
 Медиафайлы на РУВИКИ.Медиа | |
Сыран международный кечӹжӹ (англ. International Beer Day) — и йӹде августын пӹтӓришӹ когарнян эртӓрӹмӹ айо. Айом барын хозажы Джесси Авшаломов (англ. Jesse Avshalomov) шанен лыктын[1], тӹдӹ айо кечеш, кӓнгӹжшӹ игечӹм дӓ вес сыра айовлӓ дорц мӹндӹрнӹрӓк ылшы датым анжен, августын тӹнгӓлтӹшӹм айырен[2].
Истори
Сыран пӹтӓришӹ кечӹжӹ 2007 ин США-штӹ, Калифорни штатышты, Санта-Круз халашты, эртен[3]. 2011 и якте тӹдӹ вӓрӹштӹшӹ фестиваль гӹц международныеш сӓрнен: 23 сӓндӓлӹкӹн 138 халашты пӓлемдӓлтӹн[4], 2012 и якте айом 5 континентӹн 50 сӓндӓлӹкӹн 207 халашты эртӓренӹт[5].
Увертӓрӹмӹ шанымашвлӓ:
- Тӓнгвлӓ доно цымыргаш дӓ сыран тотшы доно мындырланаш.
- Сырам шолтышы дӓ хыналыктышы эдемвлӓм кымылангдаш.
- Ти айом цилӓ халык доно ик кечӹн пӓлемден, мирӹм сыран знамӹжӹ доно иктӹш цымыраш[6].
Айо кечӹн эдемвлӓ иктӹ-весӹм сыра доно хыналыктат, тенгеок кечӹн «международный» кӱкшӹцшӹм анжен, ӧрдӹж культурын рецептвлӓ семӹнь шолтымы сырам йӱктӓт[1]. Тӹлец пасна, ти фестивальын айыраш лидӹмӹ лаштыкшы семӹнь у ӓли шоэн вӓшлиӓлтшӹ сырам шырен йӱн анжымаш, вады мычкы «цӓшӓн чӓс»[7], тӹрлӹ викторина дон мадмашвлӓ, утларакшы пиво-понг, шотлалтеш[8].
Географи
2013 ин Сыран международный кечӹжӹм США дорц пасна Армени, Австрали, Австри, Бельги, Бразили, Казахстан, Канада, Колумби, Коста-Рика, Сальвадор, Великобритани, Франци, Греци, Гондурас, Гонконг, Венгри, Инди, Ирланди, Израиль, Итали, Япони, Латви, Ливан, Литва, Македони, Малайзи, Мексика, Молдави, У Зеланди, Никарагуа, Норвеги, Перу, Польша, Португали, Пуэрто-Рико, Румыни, Сингапур, Словаки, Словени, ЮАР, Испани, Шри-Ланка, Швеци, Таиланд, Турци, Уганда, ОАЭ, Уругвай дӓ Венесуэла, Филиппинвлӓ, Украина, Россий дӓ Вануату эртӓренӹт[5].
Сыран кечӹн датыжы пӹтӓришӹ гӓнӓ 2007 ин эртӓрӹмӹ гӹц 2012 и якте ик кечӹн — 5 августын — пӓлемдӓлтӹн, но тӹлец вара тӹдӹ «каштын толшыш» сӓрнен, августын икшӹ когарнян толеш[9].
Тенгеок анжы
Примечани
- ↑ 1 2 Daily TWiP — International Beer Day Архивный копи от 3 ноябрьын 2014 на Wayback Machine(англ.) на сайте nashuatelegraph.com, 5 августа 2010
- ↑ Press Kit Архивировано 31 августын 2011 года.(англ.) на официальном сайте Международного дня пива
- ↑ Today is International Beer Day Архивировано 7 апрельӹн 2014 года.(англ.) на сайте myfoxla.com, 5 августа 2010
- ↑ Celebrate the golden suds on International Beer Day Friday Архивный копи от 2 августын 2019 на Wayback Machine(англ.) на сайте independent.co.uk, 4 августа 2011
- ↑ 1 2 353 Celebrations in 50 Countries, and More? Архивный копи от 27 октябрьын 2012 на Wayback Machine(англ.) на официальном сайте Международного дня пива, 2 августа 2013
- ↑ Start celebrating: It’s International Beer Day! Архивный копи от 2 августын 2019 на Wayback Machine(англ.) на сайте content.usatoday.com, 5 августа 2010
- ↑ International Beer Day Beer Walk Архивный копи от 2 августын 2019 на Wayback Machine(англ.) на сайте onmilwaukee.com
- ↑ Как праздновать День Пива: развлечения для гостей праздника Архивный копи от 1 апрельӹн 2014 на Wayback Machine(руш) на сайте kogdaprazdnik.ru
- ↑ Сообщение Архивный копи от 26 августын 2019 на Wayback Machine на официальной странице Международного дня пива в Facebook от 31 июля 2013
Ссылкывлӓ
- Официальный сайт Международного дня пива(англ.)
- Официальная страница Сыран международный кечӹжӹ в социальной сети Facebook
- Сыран международный кечӹжӹ в «Твиттере»
- Канал Международного дня пива на сайте YouTube