Рыжов, Леонид Владимирович
| Леонид Владимирович Рыжов | |
|---|---|
 | |
| Шачмы кечӹ | 9 август 1977 (49 и) |
| Шачмы вӓр | |
| Пырымаш |
 Россий |
| Войскан йиш |
 Сухопутный войска |
| Служымы жеп | 1994 г.–к. ж. |
| Звани |
 гвардин полковник |
| Часть | 8-шӹ гвардейский общевойсковой армиштӹшӹ управленин начальникшӹ |
| Кредӓлмӓш/вырсы |
Российӹн Сириштӹ военный операци Специальный военный операци |
| Награда дӓ преми |
    |
Леонид Владимирович Рыжов (шач. 9 август 1977, Цикмӓ, Мары АССР[d]) — гвардин полковник, Кечӹвӓлвел военный округын 8-шӹ гвардейский общевойсковой армин управленижӹн вуйлатышыжы. Российӹн Сириштӹ эртӓрӹмӹ операцин дӓ специальный военный операцин (СВО) участникшӹ. Луганск Халык Республикӹн, Россий Федерацин Геройжы ылеш.
Ӹлӹмӓш корныжы
Леонид Рыжов 1977 ин 9 августын Цикмӓ халашты шачын. Коготьотяжы военный, капитан ылын, Кого Отечественный вырсышты вуйжым пиштен. Ӓтя-ӓвӓжӹ заводышты инженер пӓшӓм ӹштенӹт. 10 иӓш ылмыжы годым ӓтяжӹ колен[1].
1994 ин Леонид Рыжов Цикмӓ халаштышы 2-шы №-ӓн кӹдӓлӓш школым тымень пӹтӓрен дӓ Азан кӱшӹл танковый командный училищӹш пырен. Ик взводышток тӹдӹн сага Российӹн анзыкылашы геройжы Алексей Козин тыменьӹн[2].
1999 ин дипломым нӓлмӹжӹ паштек Чита областьыш направленим нӓлӹн, тӹшток танковый взводын командиржӹ семӹнь служаш тӹнгӓлӹн. Варажы рота командирӹн вашталтышыжы дӓ почётный караулын ротын командиржӹ должностьвлӓштӹ шалген.
2006 ин 5 гвардейский танковый дивизин 105 танковый полкын батальонын штабжын вуйлатышеш шагалтенӹт. 2007 и гӹц 2009 и якте техника дӓ вооруженим перегӹмӓш тӹшкӓн вуйлатышыжын пӓшӓм шоктен. 2009 и гӹц 2012 и якте сержантвлӓн 328 школын вуйлатышыжын вашталтышыжы ылын[2].
2012 и гӹц РФ ВС Общевойсковой академиштӹ кокшы кӱшӹл образованим нӓлӹн. Тӹрлӹ ин мотострелковый войскан изирӓк специалиствлӓм йӓмдӹлӹмӹ шотышты центрӹн, 149-шӹ гвардейский мотострелковый полкын, 239-шӹ танковый полкын, 473-шы окружной тымдышы центрӹн — штабвлӓн вуйлатышын пӓшӓм шоктен.
2018 ин Российӹн Сириштӹ эртӓрӹмӹ операцин участникшӹ ылын.
2019 ин полкын комнадиреш дӓ 8-шӹ гвардейский общевойсковой армин отделжӹн вуйлатышеш шагалтенӹт. 2020 ин тӹ арминок бригадын командиржӹ дӓ управленин вуйлатышыжы должностьвлӓш ваштенӹт[2].
СВО-шты участи
Специальный военный операциштӹ 2022 и 24 февраль гӹц ЛНР-н халык милицин 2-шы армейский корпусышты 7-шӹ пасна гвардейский мотострелковый Чистяковский бригадын командиржӹ семӹнь участвуяш тӹнгӓлӹн[3].
2022 ин кӓнгӹжӹм Леонид Рыжовын командованижӹ доно бригада, плацдармым сӹнген нӓлӓш дӓ российский войскалан пакыла кеӓш йӧнӹм ӹштӓш манын, Северский Донец ӓнгӹрӹм ванжен. Анзыц разведчиквлӓ, форсированим йӓмдӹлӹмӹлӓ каяш манын, участкым ӹштенӹт. Вара йыдым вес вӓрӹштӹ нӹнӹ вес сирӹш ванженӹт дӓ тышманын оролышы постым роалтен нӓлӹнӹт. Алталышы участкышты пӓшӓм ӹштӹмӹлӓ каймы годым тӹнг вим ӹфӹлен авартымы пыш дӓ пун плот доно ӓнгӹр гач ваштенӹт. Тышманын ма ӹштӓлтмӹ гишӓн ынгылымыкыжы, кок ӧлицӓмӓт нӓлӹн шоктенӹт. Задачым яжон дӓ ямдымаш гӹц пасна ӹштӹмӹ. Июльын ЛНР-н территорижӹ ирӹкӓн лин[1].
Воинский долгым шоктымы годым патырлык дӓ героизмӹм анжыктымы гишӓн РФ-н Президентӹн 2022 ин 28 июльын лӓкшӹ указшы доно Леонид Рыжовлан Россий Федерацин Геройжы званим пуэнӹт. 2022 ин 10 августын РФ-н оборонын управленижӹн национальный центрӹштӹ Оборона министр Сергей Шойгу «Шӧртньӹ шӹдӹр» медальым Леонид Рыжовлан кычыктен[4].
Наградым нӓлмӹкӹ, Леонид Рыжов келесен[5]:
Ти награда мӹлӓм веле агыл, а ӹшке боевой задачым шоктышы ик семӹнь шанышывлӓн цымыр коллективлӓн пуалтын. Тӹдӹ — мӹньӹн салтаквлӓн геройский подвигӹштӹ верц. Нӹнӹн ӹшке обязанностьыштым шоктымы годым ӹшкӹмӹштӹм жӓлӓйӹде цацымышты верц.
2024 ин 6 февральын Цикмӓ халан Леонид Рыжовын тымень пӹтӓрӹмӹ школышты тӹдӹн лӹмеш Почёт доскам пачыныт[6].
Ӹшке ӹлӹмӓшӹжӹ
Вӓтӓн, пелӓшӹжӹ — Светлана, професси доно юрист ылеш. Эргӹ улы[1].
Наградывлӓ
- «Отечество анзылны заслуга гишӓн» I степенян орденӹн медальжы (2019);
- Жуков медаль (2020)лавров
- Российӹн Геройжы (2022);
- «Шӧртньӹ шӹдӹр» медаль;
- Луганск Халык Республикӹн Геройжы (2022)[7];
Примечани
- ↑ 1 2 3 Татьяна Уланова. Воин Светы. Герой России предлагает ставить памятники жене офицера, Аргументы и Факты (3 апреля 2024). Дата обращения: 5 сентябрьын 2024.
- ↑ 1 2 3 Рыжов Леонид Владимирович. Герои страны. Тергӹмӹ кечӹ: 5 сентябрьын 2024.
- ↑ Герой спецоперации Леонид Рыжов (руш.). Минобороны России. Тергӹмӹ кечӹ: 5 сентябрьын 2024.
- ↑ Герои Z. Леонид Рыжов (руш.). Сетевое издание «Контингент». Тергӹмӹ кечӹ: 5 сентябрьын 2024.
- ↑ Имена и лица героизма. Военные комиссариаты России. Информационно-аналитический и методический журнал Минобороны России (4 майын 2023). Тергӹмӹ кечӹ: 5 сентябрьын 2024.
- ↑ В Марий Эл открыли доску Почёта Герою России Леониду Рыжову в его родном лицее, TACC. Дата обращения: 5 сентябрьын 2024.
- ↑ Они прославили наш край. Герой России Леонид Владимирович Рыжов | Национальная библиотека имени С.Г. Чавайна Республики Марий Эл (руш.). nbmariel.ru. Тергӹмӹ кечӹ: 15 октябрьын 2025.