Россий Федерациштӹ школ выргем
| Россий Федерациштӹшӹ школ выргем | |
|---|---|
| Россий Федерациштӹшӹ школ выргемӹн у стандартшы (2025 и август) | |
.jpg) | |
| Кычылтмы область | Тыменьмӹ заведенивлӓ |
| Лӓкмӹ кечӹ | 1992 |
| Лӓкмӹ вӓр |
 Россий |
Россий Федерациштӹ школ выргемӹм (руш. Школьная форма в Российской Федерации) чимӹм 1994 ин шошым цӓренӹт, (тӧр келесӓш гӹнь, тидӹ 1992 ин 1 июньын лин, малын манаш гӹнь, тӹдӹм ӹштен лыкшы предприятивлӓ пӓшӓм ӹштӹмӹм цӓрненӹт дӓ питӹрӓлтӹнӹт). 2013 ин 1 сентябрьын школ выргемӹм угӹц пыртенӹт, но цымыр правило семӹнь вел ӹштенӹт.
2025 ин августын Минпросвещени российӹштӹшӹ школьниквлӓлӓн выргемӹштӹ шотышты у стандартым анжыктен. Продукцим школ выргем семӹнь пӓлемден лыкшы производительвлӓ ГОСТ-ын ядмыжым шоктышашлык ылыт. Школ выргемӹн стильжӹ деловой, ыргымыжы кӓплӓн йӧнӓн лишӓшлык. Российӹштӹ тидӹ пӹтӓриш техень стандарт. Тӹдӹ общий, тӹнг дӓ кӹдӓлӓш пӓлӹмӓшӹм пушы учрежденивлӓштӹ тыменьшӹвлӓлӓн ӹштӓлтӹн[1]. Просвещени министерствышты рашемденӹт: школвлӓштӹ цилӓлӓн икань выргемӹм ак пыртеп, тыменьмӹ заведенивлӓ тетян вӹлвӓл выргемжӹм ӹшке айырен кердӹт[2].
Истори
Россий Федерациштӹ, СССР статян, ик школ выргем уке, лицей дон гимназивлӓ шукынжы ӹшке формым шанен лыктыныт, тенге нӹнӹ тетявлӓн ти тыменьмӹ заведеништӹ тыменьмӹштӹм анжыктенӹт. Кыды-тидӹ школвлӓштӹ официально пыртымы выргем уке, но формым ӓти-ӓвивлӓ доно хытырымы паштек пасна класслан ӹштӓш лиэш, (шукыжы годым техень «классный» формым изи классвлӓштӹ пыртат). Тилец пасна, школ выргем уке годым, тыменьмӹ заведеништӹ деловой стилян выргем гишӓн правилывлӓ лин кердӹт. Совет жепӹштӹшӹ ош фартукан школ выргемӹм (ӓли тӹдӹн семӹнь йӧндӓрӹмӹ платьым) школым тымень пӹтӓрӹшӹвлӓ овуца семӹнь Пӹтӓртӹш йӹнгӹл годым школ доно простялташ чиӓт, шоэн — молы айош.
Тенге гӹнят, южы школвлӓштӹ (Набережные Челны халаштышы икманяр лицей, Прохоровский гимнази, Красноярск дӓ Уфа халаштышы школвлӓ) ӹдӹрвлӓн платьышты дон анзылвачышты совет жеп гӹцок перегӓлт кодын ӓли 2000-шы ивлӓн угӹц пыртымы ылын. 2022 ин Сергей Кравцов ик школ выргемӹм пырташ шанымыжы гишӓн увертӓрен, тенге гӹнят махань тӹдӹ лишӓшлык тыменьмӹ заведенивлӓн администрациштӹ ӹшке айыраш правашты улы. Образовани шотышты комитетӹн вуйлатышыжы Ольга Казакова лыкмы инициативӹм тенге ынгылдарен: «Школ выргем ӹшкӹмӹм яжон кычаш кымылангда, седӹндон тетявлӓлӓн тӹдӹм чиӓш келеш»[3].
2025 ин 1 июльын Российӹштӹ школ выргем шотышты ГОСТ вим нӓлӹн. Тӹштӹ, выргем светский, итӹрӓ дӓ йӧнӓн лишӓшлык манын, пасна пӓлемдӓлтеш, тӹдӹ «сӓмӹрӹквлӓн социальный агыл, норма ваштареш кешӹ ушемӹштӹн» «правам пыдыртышы ӹшкӹмӹм видӹмӓшӹм шӓрӹкӓлӹшӹ» символ лишӓшлык агыл. Ваштарешлӓ, кугижӓншӹ дӓ патриотизмӹм анжыктышы символикӹм анжыкташ кӓнгӓшӹм пуа[4].
2025 ин 6 августын Минпросвещени российӹштӹшӹ школьниквлӓлӓн у выргем стандартым анжыктен. Продукцим щкол выргем семӹнь пӓлемдӹшӹ производительвлӓ ГОСТ-ын ядмыжым шоктышашлык ылыт. Школ выргемӹн стильжӹ деловой, ыргымыжы кӓплӓн йӧнӓн лишӓшлык. Российӹштӹ тидӹ пӹтӓриш техень стандарт. Тӹдӹ общий, тӹнг дӓ кӹдӓлӓш пӓлӹмӓшӹм пушы учрежденивлӓштӹ тыменьшӹвлӓлӓн ӹштӓлтӹн[1].
Просвещени министерствышты рашемденӹт: школвлӓштӹ цилӓлӓн икань выргемӹм ак пыртеп, тыменьмӹ заведенивлӓ тетян вӹлвӓл выргемжӹм ӹшке айырен кердӹт[2].
Примечани
- ↑ 1 2 Минпросвещения показало новый стандарт школьной формы, РБК (6 августын 2025). Дата обращения: 27 августын 2025.
- ↑ 1 2 Минпросвещения не планирует вводить единую школьную форму, РИА Новости (6 августын 2025). Дата обращения: 27 августын 2025.
- ↑ Единая школьная форма в России 2025-2026: суть законодательной инициативы, какой будет форма, когда введут (6 августын 2025). Дата обращения: 27 августын 2025.
- ↑ Появился полный текст ГОСТа с требованиями к школьной форме, РБК (29 июньын 2025). Дата обращения: 27 августын 2025.