Полянин, Василий Васильевич
| Василий Васильевич Полянин | |||
|---|---|---|---|
 | |||
| Шачмы кечӹ | 4 февраль 1927 | ||
| Шачмы вӓр | Шишур, У Торъял район, Мары автономный область | ||
| Колымы кечӹ | 28 январь 1995 (67 и) | ||
| Колымы вӓр | Йошкар-Ола | ||
| Сӓндӓлӹк | |||
| Пӓшӓн типшӹ | Колхозын бригадиржӹ | ||
| Награда дӓ премивлӓ |
|
||
Василий Васильевич Полянин (4 февраль 1927, У Торъял район[d], Мары автономный область — 28 январь 1995, Йошкар-Ола) — Мары АССР-ӹн У Торъял районыштышы «Октябрьлан 40 и» колхозын бригадиржӹ, Социалист Пӓшӓн геройжы (23.06.1966).
Ӹлӹмӓш корныжы
1927 ин 4 февральын Пӱгӧвож солаэш мары хресӓнь семняэш шачын. Пӓшӓм Какшанмучаш районыштышы Карл Маркс лӹмӓн колхозышты имниэшкӹ семӹнь тӹнгӓлӹн. Колхозын МТС сагашы тракториствлӓлан курсвлӓм пӹтӓрӹмӹкӹжӹ, 1946 и гӹц «Октябрьлан 40 и» лӹмӓн колхозышты трактористӹштӹ пӓшӓлӓш тӹнгӓлӹн. 1960 ин механизаторвлӓн бригадиреш шагалтенӹт.
«СК-3» комбайнеш норма семӹнь 8 гектар вӓреш кечӹ йӹде 15-20 гектар шурным поген. 7-шӹ пятилеткӹн иктешлӹмӓшӹжӹ семӹнь Полянин Мары республикӹн сек яжо механизаторжы лин.
1966 и 23 июняш указ доно шурным погымы шотышты кӱкшӹ лӓктӹшӹжӹ гишӓн Василий Полянинлӓн Социалист Пӓшӓн Геройжы лӹмӹм пумы, Ленин орден дон «Сарла дӓ Молот» шӧртньӹ медальым кычыктымы.
1985 и гӹц пенсиштӹ ылын.
Остатка ивлӓжӹм Йошкар-Олашты эртӓрен. 1995 ин 28 январьын колен.
Наградывлӓ
- Социалист Пӓшӓн Геройжы (23.06.1966)
- Ленин орден (23.06.1966)
- «Сарла дӓ Молот» шӧртньӹ медаль (23.06.1966)
- Мары АССР Кӱшӹл Совет Президиумын Почётан грамотыжы (1954, 1955, 1957, 1958, 1987)[1]
Ӓшӹндӓрӹмӓш
«Сӓмӹрӹк коммунист» газетӹштӹ тӹдӹн лӹмеш поэт А. Мосуновын одыжы (1970)[1].
Примечани
- ↑ 1 2 Мочаев, 2017, с. 349.
Литература
- Полянин Василий Васильевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 636. — 872 с. — 3505 экз. — ISBN 978-5-94950-049-1.
- Сапаева Р. Г., Мочаев В. А. Полянин Василий Васильевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 349. — 606 с. — 1500 экз. — ISBN 978-5-905314-35-3.
Ссылкывлӓ
Ти статьяш РУВИКИ-н вес статьявлӓжӹ ак колтеп. |
.svg){kind=link}