Полежайкин, Сергей Иванович
| Сергей Иванович Полежайкин | ||||||
|---|---|---|---|---|---|---|
 | ||||||
| Шачмы кечӹ | 14 сентябрь 1920 | |||||
| Шачмы вӓр | ||||||
| Колымы кечӹ | 10 октябрь 1944 (24 и) | |||||
| Колымы вӓр | ||||||
| Пырымаш |
 СССР |
|||||
| Войскан йиш | пехота[d] | |||||
| Служымы жеп | 1940—1944 | |||||
| Звани |
 |
|||||
| Кредӓлмӓш/вырсы | ||||||
| Награда дӓ преми |
|
|||||
 Медиафайлы на РУВИКИ.Медиа | ||||||
Сергей Иванович Полежайкин (1920—1944) — Пӓшӓзӹ-хресӓнь Якшар Армин когорак лейтенантшы, Кого Отечественный вырсын салтакшы, Совет Союзын Геройжы (1945). Эрзя[1].
В. П. Дубынин лӹмӓн Рязаньыштышы военный автомобильный институтын спискӹш соэшок пырталтын[2].
Ӹлӹмӓш корныжы
Сергей Полежайкин 1920 ин 14 сентябрьын Тошты Турдак солаэш (кӹзӹт — Мордовин Кочкуровский районжы) шачын. Тӹрӹс агыл кӹдӓлӓш школым тӹмень лӓкмӹкӹ, Узбекский ССР Андижанский областьышты ӹлен дӓ пӓшӓм ӹштен (вес увер семӹнь — Сергей Полежайкин ӓтя гӹц пасна кодмы паштек ӓкӓжӹ докы Мары АССР Шелангерыш ванжен, 7 классым тымень пӹтӓрӹмӹкӹ, 1939 и якте «Заготзерно» пунктышты пӓшӓм ӹштен[3]). 1940 ин Полежайкинӹм Пӓшӓзӹ-хресӓнь Якшар Армиш служаш нӓлӹнӹт. 1943 ин Рязаньыштышы военный автомобиль институтым тымень пӹтӓрен. Тӹ инок май гӹц Кого Отечественный вырсын фронтышты лин[4].
1944 ин октябрьын когорак лейтенант Сергей Полежайкин 1-шӹ Прибалтийский фронтын 5-шӹ гвардейский танковый армин 1-шӹ гвардейский пасна мотоциклетный полкшын офицержӹ лин. Литовский ССР сага кредӓлмӓштӹ участвуен. 1944 ин 10 октябрьын Полежайкин разведчик тӹшкӓ доно Данге ӓнгӹр гач ванжен дӓ, тышманын тылышкыжы пырен, Кретинг дон Мемель халавлӓ лоштышы шоссе дон кӹртнигорным пӹчкӹн. Полежайкин тӹ вӓрвлӓм кычен кердмӹ гишӓн кредӓлмӓштӹ колен. Кретинг халашты тайымы[4].
Наградывлӓ
СССР Кӱшӹл Совет Президиумын 1945 ишӹ 24 марташ указшы доно «кредӓлмӓштӹ лӱддӹмӓшӹм дӓ героизмӹм анжыктымы гишӓн» гвардин когорак лейтенантшы Сергей Полежайкинлӓн Совет Союзын Геройжы званим, колымыкыжы, пумы.
Тенгеок Ленин орден, кок Якшар Знамя дӓ Отечественный вырсын I степенян орден, медальвлӓ доно награждайымы ылын. Лӹмжӹ воинский частьын личный составын спискӹш соэшок пырталтын[4].
Ӓшӹндӓрӹмӓш
- Полежайкин лӹмеш Кретинг халан ӧлицӓм лӹмденӹт, Кочкурово солашты памятникӹм шагалтымы[4].
- Воинӹн дӓ машинӓм видӹшӹн, Совет Союзын Геройжын, С. И. Полежайкинӹн лӹмжӹм Уссурийский кӱшӹл военный автомобильный училищӹн ӓшӹндӓрӹмӓш стенӓэшӹжӹ соэшок сирӹмӹ.
- Афганистанышты 261-шӹ пасна автомобильный батальонын составыштыжы 2613-шы №-ӓн колонна лин, тӹдӹ Совет Союзын Геройжы С. И. Полежайкинӹн лӹмжӹм намалын.
Примечани
- ↑ «Мордовский республиканский объединённый краеведческий музей им. И. Д. Воронина». Герой Советского Союза Архивный копи от 24 ноябрьын 2018 на Wayback Machine(руш)
- ↑ http://redstar.ru/spasibo-tebe-ryazanskoe-avtomobilnoe/?print=print Архивный копи от 5 февральын 2021 на Wayback Machine
- ↑ Герои Советского Союза — наши земляки(недоступная ссылка — история). Государственный архив аудиовизуальной документации Республики Марий Эл. Дата обращения: 4 ноябрьын 2015. Архивировано 4 ноябрьын 2015 года.
- ↑ 1 2 3 4 Сергей Иванович Полежайкин. Сайт «Герои страны».
Литература
- Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.