Подаркавлӓн кечӹ

Ирӹкӓн энциклопеди Википеди гӹц материал
Подаркавлӓн кечӹ
Шартял кож лӹвӓлнӹ подаркавлӓ доно короплявлӓ
Шартял кож лӹвӓлнӹ подаркавлӓ доно короплявлӓ
Тип Шартял айо
Вес семӹнь Короплявлӓн кечӹ, Boxing Day
Пӓлемдӓт  Великобритани
 Австрали
 Канада
 У Зеланди
 Кирибати
 Самоа дӓ молывлӓӓт
Кечӹ 26 декабрь
Пӓлемдӹмӓш 26 декабрь
Кӹлдӓлтӹн протестантский дӓ католический Шартял
Логотип РУВИКИ.Медиа Медиафайлы на РУВИКИ.Медиа

Подаркавлӓн кечӹ (англ. Boxing Day) — Великобритаништӹ дӓ Нацивлӓн Британский содружествыш пырышы икманяр сӓндӓлӹкӹштӹ: Австралиштӹ, У Зеландиштӹ, Канадышты, тенгеок Кирибатиштӹ, Самоашты дӓ молы вӓреӓт эртӓрӓлтшӹ айо[1]. Нинӹ сӓндӓлӹквлӓштӹ «Подаркавлӓн кечӹ» каждый ин 26 декабрьын пӓлемдӓлтеш.

Истори дӓ айымаш

«Boxing day» шамак сӓрӓлтӹшӹм руш йӹлмӹш шукыжы годым «Подаркавлӓн кечӹ» статян сӓрӓт, тенге гӹнят, тӹнг значенижӹ «Короплявлӓн кечӹ» ылеш (техень короплявлӓ, кыш подаркавлӓм пиштӓт).

Айон лӹмжӹ гишӓн икманяр тӹрлӹ верси улы:

  1. Великобритаништӹ традици семӹнь Шартял паштек кокшы кечӹн семня айо качкышын остаткажым дӓ проста подаркавлӓм короплявлӓэш пиштен дӓ ясы дон укеӓнвлӓлӓн кычыктен. Шукыжы годым короплявлӓм тетявлӓ погенӹт дӓ пакылажат нӹнӹ укеӓнвлӓлӓн пуэден каштыныт.
  2. 25 декабрьын цилӓ сӓндӓлӹкӹн протестант дон католиквлӓ ӹшке тӹнг христиан айоштыштым — Христосын Шачмыжым аят. Шартял овуца семӹнь 24 декабрь гӹц 25 декабрь йыдым, Санта-Клаус у ий кож лӹвӓкӹ подаркавлӓм пиштӓ. Иргодым, цилӓн понгыжалтмыкы, айо подаркавлӓӓн короплявлӓм пачаш тӹнгӓлӹт. Семня кого дӓ шукы тетяӓн гӹнь, пӧрт йӓрӓ короплявлӓ доно темеш, тӹдӹм тетявлӓ карангдаш ак вӓшкыдеп, вет нӹнӹн вниманим коропля кӧргӹштӹ ылшы подарка нӓлӹн. Тидӹ гишӓн, векӓт, англоязычный сӓндӓлӹквлӓштӹ ти кечӹм «короплявлӓн кечӹ» манаш тӹнгӓлӹнӹт, но вес йӹлмӹвлӓэш сӓрӹмӹ годым «Подаркавлӓн кечӹ» яжорак шакта манын шотленӹт.
  3. Вес верси улы: айолан лӹм короплявлӓ дорц лӓктӹн, кыды доно подаркавлӓм нӓлшӹвлӓ, подарка келшӹде гӹнь, тӹдӹм вашталташ манын лапкыш вӓшкенӹт (выжалышывлӓ, правилывлӓ семӹнь, тенге ӹштӓш йӧнӹм пуат).
  4. Ылыт техень эдемвлӓ, кыдышты ти лӹмӹм «Боксын кечӹ» манын сӓрӓт (малын манаш гӹнь, спортын ти видшӹ английский йӹлмӹ доно boxing сирӓлтеш), тӹнӓмок Шартял айош погынышывлӓ англичан халык мадыш — бокс — доно мадыныт, тенге у айо лӹм шачын. Лачок Британский содружествыш пырышы африканский сӓндӓлӹквлӓштӹ Подаркавлӓн кечӹн профессионалвлӓ лошты боксо доно кредӓлмӓш эртӓрӓлтеш.
  5. Перви аристократвлӓ лошты 26 декабрьын вассал дон прислугылан подаркавлӓм кычыктат ылын. Нӹнӹлӓн ти кечӹн кӓнӓш пуат ылын, вет Шартялын нӹнӹ хозавлӓлӓн служат ылын.
  6. 26 декабрьын купецвлӓ пӓшӓзӹвлӓштӹлӓн (выжалышывлӓлӓн, слугавлӓлӓн, приказчиквлӓлӓн…) Рождественский премивлӓм кычыктат ылын — тотлы дӓ мӱан качкышан короплявлӓм пуэнӹт. Кыды-тидӹжӹ тидӹ айолан лӹмӹм пуэн манын шанат[2].

Ти айон лӹмжӹн эче икманяр верси улы. Кыдыжы тӧр ылеш келесӓш ак ли. Тӹ сӓндӓлӹквлӓштӹ, кышты «Подаркавлӓн кечӹ» эртӓрӓлтеш, айон лӹм шотышты вуйыш ак нӓлеп. Тидӓт ситӓ: ти кӓнӹмӹ кечӹ дӓ католический традици ылеш.

Спорт традицивлӓ

Подаркавлӓн кечӹн тест-матч, Мельбурн Крикет Граунд, 2006 и
Рӹвӹжлӓн охотничӓйӹшӹвлӓн вӓшлимӓштӹ, Кесвика, 1962 и

Футбол

И йӹде Англин, Шотландин, Йыдпелвел Ирландин футбол чемпионатын кӱшӹл лигын ик туржы Подаркавлӓн кечӹ эртӓрӓлтеш. Ти кечӹн анжаш толшывлӓлӓн йори ти кечӓш матчвлӓ доно программывлӓм шӓлӓтӓт. Пӹтӓриок соревнованим, мадшывлӓ дӓ анжалаш толшывлӓ мӹндӹр корнеш ӹнжӹ янгылеп манын, сек лишнӹ вӓрлӓнӹшӹ клубвлӓ лошты эртӓренӹт[3]. 2018/2019 ишӹ сезон гӹц традицим Итальянский Сери А подерживаяш тӹнгӓлӹн: стадионвлӓэш 69% анжышы погына, тидӹ декабрьын эртӹшӹ керек-махань турын кӹдӓлӓш показательжӹ гӹц кӱкшӹрӓк ылеш[4].

Регби

Профессиональный регби якте, Подаркавлӓн кечӹн регби матчвлӓ эртӓрӓлтӹнӹт. Тенге и йӹде «Лланелли», «Лондон Уэлш», «Лестер Тайгер» дӓ «Барбарианс» клубвлӓ лошты матчвлӓ эртӓрӓлтӹнӹт. 1990-шӹ ивлӓ якте регби лигышты Подаркавлӓн кечӹн матчвлӓм эртӓренӹт. Вет нӹнӹ телӹм ылыныт. Кӓнгӹж веремӓш ванжымыкы, Подаркавлӓн кечӹн матчвлӓм любительский командывлӓ веле эртӓренӹт. Нӹнӹ логӹц иктӹжӹ «Уэйкфилд Тринити» команда ылеш. Тӹдӹ пашкуды командывлӓ доно матчвлӓм Подаркавлӓн кечӹн эртӓрӓ.

Крикет

Крикет доно тестовый матчвлӓ Подаркавлӓн кечӹн Австралиштӹ, У Зеландиштӹ дӓ ЮАР-шты эртӓрӓлтӹт. И йӹде «Мельбурн Крикет Граунд» стадионышты сборный Австрали дон пӓлӹде айырымы команда лошты специальный тест-матч эртӓрӓлтеш[5].

Парусный спорт

Крикет тест-матч доно ик кечӹн Мельбурнышты Сидней-хобарт регата тӹнгӓлеш[6].

Скачкывлӓ

Суррейӹштӹ и йӹде Подаркавлӓн кечӹн Король Георг VI приз верц Кемптон-Парк ипподромышты препятствиӓн скачкывлӓ (National Hunt racing) эртӓт. Ти скачкывлӓ гӹц Челтнемский шӧртньӹ кубок скачкывлӓ веле престижныйрак ылыт. Великобритаништӹ ти кечӹн сек шукы скачка эртӓрӓлтеш (2016 ин 8 ылын, Ирланди доно иквӓреш — 11))[7]. Барбадосышты скачкывлӓн финальный этап Саванна гарнизонышты эртӓ (ЮНЕСКО-н цилӓ сӓндӓлӹкӹштӹшӹ наследи ылеш). Нӹнӹ икӹмшӹ агыл десятилети эртӓрӓлтӹт.

Рӹвӹжлӓн охотыш каштмаш

Великобритани дон США-шты рӹвӹжлӓн охотыш каштмашым яратышывлӓн Подаркавлӓн кечӹ пиш керӓл ылеш. Ти кечӹн шукы охотник погына дӓ рӹвӹжлӓн охотыш каштмаш эртӓрӓлтеш. Вӓшлимӓшвлӓ кого халавлӓштӹ ӓли кого солавлӓштӹ эртӓт[8].

Шайба доно хоккей

И йӹде 26 декабрьын сӓмӹрӹк командывлӓ лошты (сборныйвлӓ 20 и якте) Шайбан хоккей доно Цилӓ сӓндӓлӹкӹштӹшӹ чемпионат тӹнгӓлеш. 23 декабрьын швейцарский Шпенглерӹн Давосышты Кубок тӹнгӓлӓлтеш. Традиционный участниквлӓ ХК «Давос» Канадын сборныйжы дӓ вес европейский (клубвлӓ ӓли сборныйвлӓ) командывлӓ мадыт. НХЛ-штӹ сек шукы играм Шартял анзыц, Шартял кечӹн дӓ Подаркавлӓн кечӹн мадыт. Ти соглашеним 2021/2013 ивлӓн локаут паштек пыртымы. Исключени кукшыгечӹн веле ӹштӓлтеш. Тынӓм матчвлӓм 23 декабрьын эртӓрӓт[9]. 2011 ин Подаркавлӓн кечӹн 11 матчым мадмы[10].

Бокс

Подаркавлӓн кечӹн Нацивлӓн содружествыш пырышы африканский сӓндӓлӹквлӓ лошты Ганышты, Угандышты, Малавиштӹ, Замбиштӹ дӓ Танзаништӹ профессионалвлӓ лошты боксерский кредӓлмӓшвлӓ эртӓрӓлтӹт. Икманярышты ти практикӹм Гвиан дон Италиштӹ поддерживаяш тӹнгӓлӹнӹт[11].

Мяч доно мадмы хоккей

«Святой Стефанын кечӹ» «Подаркавлӓн кечӹ» католический айон аналогшы ылеш. Ти айовлӓн традицивлӓштӹ иканьы ылыт, седӹндон Стефан Первомученикӹн кечӹм «Подаркавлӓн кечӹ» доно путыят. Православныйвлӓн ти кечӹ Степанын кечӹ семӹнь маналтеш. 27 декабрьын пӓлемдӓлтеш. 26 декабрьын Швециштӹ мяч доно мадмы хоккей матч эртӓрӓлтеш. Ти матч Швецкий мяч доно мадмы хоккей чемпионатым пачеш. Шукы анжышы погына. Традици семӹнь мадмаш 13:15 тӹнгӓлӓлтеш[12].

Тенгеок анжы

Примечани

  1. ↑ Фестивали и праздники на Кирибати / Travel.Ru / Кирибати. Тергӹмӹ кечӹ: 26 декабрьын 2009. Архивируйымы 25 августын 2011 года.
  2. ↑ День подарков (Великобритания, Австралия, Новая Зеландия, Канада) — Boxing Day. Тергӹмӹ кечӹ: 26 декабрьын 2009. Архивируйымы 10 декабрьын 2009 года.
  3. ↑ Fred Nathan. What is the history of Boxing Day football, how are fixtures determined and which fans must travel the furthest in 2016?, The Sun (26 декабрьын 2016). Архивировано 21 августын 2019 года. Дата обращения: 25 декабрьын 2017.
  4. ↑ Italy's Boxing Day. Sporvision.com. Тергӹмӹ кечӹ: 4 августын 2019. Архивируйымы 21 августын 2019 года.
  5. ↑ Qaiser, S Pervez. Boxing Day Test: Grand year-end event with rich cricket history, Hindustan Times (25 декабрьын 2017). Архивировано 26 декабрьын 2017 года. Дата обращения: 25 декабрьын 2017.
  6. ↑ About the Race. Rolex Sydney Hobart Yacht Race. Тергӹмӹ кечӹ: 25 декабрьын 2017. Архивируйымы 26 декабрьын 2017 года.
  7. ↑ Racecards – 26th December 2016. Racing Post. Тергӹмӹ кечӹ: 4 августын 2019. Архивируйымы 22 декабрьын 2016 года.
  8. ↑ Hundreds of thousands turn out for Boxing Day hunts. London: The Daily Telegraph (26 декабрьын 2013). Тергӹмӹ кечӹ: 21 декабрьын 2014. Архивируйымы 21 августын 2019 года.
  9. ↑ National Hockey League CBA 101—not digital page 101 but the printed 101. National Hockey League. Тергӹмӹ кечӹ: 27 августын 2014. Архивируйымы 4 мартын 2014 года.
  10. ↑ NHL Hockey Schedule for December 26, 2011. Тергӹмӹ кечӹ: 27 августын 2014. Архивируйымы 3 сентябрьын 2014 года.
  11. ↑ Joel Millman. Season's Beatings: 'Boxing Day' Takes a Pugilistic Turn. The Wall Street Journal Asia (28 декабрьын 2009). Тергӹмӹ кечӹ: 14 ноябрьын 2011. Архивируйымы 21 августын 2019 года.
  12. ↑ Berndt Rosqvist. Festligt och fullsatt på stora bandydagen (швед.). Dagens Nyheter (22 декабрьын 2003). Тергӹмӹ кечӹ: 4 февральын 2010. Архивируйымы 15 октябрьын 2012 года.
«https://mrj.ruwiki.ru/w/index.php?title=Подаркавлӓн_кечӹ&oldid=311949» гӹц нӓлмӹ