Павлов, Андрей Иванович

Ирӹкӓн энциклопеди Википеди гӹц материал
Андрей Иванович Павлов
Павлов Андрей Иванович.jpg
Шачмы кечӹ 11 сентябрь 1916(1916-09-11)
Шачмы вӓр Нӧлпер, Яранг уезд, Вичӹ губерни, Российский империй
Колымы кечӹ 10 июль 1990(1990-07-10) (73 и)
Колымы вӓр Нӧлпер, Советский район, Мары ССР, РСФСР, СССР
Сӓндӓлӹк
Пӓшӓн типшӹ колхоз председатель
Награда дӓ премивлӓ
Герой Социалистического Труда — 1971
Орден Ленина — 1971 Орден Отечественной войны II степени  — 1986
Медаль «За трудовую доблесть» — 1965 Юбилейная медаль «За доблестный труд (За воинскую доблесть). В ознаменование 100-летия со дня рождения Владимира Ильича Ленина» Серебряная медаль на синей ленте.png
Почётная грамота Президиума Верховного Совета РСФСР — 1960

Андрей Иванович Павлов (11 сентябрь 1916, Нӧлпер[d], Советский район[d] — 10 июль 1990, Советский район[d], Мары АССР[d]) — Мары АССР-ын Ронгы (Советский) районыштышы «1 май» (1948—1950) дӓ «Большевик» (1950—1978) колхозвлӓн председатель. Социалистический Пӓшӓн Геройжы (1971). Ленин орденӹн кавалержӹ (1971). Кого Ӓтямӱлӓндӹ вырсын участникшӹ. 1944 и гӹц ВКП(б) членжӹ, КПСС Мары обкомын членжӹ.

Ӹлӹмӓш корныжы

1916 и 11 сентябрьын Нӧлпер солашты (кӹзӹт Мары Эл Республикӹн Советский районжы) мары семняэш шачын[1][2][3][4].

1932 ин кӹдӓлӓш школым тымень лӓктӹн. 1935 ин Оршанка итӹн техникумын 2 курсшым, 1937 ин — Оршанка районыштышы полеводство курсым тымень пӹтӓрен[1][2][4].

1936 и гӹц «2-шы вӹциӓш» вӓрӹштӹшӹ колхозышты цацен, вара Ронгы МТС-ын участковый агротехникӹн пӓшӓм ӹштен. 1937 и гӹц шачмы колхозышты ныр пӓшӓм ӹштӹшӹ бригадым вуйлатен[4][5].

1941 ин Якшар Армиш кеен. Кого Ӓтямӱлӓндӹ вырсын салтакшы: Кечӹвӓлвел-Вадывел фронтышты артиллерист, рядовой. 1942 ин майын Украинский ССР-ын кымдемӹштӹшӹ кредӓлмӓшвлӓ логӹц иктӹштӹжӹ пушка сага пыдештшӹ авиабомбын осколкыжы доно нелӹн шушырген. Лицӓлтмӹ паштек кредӓлшӹ арми гӹц инвалидность доно комиссуялтын. Медальвлӓ доно пӓлемдӓлтӹн, 1986 ин — II степенян Ӓтямӱлӓндӹ вырсы орден доно[1][2][6].

Шачмы мӱлӓндӹш пӧртӹлмӹкӹ, 1942 и гӹц «КИМ» колхозым дӓ Мары АССР-ын Советский районыштышы Руясола сельсоветӹм председатель семӹнь вуйлатен. 1944 ин ВКП(б) пырен. 1948—1950 ивлӓн — «1 май» колхоз председатель, 1950—1978 ивлӓн — Мары ССР Ронгы / Советский районыштышы когоэмден цымырымы «Большевик» колхозын председательжӹ. Тӹдӹн тӹнгӓлмӹ пӓшӓжӹ гишӓн сола хозяйство кугижӓншӹлӓн продукцим пумы шотышты планым колхоз соок эртӓрен темен, а 1966 ин гӹц колхозниквлӓлӓн пӓшӓ тӓреш оксам обязательный тӱлӹмӓшӹш ванжен[1][2]. Кого вниманим кӱкшӹ лӓктӹшӓн сортан пӹрцӹ культурым пыртымашыш, мӱлӓндӹн пайдажым когоэмдӹмӓшӹш, органика дӓ минерал удобреним кымдан кычылтмашыш айырен. Тӹдӹн вуйлатымыжы годым 7-шӹ (1959–1965) дӓ 8-шӹ (1966–1970) кок вӹциӓш годым колхоз Советский районын дӓ Мары АССР-ын яжон виӓнгмӹ дӓ вольыкым ӓшнӹмӹ шотышты кӱкшӹ лӓктӹшӓн колхозвлӓ логӹц иктӹжӹ лин. Колхоз пӓшӓзӹвлӓ шукынжы кугижӓншӹ награда доно пӓлемдӹмӹ линӹт. 1978 ин колхозышты пӹрцӹ лӓктӹш гектар гӹц 36,4 центнер лин. Чангымы пӓшӓ йӹле ӹштӓлтӹн, кок этажан правлени пӧрт дӓ вольык анжымы 2 типовой комплекс — сасна дӓ шуран кого вольыкым анжымы. 1978 ин пенсиш лӓктӹн[4][5].

1959–1971 дӓ 1975–1980 ивлӓн Марий АССР-ын Кӱшӹл Советшӹн 4 созывын депутатшы лин[1][2], Совет районын да Шуарсола сельсоветӹн депутатшы, КПСС Мары обкомын членжӹ[4].

1971 ин «Социалистический Пӓшӓн Геройжы» званим пумы. Ленин орден дон медальвлӓ, тенгеок ВДНХ-ан ши медальжы, РСФСР Кӱшӹл Совет Президиумын, Мары АССР-ын Почётан грамотыжы (вӹц гӓнӓ) доно пӓлемдӓлтӹн[1][2][4][5].

1990 ин 10 июльын шачмы кымдемӹштӹжӹ колен[1][2]. Мары Эл Республикӹн Медведево районыштышы Окаш (Акашево) шӹгерлӓштӹ тайымы[4].

Пӓшӓ звани дон наградывлӓ

  • Социалистический Пӓшӓн Геройжы (1971 и 8 апрель)[1][2] — сола хозанлык производствым виӓнгдӹмӹ гишӓн дӓ кугижӓншӹлӓн мӱлӓндӹ пӓшӓ дон вольык продукцим выжалымаш шотышты вӹциӓш планым темӹмӓштӹ кого сӹнгӹмӓшӹш шомы гишӓн[4].
  • Ленин орден (08.04.1971)[1][2][4].
  • II степенян Кого Ӓтямӱлӓндӹ вырсы орден (01.08.1986)[4][6]
  • «Пӓшӓ доблесть гишӓн» медаль (26.11.1965)[4]
  • «Яжо пӓшӓ гишӓн» медаль. Владимир Ильич Ленинӹн шачмыжылан 100 и теммӹ лӹмеш (1970)[4]
  • ВДНХ-ан ши медальжы (1966)[1][2][4]
  • РСФСР Кӱшӹл Совет Президиумын Почётан грамотыжы (1960)[1][2][4]
  • Мары АССР-ын Кӱшӹл Совет Президиумын Почётан грамотыжы (1957, кок гӓнӓ, 1966, 1976, 1986)[1][2]

Ӓшӹндӓрӹмӓш

  • Мары Эл Республикӹн Советский район Нӧлпер солашты А. И. Павловын ӹлӹмӹ ӧлицӓм тӹдӹн лӹмжӹ доно лӹмдӹмӹ[4][7].
  • 2016 ин сентябрьын Мары Эл Республикӹн Советский районыштышы Нӧлпер солашты 55-шӹ №-ӓн пӧртӹштӹ тӹдӹн гишӓн мемориальный хангам вӓрӓнгдӹмӹ[4][7].

Примечани

  1. ↑ 1 2 3 4 5 6 7 8 9 10 11 12 Мочаев, 2007, с. 270.
  2. ↑ 1 2 3 4 5 6 7 8 9 10 11 12 Энциклопедия Республики Марий Эл, 2009, с. 607.
  3. ↑ Люперсола. Родная Вятка. Тергӹмӹ кечӹ: 3 майын 2024. Архивируйымы 3 майын 2024 года.
  4. ↑ 1 2 3 4 5 6 7 8 9 10 11 12 13 14 15 16 Павлов Андрей Иванович. warheroes.ru. Тергӹмӹ кечӹ: 3 майын 2024.
  5. ↑ 1 2 3 Павлов Андрей Иванович(неопр.). Марийская история в лицах. Тергӹмӹ кечӹ: 3 майын 2024. Архивируйымы 3 майын 2024 года.
  6. ↑ 1 2 Павлов Андрей Иванович (руш.). Музейный комплекс "Дорога Памяти". Тергӹмӹ кечӹ: 3 майын 2024. Архивируйымы 3 майын 2024 года.
  7. ↑ 1 2 Память останется. Марийская правда (4 апрельӹн 2007). Тергӹмӹ кечӹ: 3 майын 2024. Архивируйымы 3 майын 2024 года.

Литература

  • Бочков В. Председатель // Наши герои труда. Сборник очерков. — Йошкар-Ола: Марийское книжное издательство, 1974. — 265 с.
  • Васильев А. Е., Мочаев В. А. Павлов Андрей Иванович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 270. — 2032 экз. — ISBN 5-87898-357-0.
  • Павлов Андрей Иванович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 607. — 872 с. — 3505 экз. — ISBN 978-5-94950-049-1.
  • Кошкина О. А. Сельское хозяйство и колхозное крестьянство Марийской АССР в годы Великой Отечественной войны 1941—1945 гг. — Йошкар-Ола, 2010. — 247 с. — ISBN 978-5-94950-053-8.
  • Васильев А. Е., Мочаев В. А. Павлов Андрей Иванович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 325. — 606 с. — 1500 экз. — ISBN 978-5-905314-35-3.

Ссылкывлӓ

«https://mrj.ruwiki.ru/w/index.php?title=Павлов,_Андрей_Иванович&oldid=309754» гӹц нӓлмӹ