Павлов, Александр Иванович

РУВИКИ-штӹ техень фамили доно вес эдемвлӓ гишӓн статьявлӓ ылыт Павлов.

Александр Иванович Павлов
Шачмы кечӹ	20 август 1906(1906-08-20)
Шачмы вӓр	Козы сола, Порховский уезд, Псковский губерни, Российский импери
Колымы кечӹ	22 сентябрь 1966(1966-09-22) (60 и)
Колымы вӓр	Порхов[d], Псковский область[d], РСФСР[d], СССР[d]
Пырымаш	СССР
Войскан йиш	пехота
Служымы жеп	1939 и—1945 и
Звани
Кредӓлмӓш/вырсы	Советско-финляндский вырсы (1939—1940)[d] Кого Ӓтямӱлӓндӹ вырсы
Награда дӓ преми

Александр Иванович Павлов (1906—1966) — Пӓшӓзӹ-хресӓнь Якшар Армин капитанжы, советско-финский дӓ Кого Отечественный вырсывлӓн салтакшы, Совет Союзын Геройжы (1940).

Ӹлӹмӓш корныжы

Александр Павлов 1906 ин 20 августын Козы солаэш (кӹзӹт — Псковский областьын Порховский район) шачын. Тӹрӹс агыл кӹдӓлӓш школым тымень пӹтӓрӹмӹкӹ, сельсовет председательӹн вашталтышыжын пӓшӓм ӹштен. 1939 ин Павловым Пӓшӓзӹ-хресӓнь Якшар Армиш служаш нӓлӹнӹт. Политпӓшӓзӹвлӓн курсым тымень пӹтӓрен.

Советско-финский вырсышты, Йыдпелвел-Вадывел фронтын 7-шӹ армижӹн 13-шы куштылгы танковый бригадын 158-шӹ мотострелковый батальоныштышы политрукын вашталтышыжы должностьышты шалген, участвуен. 1940 ин 13 февральын Ляхде ӹлӹмӹ вӓр гишӓн кредӓлмӓштӹ (кӹзӹт — Ленинградский областьын Выборгский районжы) Павлов строй гӹц лӓкшӹ ротын политрукшым вашталтен, дзотым дӓ кок противотанковый хӓдӹрӹм пӹтӓрен. 1940 ин 18 февральын тӹдӹ Перойоки (кӹзӹт — Перовка) ӓнгӹр гач ванжен дӓ пакыла кешӹ кредӓлмӓштӹ цацен. Кӓпшӹм ӱштӹ нӓлӹн гӹнят, строеш кодын.

СССР Кӱшӹл Совет Президиумын 1940 ишӹ 21 марташ указшы доно «финский белогвардейщинӓ доно кредӓлмӹ фронтышты командованин заданижӹм яжон шоктымы гишӓн, тидӹн годым лӱддӹмӓшӹм дӓ геройствым анжыктымы гишӓн» изирак политрук Александр Павлов Совет Союзын Геройжы званим нӓлӓш стойышеш шотлымы ылын, Ленин орден дон 474-шӹ номерӓн «Шӧртньӹ Шӹдӹр» медальым кычыктымы.

Кого Отечественный вырсышты 1941 и июнь гӹц РГК-ан 120-шы пасна моторизованный батальонжын комиссаржы семӹнь участвуен. 1942 и май якте Ленинградский фронтышты кредӓлӹн. 1942 ин августын Гжатск сага кредӓлмӓштӹ лин, 18 августын нелӹн шушырген дӓ контузиялтын. Врачвлӓлӓн шалахай кид вургыжым пӹчкӓш вӓрештӹн. Кужы жеп лицӓлтмӹ паштек 1944 ин июньын 17-шӹ №-ӓн Бронетанковый заводын политический часть доно начальникӹн вашталтышыжы лин. Вырсы пӹтӹмӹкӹ, Павлов капитан звани доно запасыш лӓктӹн. Порхов халашты ӹлен дӓ пӓшӓлен. 1966 ин 22 сентябрьын колен.

Тенгеок Якшар Шӹдӹр орден дӓ икманяр медаль доно награждайымы ылын.

Примечани

Литература

• Герой Советского Союза политрук А. Павлов. Захват финских противотанковых пушек // Бои в Финляндии: Воспоминания участников. Ч. 2. — М.: Воениздат, 1941. — С. 92—93.
• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.